الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي    الجمعية السودانية لعلوم الفلك والفضاء: 18 فبراير أول أيام شهر رمضان    مهارات يامال تعجز مبابي ونجم مانشستر سيتي    كباشي .. القوات المسلحة ماضية بعزم لا يلين في ملاحقة ما تبقى من "بقايا المليشيا المتمردة" والقضاء عليها    عارفين ليه ياهلالاب!!    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها)    الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة»    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الطب الشرعي الرقمي صائد جديد لمجرمي الإنترنت والذكاء الاصطناعي    ترامب ينشر فيديو مسيئًا لأوباما وزوجته ثم يحذفه    دواء جديد يعيد ضبط الساعة البيولوجية ويقلل اضطراب السفر    ابتكار بخاخ أنفى يساعد على الوقاية من الإصابة بالأنفلونزا    السفارة في العمارة    ذكرى رحيله.. قصة حب نور الدمرداش وكريمة مختار وزواجهما    الهلال يتلقى أول خسارة بدوري المجموعات أمام مولودية الجزائري    أبل تفتح CarPlay أمام تطبيقات الذكاء الاصطناعي الصوتية    8 علامات تنذر بمشكلات في الأمعاء لا ينبغي تجاهلها    بمشاركة واسعة بالخرطوم... الاتحاد السوداني للتربية البدنية يناقش معوقات المعلمين والبروف أحمد آدم يؤكد دعم تطوير المنهج والتدريب    السودان يرحّب بالقرار 1591    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    أحمد عزمى.. "الجوكر" الذى خلع عباءة الأدوار الثانوية ليبرع فى الشخصيات المركبة    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(مدى الحياة) ..هي كورة وإلا قصة حب
قوون نشر في قوون يوم 16 - 07 - 2011

اول حاجة نتحدث ليكم عن (الحضري)....المريخاب حاولوا يشغلوا الهلالاب عن هروب الحضري بي مسرحية جديدة.
مسرحية (مدى الحياة).
مسرحية لا تختلف عن مسرحية ( الايميل الاتمسح).
يا حليل (الايميل الاتمسح) كان كضبة معقولة شوية.
كان حاجة مبلوعة شوية.
الايميل على الاقل ما فيهو شطحة (مدى الحياة).
مدى الحياة ..نحن في حدائق السلام.
بس بعد دا مع الجو العليل دا ما فاضل ليكم إلا تقطعوا النجيلة.
وطلعوا الولد المرجحانة.
ينزل.
تاني يطلعوه.
ينزل.
تاني يطلعوه.
حكاية بتاعة (مدى الحياة) بالطريقة دي.
الجميل ان اعلام الهلال لم يشتغل بالموضوع.
ولا هببهم.
الفيلم دا شفناهو كتير.
دا العرض العاشر.
ما في أي عرض نجح.
كلها عروض (فاشلة).
قلنا ليكم الحكاية دي زي ما قال صلاح مليشيا.
واحد قال للجماعة : يا هو داك هلال رمضان.
قام قالوا ليهو (شاطر).
صفقوا ليهو.
صاحبكم بقي كل 5 دقايق يقول ليهم : داك تاني هلال.
يقوموا الجماعة تاني يصفقوا ليهو.
يغشوهو.
تاني يقولوا ليهو (شاطر).
داك تاااااني هلال.
صفقوا ليهو.
هناك برضو في واحد.
صفقوا ليهو ...(شاطر).
موضوع سادومبا دا موضوع جميل ..ورائع ويثبت (سطحية) المريخاب وجهلهم.
ح نضحك معاهم في الموضوع دا.
المرة دي طلعوا بي حاجة جديدة ...قالوا سادومبا مهدد بالايقاف (مدى الحياة).
(ويا سهارة تعالى شوفي البيي دي الحبيبة كيف قست عليّ).
خلاص قنعتوا من الحضري.
سادومبا دا (اكرم) ما قدر يوقفو.
طارق مختار ما قدر يوقفو.
الباشا ...سفاري ..بلة جابر ..موسي الزومة ...كلهم ما قدروا يوقفوه.
لا الايميل ..لا ال (دي اتش ال).
عشان كدا قالوا المرة دي نشوف لينا حاجة جديدة.
كضبة كبيرة.
حاجة تكون كبيرة كدا ..زي (هروب الحضري).
زي ثالث سيكافا.
والله انا بعد (برونزية) سيكافا ...قلت تاني ما بشوف لي (مريخابي) في الشارع.
قلت الجماعة ديل يتلموا ..ويقلبوها (سيجة).
السيجة اخير ليكم من البتعملوا فيهو دا.
كاكي براهو جايب ليهو في 30 يوم تلات ذهبيات.
المريخ دا بي 7 اجانب.
الاجنبي الواحد يكلف مليون دولار.
وجنسيات.
وطابق تاني.
وسيخ واسمنت وطوب.
وجهاز فني مصري.
وجمال الوالي.
ومدى الحياة.
بعد الحاجات دي كلها ..احرزوا برونزية سيكافا.
طبعا بطولة الاندية الافريقية طلعوا من دور ال (32).
نخلى سادومبا هسه.
نشوف الحضري.
نحن لازم نحددها مع (الحضري).
نحن الحضري دا اصلو ما في حاجة بتشغلنا منو؟.
لا سادومبا.
ولا ايميلو الاتمسح.
ولا مدى الحياة.
شنو هي؟.
كورة وإلا قصة حب.
(متين يا الله تاني تلمنا ..قريب يا الله ان شاءالله تلمنا).
حكاية (مدى الحياة) دي ما بنمسع بيها إلا في (الافلام الهندية).
البطلة تقع من الطابق الرابع.
يقوم البطل يجيها ناطي ..من وين ما عارف.
يقول ليها : انا مدى الحياة معاك.
وفي الروايات العربية...بروض في (مدى الحياة).
(تقول لا ريدت اصلا ولا ساهرت ليلة..وين وين وين وين وين يا غالي انت).
انا ما عارف (مدى الحياة) الدخلها في الكورة شنو؟.
نرجع للحضري.
المريخ فقد (الحارس) عصام الحضري.
خليكم متابعين معاي نقطة..نطقة.
خطوة ...خطوة.
اوعكم تفوتكم حاجة.
قلنا المريخ فقد (الحارس) عصام الحضري.
قاموا عملوا شنو؟.
قاموا جابوا مدني (الحارث).
بقت علي (السين) يعني.
انتوا يا مريخاب عاوزين ليكم (حارس)...ما عاوزين (الحارث).
الحارس الحضري ...نجم الدين والسعودي والباشا ومصعب عمر جابو فيهو (اهداف عكسية).
والحارث البجيب فيهو اهداف عكسية ناس (صديق علي صالح ومصطفي توفيق).
الحارث دا كان تجيبوه قبل ما الحضري يهرب.
عشان (الحارث) يحرس ليكم (الحارس).
لكن جمال الوالي دائما يأتي متأخرا.
سجل الحضري وهو في الاربعين.
الحضري غلبو يقعد في المريخ 5 شهور.
قال ناس المريخ ما عندهم (طموح).
طيب (البرونزية) دي ما طموح.
بلة جابر لو سألتو من (الطموح) بقول ليك : (سفري وإلا محلي).
موش قلتوا (بوفيه مفتوح).
هسه البوفيه بتاعكم دا لو كان مقفول ...الحضري ما كان (هرب).
انتوا بوفيكم (مفتوح).
ومرماكم (مفتوح).
ومعسكركم (مفتوح).
وجمال الوالي دائما يأتي متأخرا.
جمال الوالي سجل ريتشارد بعد ان لعب ريتشارد في الهلال 8 سنوات.
وريتشارد في المريخ برضو ما قعد اكتر من 5 شهور.
شفتوا كيف جمال الوالي دا بسجل (عقاب ملاعب).
ويا ريت لو بقت على عقاب الملاعب.
جمال الوالي دا مرة سجل ليهو لاعب (عقاب عمر).
تذكروا البوسني نجاد.
دا من تقدمو في السن ..سجلوه في القاهرة ..عشان الاضاءة هنا ضعيفة.
محترف ما بشوف من تقدمو في العمر.
كشافات استاد المريخ قالوا كان قايلها رايات الكورنر.
شوفو كعب.
قالوا ليك نجاد دا لمن فات من المريخ كان فاكر بلة جابر ..(فيصل العجب).
وقايل فيصل العجب (سعيد السعودي).
زمان ناس المريخ ديل موش قالوا علاءالدين يوسف هو بدرالدين قلق.
يعني نجاد ما براهو.
وجمال الوالي يصر على ان يسجل لاعبين تقدموا في العمر.
اديكو...لاعب عمرو 34 سنة.
هسه اديكو دا من جاء للمريخ حصل كمل ليهو (مباراة).
بقطع من اول خمس دقايق.
اديكو دا حسام البدري عافيهو من (التسخينة).
عشان لياقتو ما تكمل في (التسخينة).
وجمال الوالي سجل (طمبل)...وهو برضو عقاب ملاعب.
المريخ الان عاجز حتي من شطب طمبل.
السن ليها احكام.
وقبل طمبل او بعدو كان مجاهد.
وديل كلهم اتقدموا في السن.
ما علينا.
نشوف حكاية الحضري.
قالوا عصام الحضري (هرب) عشان المراقبة عليهو كانت (ضعيفة).
اصلو الحضري دا من يوم ما سجلوه في المريخ...جمال الوالي قرر فرض (رقابة) لصيقة عليهو.
ناس مجاهد ديل حارسنو في الكنبة.
زول ما مضمون.
ممكن يهرب في أي لحظة.
قالوا ليك جمال الوالي عمل ليهو قطاع رياضي كامل...مهمتو في الدنيا دي بس مراقبة الحضري.
توزيع المراقبة في القطاع الرياضي للمريخ كان على هذا النحو:
صديق علي صالح مراقبة من الساعة واحدة صباحا حتي الساعة الخامسة صباحا.
تبديل.
والتوجيهات كانت صريحة لصديق علي صالح...عينك ما تنزل من الحضري يا صديق.
حالتو دي الحضري قال ليهم بعد سيكافا انا ما بقعد.
وبرضو هرب.
من الساعة الخامسة صباحا وحتي الواحدة بعد الظهر المراقبة علي مصطفي توفيق.
راحة 5 دقايق.
بس مشكلة مصطفي توفيق انو (بسرح).
مصطفي دا سرح من علاءالدين يوسف ..ما يسرح من الحضري.
من واحدة الي الساعة الخامسة مساء المراقبة على مجاهد احمد محمد.
مجاهد مسكين..قالوا ليهو راقب الحضري ..مسك الجواز السوداني وقعد على كدا.
فاكر الموضوع ح ينتهي على كدا.
اما عادل ابوجريشة فمهمتوا فقط كانت تتمثل في انو يجيب (التورتة).
يجيب التورتة ...وجمال الوالي بدفع (الحساب).
اجر المناولة.
عندما هرب الحضري وكان ذلك في الساعات الاولى من الصباح فان المسؤولية الجنائية وقعت على صديق على صالح.
ليه ؟.
عشان الوقت الهرب فيهو الحضري هو وقت مراقبة صديق علي صالح.
جايبين ليكم (حارس) جوة الملعب عاوز مراقبة ...اي هدف عكسي بدخل في شبكتو.
وبرة الملعب عاوز مراقبة.
المشكلة انو الزول دا قال ليكم بعد سيكافا ما بقعد.
وبرضو فكيتوا المراقبة.
انتوا لو خليتوا (مراقبة) الحضري على سعيد السعودي ومصعب عمر والباشا ونجم الدين كان افضل.
ديل ما كانوا بعطوه فرصة.
ديل ناس الاهداف العكسية..(كجنتهم) في الدنيا دي (الحضري).
ديل براهم قالوا عصام الحضري كان معيشنا في (جحيم).
الجحيم ظاهر.
انتوا ما شفتوا الحضري كان بكورك كيف في سعيد السعودي.
عمركم شفتوا الحضري بكورك في (وائل جمعة) وقت كان في الاهلي.
حصل شفتوه بكورك في معتصم سالم وقت كان في الاسماعيلي.
في زول شاف الحضري مرة بكورك في (الصفتي) وقت كان في الزمالك.
اشمعنا في المريخ بكورك في (سعيد السعودي).
الحضري دا (كاتوشر) ما كان بكورك فيهو.
كاتوشر دا منو؟.
كاتوشر دا مدافع في (سيون).
ندخل على جماعة (مدى الحياة).
انتهت حكاية (الايميل الاتمسح).
تلك المسرحية التي كانت قد استمرت زمنا طويلا.
3 شهور نحن في المسح الايميل منو؟.
بالله في ناس لسه بصدقوا الكلام دا.
يقولوا ليهم (الايميل اتمسح) يصدقوا.
الاعارة وهمية ...يصدقوا.
قابيتو قاصر ..يصدقوا.
هسه جابت ليها حاجة كبيرة ...لقوا الحكايات دي كلها ما شغالة.
كلها ما مقنعة.
قالوا احسن نشوف لينا حاجة كبيرة.
فكروا كدا.
وخططوا ...قالوا ما في اكبر من ايقاف (مدى الحياة).
عشان نرتاح من سادومبا دا نهائي.
نوقفوا (مدى الحياة).
كدا مرة واحدة.
هو منو البيلعب كورة (مدى الحياة) ...عشان الايقاف يكون (مدى الحياة).
حصل شوفتوا في الدنيا ...وفي كرة القدم تحديدا عقوبة (مدى الحياة).
عقوبة التأبيدة ...بتنتهي بعد سنوات معينة.
تجوا انتوا عشان خاطر بلة جابر وموسي الزومة ...توقفوا سادومبا (مدى الحياة).
(وكنت فاكر القي قربك الحنان تغمرني بيهو).
خلاص فقدوا المنطق.
الظاهر عليكم بقيتوا ناس سينما ساكت.
لو شاهدتوا فيلم تامر حسني ومي عزلدين (عمر سلمى) او فيلم (نور عيني) تامر حسني ومنة الله بتلقوا حكاية (مدى الحياة) دي كتيرة.
ملحوظة : آل مدى الحياة آل.
هوامش
قالوا الحضري اشترط للعودة مجددا تغيير دفاع المريخ.
قال غيّروا لي بلة جابر وموسي الزومة وسعيد السعودي والباشا ومصعب عمر ونجم الدين.
الوالي قال ليهو ممكن نغيّر ليكم خمسة من المدافعين الذكرتهم ديل...لكن في واحد في الجماعة ديل ما بنقدر نشيلو.
في واحد عجبتوا ليكم كلمة (مدى الحياة) حبّ يدخلها ليك في جمل مفيدة.
الزول مشي لبتاع الفول ..قال ليهو :اعمل لي موية فول (مدى الحياة) كدا.
مشي لبتاع الرصيد ..قال ليهو حول لي رصيد بي جنيه مدى الحياة.
صاحبكم دخل الجامعة ..قابل زميلتو ..قال ليها : لو سمحتي ممكن نتقابل مدى الحياة.
طبعا مرات (مدى الحياة) دي بتلتق.
ومرات ما بتلتق.
ومدى الحياة راحت.
ومدى الحياة نزلت.
ومدى الحياة بالمانجنيز.
ومدى الحياة إلا تلت.
في مباراة الغد ...نتوقع ان شاءالله ان يسجل سادومبا في الدقيقة السابعة من (مدى الحياة).
اما اتوقووون ان شاءالله فسوف يسجل في اخر ربع ساعة من مدى الحياة حقتو.
الحضري هرب (مدى الحياة) من المريخ.
مدى الحياة ...(خلوها).
البمرقكم من (اهلى شندي) شنو؟.
شوفو ليكم (مدى حياة) تانية ...تخارجكم من الاهلي.
قلت ليكم ناس شندي ديل عندهم (جلد) بين الشوطين.
عشان البدري يكون عارف.
عاجل : الحضري قال على الاقل في (بيتنا) ما في زول بجيب فيني هدف عكسي.

انقر هنا لقراءة الخبر من مصدره.