سودارس : تاني ما أسمع لي واحد فيكم بتكلم عن (الانضباط)

مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) النفط يستقر وسط خسائر أسبوعية والذهب والفضة ينتعشان "ميتا "تسجّل براءة اختراع لمحاكاة المستخدمين بعد وفاتهم تطوير بطارية تُشحن خلال ثوانٍ وتصمد 12 ألف دورة شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل) شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟ بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة شاهد.. حسناء الفن السوداني "مونيكا" تشعل مواقع التواصل بجلسة تصوير جديدة شاهد.. الفنان مأمون سوار الدهب بعد زواجه: (زارتني الملائكة) اكتشاف مركبات "زائفة" تشعل نوبات الربو دراسة: القراءة والكتابة تخفِّضان خطر الزهايمر 40% طلاب شرق دارفور يسيرون قافلة وطنية إلى جنوب كردفان برعاية والي شرق دارفور شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) ترتيبات لإعادة تشغيل مصنع ألبان بركات وإنشاء مزرعة لتربية الماشية من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء) صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية تشغيل مصنع الاوكسجين بمستشفى الدبة المركزي الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى المريخ يبارك انتخاب رئيس إتحاد سيكافا وأعضاء اللجنة التنفيذية مساعد قائد الجيش يكشف عن فساد وزير كبير إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها ارتفاع في اسعار محصول الذرة واستقرار سعر السمسم بالقضارف أمس إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تاني ما أسمع لي واحد فيكم بتكلم عن (الانضباط)

قوون نشر في قوون يوم 20 - 07 - 2016

أنتوا الصينيين بتاعين (الفكس) ديل بتجيبوهم من وين ؟..عشان تقعدوا تتصوروا لينا معاهم
مجلس المريخ الذي فشل في ملف (الاستثمار) جاء وفشل بامتياز كامل في ملف (الانضباط)
عنكبة في المريخ ما قاعدين نشوف ليه أي شيء غير (الرقيص) مع كوفي بعد أن يسجل الآخر هدفاً للمريخ
مضى على مجلس المريخ المُعين (40) يوماً ..وتبقى لهم أقل من خمسة أشهر مع ذلك ملف الاستثمار لا حس ولا خبر

مجلس المريخ أبو (28) عضواً (بص الوالي) – تقول (فصل) مسائي …قبل أن يأتي هذا المجلس ويعيَّن بقرار وزاري كان هذا المجلس بحدث أهل المريخ عن (الاستثمار).
زحمونا ليكم بي موضوع (الاستثمار) دا لمن نحن شكينا.
وهم (50) دولار لسالمون ما عندهم.
شفتوا الزول وقت يكون حق المواصلات ما عندو ..ويقول ليك عاوز أعرس في العيد..بفقع مرارتك.
أعضاء مجلس المريخ الحالي كانوا بتكلموا عن (المشاريع) الهلامية الكبيرة التى كانوا يبشروا بها جماهير المريخ.
الناس بتصدق وبتعشم.
من حقهم ..يتعشموا.
أصلو (العشم) ما حق زول.
ولا في جهة بتقدر تمنعو.
نحن قلنا (الوصيف) ح يعمل ليه (مول).
وصيفنا ما ساهل والله ح يعمل ليه فندق خمسة نجوم.
ونادي أسري.
الوصيف ما عندكم يا ناس الهلال.
وصيفكم عينّه ..بي موله.
حدثونا عن (المول التجاري) – عليك أمان الله لغاية الآن (طبلية) ما شفناها ليهم.
طبلية شنو؟…يمين الله ولا (درداقة).
ديل لسه بيصرفهم أسامة عطا المنان من وكالته.
طبعاً بلف (النفط) اتقفل من بدري.
كانوا بحدثونا عن النادي الأسري في الحتانة ..ونادي المريخ الأيامات دي هو براهو في عضمتو تحاصره الأمطار.
وحدثونا عن فندق من خمسة نجوم.
فندق البدقو فيه التوم والشطة والشمار …ما شفناه ليه.
قاعدين ساكت.
فندقكم دا ..لو عملتوه يا ربي منو (البنط) منو ؟.
شيبوب بنط من فنادق جوبا – هسع ناس جمال الوالي عاوزين يختصروا المسافة ويعملوا ليهم (فندق) في أم درمان عشان يسهلوا (النط) للاعبي المريخ.
مضى على مجلس المريخ المعين (40) يوماً ..وتبقى لهم أقل من خمسة أشهر مع ذلك ملف الاستثمار لا حس ولا خبر.
الجماعة كل أسبوع كدا بتصوروا ليهم مع (صينيين) وبقولوا لينا المجلس يناقش ملف الاستثمار مع الشركة الصينية.
أنتوا بتناقشوه ب (الصور).
الكاردينال براهو جاب الشركة الصينية من غير ما يقعد يتصور مع (صيني) واحد.
وبراهو عمل (الجوهرة الزرقاء) من ثلاثة طوابق.
والكاردينال بخطط الآن للأكاديمية.
وأنتوا لغاية الآن قاعدين تتصوروا لي مع (الصينيين) في شارع عبيد ختم.
الصيني القاعدين تتصوروا معاه دا ..يوم داك شايفو جنب الجامع الكبير حايم ليه بي (علبة فكس).
أنتوا الصينيين بتاعين (الفكس) ديل بتجيبوهم من وين ؟..عشان تقعدوا تتصوروا لينا معاهم.
الأخطر من ذلك أن مجلس المريخ الذي فشل في ملف الاستثمار جاء وفشل بامتياز كبير في ملف (الانضباط).
فشل ذريع.
زي ما طلع كلام (الاستثمار) كلام جرايد ساكت …ملف (الانضباط) برضو طلع كلام ساي.
أهو كل كلام في كلام.
الاستثمار قلنا ما عندكم (قروش)…الانضباط مالكم؟.
كمان الانضباط عاوز ليه قروش.
في الانضباط فشلوا.
في الانضباط رسبوا.
تاني كدي أسمع لي واحد فيكم ولو بالغلط بتكلم عن (الانضباط).
ما عاوز أسمع أي كلمة (انضباط) هنا.
مجلس المريخ الذي خرج علينا بثورة (انضباطية) شاملة في المريخ ..وتحدث عن الأمر في الجرايد وأفتى فيه بعد إيقاف علاء الدين يوسف وبكري المدينة رجع ولحس كلامو كلو في الانضباط.
نسوا كلامهم داك كلو.
لحسوه.
عليكم الله اعتذار بكري المدينة شنو طعمو؟ ..عشان مجلس من (28) عضواً يقوم ويقعد في الاعتذار.
والله دا (الاعتذار) الأقبح من الذنب.
نحن لو صدقنا أن بكري المدينة اعتذر ..أنتوا بتصدقوا الكلام دا.
المجلس عمل ليه مسرحية اسمها (اعتذار بكري) ..عشان يرجع بكري المدينة بعد أن غلبهم الصبر على عنكبة وعبده جابر.
بيني وبينكم بكري المدينة بي كل تفلتاته أحسن ليهم من عنكبة.
يعتذر أو ما يعتذر.
الزول دا في المريخ ما قاعدين نشوف ليه أي شيء غير (الرقيص) مع كوفي بعد أن يسجل الآخر هدفاً للمريخ.
أنت يا عنكبة اتعاقدوا معاك على (الرقيص).
جايبنك عشان ترقص مع (كوفي).
أنت أهدافك وينها مع المهاجمين؟.
عملت لينا فترتك في المريخ كلها (رقيص).
المهاجم مهمتو يجيب (الأقوان).
المهاجم (الرقيص) ما مهمتو.
خالد النعسان بقى يجيب ليه قون ..وعنكبة (يرقص).
النعسان بيسجل.
رقصتك دي يا عنكبة ..طبعاً لو لقاها فيصل سيحة بيحسبها ليك (قون).
أصلو سيحة ما بقيف في الحاجات دي.
طوالى قون للمريخ.
الذي نريد أن نقوله هنا إن بكري المدينة بقدم في خدمات جليلة للهلال وهو بيلعب في المريخ.
بكري المدينة أسس لفوضى شاملة في المريخ.
أحدث انشقاقاً واضحاً بين لاعبي المريخ.
بقى هناك (كتلة الهلال) في المريخ ..و(كتلة المريخ) في المريخ.
هذه المجموعات أسسها بكري المدينة (مشكوراً).
وساعد على قيامها مجلس المريخ وإعلامه.
بكري المدينة عندما تمت معاقبته عمل مشكلة.
وعندما قصدوا رفع العقوبة عنه بمسرحية مكشوفة ..سوف يعمل مشكلة كبرى.
والله نحن ما عاوزين من بكري المدينة أكتر من ذلك.
على الأقل بكري المدينة وحده كشف لنا مزاعم (28) عضواً.
كشفهم على حقيقتهم.
يلا بلا انضباط بلا لخمة معاكم.
كملوا فترتكم في (فوضتكم) دي واتخارجوا.
باقى ليكم (5) أشهر…طلعتوا لا (استثمار) ولا (انضباط).
وإن شاء الله وبي إذنه وتوفيقه تطلعوا لا دوري ولا كاس.
نحن في البداية افتكرنا جمال الوالي استفاد من تجاربه.
افتكرناهم عاوزين يبدو صاح.
قلنا الناس ديل المرة دي ..منهم خطورة لو بقوا قدر كلمتهم.
لكن الحمدلله بكري المدينة كشفهم لينا.
بكري المدينة (عافي منو أنا) زمن كان بيلعب بي لاعبي المريخ ..يعمل الحاجة البتريحو.
بكري المدينة هسع بيلعب بي المجلس بي حالو.
ويا ريت لو كان المجلس ..مجلس عادي كدا.
أبداً …مجلس بتكون من (28) عضواً.
بكري المدينة بيلعب ليه بي مجلس من 28 عضواً.
أصلكم ما بتتعلموا.
ولا بتستفيدوا.
يا هو حالكم.
ويا هي طريقتكم.
إعلام المريخ ممكن يهلل ليكم في كل خطواتكم ..في كل قراراتكم…دي طبيعته.
وقفوا بكري المدينة ..قالوا دا أحسن قرار.
أعادوا بكري المدينة ..قالوا ما في أحسن من كدا.
أتمنى مرة واحدة يكون لإعلام المريخ موقف.
أتمنى يكون إعلام المريخ عندو (رأي).
المجلس خلوه.
المجلس نحن قنعانين منهم.
مجلس اختار عضويته جمال الوالي ..منتظرين منو شنو؟.
ولا حاجة.
تأكدوا أن هذه القرارات سوف تقود المريخ للمزيد من الهزائم.
وللمزيد من الفوضى.
انتظروا الأيام القادمة فهي أسوأ.
………
ملحوظة : شكراً ليك كتير يا بكري المدينة…أصلك ما قاعد تقصر معانا.

هوامش

مسكين علاء الدين يوسف.
القرار مقصود بيه علاء الدين يوسف.
علاء الدين يوسف ذاتو لولا إيقاف الاتحاد الأفريقي له …كان شافوا ليه (اعتذار).
الجماعة ديل ما بصمدوا.
الجماعة ديل ما عندهم (موقف).
ما عندهم (كلمة).
بكري المدينة منو البوقفوا (6) أشهر.
أنت يا عنكبة ..ما استفدت أي حاجة من إيقاف بكري المدينة.
لا أنت ولا عبده جابر.
إن شاء الله الليلة بكري المدينة يشارك أمام الرابطة.
عشان الناقصة تتم.
القرار سوف ينعكس على لاعبي المريخ.
شوفوا براكم ..واحكموا بي نفسكم.
الهلال بكره على موعد مع (المتعة).
الجوهرة في مباراة الهلال وهلال كادوقلي كان فيها (مقاعد) خالية.
بكره ما عاوزين مقعد فاضي.
عاوزين جمهور الهلال يرجع.
الهلال رجع.
في انتظار (الجمهور).
تعالوا اتونسوا تاني في الجوهرة.
تعالوا اتجمعوا.
استمتعوا بي هلالكم.
خلوا الكورة في التلفزيون.
الكورة جوه أجمل.
دي فرصة تاني ما بتلقوها.
الهلال بعد هذه المباراة ح يغيب أسبوعين من الخرطوم.
ح يسافر الهلال إلى نيالا ثم يغادر إلى مدني ثم إلى شندي.
عشان كدا بكره تعالوا احضروا واشحنوا لعيبتكم.
اقيفوا معاهم.
أملوهم بركة.
14 يوماً ما ح تشوفوا ليكم متعة في أم درمان.
بكره يوم الجماهير.
تعالوا من أي حتة.
ما قاعدين تقصروا.
الهلال بكره عاوز يرد ليكم (الروعة).
ابقوا مارقين على الجوهرة.
…………….
عاجل : بكري المدينة المرة دي لو رجع بيرجع بي شروطو…ما بي اعتذارو.

انقر هنا لقراءة الخبر من مصدره.