سودارس : الفرق بينا وبينكم بقى (كلية الطب)

"العاصفة الحمراء" التي ضربت دولا عربية.. هل هي خطيرة؟ ما حقيقة زيارة وفد إيراني إلى السودان سرًا؟ الرابطة السليم تكتسح بركيه بخماسية اعداديا ساردية تختتم التحضيرات لمواجهة الموسياب يكررون الأخطاء.. وينتظرون نتيجة مختلفة..!! الدولار يتراجع مع تصاعد توقعات التهدئة في الشرق الأوسط القبض على أمريكى هدد 8 مرات بقتل ترامب إحالة رئيس الأركان السوداني للتقاعد بالمعاش المذيعة تسابيح مبارك تعبر عن حزنها لإغتيال القيادي بحكومة تأسيس: (شاب هميم التقيته في نيروبي ويحمل جواز سفر أميركي ما يعني أن لديه فرصة أخرى في الحياة) "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" المغرب يثبت نفسه بين الكبار ويواصل الهيمنة عربيا في تصنيف فيفا شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها مفاجآت عمرو دياب لجمهوره التركى فى أول حفل له أغسطس المقبل ريهام حجاج : كممثلة لا أهتم بالمظهر بقدر اهتمامى بصدق الشخصية أدوية منسية في المنزل قد تهدد صحة العائلة.. تخلص منها فورا نوع نادر من السرطان.. ما هو التليف النخاعى؟ 5 نصائح للوقاية من جرثومة المعدة سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) اللجنة الإقتصادية العليا تصدر عدداً من القرارات المهمة لتحقيق استقرار سعر الصرف الصحفية عائشة الماجدي: (لاحظت في الخرطوم مجموعة من الناس نشطة عايزة تبيع بيوتها وفي كمية عرض بيوت للبيع ما طبيعية) بالفيديو.. شاهد ماذا قالت الفنانة توتة عذاب عن أغنيتها التي تصدرت "الترند" في الوطن العربي؟ وتوجه رسالة للمطربة بلقيس فتحي والممثلة إيمي سمير وزير التربية يدشن استلام الدفعة الثانية من كتب الصف الاول الثانوي للولايات "معاناة 5 سنوات".. برشلونة يتلقى نبأ سارا من رابطة الليجا شاهد بالفيديو.. علاء الدين نقد يدخل في حالة بكاء هستيري في سرادق عزاء القيادي بحكومة "تأسيس" أسامة حسن الأمم المتحدة تفتتح مقرها بالخرطوم شبكة أطباء السودان .. قوة تتبع للدعم السريع اقتحمت مستشفى الأسرة بمدينة نيالا واعتدت علي الكوادر الطبية السودان.. وفاة لاعب كرة قدم محمد عبدالقادر يكتب: شهادة البوشي.. و"فضيحة صمود " وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الفرق بينا وبينكم بقى (كلية الطب)

قوون نشر في قوون يوم 25 - 07 - 2012

الفرق بين الهلال والمريخ ...او الهلال والوصيف بقى (6) نقاط.

والله تقول نحن بنعلب في دوري وهم بيلعب في دوري تاني.

الفرق بينا بقى كبير.

نحن مفروض ما يلمنا دوري واحد.

نحن في دوري وانتوا في دوري.

شقاوة المريخاب في الكونفدرالية رمتهم في مجموعة واحدة مع الهلال.

في الممتاز الفرق 6 نقاط.

في الكونفدرالية يكون كيف؟.

(وجرحي قرب يطيب جددتو تاني علي)...يا كوة.

الفي رأسو (كوة) يتحسسها.

تصوروا نحن مرة الفرق بينا والمريخ بقى (18) نقطة.

عليكم الله بعد الفرق دا مفروض نقعد معاهم في بلد واحدة.

نحن الطيبة كاتلانا.

18 نقطة ...مفروض (قرعة) ما تلمنا.

قرعة شنو؟.

الخطة الاسكانية مفروض ما تلمنا مع الجماعة ديل.

18 نقطة يا مفترين.

طيب فرقكم شنو من (النسور).

واحد قال لي وجه الشبه بين النسور والمريخ شنو؟.

قلت ليه الاتنين (بطيروا).

الزول مشى وجاني راجع ..وقال لي طيب وجه الشبه شنو بين المريخ وشارع الاربعين؟.

قلت ليه الاتنين عندهم (اربعين) نقطة.

الاربعين دي ان شاءالله تاني ما تزيدوا فيها.

زي الزول البنزل في محطة (العمودين)...كل ما يجي في محطة (البقالة)..يكورك للكسماري ...اسمع يا ولد عليك الله ما تفوتني محطة (العمودين).

يا ناس المريخ ...معليش ..بقول ليكم كلام حار شوية.

انتوا بقيتوا زي الزول البنزل في محطة العمودين.

طبعا ما فاهمين أي حاجة.

المريخ عنده 40 نقطة ...والحكام في الاربعين دي عندهم 18 نقطة..يعني صافى نقاط المريخ 22 نقطة.

لكن نحن ح نتجاوز ليهم ذلك.

ح ننسي الموضوع دا.

ونعتبر ان الفرق بين الهلال والمريخ في النقاط 6 نقاط (القانونية) دي والمثبتة في دفتر تحري الممتاز.

خليكم عارفين انا بتكلم عن الفرق في (النقاط) فقط ....وما عاوز اوسع الموضوع (واوزع) زي ما بقول رؤوف خليف واتحدث عن الفروقات التانية.

الفروقات التاريخية ..والفروقات الموجودة في القيم ..وفي المثل ..وفي الانتماء...الخ.

ح احصر كلامي في (النقاط) فقط.

6 نقاط اصبحت هى الفرق بين الهلال والوصيف.

دا (وصيف) السرور.

جا وصيف الهنا.

6 نقاط يا جدعان.

(تجرحني ليه ..وليه ..وليه ...وانا كل جراح)...الله يجازيك يا كوة.

6 نقاط.

النقطة تنطح النقطة.

يعني تاني عادي (خليفة) يشيل (مرتبتو) ويجدعها في نص الملعب ..وينوم في

مباراة القمة القادمة.

الفرق بقى 6 نقاط.

يا بلة جابر ألعب بعيد..ما عاوزين ازعاج ..نحن ما فاضين للكلام دا..وقبل ما تنوم اقفل معاك التلفزيون.

شفتوا الحسم دا كيف؟.

ولا بتلفت.

فلانتاين ذاتو (تلفنوا) ليه يا هاشم ملاح ..قولوا ليه ما في داعي ترجع ...اخد راحتك على الاخر...ناس (كايا) قاموا بالواجب وزيادة.

ما عندنا أي مشكلة.

فريق (ما شاءالله عليه) الي الان لم يهزم ..والفرق بين الهلال والمريخ بقى 6 نقاط.

(يا عديلة يا بيضا يا ملائكة شيلي معاي).

يا فلانتاين ..خليك قبلك.

ما تتعب.

فلانتاين يرجع ليه؟.

خسارة تذاكر ساكت.

ناس فداسي ما بقصروا.

الفرق بقى 6 نقاط.

(اعاين ليه واضحك ..وامشي واجيه راجع).

تاني ممكن علاءالدين يوسف يدخل المباراة لابس ليه (نضارة) شمسية ..في نص الليل.

فييرا يتفرج ويطلع.

يأخذ ليه كرت اصفر ويطلع.

طبعا فيرا لو ما اتكرت ما برتاح.

دي 6 نقاط.

اللهم احفظها نعمة من الزوال.

يا المعز محجوب معليش الايامات دي في انتقادات كتيرة عليك ..رغم من انك تشيل وتصد في ضربات الجزاء.

يا المعز لو عاوز تفرش ليك (عنقريب) في الهمريب دا ...فرش ساكت ..العوجة ما بتجيك مع ناس مساوي ديل.

ما عندك أي مشكلة.

الفرق بقى 6 نقاط.

(حرمت الحب والريدة يا ريت لو ما حبيتو).

والصاقعة نزار حامد ذاتو.

الصاقعة دا لو عاوز يقلع ليه (ضرس) في المباراة ..كلموه يقلع الضرس..ما في مشكلة.

الفرق بقى 6 نقاط.

بالتقشف دا.

وبالشيء الشايفو دا.

المريخ دا على شوية ببقى (النسور).

يمين ..ودي ما طالبني فيها حليفة.

تشيل (النجيلة)..والطابق التاني ...المريخ يبقى (النسور).

انتوا قايلين في فرق.

تامنها اعلام ساكت ..ونجيلة.

الفرق بقى 6 نقاط.

(يا عينيّا كفاكن جننتنو قلبي).

عارفين النقاط دي تفاصيلها كيف؟.

تذكروا السلم التعليمي القديم.

المرحلة الابتدائية زمان كانت 6 فصول.

الفرق بين سنة اولى وسنة سادسة 5 سنوات.

طالب سنة اولى ...بل طالب سنة رابعة ذاتو كان بشوف طالب سنة سادسة حاجة

كبيرة خالص.

ما بقدر يرفع رأسو معاه.

ناس سنة سادسة كانوا واعين ومحترمين ..وفاهمين ...الواحد عادي فيهم

تلقى شايل دواوين (امل دنقل).

عادي الواحد يتحدث ليك عن (الوعد الحق) لطه حسين.

كانوا ناس فاهمين ...وناس كبار.

وكانوا على ذلك محسودين في النعمة الهم فيها دي.

الفصول كلها بتحسد طلاب سنة سادسة.

مع ذلك كانت المقررات والمسؤوليات على طلاب سنة سادسة كتيرة.

حصص صباحية ..ودرس عصر ..ومذاكرة في الليل.

و7 حصص في اليوم.

وامتحانات شهرية..وطابور صباح.

الطالب تشوفو تشفق عليه ..لا بقعد في تلفزيون ..ولا بحوم في شارع ولا

بيلعب كورة....ولا بمشي ليه على حفلة.

وكان الطالب وقت يكون في سنة سادسة...الحلة كلها بتعرف - ولد ناس امنةبنت الجاك السنة دي ممتحن.

الله يهون ليه.

وامتحانات الولد ذاتها كانت بتظهر في ام الطالب.

الام تلقاها مسكينة تلقط لي ولدها في الامتحانات والمذكرات ..وتجيب ليه (الفطور) للمدرسة...وتحلب في الغنم.

الغنم هسع الدخلها هنا شنو؟.

لزوم سيناريو يا جماعة ..انتوا ما تقفوا لي في أي حاجة كدا.

سنة سادسة دي زمان كانت حاجة ما ساهلة.

سنة سادسة ابتدائية زمان بتعادل هسع خريج جامعي عديل.

مسؤولية ..ووقار ..واحترام ...وعلم.

ها يا مريخاب الفرق بينا وبينكم بقى زي طالب الروضة (تمهيدي) وطالب سنة سادسة.

الفرق بينا بقى مرحلة كاملة.

6 نقاط.

(وعينيا ما تبكي ما تبكي ما تبكي ما تبكي).

اصلو الدنيا حالها كدا.

هو الدوري الممتاز شن طعمو.

(يا جماعة دي طبعا لزوم التصبيرة ساكت)...ما صاح كدا ..لازم نقيف مع الجماعة ديل شوية...الجماعة ديل داخلين على كونفدرالية.

بعدين انتوا الدوري الممتاز دا اصلو ما عندكم فيه نصيب.

الزول الغلبكم هسع بيلعب في الدوري السعودي.

شفتوا القسمة دي كيف؟.

الدنيا كدا.

والكورة بقت ما بتدي حريف ..بتدي (كوة).

خلاص الدوري الممتاز دا اقنعوا منو؟.

ركزوا في الكونفدرالية ...يمكن تقدروا تقنعوا الاهلي يتنازل ليكم عن المقعد الثاني في المجموعة.

اختصروا وقتكم.

لكن انا مع ذلك عارف انو الموضوع دا ما وقع ليكم.

تعادل الرابطة دا حار ..انا عارفو.

وكمان في رمضان.

تعادل في السخانة دي زي الهزيمة.

لكن ما في مشكلة انا بوقع ليكم الموضوع.

عارف انا موضوع الستة نقاط دي ما وقعت ليكم.

وحكاية المرحلة الابتدائية دي برضو ...انا عارف انتوا ما فهمتوا فيها حاجة.

عشان كدا عندي محاولة تانية.

بس ان شاءالله تفهموها لي.

عارفين الفرق بينا وبينكم بقى شنو؟.

بقى كلية طب عديل كدا.

الفرق بقى 6 سنوات.

انتوا معليش ح تقعدوا تمتحنوا تاني مقرر الشهادة السودانية ..نسبتكم دي ما بتدخلكم جامعة.

نسبتكم دي ممكن تنافسوا بيها مع النسور ..مع جزيرة الفيل ..اهلي الخرطوم بالكتير.

لكن معانا نحن ما بتقسم.

نحن بقينا ناس طب عديل كدا.

الفرق بقى بينا (كلية طب) عديل كدا.

نعمل ليكم شنو اكتر من كدا.

دي 6 نقاط ..عاوزني افوتها ساكت.

6 نقاط.

(والجرح جرجي براي منو البداوي معاي).

ملحوظة : اكرم الهادي سليم الايامات دي ما تخلوها يصرح ..اكرم فاقد اعصابو الايامات دي.

هوامش

العزيز مزمل ابوالقاسم امس كاتب ليه عمود ما عندو أي علاقة بالكورة.

انا عاينت للعمود 6 مرات ..قلت يمكن دا الحبيب مامون ابوشيبة.

معقولة مزمل ابوالقاسم ما سمع بالتعادل الي الان.

معليش يا ضفاري الزول دا امس (لخبط) شديد.

مع (كوة) دا نحن بنعذرو.

كوة والصيام.

ديل ينسوك اسمك.

غير كدا مزمل ابوالقاسم حصل ليه انسداد في الكتابة وارتفاع حاد في الحروف بعد قرار المحكمة الرياضية في سويسرا.

شيء جميل ان هيثم مصطفى حفظه الله ورعاه ...بدأ تمارين.

ورائع وجميل عودة بكري المدينة اليوم للتمارين.

يعني ما عندنا أي مشكلة.

الله لا يجيب العواقب.

نحن تاني ما بنقيف.

بعدين غارزيتو دا ما عندو أي مشكلة ..بي أي تشكيلة ممكن يلعب.

بيلعب ويفوز.

حافظوا على استقرار الفريق.

وحافظوا على غارزيتو.

غارزيتو مدرب كبير.

وقد قاد الفريق في ظروف صعبة ...كان هيثم مصطفى فيها مصاب.

واظن أي مدرب يقود الهلال بدون هيثم بكون الامر صعب عليه ...والانتصارات عصية.

يعود البرنس ..وتكتمل الفرحة.

اظن ان مجلس المريخ الذي اجتمع امس جدد الثقة في ريكاردو.

يا فاروق جبرة انت ما تضيق.

اغلب الجماعة زي الامل في ملعبهم ..وح تبقى المدير الفني للمريخ.

الحضري كراعو حارة.

المرة دي يا الحضري ..(التورتة) علينا نحن.

والله عودتك افرحتنا..واسعدتنا.

اكرم الهادي سليم لو قعد (كنبة) بكون احسن.

الحضري كبر ...والسن اتقدمت بيه.

غير دا ما اظن ذاتو عندو صبر يلعب 90 دقيقة.

الزول كبر.

والسن ليها احكام.

وانت يا اكرم ...احترم من رأ المرمي قبلك.

انت لسه المستقبل قدامك.

وصية اخيرة حملت لها ...وهى مستندات بطرفي للطالب (صدام حسين داؤود العبيد) فقدها في امتداد ناصر...ارجو ان يأتي ليستلمها من مباني الصحيفة.

عاجل : الغريبة كوستي ما كان فيها (مطرة).

انقر هنا لقراءة الخبر من مصدره.