لجان مقاومة النهود : مليشيا الدعم السريع استباحت المدينة وارتكبت جرائم قتل بدم بارد بحق مواطنين    كم تبلغ ثروة لامين جمال؟    شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها    حين يُجيد العازف التطبيل... ينكسر اللحن    شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات    أبوعركي البخيت الفَنان الذي يَحتفظ بشبابه في (حنجرته)    جامعة ابن سينا تصدم الطلاب.. جامعات السوق الأسود والسمسرة    من رئاسة المحلية.. الناطق الرسمي باسم قوات الدعم السريع يعلن تحرير النهود (فيديو)    شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة    تتسلل إلى الكبد.. "الملاريا الحبشية" ترعب السودانيين    بحضور عقار.. رئيس مجلس السيادة يعتمد نتيجة امتحانات الشهادة السودانية للدفعة المؤجلة للعام 2023م    إعلان نتيجة الشهادة السودانية الدفعة المؤجلة 2023 بنسبة نجاح عامة 69%    والد لامين يامال: لم تشاهدوا 10% من قدراته    احتجز معتقلين في حاويات.. تقرير أممي يدين "انتهاكات مروعة" للجيش السوداني    هجوم المليشيا علي النهود هدفه نهب وسرقة خيرات هذه المنطقة الغنية    عبد العاطي يؤكد على دعم مصر الكامل لأمن واستقرار ووحدة السودان وسلامة أراضيه    منتخب الشباب يختتم تحضيراته وبعثته تغادر فجرا الى عسلاية    اشراقة بطلاً لكاس السوبر بالقضارف    المريخ يواصل تحضيراته للقاء انتر نواكشوط    الحسم يتأجل.. 6 أهداف ترسم قمة مجنونة بين برشلونة وإنتر    استئناف العمل بمحطة مياه سوبا وتحسين إمدادات المياه في الخرطوم    هيئة مياه الخرطوم تعلن عن خطوة مهمة    هل أصبح أنشيلوتي قريباً من الهلال السعودي؟    جديد الإيجارات في مصر.. خبراء يكشفون مصير المستأجرين    باكستان تعلن إسقاط مسيَّرة هنديَّة خلال ليلة خامسة من المناوشات    ترامب: بوتين تخلى عن حلمه ويريد السلام    إيقاف مدافع ريال مدريد روديغر 6 مباريات    تجدد شكاوى المواطنين من سحب مبالغ مالية من تطبيق (بنكك)    ما حكم الدعاء بعد القراءة وقبل الركوع في الصلاة؟    عركي وفرفور وطه سليمان.. فنانون سودانيون أمام محكمة السوشيال ميديا    تعاون بين الجزيرة والفاو لإصلاح القطاع الزراعي وإعادة الإعمار    قُلْ: ليتني شمعةٌ في الظلامْ؟!    الكشف عن بشريات بشأن التيار الكهربائي للولاية للشمالية    ترامب: يجب السماح للسفن الأمريكية بالمرور مجاناً عبر قناتي السويس وبنما    كهرباء السودان توضح بشأن قطوعات التيار في ولايتين    تبادل جديد لإطلاق النار بين الهند وباكستان    علي طريقة محمد رمضان طه سليمان يثير الجدل في اغنيته الجديده "سوداني كياني"    دراسة: البروتين النباتي سر الحياة الطويلة    خبير الزلازل الهولندي يعلّق على زلزال تركيا    في حضرة الجراح: إستعادة التوازن الممكن    التحقيقات تكشف تفاصيل صادمة في قضية الإعلامية سارة خليفة    الجيش يشن غارات جوية على «بارا» وسقوط عشرات الضحايا    وزير المالية يرأس وفد السودان المشارك في إجتماعات الربيع بواشنطن    حملة لمكافحة الجريمة وإزالة الظواهر السالبة في مدينة بورتسودان    ارتفاع التضخم في السودان    شندي تحتاج لعمل كبير… بطلوا ثرثرة فوق النيل!!!!!    انتشار مرض "الغدة الدرقية" في دارفور يثير المخاوف    مستشفى الكدرو بالخرطوم بحري يستعد لاستقبال المرضى قريبًا    "مثلث الموت".. عادة يومية بريئة قد تنتهي بك في المستشفى    وفاة اللاعب أرون بوبيندزا في حادثة مأساوية    5 وفيات و19 مصابا في حريق "برج النهدة" بالشارقة    عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر    ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين    الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة    حسين خوجلي يكتب: نتنياهو وترامب يفعلان هذا اتعرفون لماذا؟    من حكمته تعالي أن جعل اختلاف ألسنتهم وألوانهم آيةً من آياته الباهرة    بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام    بيان مجمع الفقه الإسلامي حول القدر الواجب إخراجه في زكاة الفطر    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



أحلى من ال (شرف) مافيش
قوون نشر في قوون يوم 06 - 01 - 2016

في كل افلام يوسف عيد يبدو فيها بي (فانلة بي حمالات) ..وواقف على كدا في البلكونة ..وهو عضلات ما عنده
""""""""""""""""""""""""""""
مزمل ابوالقاسم كان يعتبر تسجيل بكري المدينة في المريخ بعد عقده من الهلال (فلاحة)
"""""""""""""""""""""""""
امشوا قولوا كلامكم دا لي شبيبة القيروان ..ما تزعجونا ..نحن عندنا معسكر اعدادي في تونس وعندما جوهرة زرقاء ..ما فاضين للخمة دي
"""""""""""""""""""""""""""""""""
• المريخاب ديل يتخيل لي كدا مزمل ابوالقاسم لو قال ليهم (الجنوب) لسه ما اتفصل بيصدقو.
• ويقعدوا يغالطوا سلفاكير.
• ممكن يقول ليهم انتظروا اجتماع لجنة الاستئنافات ..بيرجعوا لينا الجنوب!!.
• ويقعدوا على كدا.
• مزمل لو قال للمريخاب سد النهضة ..ما قانوني ..عشان (كرتو) عند عبدالفتاح السيسي بيقتنعوا.
• صلاة النبي أحسن.
• تقفز في حياتنا العادية (شخصيات) درامية فتجسد واقعا كنا نشاهده في الشاشة الغشاشة.
• توفيق الدقن الممثل المصري الراحل (1924 – 1988) اشتهر في السينما المصرية بادور (الشر) ومشتقاته فهو دائما في السينما يجسد دور السكير والعربيد والبلطجي واللص.
• كان يبدع في ادوار (الشر) بتلقائية (مضحكة) حتى ان والدته (ماتت) في (المنيا) قهرا عليه لاعتقادها ان ابنها الوحيد اصبح في القاهرة لص وسكير.
• الدقن بشخصيته (المرعبة) وصوته (الجلجال) يفرض علينا وجوده الآن – فما يحدث الآن قريبا من ذلك الذي يحدث في السينما المصرية.
• صلاة النبي أحسن.
• اشتهر توفيق الدقن بافيهات شهيرة في السينما المصرية لم ينافسه فيها أحد إلى الآن ، حسب رؤية نقاد السينما المصرية.
• وان كنت احسب في ذلك ايضا تميز واضح للممثل المصري الراحل (يوسف عيد) في الافيهات ، ونجاحه في ادخال (حركات) مع الافيهات...بكركتره الكوميدي.
• في كل افلام يوسف عيد يبدو فيها بي (فانلة بي حمالات) ..وواقف على كدا في البلكونة ..وهو عضلات ما عنده.
• افيهات توفيق الدقن ماركة مسجلة للضحك...بعده احدث يوسف عيد نقلة في الافيهات وكان قد سبق لنا الكتابة عن يوسف عيد.
• نتوقف اليوم عند اوضح بصمات توفيق الدقن في السينما المصرية.
• وقد خلدت السينما المصرية لتوفيق الدقن هذه الافيهات وهي (أحلى من الشرف ما فيش) ، ( أستر يا اللي بتستر) ، (صلاة النبي أحسن) ، (خلاص يا نوسه هانت والنبي) ، (انتباه يا دانس) ، (يا آه يا آه) ، (ألو يا همبكة) ، (على ودنه)، (ألو يا أمم) ، و(العلبة دي فيها إيه؟ فيها فيل).
• الليلة عاوزين نكتب ليكم بلزمات (توفيق الدقن) والذي اخترنا لازمته (احلى من الشرف ما فيش) عنوان لهذا العمود باعتبار (شرف) شيبوب.
• نحن ح نفصل من حين لآخر بمقطع لتوفيق الدقن.
• عشان الموضوع شايفو سخن شديد.
• موضوع شيبوب احلى ما فيه انه فرتك المريخ.
• صدع بيهم.
• الفراش بقى بصورة واضحة في الاعمدة.
• كما اوضح موضوع شيبوب ان المريخ قاعد ساكت ..وكشفو مكشوف.
• مزمل ابوالقاسم امس كتب في عموده (كبد الحقيقة) مناحة رسمية خلتنا نسمي عمود مزمل (فشاش الحقيقة).
• العلبة دي فيها إيه؟ فيها فيل!!!.
• اذا رجعنا الى ما كتبه الحبيب مزمل ابوالقاسم في عموده امس سوف نجد كمية من التناقضات التى يبدو ان (شيبوب) كان سببا في ظهورها وفي خروج مزمل ابوالقاسم بهذه الصورة الانفعالية.
• مزمل كتب امس : (تابعت خلال الأيام الماضية مع الصديق كمال ود العمدة محاولات الهلال لإقناع نادٍ تونسي صغير بتشييد الكوبري الجديد، لكن النادي المذكور غالى في مطالبه ، واشترط إخضاع شيبوب لكشف طبي واختبارات فنية).
• طبعا مزمل ابوالقاسم دائما بيضع نفسو في موقع انه متابع اي شيء ..وانهم ما في حاجة بتفوت عليهم.
• حالتكم دي متابعين.
• طيب لو ما تابعتوا كان حصل شنو؟..كان فقدتوا (امير كمال).
• العلبة دي فيها إيه؟ فيها فيل!!!.
• مزمل ابوالقاسم يقول ان الهلال حاول اقناع نادي تونسي صغير...كيف للهلال الذي فشل في اقناع نادي صغير ان يقنع فريق شبيبة القيروان وهو فريق كبير ...من يفشل في اقناع نادي صغير لا يستطيع ان يقنع نادي في حجم فريق شبيبة القيروان.
• هذه براءة قدمها مزمل للهلال ..وان كان الهلال لا يحتاج لبراءة من مزمل.
• صلاة النبي أحسن
• يعود مزمل ويقول ان النادي الصغير غالى في مطالبه ..واشترط اخضاع شيبوب لكشف طبي واختبارات فنية ...(كل هذه الاشياء تثبت ان اللاعب لم ينتقل لتونس ككبري).
• ما في كبري بشترط الحاجات دي ..إلّا اذا قصد الاستفادة حقا من اللاعب...عندها دا بيبقى لا كبري ولا حاجة.
• قصد مزمل ابوالقاسم بكلامه هذا التدليل على اصابة (شيبوب) ..لذلك رفض الهلال اجراء الكشف الطبي على اللاعب.
• عليكم الله في لاعب مصاب ..بتسلق ليه ماسورة.
• في لاعب مصاب بقفز من الطابق الرابع.
• في لاعب مصاب ..بحوم ليه في اربع مطارات – وفجأة كدا بظهر في تونس.
• بعدين هو وقت (مصاب) – الجرسة ليكم في شنو؟.
• في لاعب مصاب بشتكوه وبطالبوا بتصعيد قضيته للفيفا.
• ألو يا همبكة.
• المضحك في الامر ان مزمل ابوالقاسم اعتبر تسجيل لاعب هاوي في المريخ كمحترف في نادي شبيبة القيراون كارثة..واعتبرها فضيحة لاتحاد كورة القدم السوداني وقال بالحرف كدا (ما حدث أمس يحوي تطوراً بالغ الخطورة في مسيرة الكرة السودانية. تحدى نادي الهلال ممثلاً في رئيسه أشرف الكاردينال كل القوانين المنظمة للانتقالات محلياً ودولياً، وأغوى لاعب نادٍ منافس وجعله يتمرد على ناديه، وأغدق عليه المال، ليحوله إلى نادٍ آخر، خارج السودان، سعياً إلى إعادته لاحقاً عبر كوبري دولي. لو مرت مثل تلك الممارسة مرور الكرام فعلى الكرة السودانية السلام!).
• عليكم الله في خطورة اكتر من يمنح الاتحاد هذا بطولة الممتاز لنادي يتخلف ب (9) نقاط من متصدر البطولة.
• القوانين المنظمة دي كانت وين لمن ضبحتوا الامل عطبرة ..هسع يا دوب عرفتوا القوانين المنظمة.
• في قوانين منظمة بتخرج (الشرطة) من الملعب.
• في قوانين منظمة بتعتبر هلال كادوقلي خاسر نتيجة مباراته مع المريخ لأنه اشرك لاعب قال ان تسجيله الذي تم قبل سنة ونص غير صحيح.
• والله وقت تتكلموا عن القوانين ..بنضحك عليكم.
• مزمل ابوالقاسم كان يعتبر تسجيل بكري المدينة في المريخ بعد عقده من الهلال (فلاحة).
• كان بعتبر الموضوع دا (شطارة).
• وكان التندر والسخرية من الكاردينال وصوره مع اللاعبين.
• هسع الموضوع بقى ليكم حار.
• وين كانت قوانيكم دي وقت بكري المدينة ضرب ليه حكم بونية وشارك في المباراة التالية.
• ليه الموضوع دا اعتبرتوه (فهلوة) منكم.
• وورقة من اسامة عطا المنان.
• ومزمل يقول (لو مرت مثل تلك الممارسة مرور الكرام فعلى الكرة السودانية السلام)..لاعب هاوي وقع في نادي خارجي كمحترف (المشكلة) وين؟.
• الكورة السودانية مررت (فضائح) ..ألا تمرر حق قانوني للاعب شيبوب.
• ألو يا همبكة.
• ويقول مزمل مهددا (المسخرة التي تواصلت فصولها في تونس أمس تؤكد أن كرة القدم السودانية دخلت منعطفاً خطيراً بأمر الكاردينال، لأن المريخ لن يصمت على تلك الفعلة، وسيسعى إلى الرد عليها بالمثل).
• عليكم الله ما تصمتوا.
• اقعدوا مع برنس عطبرة.
• مع معتصم عبدالقادر.
• اي حاجة في يدكم اعملوها ..وقد سبقتم الهلال في تسجيل بكري المدينة بعد ان وقع مع الهلال واستلم مقدم عقده وسجلتوه.
• بكري المحترف ..هتكتوا (عقدو) مع الهلال ..بتلوموا شبيبة القيروان في تسجيلها للاعب هاوي.
• كلامكم دا ..جرستكم دي اعملوها في تونس.
• امشوا قولوا كلامكم دا لي شبيبة القيروان ..ما تزعجونا ..نحن عندنا معسكر اعدادي في تونس وعندما جوهرة زرقاء ..ما فاضيين للخمة دي.
• تناقضات مزمل جعلته يقول : (لا غرو ولا غرابة في ما يفعله الكاردينال بالكرة السودانية، لأنه دخيل عليها، ولا دراية ولا خبرة له بقوانينها، بدليل أنه أعلن من قبل أنه سيعيد بكري المدينة للهلال، وسيحرمه من ممارسة كرة القدم، مثلما حاول نقل شيبوب للجنوب وفشل في مسعاه، واشترى قبل ذلك كرت لاعب هاوٍ، وأعلن أنه بات لاعباً للهلال من دون أن يوقع عقداً مع اللاعب المعني ألوك).
• الاصيل في الكورة طبعا جمال الوالي واسامة ونسي!!...الكاردينال دخيل.
• ديل لعبوها في الحرية والاحرار وابوعنجة وفالنسيا ذاتها!!.
• انتوا يا مزمل ابوالقاسم (شيبوب) دا ما رجعتوه من (جوبا)..وقعد مع اسامة ونسي في بيته واتكلم مع الوالي بالتلفون ..واتصور معاه عبدالحي عبدالتام او (محي الدين عبدالتام) وابوجريشة ..وكتبت فيه عمود (حبوب شيبوب)..وما سجلتوه.
• اللاعب الآن في شبيبة القيروان بعد رهانكم عليه وبعد ان طفتم به (4) مطارات.
• لماذا السخرية من الكاردينال الآن - لأنه لم ينجح في تسجيل بكري المدينة ..ليه دي بتشوفها (ضربة) للكاردينال ..وديك بتشوفها تجاوز للقوانين المنظمة.
• خلاص يا نوسه هانت والنبي!!.
• ويقول مزمل : (لذلك نرجو منه أن يسارع لتكوين لجنة قانونية لمتابعة القضية وتصعيدها إلى الفيفا. نرشح أمين عبد القادر، والدكتور مدثر خيري، والدكتور ياسر صلاح لتولي الجانب القانوني، ونقدر مبادرة قطب المريخ آدم سوداكال الذي أعلن تكفله بدفع كل نفقات التقاضي في قضية شيبوب).
• أستر يا اللي بتستر.
• عليكم الله لو عندكم قروش احسن تصرفوها على معسكركم في اديس..حالتكم قالوا صعبة.
• جيبوها (لحمة).
• اصرفوها على (25) لاعب بدل من ان تصرفوها على لاعب واحد لن يعود اليكم مرة ثانية.
• بعدين آدم سوداكال بعد الهجوم والانتقادات التى وجهت ليه ..عاوزنو يدفع ليكم قروش القضية.
• خلوها يدفعها ليكم جمال الوالي ...وإلّا جمال الوالي ما بدخل ليه في قضية خاسرة.
• خلاص يا نوسه هانت والنبي!!.
• بالمناسبة اعلام المريخ ..عاوز يبعد اعلام الهلال من الكتابة في القضية ومن السخرية من الحال الذي وصل اليه المريخ بتهديدهم بتصعيد القضية وبدخول الهلال كطرف ثالث.
• الجماعة ديل ما تشتغلوا بيهم ..افرحوا فرحتكم ..واكتبوا عن شيبوب ..وخلوه يسجل زيارة لمعسكر الهلال في تونس ..ما فيها اي حاجة.
• خلوه يتمرن معاهم عديل كدا.
• بعدين كان لي صور الكاردينال مع شيبوب ..ما تشيلوا اي هم.
• الكاردينال اتصور مع (بكري المدينة).
• واتصور مع الوك.
• وامير دامر ذاتو عندنا صور معاهو ..المشكلة شنو؟.
• يعني بقت على (الصور).
• أستر يا اللي بتستر.
• بالمناسبة ودي هدية من عندي ..شيبوب طلع شغال (موظف) في احدى شركات الكاردينال في الجنوب ...اصلا هو لاعب (هاوي).
• لكن الآن مفروض الكاردنيال يفصلو طوالي من الشركة!!.
• ..........
• ملحوظة : وصلاة النبي احسن.
هوامش
• في افتتاح الجوهرة الزرقاء ..تجيبوا لينا ريال مدريد ..برشلونة ..الاهلي المصري ...ما عندنا مشكلة.
• بس اهم حاجة تجيبوا لينا شبيبة القيروان في المهرجان.
• عاوزين لينا مباراة مع فريق شيبوب.
• .......
• عاجل : العلبة دي فيها إيه؟ فيها فيل.

انقر هنا لقراءة الخبر من مصدره.