سودارس : دا برضو (تقشف)...غارزيتو يرفع الدعم عن (المهاجمين)

غادر المستشفى بعد أن تعافي رئيس الوزراء من وعكة صحية في الرياض شاهد.. الفنانة إيمان الشريف تفاجئ جمهورها وتطرح فيديو كليب أغنيتها الجديدة والترند "منعوني ديارك" بتوزيع موسيقي جديد ومدهش مصر .. السماح لحاملى التأشيرة الخماسية بالإقامة 180 يوما بالمرة الواحدة التغير المناخي تسبب في وفاة أكثر من 15 ألف شخص بأوروبا هذا الصيف إبراهيم نصرالدين (درمي).. صخرة دفاع أهلي الكنوز وطمأنينة المدرجات والي ولاية كسلا يشهد ختام دورة فقداء النادي الاهلي كسلا بعثة نادي الزمالة (أم روابة) تغادر إلى نيروبي استعدادًا لمواجهة ديكيداها تحالف خطير.. كييف تُسَلِّح الدعم السريع وتسير نحو الاعتراف بتأسيس! الخارجية البريطانية: مستقبل السودان يقرره شعبه دوري الأبطال.. مبابي يقود ريال مدريد لفوز صعب على مارسيليا د. الشفيع خضر سعيد يكتب: دور المجتمع الدولي والإقليمي في وقف حرب السودان توجيهات مشدّدة للقيادة العسكرية في الدبّة..ماذا هناك؟ شاهد بالفيديو.. فنانة سودانية تدخل في وصلة رقص فاضحة بمؤخرتها على طريقة "الترترة" وسط عدد من الشباب والجمهور يعبر عن غضبه: (قلة أدب وعدم احترام) شاهد بالفيديو.. الفنانة توتة عذاب تشعل حفل غنائي بوصلة رقص مثيرة والجمهور: (بتحاولي تقلدي هدى عربي بس ما قادرة) شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير) شاهد بالفيديو.. الفنانة توتة عذاب تشعل حفل غنائي بوصلة رقص مثيرة والجمهور: (بتحاولي تقلدي هدى عربي بس ما قادرة) انشقاق بشارة إنكا عن حركة العدل والمساواة (جناح صندل ) وانضمامه لحركة جيش تحرير السودان شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير) شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل مناوي يلتقي العمامرة مبعوث الأمين العام للأمم المتحدة للسودان ريال مدريد يواجه مرسيليا في بداية مشواره بدوري أبطال أوروبا السودان يدعو المجتمع الدولي لدعم إعادة الإعمار ما ترتيب محمد صلاح في قائمة هدافي دوري أبطال أوروبا عبر التاريخ؟ ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) شاب سوداني يستشير: (والدي يريد الزواج من والدة زوجتي صاحبة ال 40 عام وأنا ما عاوز لخبطة في النسب يعني إبنه يكون أخوي وأخ زوجتي ماذا أفعل؟) الهلال السوداني يتطلّع لتحقيق كأس سيكافا أمام سينغيدا إنت ليه بتشرب سجاير؟! والله يا عمو بدخن مجاملة لأصحابي ديل! مصر تسجل مستوى دخل قياسيا في الدولار وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل وزارة الزراعة والثروة الحيوانية والري بالخرطوم تبحث إعادة إعمار وتطوير قطاع الألبان شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم حادث مأسوي بالإسكندرية.. غرق 6 فتيات وانقاذ 24 أخريات في شاطئ أبو تلات بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دا برضو (تقشف)...غارزيتو يرفع الدعم عن (المهاجمين)

قوون نشر في قوون يوم 02 - 07 - 2012

أي زول متابع ....او حتى غير متابع بعرف ..ان غارزيتو واضع هيثم مصطفى حفظه الله ورعاه في رأسو.

دي اصلو ما عاوزة ليه درس...ولا عاوزة ليها حصة في (العلاقات العامة).

العلاقات العامة هسه ذنبها شنو؟.

غارزيتو اكد ذلك بنفسه في مباراة الهلال الاخيرة امام سيركل ..اذ سحب غارزيتو هيثم مصطفى من المباراة وادخل بدلا عنه خليفة في استبدال غير منقطى ..وغير مقبول.

في هذه المباراة التى تم استبدال هيثم مصطفى فيها ...لو كان غارزيتو يريد الدفاع والمحافظة على الهدافين كان يمكن ان يستبدل يوسف محمد الذي كان في حالة سئية...وكان ثغرة في دفاع الهلال.

بل كان يمكن استبدال يوسف محمد من باب المحافظة عليه ...الزول دا لو وقع (6) شهور ما بتمرقو.

لا يعقل ان تدافع باستخراج (صانع الالعاب) في الوقت الذي يوجد فيه مدافع في حالة غير جيدة.

واذا كان غارزيتو يريد زيادة عدد المدافعين على حساب لاعبي الوسط كان يمكن ان يسحب مهند الطاهر الذي لم يكن في يومه ..بل كان يلعب بعد اصابته بتسمم قبل المباراة.

اذن عناصر (القصد) هنا متوفرة ...وهو استهداف مع سبق الاصرار والترصد.

دا سبق اصرار وترصد ..بالفرنسي ..وبالايطالي كمان.

اذا ترك غارزيتو على هذا الحال ..لا استبعد ان يأتي يوم ويخرج فيه هيثم مصطفى ويدخل بهاءالدين محمد عبدالله او جمعة بدلا عنه.

لكن نحن لن ننتظر حتى ذلك الحين...وإلا ما يبقى ما عندنا فرق من الاعلام السالب.

الغريب في الامر ان غارزيتو وحسب ما نشر او قل حسب ما (نقل) عنه حتى لا نظلمه ..قال ان البرنس افسد له الاسلوب الذي كان يدرب عليه اللاعبين منذ الدورة الاولي.

وقال غارزيتو ان هذه الطريقة التى يلعب بها هيثم مصطفى لا تتناسب معه.

يا غارزيتو ...هي وينو الاسلوب الذى كنت تلعب به في الدورة الاولى عشان نقول هيثم مصطفى (خربو) عليك.

وينها الطريقة ..عشان تقول هيثم استبدل طريقتي.

لقد دفع الهلال ثمن اسلوبك وثمن استقصادك لهيثم مصطفى بالخروج من بطولة الاندية الافريقية للابطال.

وها نحن ندفع ثمن استهدافك لهيثم مصطفى باللعب في البطولة الكونفدرالية ...وهى بطولة لا بتنفع معانا ولا بترضى طموحنا ..ولا بنغش بيها الناس.

ساكت الان بنقضي بيها (شغلة).

الكونفدرالية دي نحن عندنا زي تجليد العناقريب.

تجليد العناقريب هسه ذنبها شنو؟.

اذا اصر غارزيتو على محاربته لهيثم مصطفى رغم التزام الاخير وتألقه الذي شهد به الجميع مع الهلال والمنتخب في الفترة الاخيرة نقول ان الهلال سوف يخرج من الكونفدرالية.

بل ان الهلال سوف يفقد حتى صدارته للممتاز ..وهذا شيء يمكن ان نراهن عليه ...واذا كان غارزيتو ودائرة الكورة تمتلك الشجاعة لابعاد هيثم مصطفى فالتفعل ذلك ليدفع الهلال الثمن غاليا.

الجميع شاهد الفرق ..بين الهلال بهيثم مصطفى ..والهلال بدون هيثم مصطفى ..لذا فان دفاعنا عن هيثم مصطفى هنا هو دفاعا عن الهلال وعن انتصاراته وعن بطولاته.

هذه الطريقة التى يتعامل بها غارزيتو ودائرة كورته مع هيثم مصطفى لا تنتج غير الخراب ..ولا يتضرر منها احد غير الهلال.

لذلك على مجلس الهلال ان يحسم هذه التفلتات من بدري ..وان يوقف تمدد دائرة الكورة وان يوقفها في حدها ..بدلا من ان تمضي الامور الي ما يحمد عقباه.

لا سيما وان التنافس المحلي والخارجي انطلق ..وسوف يلعب الهلال من المفترض مباراته في الممتاز مع الاهلي شندي الاربعاء القادم ان لم تأجل.

وفريق الاهلي شندي يمكن ان يستغل هذا الظرف ..وهو الفريق الوحيد الذي عرقل الهلال في الدورة الاولى رغم الاداء الذي لم يكن مرضيا للهلال في الكثير من مباريات الهلال في الدورة الاولى بصورة عامةس.

ان وجود التاج محجوب في (المقصورة) وهو مدرب عام للهلال يوضح ضعف مجلس ادارة نادي الهلال الذي تعاقد مع التاج محجوب وفشل في انفاذ تعاقده.

وكما اشار الاخ الاستاذ الرشيد علي عمر ان هذا الامر يعني بمجريات الاحداث ان دائرة الكورة وحمد كمال وراء هذا الامر.

والثابت ان أي كارثة تقع في الهلال او أي مشكلة تحدث يكون خلفها دائرة الكورة.

وهذا امر لم يعد يطاق.

كان الامين البرير و هاشم ملاح يطاردان معتز رابح في القضارف ..ويتصلان بواسطة الرشيد علي عمر على كل من له علاقة بمعتز رابح ..ومعتز لا يمكن الوصول اليه.

هذا الامر كان يجب ان تنجزه دائرة الكورة ..التى من المفترض ان تكون على اتصال متواصل مع كل لاعبي الهلال وان تعرف كل تحركاتهم ..ولكن دائرة الكورة اخر من يعلم في مثل هذه الامور.

بل ان اعارة جمعة لفريق الرابطة كوستي تمت عبر مدير الكورة السابق عبدالمهين الامين الذي انجز الامر في اخر اللحظات ودائرة الكورة (قاعدة فقط تثير في المشاكل).

ودائرة الكورة بعيدة عن كل اللاعبين ..مساوي ..فييرا ..بكري المدينة ..كاريكا ..كلهم طالبوا بحقوقهم ..وتمت تسوية الامر في الصحف بعد تدخل مجلس الادارة وهيثم مصطفى ..وهذه امور يفترض ان تحلها دائرة الكورة ..والتى وجب عليها ألا تجعل الامور تصل الي حد ان يتوقف اللاعب من التمارين او ان يقفل تلفونه.

كذلك التسممات الاخيرة التى حدثت في معسكر الهلال قبل مباراة الهلال وسيركل بساعات امر يجب ان تسأل منه دائرة الكورة.

ولو ان دائرة الكورة اكتفت بالجلوس في الكنبة ..مع وقوف حمد كمال على الخط مع (المحنة) ...لما لامهم احد.

لكن المشكلة دائرة الكورة تثير المشاكل ...وتعرقل الكثير من الخطوات ...بل بلغ الامر ان تبطل دائرة الكورة تعقادات المجلس وتجعل مدرب مقتدر كلف الهلال كثيرا مثل التاج محجوب يجلس في المقصورة.

واذا ترك الحبل لدائرة الكورة هكذا ..فاننا قريبا سوف نشاهد البرنس في (المقصورة)..وهذا امر سوف يطيح بدائرة الكورة في 5 دقايق.

انني ما زلت حتى هذا الحين اراهن على غارزيتو واطالب باستمراره ..خاصة بعد التسجيلات الاخيرة واللاعبين الذين دخلوا كشوفات الهلال بطلبه.

لكن مع هذا ..نرفض هذا القصد الواضح لكابتنن الفريق هيثم مصطفى.

وارجع واعود واقول ان المشكلة في الاول والاخير سببها دائرة الكورة بقيادة خالد بخيت ومقررها ابوشامة.

لقد غاب هيثم مصطفى في النصف الاول للموسم..ورفع غارزيتو بذلك الدعم عن مهاجمين الهلال ...ولم نعد نرى سادومبا او بكري المدينة الذان كانا ضحية استهداف هيثم مصطفى.

عاد البرنس ..وسجل بكري المدينة وسجل سادومبا بعد طول غياب.

وعلى ما يبدو ان غارزيتو يريد ان يطبق (تقشف) اخر في الهلال ...وذلك بابعاد هيثم مصطفى ليرفع بذلك الدعم تماما..والمتعة والصناعة عن الهلال.

على مجلس الهلال ان يحسم هذه الامور سريعا ..واضح ان (المعارضة) تنتظر ...لا تقدموا لها مثل هذه الفرص ..لتضرب الهلال واستقراره.

على الامين البرير ان (يضرب) بقوة ..ليس خصومه فقط ..بل على البرير ان يضرب بقوة بعض المقربين اليه ...لأن الخلل يأتي من بينهم.

فان نجح البرير في ملفات خصومه ..وسجل عليهم انتصارات كاسحة ...مطلوب من الامين البرير ان ينظر حوله ..وان يحسم بعض الامور بدلا ان يترك الامور معلقة هكذا.

على البرير ان يبعد عن (العاطفة)..وان يكون قويا في كل الامور ...لأن القوة داخل المجلس ...اجدي في مثل هذه الحالات من القوة خارج المجلس.

اننا لا نخاف على الهلال من (الاعداء)..او الخصوم ...او المعارضة ..وانما نخاف على الهلال عن بعض اولئك الذين يضرون الهلال بمحبتهم وبقربهم من الامين البرير.

البلد ..لا فيها سكر ..لا فيها بنزين ..لا جاز ..البلد ما فيها (لحمة)...كمان عاوزين تخلوا ما فيها (تمريرات) هيثم.

الناس ما بتتحمل الوضع دا.

ملحوظة : الله يكتر (السكر).

هوامش

الباشا ..سجل هدفين ...مع ذلك المريخاب كلهم بهاجموا في الباشا.

خلوا كلتشي الضيّع ليه (35) كورة زي ما قال بشارة وهاجموا الباشا السجل مرتين.

غايتو الزول الما بريدك في الهدف يحدر ليك.

بعدين يا كلتشي 35 كورة معقولة.

انت خليت شنو لي موسي الزومة.

عمليتك دي بلة جابر ما بعملها.

زول يضيّع ليه 35 كورة ...انت محترف (سباحة).

شغلك دا شغل (عوامة)...ما شغل كورة.

النتيجة التى خرج بها المريخ امام الجنوب افريقي ..ما كعبة مع (بطة).

خلي النتيجة دي تجيب ليك (بطولة جوية).

تاني إلا تطبخي (وصافة) يا بطة.

وصافة بالفرم.

وصافة بالملوخية المفروكة.

وصافة بالطوة.

وصافة (محشية).

وصافة (محمرة).

وصافة بالدكوة.

فاروق جبرة بالكتير كدا بعد اسبوعين ح يكون المدير الفني للمريخ.

قلت المدير الفني عديل للمريخ ..وما قلت مدرب عام.

يا ناس النيل الحصاحيصا ..شوفوا ليكم مدرب من بدري.

ابراهومة لو رجع ليكم ما تقبلوا بيه.

لكن ابراهومة ما كعب في الحصاحيصا.

ممكن ينجح.

على الهلال الحذر ..كل الحذر من مباراة الاهلي شندي ..رغم ان المباراة في المقبرة.

لكن ما عاوزين نعطي أي فرصة للمفاجأت.

وفريق الاهلي شندي فريق ما ساهل.

يا البرير اعمل حسابك.

خوفنا من دائرة الكورة في الهلال بقى اكتر من الاهلي شندي.

الله يمرقنا من دائرة الكورة.

انا اول مرة اشوف لي دائرة كورة عندها مشاكل مع بعض اللاعبين.

دي في العالم ما بتحصل.

يعني الناس بدل ما تتفرغ لمشاكل اللاعبين ..الناس متفرغة لمشاكل دائرة الكورة.

النصيحة التي يمكن ان نقدمها للمريخ ..هو ان يخلوا (يس) هنا قبلو.

يس دا ما تسوقوا معاكم الي جنوب افريقيا.

في الكنبة في جنوب افريقيا بضيعكم.

عشان كدا ..للضمان خلوا يس هنا في الخرطوم.

ما بتجيه أي عوجة.

في مباراة المريخ من عرفت انو (الشغيل) جاب ليه هدف ..قنعت ليك من المباراة.

طوالي قنعت من كلتشي.

35 كورة يا كلتشي.

على حركاتك دي مفروض يخصمو منك مرتب 4 شهور.

زول يضّيع ليه 35 كورة ...يعملوا بيه شنو؟.

غايتو دي لو عملها لاعب في الهلال ...طوالي البرير بمسكو (دكان) من دكاكين الهلال الكتيرة دي.

هسع في اطار (الاتفاقية)..والتقشف ..وكدا - ممكن نديكم (دكان) لي كلتشي.

والله كلتشي دا لو بقى تاجر اسبيرات بكون شاطر شديد.

يا اسامة جويلي ..اعلموا حسابكم ..الزول دا لو دخل كاركم دا ...بضربكم.

35 كورة ...ليه؟.

35 كورة في التقشف دا.

35 كورة دي لو بعتها ساكت كنت بقيت اغني زول.

يا كاردينال ..رأيكم شنو (تحفز) كلتشي.

الزول دا لو (اتحفز) بستعدل.

قلت ليكم مية مرة ....كلتشي في التقشف ما بنفع.

تاني يا (الكشافات) جاك زول.

خلاص يا كلتشي ...(الفيك اتعرفت).

اقصد مع الكشافات دي ..الفيك (اتكشفت).

عاجل : كنت ح اقول ليكم شوفوا ليكم (سيكافا) نظموها ...لكن مع (التقشف) دا ما في طريقة.

انقر هنا لقراءة الخبر من مصدره.