سودارس : ناس المريخ الي الان شغالين ب (لو عاوز تغيظهم تعال لنا بالبرينسة)

بالصورة.. مذيعة قناة "البلد" ملاذ ناجي: (فاطمة الصادق خربت لي برنامج "اعترافات" لمدة عشرة مواسم) بالصورة.. الصحفية ومديرة قناة "البلد" فاطمة الصادق تخطف الأضواء وتبهر متابعيها في اليوم العالمي للمرأة شاهد بالفيديو.. المطرب السوداني المثير للجدل عبد الخالق الدولي: (وضعي المادي ممتاز شديد و"الشدادين" هم السبب في الشائعة التي تلاحقني) شاهد بالفيديو.. سودانية تنشر مقطع لها داخل "الحمام" وتتغزل في جسمها بملابس الاستحمام وتثير موجة من الغضب على مواقع التواصل الكشف عن تدمير موقعين مهمين لميليشيا الدعم السريع مسعد بولس حان الوقت لقبول طرفي الصراع في السودان الهدنة وزير الداخلية يتفقد أعمال الصيانة والتأهيل بمجمع خدمات الجمهور ببحرى ومستشفى الشرطة وجامعة الرباط الوطنى ودارالشرطة ببرى رئيس لجنة التدريب يهنئ الحاصلين على الرخصة D الأفريقية ويزف البشرى بقيامها بعد العيد بكوستي هل يكرر كريستيانو رونالدو تجربة صيام رمضان مع لاعبي النصر في 2026؟ عودة جراحات القلب للأطفال بمستشفى أحمد قاسم مفوض الإستثمار بالخرطوم يشدد على تسهيل إجراءات الاستثمار أول تعليق من طليق شيماء سيف على تصريحاتها "أنا اللي قلبته" عضو مجلس السيادة الفريق إبراهيم جابر يؤكد المضي في حسم التمرد لجنة المنتخبات الوطنية بالاتحاد السوداني لكرة القدم تعقد اجتماعها الأول الأربعاء برئاسة عطا المنان النفط يقفز وسط مخاوف الإمداد المريخ يواجه تحدي البوليس وعينه على النقاط الثلاث النفط يتخطى عتبة ال100 دولار دون إتلافها.. الطريقة المثلى لتنظيف الشاشات "أبطال حارسينكم".. آخر رسالة لفهد المجمد تشغل الكويتيين سحب دم التحاليل في رمضان هل يفسد الصيام؟ الجيل يكتسح نجوم حي العرب برباعية بدوري عطبرة بعد تراشق الفنانين عبر منصات التواصل.. نقابة الممثلين في مصر تعلق انتخاب مجلس جديد للجنة الأولمبية السودانية هدف مذهل من لامين يامال يقود برشلونة إلى هزيمة بلباو ياسمين عبدالعزيز تستعين بعادل إمام في معركة الأعلى مشاهدة تشيلسي يجتاز ريكسهام بصعوبة اكتشاف بكتيريا حية تُسرّع شفاء العين دراسة: الاستيقاظ مبكرًا مرتبط بالجينات الصادق الرزيقي يكتب: الخلاف بين موسى هلال و حميدتي لماذا وكيف … (4) توضيح من وزارة الطاقة بشأن ترتيبات استيراد الوقود الطاقة في السودان توضّح بشأن الإمدادات البترولية سؤال إلى الأمن الاقتصادي بجهاز المخابرات العامة في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) عثمان ميرغني يكتب: أين أخطأت إيران؟ التربح من تيك توك بين الحلال والحرام.. علي جمعة يوضح روسيا تدق ناقوس الخطر: حرب إيران قد تدمر الاستقرار العالمي تحركات ملحوظة في سعر الريال السعودي الدولار يواصل الصعود والذهب يرتفع عاجل.. قطر تعلن عن تهديد وتطالب المواطنين بالبقاء في المنازل وزارة الطاقة .. الإمدادات الحالية من المشتقات البترولية في البلاد مستقرة طفح جلدي في رقبة الرئيس ترمب يثير تساؤلات حول صحته الحرب الإيرانية وارتداداتها المحتملة على السودان هلال كوستي يواصل تألقه الثقافي في ليالي رمضان.. وأغاني الغربة والحنين تشعل دار النادي تواصل ارتفاع اسعار محصول الذرة بالقضارف وزير الصحة يشيد بجهود الصليب الأحمر في دعم الخدمات الطبية بالسودان فرق الإنقاذ البري بقوات الدفاع المدني ولاية الجزيرة تنتشل جثماناً من بئر بمستشفى الكلي في أبو عشر بعد عملية دقيقة معقدة ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة السودان.. مباحث مكافحة سرقة السيارات تطلق تحذيرًا جديد واقعة بدلة الرقص في مصر.. أقوال الفتاة وإحالة المتهمين للجنايات بالصورة.. الفنان مأمون سوار الدهب يكتب عن علاقته بشيخ الأمين ويتحدث عن الصورة المثيرة لشيخه مع المطربة هدى عربي ألقت رضيعها بالقمامة فنهشته الكلاب أمامها…جريمة تشغل الليبيين

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ناس المريخ الي الان شغالين ب (لو عاوز تغيظهم تعال لنا بالبرينسة)

قوون نشر في قوون يوم 29 - 02 - 2012

· زمان كان في اغنية ...تمشي أي حفلة تلقاها.
· متل الزول العاوز منو قروش ...محل ما تمشى ...تلقى قافل ليك الشارع.
· اغنية كانت في أي حتة...زي ريحة الحلومر قبل شهر من رمضان.
· (الفنانين) كانوا بنزلوا (غنيتهم) دي قبل (عدتهم).
· اغنية زي برميل الموية ...في أي حفلة موجودة.
· بمناسبة (برميل الموية) دا.
· عندنا زول بعتقد انو ما في عرس في الدنيا دي بتم إلا لو تم تجهيز (براميل الموية) قبل وقت كافى من العقد.
· يا ولد جهزتوا (البراميل)...اوعكم تحرجونا مع الضيوف.
· اهم شيء في العرس عندو (براميل الموية).
· الفضحية في اعتقاد الزول دا ...ناس السيرة يصلوا والموية تقطع في المناسبة.
· عشان كدا زولكم دا كان بصر على براميل الموية.
· بمناسبة (الجنينة) دي.
· مرة في زول لاقاني قال لي عرفتني؟.
· قلت ليه ابدا.
· قال انا ممثل.
· قلت ليه : منو يعني ؟...نور الشريف!!؟.
· قال لي ابدا.
· قلت ليه : محمود عبدالعزيز؟.
· ابدا.
· عادل امام؟.
· ابدا.
· ابراهومة.
· قال لي : ابدا.
· قلت ليه : منو يعني ..انا في الممثلين بعرف الاربعة ديل ...غيرهم ما بعرف أي ممثل.
· لو بقيت (محمود المليجي) ما بعرفك.
· زولكم (انبقص) وعمل فيها بقرأ ليه في رسالة في تلفونه.
· هسع (الجنينة) الدخلها في الموضوع دا شنو؟.
· عشان ما نتكلم كتير ...نرجع لي موضوع (العرس).
· الاعراس فى السودان افرزت لينا (تخصصات) عجيبة.
· والتخصصات دي ممكن تكون موضوع (دراسة).
· في زول في العرس بتلقى بهتم بي (الموية).
· التلج ...والبراميل الفاضية.
· والابريق البطفش بمشي يفتشو.
· وفي زول في العرس بهتم ب (الكشافات) وتوصيلات الكهربا.
· تلقى الزول قاعد معاك بشرب في الشاي في امانة الله.
· فجأة ينط يقول ليك : (الحتة دي مفروض يركبوا فيها كشافة).
· فجأة تانية.. تلقاه راكب في رأس البيت بربط في الكشافة.
· في زول في العرس تلقى متابع (الصواني).
· تخصصو في الدنيا دي (صواني).
· نزل صينية هنا ...وشيل الصينية دي يا ولد.
· اقعدوا يا جماعة ما تقوموا.
· في الصوانى ذاتو في تخصصات.
· واحد بكون تخصصو (الزيادة).
· جيب عيش يا ولد.
· شيل الصحن وجيب ليك (دمعة).
· عندكم حاجة ناقصة يا جماعة.
· مشيت مرة 187 مناسبة عرس...ما سمعت بالغلط زول قاعد ليه في (صينية) قال عاوزين زيادة (سلطة اسود).
· اشمعنا ...وليه؟.
· رغم ان سلطة الاسود في الصينية بجيبوها في صحن صغير ..ما بتفرزها من (الشطة).
· لكن مع ذلك ما بتكمل...ولا بزيدوها.
· وفى زول متخصص صواني (فارغ).
· زي بتاع العجور ...كل يوم الصباح بمر جوار البيت الساعة تسعة صباحا ...وهو يكورك (عجور ...جرجير....وفجل).
· يوم واحد ما شفت لي زول اشترى ليه خضار من الزول دا.
· مع ذلك ..زولكم دا كل يوم وفى نفس الوقت ..ونفس الحتة بكورك ..(عجور ..جرجير ...وفجل).
· نرجع لي موضوع العرس.
· في اغنية زمان كانت شغالة في كل الحفلات.
· اغنية (البابور جاز خلوا اليشتغل ..الشغل بالجاز) ..كان بتلقاها في أي حفلة.
· الكلام دا كان قبل سد مروي.
· الاغنية دي كانت في أي حفلة.
· متل حامد بريمة زمان في المريخ.
· المريخ دا لو لاعب (السلم والثعبان)...بتلقى حامد بريمة لاعب.
· عشان كدا الاغنية البتكون منتشرة في الوقت داك كانوا بقولوا عليها (حامد بريمة).
· من اغانى المناسبات ...اغنية اخرى كانت تحوم لكل البيوت والاعرس ...كان يصدح بالاغنية في كل حنة..(لو عاوز تغيظهم تعالنا بالبرينسة).
· في السماية ...كانوا بغنوا الاغنية دي.
· الوقت داك (البرينسة) كانت اعظم عربية.
· الزول العندو (برينسة) ممكن ما يسلم عليك.
· لو كتل ليه زول ...ما بدفع ليه (ديّة).
· تلقى رافع نخرتو وفي أي مناسبة بذيعوا اسمو اول زول في كشف التبرعات.
· صاحب البرينسة ذاتو بكون ما مقصر معها ..بكون مجيه ليك البرنيسة اخر جيهة ...وكاتب في خلفية البرينسة (جميلة ومستحيلة).
· البرنيسة وقت تجى مارة العصر بالشارع ...الحلة كلها تتكلم عنها ...برينسة ود اليسع دي ماشي وين الليلة؟.
· وود اليسع بصدق.
· والعجب وقت يوقف (البرينسة) قدام البيت عشان يغسلوها.
· ينفض ليك البرينسة دي فوطة ...فوطة ...ويشغل ليك (استريو) العربية باعلى صوت.
· الحلة كلها تعرف انو ود اليسع مغسل برينستو الليلة.
· الحلة ذاتها ما عندها شغلة غير (البرينسة).
· الليلة ود اليسع بي برينستو دي مالو طالع بدري كدا؟.
· في التوقيت بتاع ثقافة البرينسات دا طلعت اغنية (لو عاوز تغيظهم تعال لنا بالبرينسة).
· زمن والله.
· طبعا انتوا من قبيل عاوزين تعرفوا مناسبة (البرينسة) هنا شنو؟.
· وعلاقتها بي ناس المريخ.
· اكيد ما عرفتو الرابط في العنوان.
· يا جماعة الموضوع واضح.
· ما عاوز ليه (سلطة دكوة).
· بمناسبة سلطة الدكوة دي.
· قالوا ليك في جماعة اصحاب كدا ...دفعة في أي حتة تلقاهم مع بعض.
· الجماعة ديل كانوا كل ما يجيبوا سيرة الفطور ...واحد فيهم بنط ويقول ليهم : (انا بقطع ليكم السلطة).
· الزول دا مهمتو في الدنيا دي بس يقطع (السلطة).
· اها الحكاية كانت بتتوزع عليهم كدا ..زول يصلح الفول ..وزول يجيب الرغيف ..وزول يقطع السلطة ..وزول يمشى بدري يجيب (ام فتفت).
· الادوار كانت مقسمة على هذا النحو.
· أي زول بي مهمتو.
· الجماعة ديل كان أي زول فيهم في العشرة ايام الاخيرة برتاح.
· الزول الوحيد البكون شغال طول السنة ....الزول البقطع السلطة.
· عارفين ليه؟.
· عشان الفطور في اخر عشرة يوم من الشهر بيرسى على (السلطة ).
· أي حاجة بتقيف.
· إلا السلطة ...والزول البقطعها.
· يعني حكاية (انا بقطع السلطة) دي ما كانت بتقيف اصلو.
· مدورة السنة كلها.
· نرجع للبرينسة.
· ناس المريخ هسع شغالين لينا بالفقه بتاع (لو عاوز تغيظهم تعال لنا بالبرينسة).
· عارفين برينسة المريخاب شنو ...(الكافات) المحمولة جوا.
· اقصد (الكاسات) المحمولة جوا.
· كأس واحد....عملوا لينا (كأسات).
· جابوا بي ضربة جزاء ...عملوا لينا (جوا).
· دي زي الفأر الدخل ليه في قزازة ويسكي.
· طلع (دايش).
· سكران عديل.
· في اثناء طلوع الفأر من القزازة ...تلفون الفأر ضرب.
· الفأر قال ألو؟.
· الكديس ردا بي غادي.
· ايوة معاك انا الكديس عاوز لو سمحت اشترك في المسابقة.
· الفأر طوالي قال للكديس ..اسمع النمرة غلط ...وعمليتك دي تاني لو عملتها (حلف النيتو) ما بحلك منى...وقفل الخط على كدا.
· كدايس ما عندها احترام للوقت ..وما بتحترم خصوصية الناس.
· في فأر واعى بعمل العملو الفأر دا.
· نرجع للمريخاب...غلاة التدخيم.
· أي حاجة يلموا فيها يدخموها.
· تصوروا الجماعة ديل عاوزين يطلعوا لينا سكواها في رأسنا ...دا كلو عشان سكواها شارك في بطولة الامم الافريقية 5 دقايق.
· ما فاضل ليهم إلا يقولوا ليه (جدودنا زمان ...جدودنا زمان وصونا على سكواها).
· 5 دقايق بس لعبها في بطولة الامم الافريقية ...قالوا عاوزين يعملوا تكريم لي سكواها ويستقبلوه في المطار.
· 5 دقايق بس.
· نحن كاريكا الذي سجل هدفين في البطولة واختير ضمن منتخب افريقيا ...ما عملنا ليه العملوا المريخاب لي سكواها.
· حالتو دي سكواها محترف اجنبي وكاريكا لاعب وطني سوداني.
· يا مريخاب يعنى لو عندكم لاعب زي (نزار حامد) كنتوا منحتوه الدكتوراه الفخرية.
· كانوا سمتوا ليه شارع الجامعة بي اسمو.
· برينستكم دي يا مريخاب فلقتونا بيها.
· المريخاب ديل من مبالغاتهم عملوا ليهم تكريم لي باسكال.
· ومنحوه الكورة الذهبية.
· عارفين ليه؟.
· عشان مصبغ شعرو.
· كورة لي باسكال ما شفناها.
· المريخاب ديل مرة جابوا ليهم (نجيلة) جديدة.
· بطلوا أي شيء واتفرغوا للنجيلة.
· عملوا ليهم ندوات ...ومحاضرات ...واسابيع ثقافية ومعارض تشكيلة وقوافل صحية وقوافل ثقافية...كل دا عارفين ليه؟.
· عشان (النجيلة).
· الطابق التاني ...قربوا يدخلوا لينا في مقرر سنة تانية اساس.
· اكتر من كدا طبعا ما بنديكم فرصة.
· شغل الخريجين دا خلوا علينا.
· هسع عصام الحاج قرب يدخل الاذاعة يسجل ليه اغنية في مكتبة الاذاعة.
· الزول دا اتاريهو كان ممكون.
· عشر سنوات ما صرح بي حاجة.
· كان بعيد عن الاضواء والمكرفونات.
· عشان كدا رجع بي نمرة خمسة.
· ملأ البلد (تصريحات).
· وتحديات وعنتريات.
· يا عصام الدوري ح يبدأ خلاص ..وح تسكت.
· تاني ما بتقدر تقول أي حاجة.
· احسن كمل كلامك في فترة الراحة.
· في ناس كدا.
· من يبدأ الدوري تاني ما بظهرو.
· عشان كدا ناس لجنة الانضابط ديل ما يتعبوا ساكت.
· ولا يجاروا عصام الحاج.
· الزول دا بسكت هسع دي.
· بسكت.
· من الاسبوع الاول للممتاز ان شاءالله ح يسكت.
· غايتو الاتفاقية دي بتخلينا نخفف عليكم شوية.
· نستحملكم ونقول ليكم هاردلك ....الكورة اصلها كدا.
· انتوا بمناسبة (الخريف) دا.
· وين مجدي ام بدة؟.
· هسع وينو الخريف هنا.
· ريكاردو قالوا الى الان كل ما يشوف (مجدى ام بدة) بقول انتوا دا منو؟.
· مجدي ام بدة يجي ماشي.
· تاني ريكاردو يسأل..انتوا دا منو دا؟.
· دا مجدي ام بدة يا ريكاردو بيلعب في المريخ.
· مجدي (بابا نويل ) لما جاء من الامل كان (ارتكاز).
· هسع ما عارفو...لسه ارتكاز وإلا بقى حارس مرمى.
· ملحوظة : إلا يكون حارس في النهضة ابوحمد.
هوامش
· على بركة الله ..يبدأ الهلال اليوم مشواره بحثا عن لقبه المفضل الذي فقده الهلال في الموسم الماضب بسبب عوامل خارجية.
· في شندي الموسم الماضي منح الحكم خالد عبدالرحمن الاهلي شندي (ضربة جزاء) في برنامج الكاميرا الخفية ما بحسبوها.
· ويمكن ان تتكرر عطايا الحكام اليوم.
· لكن في كل الاحوال ان شاءالله الهلال اليوم سوف يحقق انتصارا كبيرا على الاهلي شندي.
· اربعة اهداف على الاقل سوف يسجلها الهلال في شباك الاهلي.
· اوعكم يا ناس المريخ بعد الهدف الرابع تجوا تقولوا لينا (الاتفاقية).
· وما ادراك ما الاتفاقية.
· نحن الموسم دا ما بنرحم.
· غارزيتو في اول ظهور له اليوم مع الهلال رسميا في شندي.
· والعاجبنا في شندي المحطة.
· غايتو يا ناس شندي الما حاجز الليلة ما يدخل.
· مفروض الليلة (نزار حامد) يعملوا ليه (تذكرة) براها.
· تذكرة للمباراة.
· وتذكرة لي نزار حامد.
· ونحن أي حاجة عندنا بي نظام.
· بمناسبة (عروس الرمال).
· قالوا ليك في واحد اول مرة يركب طيارة.
· ما عارفها.
· بعد ارتفاع الطايرة 30 الف قدم فوق سطح البحر ..زولكم اتلفت شمال ويمين...وقال انا وين؟.
· قالوا ليه : انت في الطيارة.
· قال ليهم دي ما دحين البتسقط من فوق.
· قالوا ليها كتلتها عديل ..بس دي يا ها ذاتها البتقع من فوق.
· زولك (كضم).
· بعد اسبوع فوقوه.
· قال ليهم انا وين؟.
· قالوا ليه ..خلينا نرجع للصندوق الاسود.
· نرجع للدوري الممتاز.
· المريخ سوف يبدأ بالامل.
· واعتقد ان هذه البداية ليست جيدة للمريخ ..لأن مباريات المريخ مع الامل دائما مرتبطة بالاحزان.
· المريخ سوف يخرج من هذا الموسم بدون (حمص).
· (الاتفاقية) هى البتمرقكم.
· عشان كدا ركزوا عليها.
· المريخاب خلوا الطابق الثاني..ومسكوا في (الاتفاقية).
· الليلة الناس ح تعرف قيمة قناة قوون.
· تاني رجعتونا لي زمن الاذاعة.
· قدر ما نمشي خطوة نرجع عشرة.
· عاجل : يا العجب الكورة لمن تفك من الرأس بتمشي للاعمدة.

انقر هنا لقراءة الخبر من مصدره.