السلطات السودانية تضع النهاية لمسلسل منزل الكمير    (برقو ومن غيرك يابرقو)    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    بيان هام من السفارة السودانية في تركيا للسودانيين    "بناء الدولة وفق الأسس العلمية".. كامل إدريس يدعو أساتذة الجامعات للاسهام في نهضة البلاد وتنميتها    بلاغ بوجود قنبلة..طائرة سعودية تغيّر مسارها..ما التفاصيل؟    نبيل عبد الله: قواتنا بالفرقة 14 مشاة صدّت هجومًا من متمردي الحركة الشعبية بمحطة الدشول    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    مونديال الأندية.. فرصة مبابي الأخيرة في سباق الكرة الذهبية    أكثر من 8 الاف طالب وطالبة يجلسون لامتحانات الشهادة الابتدائية بسنار    كيف تغلغلت إسرائيل في الداخل الإيراني ؟!    المملكة تستعرض إستراتيجية الأمن الغذائي لدول مجلس التعاون الخليجي    أردوغان: الهجوم الإسرائيلي على إيران له أهداف خبيثة    خسائر ضخمة ل"غانا"..تقرير خطير يكشف المثير    الصادق الرزيقي يكتب: الدعم السريع وشهية الحروب التي فُتحت في الإقليم    أنباء عن اغتيال ناظر في السودان    الترجي يسقط أمام فلامنغو في مونديال الأندية    افتتاح المرحلة النهائية للدوري التأهيلي للممتاز عصر اليوم باستاد الدامر.    فيكم من يحفظ (السر)؟    في السودان :كيف تتم حماية بلادنا من اختراق المخابرات الإسرائيلية للوسط الصحفي    من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟    الحرب الايرانية – الاسرائيلية: بعيدا عن التكتيات العسكرية    نشاط مكثف لرئيس الوزراء قبل تشكيل الحكومة المرتقبة    نقل أسلحة إسرائيلية ومسيرات أوكرانية الى افريقيا بمساعدة دولة عربية    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    شاهد بالصور والفيديو.. الفنان حسين الصادق ينزع "الطاقية" من رأس زميله "ود راوة" ويرتديها أثناء تقديم الأخير وصلة غنائية في حفل حاشد بالسعودية وساخرون: (إنصاف مدني النسخة الرجالية)    إدارة مكافحة المخدرات بولاية البحر الأحمر تفكك شبكة إجرامية تهرب مخدر القات    (يمكن نتلاقى ويمكن لا)    سمير العركي يكتب: رسالة خبيثة من إسرائيل إلى تركيا    عناوين الصحف الرياضية السودانية الصادرة اليوم الأثنين 16 يونيو 2025    شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة    رباعية نظيفة .. باريس يهين أتلتيكو مدريد في مونديال الأندية    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    المدير العام للشركة السودانية للموارد المعدنية يؤكد أهمية مضاعفة الإنتاج    على طريقة البليهي.. "مشادة قوية" بين ياسر إبراهيم وميسي    المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة    من حق إيران وأي دولة أخري أن تحصل علي قنبلة نووية    أول دولة عربية تقرر إجلاء رعاياها من إيران    السودان..خطوة جديدة بشأن السفر    3 آلاف و820 شخصا"..حريق في مبنى بدبي والسلطات توضّح    بالصور.. زوجة الميرغني تقضي إجازتها الصيفية مع ابنتها وسط الحيوانات    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    بعد حالات تسمّم مخيفة..إغلاق مطعم مصري شهير وتوقيف مالكه    إنهاء معاناة حي شهير في أمدرمان    وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا    اكتشاف مثير في صحراء بالسودان    رؤيا الحكيم غير ملزمة للجيش والشعب السوداني    محمد دفع الله.. (صُورة) تَتَحَدّث كُلّ اللُّغات    في سابقة تعد الأولى من نوعها.. دولة عربية تلغي شعيرة ذبح الأضاحي هذا العام لهذا السبب (….) وتحذيرات للسودانيين المقيمين فيها    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    تراجع وفيات الكوليرا في الخرطوم    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    وزير المالية السوداني: المسيرات التي تضرب الكهرباء ومستودعات الوقود "إماراتية"    "الحرابة ولا حلو" لهاني عابدين.. نداء السلام والأمل في وجه التحديات    "عشبة الخلود".. ما سرّ النبتة القادمة من جبال وغابات آسيا؟    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الحضري ماسك عليكم شنو؟
قوون نشر في قوون يوم 23 - 07 - 2011

اضحك عندما اقرأ استعجابا للاعلام السالب عن حديث اعلام الهلال عن هروب الحضري (فجرا) وعن عودته (فجرا) ليحرس مرمى المريخ في شندي امام (ارسنال) دار جعل.
وان كنت اعتذر هنا وانا اكتب (ارسنال) دار جعل..واحسب ان النسبة والاضافة للقبيلة قد يقودنا الي مهالك اخرى ..ونخرج من عصبية (هلال مريخ) ونرتمى لعصبية اخرى اكثر خطرا هي عصبية (القبيلة).
(وما بندور عصبية القبيلة).
بعدها سوف تقدم صحفنا الرياضية لقاءات اندية الولايات بحسبة (القبيلة)..وسنقول عندها ان (ادروبات) حي العرب يواجهون (نوبة) الجبال.
وابناء ( دار جعل) في مواجهة مع (البني عامر) الميرغني.
تخيلوا ان عصبية هلال مريخ تتحول الي عصبية بين القبائل ..الشوايقة ضد الجعليين ...والحلفاويين ضد الفور...والزغاوة ضد المحس.
نحن ناقصين ..قبلية ..وجهوية.
كفاية هلال مريخ.
الامر جد خطير يبدأ بمناوشات هكذا في الاعمدة ثم ينتقل بعد ذلك الي المدرجات لتصبح (الرياضة) في السودان ..وجه اخر من وجوه (السياسة) الدامية.
لذا انسبوا الاهلي لمدينته (شندي) ..وابعدوا (الجعليين) من هذه النسبة ...ومن غير شك فان الجعليين اكبر من ان يمثلهم (الاهلي)...ثم ان مدينة شندي مدينة تتسع للجميع ..وتوجد فيها كل القبائل وتتعايش في سلام..لذلك فاننا نختزل الكثير عندما نجعل اللاهلي ممثلا للجعليين فقط.
اعود واضحك من انتقاد اعلام المريخ لاعلام الهلال لأن اعلام الهلال على حسب وجهة نظرهم يتناول شأن مريخي خاص.
متين المريخ دا بقى (منطقة عسكرية ممنوع الاقتراب والتصوير).
متين بقيتوا المريخ (ملك خاص)؟.
هل اصبح المريخ بكل تاريخيه التي نحترمها بنديته للهلال ...وهذا شرف عظيم ..هل اصبح المريخ (قطاع خاص) لجمال الوالي يحكم فيها بما يشاء.
ويحدد جمال الوالي من وجهة نظره هو ...الصاح من الغلط.
اعجب من تصنيف الاشياء على هذا القياس الذي يمنع ان يتناول اعلام الهلال الشأن المريخي ..ولا اعرف من الذي اعطاهم حق ان يتحدثوا عن شئون الهلال بينما يحرموا في نفس الوقت علينا ان نتحدث عن الشأن المريخي.
حوض البط ..يا ربي كان في (الطابق التاني للمريخ).
ايميل سادومبا (الممسوح) هل كان امر (وطنيا) عظيم ...يحق لكل الناس ان يتناقشوا فيها وكأنه مادة من مواد (الدستور).
وجب ان نصحح هذا الفهم الذي يحدد اتجاهات السير ويختار حتى للاقلام الحرة المواضيع التي يجب ان يكتبوا فيها ...الهلال ليس هو (هلال) الاهلة فقط ...والمريخ ليس هو مريخ (المريخاب) فقط.
نحن نقول ان الهلال هو هلال الامة ...ولا نقدم شيئا على الوطن.
ويقول المريخاب ان السودان ..هو سودان المريخ ..هكذا يفهموها ...وهكذا يحسبوها ...ويردوننا بعد كل هذا ان نستخرج (اذن كتابة) عندما نكتب عن هروب الحضري.
نحن احرار نكتب فيما نشاء دون ان يمتلك أي شخص ان يحاسبنا او يمنعنا او حتى يستنكر ذلك.
لنا في المريخ مثلما لنا في الهلال ...وللمريخاب لهم في الهلال مثل ما لهم في المريخ.
تلك النظرة الضيقة التي تحرم تناول احداث المريخ من قبل اعلام الهلال نظرة تخلفية ..والهلال والمريخ يفصل بينهما (شارع).
واذا كنا نقول ان العالم اصبح (قرية) او اصبح (غرفة) ..كيف تريدون في ظل هذا التقارب ان يغض اعلام الهلال النظر عن احداث المريخ.
والمريخ الذي نكتب عنه هو ليس كوكب المريخ...ولا هو جسم معزول عن الكتابة الهلالية.
العالم كله تحدث عن (إيميلي ويتشمان) عارضة الازياء الدنيماركية التي اجبرت جوزيه مورينهو على ايقاف تدريبات فريق ريال مدريد (افتنانا) بالحسناء الدنيماركية.
طبعا دي يا مورينهو بنسميها عندنا على الطريقة العتيقية النسبة (لمحمد بشير عتيق).
بنسميها يا مورينهو (من اول نظرة اسرتني عيونك وبقيت مجنونك).
هل تعلموا ان العالم كله تحدث عن هذه (الوقفة) وتناولت الصحف الاسبانية والمواقع العالمية الواقعة ..بعضهم بسخرية والبعض الاخر باندهاش.
ولا شك ان مورينهو يغني الان (وعلى الجمال تغار منا ماذا عليك اذا نظرنا).
لكن انت يا مورينهو ما تبقى عيونك (طايرة) ...ما لدرجة انك توقف ( التمرين).
هنا في السودان يريدوننا ألا نتحدث عن هروب الحضري وعن عودته وانكسار المريخ.
كأننا مازلنا نعيش في العصر الحجري او كأن السودان يقع خلف الشمس بنحو 56 كليو متر!!.
هل نحتاج الي بوليصة تأمين من السيد جمال الوالي لكي نخرج تصريح للمحامي خالد سيد احمد.
يا عم روح.
متى ملكتم المريخ لجمال الوالي بحيث اصبح الحديث عن هروب الحضري ...(عيب) ان جاء هذا من الاعلام الهلالي.
انتوا (نجيلة) الهلال ما خليتوها.
نجيلة الهلال كتبتوا فيها اكتر من (البطولات المحمولة جوا).
وهذه قصة اخرى.
العالم الذي اصبح قرية ..بل (علبة هندسة) تحدث كله عن حدث تافه وصغير لا يستحق ان يذكر حتى تحت عمود كهرباء.
الكل تحدث عن زراعة الشعر التي قام بها روني (الاصلع) بعد ان اكد روني على حسابه الخاص في (تويتر) ان الجمهور الانجليزي سوف يشهد شخصا جديدا.
هل اصبح العالم فاضي لهذا الحد ..ليتحدث عن عملية زراعة الشعر التي قام بها روني.
هذا الموضوع احدث حراك كبير في العالم ..وقد حدثت تداخلات وتعليقات بين روني وجمهوره.
حتي ان زميل روني في المنتخب الانجليزي ريو فيرديناند مازح روني قائلا: ( قريبا جدا ستقوم بإعلانات شامبو هيد أن شولدرز – الذي يقوم به الآن كريستيانو رونالدو).
هذا الموضوع الذي يبدو (تافها) لم يكن يتشرط فيه ان يكتب عنه اقلام معينة دون الاخرى.
وليس هو حصريا على اعلام مانشيستر يوناتيد.
ويتحدث العالم ...ويتحدث ....
طوبا بيوكستون وهي الممثلة التركية المعروفة عربيا ب (لميس) حامل في الشهر الثاني بتوأم.
في زول بهمو متل هذا الخبر.
عندنا زول في البلد لو سمع خبر زي دا ..بقدد عيون الزول الجاب ليهو الخبر.
مثل هذا الخبر (الخاص) والذي يبدو (عبيطا) تحدثت عنه كل الصحف التركية وتناولته المواقع العالمية واستقبله القراء بلهفة كبيرة.
نحن مالنا ومال (لميس).
عالم فاضية.
والعالم بقت حالتو واحدة.
في فرنسا تم انشاء تمثال تذكاري لمحمد بوعزيزي...وسوف تخرج (كان) فيلم سينمائي عن محمد بوعزيزي.
هذا كله يثبت انه لم تعد هناك حواجز بين الدول والناس والاحداث.
في ظل هذه (العولمة) وزوال الحواجز والاسرار ...هل هناك غرابة في ان يتناول اعلام الهلال هروب الحضري وعودته ...علما ان المواقع المصرية والصحف العربية كلها اهتمت بهذا الهروب ..وفتحت له صفحاتها وسخر الكثير من المريخ بل سخروا من السودان بعد ان فعل الحضري كل هذا في المريخ.
خليتونا (مسخرة) للبسوى والما بسوى.
اعلام الهلال مطلوب منه ان يكون (اطرش في الزفة)...ما يجيب أي سيرة لهذا الحدث الذي اذل به المريخ.
اعملوا فيها ما عارفين.
جاملوا المريخاب ..انسوا الموضوع دا.
نحن لو خليناكم براكم ..بنجي نلقى الحضري باع استاد المريخ.
وما بعيد (النيل) ذاتو يبيعوا.
انتوا ما عارفين الحضري.
الحضري اعفى صديق على صالح.
ومصطفى توفيق.
ومجاهد احمد محمد.
ولو خلينا الحضري على كيفو كدا ..بنجي نلقاه شال متوكل احمد علي وعبدالله حسن عيسي وهمد.
والحضري يمكن يتوغل اكتر.
ويشيل جمال الوالي ذاتو.
الحضري دا ما في حاجة بعيدة منو.
الحضري الان هو الذي يفاوض ..ويحدد ويسافر ويرجع ...على كيفو كدا.
ما في زول في المريخ بقدر يقول ليهو أي حاجة.
ولا كلمة.
الحضري قال بعد سيكافا ما بيلعب.
بعد سيكافا سافر.
عاد ولعب امام الاهلي شندي ..قالوا ما في زول قال ليهو تعال ..الحضري رجع براهو.
هذا هو العذر الاقبح من الذنب.
انا ما عارف الحضري ماسك عليكم شنو؟.
الاكيد ان البدري والحضري والنحاس يعلمون اشياء خطيرة عن المريخ ...لذا فان مجلس المريخ ما قادر يعمل ليهم أي شيء.
واعلام المريخ ذاتو خايف من تفتح ملفات في المريخ مسكوت عنها.
الجماعة ديل عارفين أي حاجة.
لا يستطيع احد ان يحاسب الحضري او يسأل البدري.
قالها عماد النحاس من قبل وهدد المريخ وقال لهم ان ملاحقتهم له سوف تجعله يكشف كل (القاذورات) التي تحدث في المريخ.
الجماعة هسه بقوا ما بيجبوا سيرة النحاس.
ولا بقدروا يقولوا عنه أي حاجة.
وحسام البدري هو الاخر سبق له السفر الي مصر ...وقد ذكر شوبير ان البدري عاد لمصر لتدريب المنتخب المصري ..لكن الاتحاد المصري صرف النظر عن البدري.
وعاد البدري مكرما معززا للمريخ.
دي الفترة القفل فيها البدري (التلفون).
وعصام الحضري الان يفعل ما يشاء ...ويطلب اعلام المريخ إلا نلوم الحضري وألا نعاتبه.
اعلام المريخ يدافع عن الحضري بعد كل الذي فعله.
وهذا يجعلنا نسأل لماذا الحضري يحظى بهذه الحماية وهذا التفضيل.
وقد سبق ان وصفوا لاعبي المريخ ب (الدلاقين).
لاعبو المريخ العجب وسفاري ...عدا علاءالدين يوسف وقتها ..وصفوا بالدلاقين.
اما الحضري فهو مع كل هذا الذي يفعله ..يهرب ويرجع ويدخل التشكيلة ..ويقول ما بقعد بعد سيكافا.
الحضري الذي اخرج المريخ من دور ال 32.
وطلعوا من سيكافا بالبرونزية ..بعد 3 اهداف عكسية استقبلتها شباك الحضري.
والحضري يقول بلعب 4 مباريات فقط مع المريخ.
يحدد كل شيء في المريخ ..ويدافعون عنه.
لا بمشي...لا برجع.
والحضري يقول : جمال الوالي ما كان بحلم يسلم عليّ.
والحضري يقول : السودان ما فيه تعليم.
والحضري يقول : ناس العجب ما عندهم طموح.
وبعد دا يدافعون عنه.
ويمنعون الاخرين للكتابة قدحا عنه.
من الطريف ان الذين يستنكرون على اعلام الهلال الحديث عن هروب الحضري هم نفسهم الذين اتوا بخالد الغندور لتصوير شقة عصام الحضري (الخالية) بعد هروب الحضري.
والغندور يجول بكاميرته في انحاء الشقة ...ويقول هنا كان يجلس الحضري ...وهذه هي غرفته وتلك هى (السفرة).
ودا الدولاب ..فاضي ...الحضري ما خلى ليهو أي حاجة.
زول حريص.
شُراب ما بخلة.
نسيتوا بكاكم.
ارجع لي يا حضري....ارجع لي.
محمد كمال اصبعو (اتكسر) حنو علي.
يس خبرتو شوية ..يا حضري.
ارجع لي ..ارجع لي يا حضري.
ألحقني يا حضري.
والله دي نحن ما نعملها ولو كان الهلال لاعب في بطولة كأس العالم للاندية.
ملحوظة : اصبع محمد كمال بقى اشهر من قدم طمبل.
هوامش
دائرة الكورة في المريخ استدعت طمبل.
فلاحتكم بس في طمبل.
لكن اراهن ان دائرة الكورة ما بتقدر تعمل أي حاجة لي طمبل.
ما بتقدروا تحاسبوا أي لاعب في المريخ بعد هروب الحضري.
حسن شحاتة يفاوض الحضري.
الفرق بين شحاتة والحضري 5 سنوات.
اعلام الهلال مفروض يكرم (الحضري).
وانتوا عارفين السبب.
نحن اكثر المستفيدين من عودة الحضري.
الحضري (اهلو) هرب منهم ...ما يهرب منكم.
كاريكا رجع للاهداف الوسيمة.
يا امير كمال عبور كاريكا منك بهذه الطريقة ينقص قيمتك بنسبة 40%.
عشان كدا ابعد من كاريكا ..عشان سعرك ما يدق الدلجة.
محسن سيد اتغلب بهدفين من الهلال .. خرج فرحان.
طلع يتكلم في الجرايد.
ما عمله والي الدين له الرحمة والمغفرة في محسن سيد ..ذكرنا ليه ما فعله كاريكا في امير كمال.
محسن سيد قال لولا كاريكا وبكري المدينة لما استطاع الهلال الفوز على الموردة.
يا ربي بكري والمدينة ديل بلعبوا في (الجريف).
محسن سيد قال اسلوب الهلال اصبح معروف.
حالتو دي (معروف).
في 12 مباراة ...بين الهلال والموردة سجلت الموردة هدفا واحدا في الهلال في الوقت الذي سجل فيه الهلال 36 هدفا.
واسلوب الهلال (معروف).
خلاص يا محسن اتغلب خمسة من المريخ ..وقول بعد المباراة سلوب المريخ معروف.
المشكلة المريخ ما عندو (اسلوب).
لكن بالجد فريق الموردة قدم مباراة كبيرة.
حقيقة الموردة تمتلك فريق محترم.
في احرج اللحظات ..كان لاعبي الهلال يخرجون الكورة لعلاج احد لاعبي الموردة.
كانوا يفعلون ذلك حتى لو كان ذلك من اجل اضاعة الوقت.
الهلال والاهلي الخرطوم ..مباراة اخرى تنتظرها (الروعة).
موعد مع الابداع.
عاجل : الحضري رجع عشان قالوا ليهو سادومبا موقوف (مدى الحياة).

انقر هنا لقراءة الخبر من مصدره.