المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    بيان هام من السفارة السودانية في تركيا للسودانيين    "بناء الدولة وفق الأسس العلمية".. كامل إدريس يدعو أساتذة الجامعات للاسهام في نهضة البلاد وتنميتها    مونديال الأندية.. فرصة مبابي الأخيرة في سباق الكرة الذهبية    نبيل عبد الله: قواتنا بالفرقة 14 مشاة صدّت هجومًا من متمردي الحركة الشعبية بمحطة الدشول    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    بلاغ بوجود قنبلة..طائرة سعودية تغيّر مسارها..ما التفاصيل؟    أكثر من 8 الاف طالب وطالبة يجلسون لامتحانات الشهادة الابتدائية بسنار    كيف تغلغلت إسرائيل في الداخل الإيراني ؟!    المملكة تستعرض إستراتيجية الأمن الغذائي لدول مجلس التعاون الخليجي    أردوغان: الهجوم الإسرائيلي على إيران له أهداف خبيثة    "خطوة برقو" تفجّر الأوضاع في دارفور    الصادق الرزيقي يكتب: الدعم السريع وشهية الحروب التي فُتحت في الإقليم    أنباء عن اغتيال ناظر في السودان    خسائر ضخمة ل"غانا"..تقرير خطير يكشف المثير    الترجي يسقط أمام فلامنغو في مونديال الأندية    فيكم من يحفظ (السر)؟    افتتاح المرحلة النهائية للدوري التأهيلي للممتاز عصر اليوم باستاد الدامر.    في السودان :كيف تتم حماية بلادنا من اختراق المخابرات الإسرائيلية للوسط الصحفي    من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟    هيمنة العليقي على ملفات الهلال    الحرب الايرانية – الاسرائيلية: بعيدا عن التكتيات العسكرية    نشاط مكثف لرئيس الوزراء قبل تشكيل الحكومة المرتقبة    نقل أسلحة إسرائيلية ومسيرات أوكرانية الى افريقيا بمساعدة دولة عربية    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    شاهد بالصور والفيديو.. الفنان حسين الصادق ينزع "الطاقية" من رأس زميله "ود راوة" ويرتديها أثناء تقديم الأخير وصلة غنائية في حفل حاشد بالسعودية وساخرون: (إنصاف مدني النسخة الرجالية)    إدارة مكافحة المخدرات بولاية البحر الأحمر تفكك شبكة إجرامية تهرب مخدر القات    (يمكن نتلاقى ويمكن لا)    عناوين الصحف الرياضية السودانية الصادرة اليوم الأثنين 16 يونيو 2025    سمير العركي يكتب: رسالة خبيثة من إسرائيل إلى تركيا    شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة    رباعية نظيفة .. باريس يهين أتلتيكو مدريد في مونديال الأندية    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    المدير العام للشركة السودانية للموارد المعدنية يؤكد أهمية مضاعفة الإنتاج    المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة    من حق إيران وأي دولة أخري أن تحصل علي قنبلة نووية    أول دولة عربية تقرر إجلاء رعاياها من إيران    السودان..خطوة جديدة بشأن السفر    3 آلاف و820 شخصا"..حريق في مبنى بدبي والسلطات توضّح    بالصور.. زوجة الميرغني تقضي إجازتها الصيفية مع ابنتها وسط الحيوانات    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    بعد حالات تسمّم مخيفة..إغلاق مطعم مصري شهير وتوقيف مالكه    إنهاء معاناة حي شهير في أمدرمان    وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا    فجرًا.. السلطات في السودان تلقيّ القبض على34 متّهمًا بينهم نظاميين    اكتشاف مثير في صحراء بالسودان    رؤيا الحكيم غير ملزمة للجيش والشعب السوداني    محمد دفع الله.. (صُورة) تَتَحَدّث كُلّ اللُّغات    في سابقة تعد الأولى من نوعها.. دولة عربية تلغي شعيرة ذبح الأضاحي هذا العام لهذا السبب (….) وتحذيرات للسودانيين المقيمين فيها    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    تراجع وفيات الكوليرا في الخرطوم    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    وزير المالية السوداني: المسيرات التي تضرب الكهرباء ومستودعات الوقود "إماراتية"    "الحرابة ولا حلو" لهاني عابدين.. نداء السلام والأمل في وجه التحديات    "عشبة الخلود".. ما سرّ النبتة القادمة من جبال وغابات آسيا؟    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



على كيفك تفوت ..على كيفك تعال
قوون نشر في قوون يوم 20 - 07 - 2011

في 15 ابريل 1892م ولد الموسيقار محمد القصبجي الذي نشأ في اسرة موسيقية ..كان والده معلما وعازفا للعود.
هذه النشأة لم تمنع عنه ان ينشأ نشأة دينية فقد (حفظ القرآن الكريم وانتقل إلى الأزهر الشريف حيث درس اللغة العربية والمنطق والفقه والتوحيد، ثم التحق بعد ذلك بدار المعلمين التي تخرج منها معلماً).
هكذا تقول سيرته الذاتية.
في عام 1924 م غنت له ام كلثوم من كلمات أحمد رامي اول الحانه..وفي عام 1928 لحن لها اغنية (ان كنت سامح) التي حلقت بعيدا بام كلثوم.
في عام 1930 اصبح محمد القصبجي هو الملحن الاول لكوكب الشرق.
وكان ان لحن اغنية (ارق الحبيب) وهي اروع الحان القصبجي لام كلثوم كان ذلك في عام 1944م.
على مقعد خشبي فضل ان يبقى القصبجي خلف ام كلثوم يدندن باوتار عوده حتي توفي في عام 1966 وهو في الرابعة والسبعين من عمره.
رحل القصبجي وبقى مقعده خاليا ..احياء لذكراه.
ام كلثوم وفاءا لمحمد القصبجي احتفظت بمقعده خاليا في فرقته الموسيقية وظل مكانه شاغرا حتي لحقت به عام 1975م عن واحد وسبعين عاما.
المقعد الخشبي ظل خاليا في فرقة كوكب الشرق بعد رحيل (القصبجي) سنوات طويلة والمقعد خاليا..لا استبعد في هذا التوقيت وهذا الزمن وبعد اكثر من (55) عاما ان تظل شباك المريخ (خالية) بعد هروب الحضري او رحيله او اعتزاله.
قد يفعلوها في المريخ ..يخلوا المرمي (خالي) بعد الحضري.
اكراما للحضري ..الناهي والامر في المريخ.
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
نعم قد يخرج لك في هذا التوقيت ...(ابوعرام)..ويقول ليك : لكن (يس) ما عندو خبرة.
ويس (بدري) عليه.
ويس ما حمل الشقاوة دي.
يا ربي كنتوا مسجلنو عشان تكسرو بيهو قروش السمسرة.
هل كان (يس) في شندي سيلعب ضد برشلونة ام مانشيستر ام انه كان سوف يلعب ضد انيمبا ..ليقولوا عنه لا يمتلك (خبرة).
يس حارس مرمى هلال الساحل جاء للمريخ وهو لاعبا للمنتخب الوطني ...عكس (جمعة) الذي لم يكتسب خبرة (ساعة) في الهلال.
مع ان (جمعة) كان يلعب في الوحل وفي الطين وتحت الامطار وامام فريق فاز عدة مرات ببطولة الاندية الافريقية ويلعب وسط جمهوره وفي ارضه.
نعم (جمعة) كان يلعب ضد (انيبما) اعرق الاندية الافريقية على الاطلاق ...وليس ضد (الاهلي شندي) الذي لم يكمل بعد (6) شهور في الممتاز.
جمعة كان يلعب امام انيمبا ..وامامه ديمبا وعلاء الدين يوسف واتير توماس في ظل غياب دفاع الهلال الاصلي (مساوي وسامي عبدالله)...مع ذلك نجح وكان ثابتا وفاز بنجومية المباراة.
فاز جمعة وثبت.. لأن اهل الهلال منحوه الثقة ..واعطوه الجرأة والقوة.
كنت اشاهد مباراة الهلال وانيمبا ..وقناة الجزيرة تنقل المباراة من (الطين) حتي ان شعار الهلال (الابيض) اصبح (بنيّا).
كان احد الذين يتابعون المباراة معي ..بين الفينة والاخرى ...وعلى طريقة عادل امام يقول لي : (مين جمعة دا).
وكنت اشرح ...جمعة دا حارس مرمى الهلال.
جبنا من شندي.
سجلناه ..ودي تاني مباراة ليهو مع الهلال في البطولة الافريقية.
تمضي المباراة وجمعة يتألق ..وصاحبي يسألني بين الفينة والاخرى ...(مين زكي جمعة دا).
وتاني انا ارجع واقعد اوصف ...جمعة دا حارس مرمى الهلال.
جبنا من شندي.
نعم كان جمعة (ذكيا).
وكان الهلالاب اذكي لأنهم غامروا بحارس صغير ..لا خبرة له..منحوه الثقة والامان ...وكان رهانهم بعد ذلك على (الانتصار).
متي يتعلم المريخاب ...هذه الدروس؟.
ومتي يعرفون ان (3) نقاط لا تعني ان نبيع القيم والمثل والانضباط.
ان شاءالله (النقاط) تطير.
انتوا بتحسبوها كدا.
عشان كدا ..ما بتمشو لي قدام.
تطلعوا من دور ال (32) في البطولة الافريقية.
لقد خرجتم من هذه البطولة ...والحضري كان يحرس مرمى المريخ.
ويتصدر الهلال الان مجموعته الافريقية ..ومرماه يحرسه (جمعة).
طلعتوا من سيكافا ب (برونزية)...ومرمامكم كان يحميه (الحضري).
وخسرتم من الاهلي الخرطوم بجلابية سولي شريف الشهيرة.
وبرضو كان يحرس مرمى المريخ السيد عصام الحضري.
ما هي قيمة بطولة الممتاز ..اذا كان الفوز بالممتاز يأتي على حساب المباديء والمثل النبيلة.
لهذه الاسباب ...انتم تخسرون الممتاز ...ولهذا السبب ان شاءالله لن تحققوا بطولة الممتاز.
في مباراة سابقة كانت في نهائي كأس السودان ..فاز الهلال على المريخ بهدفين ...رغم ان مرمى الهلال كان يحرسه (الدعيع) ..وكان الدعيع يلعب بي (عين) واحدة.
انتصرنا ..لأننا نملك الجرأة والثقة ...ونحترم أي لاعب في كشف الفريق.
المريخ كان يمكن ان يحقق نفس هذه النتيجة التي حققها الفريق امام اهلي شندي لو كان يحرس مرماه يس.
وكان الانتصار يمكن ان يكون اكبر من هذا الانتصار الذي تحقق ..لأن لاعبي المريخ سوف يكونوا اكثر ثقة ...واعظم انضباطا ...وهم يرون لاعبا من بينهم يحرس مرماهم.
وليس لاعبا يأتي (فجرا)..بعد ان كسر روح الفريق وقضى على الانضابط بتصريحاته وبسفره والفريق في حاجة اليه.
كانوا سوف يحترمون فريقهم اكثر.
لقد كسب المريخ الاهلي شندي ..ولكن خسر المريخ نفسه.
كسبتوا الاهلي ..وخسرتوا المريخ.
خسرتوا الروح والانضباط والجمهور.
الاهلي شندي انتصر عليه فريق (حي العرب) قبل ايام ...وحي العرب يحتل المركز الاخير في الممتاز.
حي العرب في مباراة شندي لم يكن يحرس مرماه (عصام الحضري).
وربما كان يحرس مرماه حارس اقل جاهزية من (يس).
ان الذين يتحدثون عن (كسر) اصبع محمد كمال ..(كسروا) ايضا المريخ.
اصبع يعمل فيكم كدا.
كسروا ضهر المريخ ...واتوا بحارس (هرب)..وخرج متسللا من البلاد.
يس كان افضل ...كان هو الخيار الامثل حتي لو لم يكن جاهزا.
حتى لو كان (يس) سببا في ان تخسروا نقاط مباراة الاهلي شندي.
يعني شنو ...خسرتوا الممتاز 7 مرات في عهد جمال الوالي.
يس كان افضل.
ليتهم جعلوه يحرس مرمى المريخ واحتفظوا بكرامتهم من ان يرجعوه ..هكذا (فجرا) ليحرس مرمى المريخ.
هرب (فجرا).
ورجع (فجرا).
الحارس بتاع (الغزوات) دا شنو؟.
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
الحضري الذي اذلهم ..يعود من القاهرة فجرا ..بدون تمرين ..وبدون اذن ..وربما بدون تذاكر كمان ..عشان يحرس مرمى المريخ في (شندي) امام الاهلي.
شندي التي حرق فيها اسماعيل باشا واتباعه لأن (المك نمر) شعر ان الرجل اهانه وجرح كرامته.
بعد اكثر من 190 عاما من حرقة اسماعيل باشا...جاء الحضري الي (شندي) متجاوزا لكل الاعراف والتقاليد والمثل ...ليحرس مرمي المريخ ..ضاربا بالقيم والمثل عرض الحائط.
لا بد ان المك نمر يتململ في قبره الان ..يتململ من هذا الذي فعلوه.
ضربة كدوس ...جعلت اسماعيل باشا يدفع الثمن غاليا ..دفع روحه واتباعه ..وحرق لأنه مس كرامة المك.
والحضري يقول : جمال الوالي ما كان مصدق انو يسلم عليّ.
الكلام دا لو قالوا لاعب في الهلال ...في درجة تانية ما بيلعب.
في الليق ما بحلم.
والحضري يقول : جمال الوالي الكلام البقولو ليهو... بلقى الصباح في الجرايد.
الوالي ما بمسك الكلام.
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
والحضري يقول : لاعبي المريخ ما عندهم طموح.
طموح يجيبوا ليك من وين ناس (ما بنخلى البوفيه المفتوح ونمشي نسك سندوتشات الهلال).
بالله انتوا بتحسبوها بالسندوتشات.
ولاعبو المريخ يقولون كنا عايشين في جحيم مع الحضري.
وصحف المريخ كلها ..وكتابهم يخرجون بعد هروب الحضري ليثبتوا ان محمد كمال احسن من عصام الحضري.
افتكر بنفس المنطق كان يمكن ان تثبتوا ان يس افضل من محمد كمال.
ما صعبة دي.
والحضري الذي لم يكمل حتى تعليمه (الاعدادي) يقول : كما قال ابراهيم حجازي يوم ..(آمال فين الامن).
بنفس السخرية التي وصفت بها هالة صدقي (مطار الخرطوم)..(مطار عبارة عن غرفة وبرندتين).
والحضري يقول !!.
يقول مثل ما قاله احد رواد الملاهي في القاهرة : (ديل ما يقدروش ينظموا حفلة عيد ميلاد).
الحضري يقول : (السودان ما فيه تعليم ..وموش ممكن اضحي بتعليم اولادي).
والله هانت يا ابن (كفر البطيخ).
هانت!!.
السودان الذي اخرج التجاني يوسف بشير الذي يعرف قدره العقاد وتوفيق الحكيم ..تتحدث عنه انت.
معذور لم تقرأ اكثر من (كتابي الاول).
انت الذي لاتستطيع ان تعرف عن نفسك إلا بالرقيص ..(وهيشك بشك).
وارقص يا حضري.
نعم نحن ما عندنا ملاهي ..ولا مدارس رقص.
ما عندنا حاجات زي دي.
السودان ...تتحدث عنه انت ...ومحمد منير الذي عندما اراد ان يغني للشعب المصري لم يجد غير كلمات محجوب شريف (بطاقة شخصية).
الشعب الطيب والديّ
الشعب حبيبي وشرياني
اداني بطاقة شخصية
هل تعرف مثل هذه الكلمات ...لا تعرف ...اراهن ان قلتها ثلاث مرات ترتد عن هذا الذي تفعله وتهتدي الي الطريق القويم.
يا الحضري انت ما بتشوف ابعد من خط ستة.
فاكر الحكاية كلها كورة ...وعقد وهروب.
السودان الذي خرج منه العلامة (عبدالله الطيب)...الذي يمكن ان يخرج من الكلمة العربية الواحدة الف مرادف لها.
الحضري يتحدث عن السودان ...وعن التعليم ...وعن الطقس.
والله هانت.
انت عيّنوك الامين العام لجامعة الدول العربية ...ونحن ما عارفين.
الحضري يصف الاعلام السوداني بالسوء ..والفقر والكذب ..ويخرج الذين لا يقدرون الاشياء إلا بالوانها ليتحدثوا عن موقف الوالي ...وعن عودة الحضري.
وعن حاجة المريخ..واصبع محمد كمال....وخبرة يس.
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
الحضري بكل هذا السوء ...تصدقوا ان الاعلام السالب يدافع عنه ...الاعلام الذي يحدد موقفه حسب (المريخ).
معانا وإلا مع التانين.
يدافعون عنه ...والمك نمر يتململ من هذا الذي تفعلون ...نحن لا نلوم الحضري.
الحضري بشوت مع (الدولار).
الحضري بيلعب مع مصلحته.
ادفع بس.
نلومكم انتوا ...(طبالين) بدرجة صحفيين.
الحضري سلبت منه ادارة الاهلي قيادة الفريق ..وشارة الكابتنية ..لأنه دون هذه الدرجة.
لأنه اقل من ان يمثل المريخ.
والحضري يقول عنه مدربه السابق جوزيه : (الحضري ممكن يبيع ابوه عشان مصلحته).
والحضري يقول عنه مجدي عبدالغني بعد هذا الذي يفعله ..(اشك انو الحضري عندو حمي يا ابوجريشة).
اهلو قالوا عنو كدا ...انتوا عاوزين تدافعوا.
وعاوزين تجيبوا (التورتة).
ومصطفي يونس يقول : (عصام الحضري ايش خبرو بالتعليم عشان يقيموا).
الحضري يقيّم التعليم في السودان.
هذا الذي تفعلونه للحضري ...وهذا الفهم السطحي من المريخ ...سوف يجعل عصام الحضري يتمدد اكثر.
لا استبعد ان يتحدث (حضرتو) أي عصام الحضري عن سياسة السودان الخارجية.
ويحدد لينا كيف تكون علاقتنا مع الولايات المتحدة الاميركية.
انتوا منحتوه الفرصة.
وحضرتو يمكن يطلع في قناة الجزيرة ليتحدث عن اجتماع مجلس الوزراء الاخير.
والاسعار ...وديون السودان الخارجية.
وممكن الحضري بي (شلاقتو) دي يكملنا عن الاقتصاد السوداني بعد الانفصال ..وما يجب ان تفعله وزارة المالية لمجابهة الاوضاع بعد خروج (الجنوب).
ممكن.
انتوا اعطيتوا الفرصة.
الزول وقت يكون ما عارف ...ممكن يعمل أي حاجة.
المصائب دائما تأتي من (الجاهل)...لا تأتي من (العالم).
وبي شلاقتكم دي يا مريخاب ممكن الحضري يزيد حصة جمهورية مصر العربية من مياه النيل.
انتوا موش دفعتوا الغرامة.
ودفعتوا 700 الف دولار للزمالك المصري.
الغريبة ان الحضري نفسو ضحك فيكم في هذا المقابل الذي دفعتوه للزمالك.
الحضري ممكن يطلع (حلايب) مصرية.
وبورتسودان مصرية.
وشندي مصرية.
ممكن الحضري دا يعمل فيكم أي حاجة.
موش انتوا جبتوا ليهو (التورتة) وقعدتوا تسمعوا فيها في اسطوانة مشروخة ..(انت احسن حارس في افريقيا).
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
المريخاب ...بعد مباراة اول امس ومشاركة الحضري مع المريخ ضد الاهلي ..ما عرفو يعملوا شنو؟.
حاولوا يجملوا الحكاية شوية.
قالوا الحضري رجع براهو.
والله هانت.
كمان رجع براهو ...يعني على كيفو كدا ..يفوت ..ويرجع ..ويلعب في التشكيلة.
على كيفو.
مع هذا الرأي ..اتخيلوا قالوا شنو؟.
قالوا يا سلام على الحضري ...قدر ظروف المريخ ..سمع بي ان (محمد كمال) اصبعو (اتكسر)...ما قدر يستحمل ...عاد عشان يلبي نداء المريخ.
تاني رجعوا قالوا حسام البدري (ضرب) ليهو.
حكى ليهو الحاصل.
اتجرس ليهو.
قال ليهو : ارجع ما عشان المريخ ..عشاني أنا.
جمال الوالي الذي (استأسد) على القطاع الرياضي ..واعفى صديق على صالح ...ومصطفي توفيق ومجاهد احمد محمد.
ديل اعفوهم عشان ما شالوا (الجواز) من الحضري.
ديل عملوا فيهم كدا ..والزول سبب المشكلة ...الزول (الهارب) ما عملوا ليهو أي حاجة.
رجع ولعب.
شارك على طول.
الوالي الذي قال امس في صحيفة الصدى عن هؤلاء الذي اقالهم (هؤلاء افضل من المعارضة لأنهم خدموا المريخ باخلاص وتجرد وكانوا ومازالوا حريصين على نهضته ولا يعملون من أجل هدمه واعادته للوراء).
يا جمال الوالي طيب وقت الجماعة ديل خدموا المريخ باخلاص وتجرد ..ليه اقلتهم عشان (جواز) الحضري.
المشكلة الحضري رجع ...وديل راحوا فيها ساكت.
مصطفي توفيق الذي كان يفعل أي شيء ..ممكن يبصم للاخرين ..شالوه عشان (الجواز) مع انه كان احرى ان يشيلوه بعد (البصمة).
المكتب التنفيذي كلو (شالوه) عشان جواز سفر الحضري.
بينما الزول السافر ...ما حاسبوه.
ما سألوه.
الزول (الهرب) والذي تسبب في (اقالة) ناس بخدموا في المريخ من قبل عشرين سنة ...ما سألوه.
انا عرفت ليه المريخ ما بفوز ببطولة الممتاز.
البعمل فيه جمال الوالي دا ما شوية.
دا يهد جبل.
7 اجانب.
وغرامة.
وتورتة.
وجهاز فني مصري.
وفي النهاية لن تصرف ليكم غير (برونزية) سيكافا.
وعلى كيفك يا الحضري.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
دا مولد سيدو غايب.
مولد (وواليه) غايب.
بالمناسبة نحن في السابق كنا نظن ان (هروب) عصام الحضري هو المشكلة.
لكن الان ..نقولها بكل صدق وامانة ...عودة الحضري هي المشكلة الجد.
سوف ترون عواقب ذلك قريبا ان شاءالله.
تعالوا (نمنطق) الاشياء ..حتى لا تعتبرون ذلك تحاملا على لاعب عمره 40 سنة.
سافر الحضري او قل (هرب) من المريخ بعد ان اعلن في تنزانيا ان مباريات سيكافا اخر مبارياته مع المريخ.
وكان الحضري الذي سوف تتبينوا (كذبه) قد اكد ان هناك عروض كثيرة وصلته من اندية اوروبية.
بل ان الحضري حدد انه وصلته عروض من انجلترا ومن اسبانيا ..من اجل ان يلعب هناك في اعظم الدوريات في العالم.
انت يا الحضري قايل (الانجليز) ديل طرش.
قايل الاسبان ديل ما عندهم غير (صراع التيران) عشان يتعاقدوا معاك انت.
ليه؟.
فاكر الانجليز ديل ..عندهم (والي) زي والي المريخ ....يجيب ساكت..ويدفع في الغرامات.
قايلها (سايبة).
كذب الحضري على المريخاب واقنعهم ان هناك عروض وصلته من (اوروبا).
والجماعة صدقوا.
وقالوا : لن نقف امام مصلحة الحضري.
لكن الايام مرت ..ولم يصل أي طلب للحضري من أي فريق اوروبي.
ولا في الدرجة الخامسة هناك بتلعب يا الحضري.
بعد فشل (كذبة) العروض الاوربية ...عاد الحضري وقال هناك عروض من اندية مصرية وصلته.
وعشان الحضري زول (شفقان) هرب من اجل تلك العروض التي قال انها وصلته.
وتحدث الحضري عن عرض وصله من مصر المقاصة ....وقال ان هذا النادي ممكن ان يعوض المريخ في (الغرامة).
ثم عاد الحضري واستهجن ما دفعه المريخ للزمالك مقابل اطلاق سراحه.
لكن نادي مصر المقاصة ..نفى طلبه للحضري واكد عدم رغبته فيه.
بدأ بعد ذلك الحضري يتحدث عن الزمالك وعن حسن شحاتة.
الحضري الذي اكد ان فترته في الزمالك هى الاسوأ ...عاد يتحدث عن الزمالك الان ...وعن علاقته الجيدة بحسن شحاتة.
الكذبة لم تستمر طويلا ...لأن الزمالك اكد انه لن يتعاقد مع الحضري ..وقال موقع الزمالك ان حسن شحاتة طلب 6 لاعبين جدد ليس من بينهم (عصام الحضري).
يلا خم وصر يا حضري.
اندية مصر كلها ترفضك ...ناد واحد في مصر لم ولن يتقدم لك من اجل الاحتراف في صفوفه.
سن الحضري ..وسلوكه تجعل كل الاندية تنفر منه.
بل ان المريخ نفسه يبحث عن كيفية يتخارج بها من هذا الحارس ..يبحث عن طريقة (كريمة) يتخلص بها من هذا الحارس (المسن).
المريخ اكد في اكثر من مرة انه اذا وجد عرضا مناسب يمكن ان يطلق سراح الحضري.
لكن وين؟.
الحضري بعد السن دا ...يعملوا بيهو شنو؟.
هذا هو الحضري مرفوض من الجميع.
نذكر المريخاب ان فريق الاهلي المصري (فريق القرن) في وقت كان يحتاج فيه للحضري بشدة ..رفضوه واغلقوا ابوابهم في وشه.
منعوه حتي من الدخول للنادي.
رغم ان الاهلي كان يعاني وقتها في حراسة المرمي ..وكان يحرس مرماه ناشيء صغير السن والخبرة اسمه احمد عبدالمنعم.
رفضوه والاهلي يلعب في اكبر البطولات ويمثل افريقيا في بطولة كأس العالم للاندية.
رفضوه والحضري يستجدى فريقه للعودة ..يبكي بدموعه في الفضائيات ..وهو الي الان يتوسل للعودة.
لكن في الاهلي في انضباط ..في لوائح ...وفي احترام.
قالوا ليهو يا الحضري لو براك بتجيب لينا (كأس العالم) للاندية ...ما عاوزنك.
وما فعله الاهلي قبل سنوات.
فعله الزمالك الان ...لا لعودة الحضري.
بل فعلته كل اندية مصر التي سدت ابوابها في وجه هذا الحارس (المسن).
بالمناسبة كلمة (المسن) دي تاني ما بخليها ..بكتبها كل ما كتبت عن (الحضري).
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
تعالوا شوفوا هذه الاشياء وتلك القرارات مع (مراعاة) فروق (العقوبات).
سفاري الذي يعتبر احد كباتن نادي المريخ ...في الموسم الماضي تعرض لعقوبة قاسية ..تمثلت في حرمانه من راتبه لمدة 5 اشهر.
رغم ان سفاري لم يهرب ..ولم يصرح مثل تصريحات عصام الحضري الاستفزازية.
5 شهور يا مفترين.
والمريخ او حسام البدري لم يحترم تاريخ هيثم طمبل واعادوه من معسكر كينيا رغم ان المريخ يشارك في سيكافا من اجل الاعداد.
اعادوه من كينيا عشان حسام البدري طمبل ما واقع ليه.
وحسام البدري اوقف بلة جابر الدورة الاولى كلها ..عشان اتأخر عن التدريب 15 دقيقة.
وبنفس الاسباب ابعد حسام البدري موسى الزومة وتم ايقافه في الدورة الاولى.
وكان حسام البدري قد اصدر عقوبة قاسية على عبدالكريم الدافي ..وكاد ان يرجع الدافي الي بلده.
حسام البدري الذي اصدر كل هذه العقوبات ...هو نفسه الذي هاتف عصام الحضري وتوسل له من اجل العودة.
وعلى كيفك.
على كيفك تفوت
على كيفك تعال
وادخل براحات البيوت
في العتمة او نص النهار
لمتين مبارياك غربتك
ملت حدود الرحلة حالات الدوار
يوماتي بتلاقيك مدن
يوماتي راجيك كم مطار
ملحوظة : اضحك يا حضري ..اضحك على المريخاب.
هوامش
سادومبا فتح بعد (الايقاف مدى الحياة).
يا جماعة ما توقفوا لينا (اتوقووون) دا (مدى الحياة) عشان يفتح.
وقفوا لينا ان شاءالله (شهر).
شهر واحد بس ...بفتح.
يا جماعة انتوا (ميشو) دا موش المجلس قال ليه ما تتكلم كتير.
تعادل الهلال وانيمبا جعل ميشو يصرح في كل الصحف.
يا ميشو ....قلل كلامك.
الكلام ما بنفع في المرحلة دي.
اسكت يا ميشو.
مباراة الهلال غدا مع الموردة ح تكون غاية في الروعة.
ح نشوف مهرجان اهداف.
عاوزين نشوف اتوقووون بكرة من البداية.
لا سيما وان سادومبا موقوف.
المواجهات القادمة في بطولة الاندية كلها عربية.
طبعا مجموعة الاهلي كلها فرق عربية ...لكن مواجهة الاهلي والترجي التونسي سوف ترفع من سخونة المواجهات.
الهلال في ام درمان سوف يواجه الرجاء المغربي.
الوداد سوف يستقبل المولدية.
وتبقي هناك مواجهة تهم الهلال كثيرا وهي مواجهة القطن الكاميروني وانيمبا في الكاميرون والتي نتمنى ان تنتهي تعادل ..لينفرد الهلال بالصدارة وتبقي كل الفرق التي تلعب في مجموعة الهلال خسرانة في ارضها بالتعادلات ..عدا الهلال الذي نسأل الله ان يخرج بالنقاط كلها في المباريات التي تلعب في ام درمان.
عاجل: احرسوا (الجواز)...وخلوا (المرمى) يحرسه الحضري.

انقر هنا لقراءة الخبر من مصدره.