سودارس : مهند جاكم بي (حصان)..لو الشغيل موجود كان جاكم بي (دبابة)

مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) النفط يستقر وسط خسائر أسبوعية والذهب والفضة ينتعشان "ميتا "تسجّل براءة اختراع لمحاكاة المستخدمين بعد وفاتهم تطوير بطارية تُشحن خلال ثوانٍ وتصمد 12 ألف دورة شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل) شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟ بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة شاهد.. حسناء الفن السوداني "مونيكا" تشعل مواقع التواصل بجلسة تصوير جديدة شاهد.. الفنان مأمون سوار الدهب بعد زواجه: (زارتني الملائكة) اكتشاف مركبات "زائفة" تشعل نوبات الربو دراسة: القراءة والكتابة تخفِّضان خطر الزهايمر 40% طلاب شرق دارفور يسيرون قافلة وطنية إلى جنوب كردفان برعاية والي شرق دارفور شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) ترتيبات لإعادة تشغيل مصنع ألبان بركات وإنشاء مزرعة لتربية الماشية من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء) صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية تشغيل مصنع الاوكسجين بمستشفى الدبة المركزي الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى المريخ يبارك انتخاب رئيس إتحاد سيكافا وأعضاء اللجنة التنفيذية مساعد قائد الجيش يكشف عن فساد وزير كبير إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها ارتفاع في اسعار محصول الذرة واستقرار سعر السمسم بالقضارف أمس إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مهند جاكم بي (حصان)..لو الشغيل موجود كان جاكم بي (دبابة)

قوون نشر في قوون يوم 15 - 02 - 2013

مهند الطاهر المرة دي ..قلب الهوبة عديل كدا.

قلبها برة الملعب...جا داخل الميدان بي (حصان).

تقول نحن في (القادسية).

يا مهند ...يا مهند عوووك ...ناس المريخ الحاجات دي ما بستحملوها..ولا بقدروا عليها.

ولا عندهم (طوحال) بستحمل الحاجات دي ...(البنكرياس) حقهم ..جنو ..وجن (الحصان).

الشيء السمعناهو ...قالوا ليك عصام الحضري من سمع حكاية (الحصان) دا ...النوم طار من قلبو.

هو مهند الطاهر بدون (حصان)...بجهجه الجماعة ..وقت يجي بي (حصان) يعمل شنو؟.

مسكين عصام الحاج ..دخل ليه في (شبك) لا بقدر عليها ولا حاجة.

الحضري اعتزل اللعب الدولي ...وبقى ما في شيء قدامو غير (المريخ)...مالك يا مهند الطاهر ...عاوز تحرمو من اللعب المحلي.

حارس عمرو اربعين سنة ..دا حارس شنو ؟...بنك وإلا مدرسة.

المواصفات دي بتكون دائما في (حراس) البنوك والمدارس.

الشيء الغريب ...حارس (البنك)..من سبعة تلقاه طلع عنقريبو ونام.

انت يا اخوي حارس شنو؟.

الحضري هسع علامة الكبر ظهرت فيه.

شفتوا الزول من يكبر ..بقول ليك انا اعتزلت اللعب الدولي.

الطريف في مصر ...ما في زول هبب ليك الحضري ...ولا اشتغلوا بيه الشغلة.

شوفوا بعد كل انجازات عصام الحضري مع المنتخب المصري وفوزه بجائزة افضل حارس مرمي في 3 بطولات امم افريقية...زول في مصر اشتغل بالحضري ما في.

قنعو من خيرا فيه.

هسع دحين مسألة (الحصان) دي كبيرة على الحضري ...لا بقدر عليها ...ولا تكذبوا على نفسك.

بعدين مهند الطاهر بالحصان ما سايل في زول ...زي (احمد مظهر) في فيلم الرسالة.

يا مهند الناس ديل مية مرة قلت ليك ما بقدروا على (الحصان).

ديل (بغل) ساكت بجهجهم.

المشكلة ...الهلال بقى مولع نار ...مهند دخل الملعب بي حصانو ..وبكري

المدينة شايل (سكينو) في جيبو ...(وسيف) مساوي راقد ليه في رأي (ومهند) طلع من جفيله.

دا شنو دا؟.

دي حرب عديلة كدا.

غايتو المهرجان ابو حصانات دا فات الشغيل ساكت.

الشغيل لو كان قاعد كان جاكم بي (دبابة).

كمان الشغيل بيلعب.

قالوا ليك الشغيل في قطر ..كل ما خلاص يقرب للشفاء ..يقوم يشوت (المسطبة).

زول قلبو مولع نار...ما بعرف يقعد ساي.

يا الشغيل انت اصبر.

يا الشغيل ...انت ما تضيق ساكت.

اصبر بس لمن تبقى كويس.

الموضوع دا ذكرني ليك حكاية (الفروجة).

واحد صرف ليه قريشات كدا ..مشي طوالي على السوق ..اشترى ليه (فروجة) وجاء راجع البيت.

فرحان شايل (فروجتو)...الحلة كلها شافتو.

مشي لي امو وقال ليها : يا حاجة عليك الله اعملي لي (الفروجة) دي شوربة.

الحاجة زي أي ام في الحتة دي ..قالت ليه يا ولدي لكن (الواطة) ما راحت ...انت (الفروجة) دي ما تخليها لي بكرة.

الولد ما عندو ثقة في (الفروجة)..بعدين الكدائيس من شافن

(الفروجة)...عملن الدخلة والطلعة (شغلة).

قال ليها : لا يا حاجة ...اعملي لي الفروجة دي (شوربة) هسع دي ...انا ما عندي صبر لي بكرة.

الام مسكينة ..دخلت وطلعت ..ولقطت ليها (حطيبات)..و ضبحت (الفروجة).

ما تقعدوا تعاينوا لي كدا ...القصة دي حصلت زمن (الحطب)...الزمن داك كان لا في (غاز)..ولا حاجة ...والفحم ذاتو بجيبوه فقط في (المناسبات).

الام شدت الحلة ...ودخلت ليك فيها (الفروجة)..والولد غلبتو القعدة ..بقى يمشي ويجي : اها يا حاجة ..(الفروجة) دي ما طلعت.

والحاجة ..تقول ليه : لسع ...انت عاوزني اطلعها ليك نيّه.

الولد يمشي برة ..ويرجع تاني : يا حاجة انت (فروجتك) دي لسع ما طلعت.

الحاجة تقول ليه لسع يا ولدي ..اصبر ..طبعك ما يبقى كعب ...ما تبقى لي زي رجل المرور ..قبل ما يثبتك ..يقطع ليك الوصل...تقعد (تحنكو)..يقول ليك : لكن انا ما قطعت الوصل ..خلاص الوصل دا ما برجع ..اوديهو وين يعني؟.

يا جنابو ..انت مستعجل مالك ؟..انت قاطعو في الاساس ليه ؟...ما تصبر.

الولد ..يمشي ويجي ..وتاني يقول لي امو : يا حاجة انت (الفروجة) دي ما طلعت ..يا حاجة ..ما تضيعها لينا ساكت في النار ..الفروجة دي صغيرة 10 دقائق بتستوي.

يا ولدي ...لسع ..يا دوب عملت ليها الملح ...اصبر (الفروجة) دي ما طلعت.

يا حاجة انت عاوزة تطلعيها (لوتري)....وإلا عاوزة (تحننيها) بعد ما تحميرها ..والله انا ما عندي صبر للحاجات دي.

بعدين يا حاجة انا لو عندي صبر ...كان انتظرت (الفروجة) دي لمن بقت (جدادة)..يعني ما كان طلعتها ليك من (الثانوي العالي) عشان تعمليها لينا شوربة.

الولد مشي وجا ...الام قالت ليه ...يا ولدي (الفروجة) طلعت ..حمرتها ليك ..وطلعتها فوق التلاجة عشان تبرد شوية...لكن الزيت حقها شوية.

طبعا الامهات كلهن عندهن حتت (الزيت) شوية.

الحاجات دي نحن حفظناها حفظ.

الولد طار طوالي على رأس التلاجة ..لقى ليك (الكديسة) قامت بالواجب ..ما خلت ليها شيء في (الفروجة).

كديسة زي (المحلية)..حاجتك يشاركوك فيها ..ويقالعوك فيها عديل.

الولد ..قنع من (الفروجة)..مشي على (الشوربة).

رفع الشوربة كدا ...الحلة وقعت من ايدو ...الشوربة ادفقت...الولد عاين لي امو كدا ..وقال ليها اسمعي يا حاجة ...(الفول) الجبتو امس للعشاء ..فيه باقي.

الام قالت ليه (الفول) بي حالو ..دخلتو التلاجة ما في زول هبشو ..طلعو

النسخنو ليك.

الولد مشي على التلاجة ..وقال : عشان كدا ...نحن الزينا ديل احسن ما يلقى ليه (قروش).

يوم نلقى قروش ..المستفيد من الحكاية دي الكدائس والمحليات.

انت شنو الايامات دي شابكنا (المحليات)؟.

خلاص قنعت من (الطابق التاني).

طابق شاخور ..ومحجوز عليه ...المريخاب تاني عندهم شنو؟.

الواحد فيهم لو عاوز يمسكل ساكت ..بشيل تلفون صاحبو الهلالابي يمسكل بيهو ويرجعو ليه.

المريخاب حالتهم صعبة.

قالوا ليك معسكر المريخ كلو ..بشتروا ليه (اسكراتش) بي عشرة جنيه ..ويوزعوه على لاعبي المريخ.

البجيه جنيه ..والبجيه 50 قرش ..والما بتجيه حاجة.

غايتو الموسم البدأ بي (حصان) دا يا ناس المريخ ما عندكم فيه أي شيء ...الجواب بتعرف من (حصانو).

بالمناسبة الحصين دي عندها دلالات كبيرة ...انتوا عارفنها وإلا نقولها ليكم.

هسع تلقى ناس عصام الحاج فكروا يعملوا ليهم (مهرجان).

عشان شنو؟.

عشان بس يجيبوا ليهم (حصين).

لكن بالجد كدا ...ما في حصان بقيف ليه لي بلة جابر.

في واحد قال لي انت ليه مهند الطاهر جاء استاد الهلال راكب ليه (حصان).

قلت ليه عشان عاوز يعيد النظر في (التخطيط).

السنة دي مهند الطاهر ناوي الهوبة يقلبها قبل المباراة ويدخل ...عشان هدفو ان شاءالله (مضمون).

لذلك على مهند ان يعمل ليه (كوتة) حقت هوبات تقديم ...السنة دي عاوزين منو في أي مباراة (هدف).

زي ميسي ..سجل الي الان 13 هدف علي التوالي في الدوري الاسباني.

انتوا ميسي دا جاء الكامب نو راكب ليه (حصان).

شكلو كدا ...عشان اهدافو دي ما عادية.

اقول ليكم حاجة ما تطلع من العمود دا.

بلة جابر السنة دي لقى ليه (عذر) جاهز.

بلة جابر تاني وقت الكوكي يقول ليه انت ما لك ما قفلت (مهند الطاهر)...بلة جابر ح يقول ليه يا كوتش اقفلو كيف ..وهو راكب ليه (حصان).

مهند دا بدون (حصان) ما بتلحق...عاوزني اقفلو ليكم بي (حصانو).

الشيء البغيظ ...اصابة الشغيل.

انتوا يا مريخاب الزول دا عملتو فيه شنو؟..فكيتو فيه (لغم).

فرتكتوا لينا الشغيل فرتكة عديل كدا.

المريخاب ديل اصلهم كدا ...اللاعب يلجنوه ..ويشطبوه.

سفاري المسكين كان بيلعب معاهم (مخدر)...اول ما خلاص استهلكوه ..شطبوه.

والشغيل ...قالوا اصابتو عاوزة ليها مدة.

قاموا شطبوه.

ينتهوا من اللاعب ...او هكذا يظنوا ..ثم يشطبوه ..وبعد دا ...يتكلموا عن الوفاء والاخلاص والاخلاق.

يا العجب ..اسمع نصيحتي دي.

الايامات دي يا العجب لو جاتك (نزلة)..موت بيها ساكت ..اوعك تقول عندي نزلة ..بقوموا يشطبوك.

اصلو هم السنة دي بفتشوا ليك في سبب عشان يشطبوك بيه.

ما تشوف الصور دي.

يا زول والله انا خايف لو موبايلك كهربتو نزلت خط ..يقوموا يشطبوك.

اوعك تقول ليهم ما عندي (شاحن)...انا كلمتك.

لو في زول مسكل ليك من مجلس المريخ او من دائرة الكورة ...ارجع ليه طوالي.

لو ما رجعت ليه ..بلقوا ليهم سبب يشطبوك بيه.

لو انت راكب عربيتك يا العجب ..ولاقاك زول في الشارع ..اقيف ليه ..ووصلوا معاك.

اوعك ما توصلوا ...عشان ناس عصام الحاج ديل عاوزين ليهم (سبب) زي دا ..طوالي بشطبوك.

يا العجب ..والله نحن الهلالاب خائفين عليك اكتر من المريخاب.

اوعك تديهم فرصة.

اقول ليك سر.

في مريخابي (ضليع)...قال لي والله نحن لو لقينا (البرير) دا 5 دقائق ..نشطب بيه فيصل العجب ...ونرجعوا ليكم ..يكون ما قصر معانا.

قلت ليه فالح والله.

انت عارف الامين البرير دا لو مشي المريخ 5 دقائق بعمل شنو؟.

قال لي بعمل شنو؟.

قلت ليه بشطب هيثم مصطفى تاني من المريخ.

كمان البرير بفوت ليه فرصة زي دي.

المريخابي (الضليع)..قال لي ان بقى كدا ..شوف لينا (هاشم ملاح).

قلت ليه يا زول هاشم ملاح دا ...لا بربط لا بحل.

عارفين هاشم ملاح في القرعة عمل شنو؟.

هاشم ملاح في القرعة ..وقت سامر العمرابي قال نقدم التهنئة للفريقين

الصاعدين مريخ الفاشر واهلي عطبرة ..هاشم ملاح قام وقعد يأشر بي ايدو.

نحن قلنا في شنو؟.

هاشم ملاح قال التهنئة لثلاث اندية ..وهو يشير بيده للرقم تلاتة ..ثم يضيف الاتحاد مدني.

شفتوا هاشم ملاح دا مركز كيف؟.

نحن برضو مركزين معاك يا هاشم ملاح.

ملحوظة : ناس الاتحاد مدني ما لاحظوا للحتة دي ...انت البخليك تلاحظ ليها شنو يا هاشم ملاح.

هوامش

موقع الزاوية بقيادة الاخ سامر العمرابي يقدم خدمة اخبارية جيدة ..وان كان الموقع قبل الساعة 12 ظهرا ..لا يجدد اخباره ولا يدعمه.

الموقع في الفترة الاخيرة انفتح بصورة كبيرة على الهلال ..واصبح هناك تناسب بين اخبار الهلال والمريخ في الموقع.

قابلت ابوشامة صدفة ..فوجدته ..متفهم للنقد الذي نوجهه لهم ...ابوشامة كان متفائل بفريق الهلال الحالي ..وان كان ابوشامة طلب من جمهور الهلال الصبر على هذه المجموعة ..ودعمها ومساندتها ...لأنها في حاجة للدعم والمساندة.

في اعتقادي الخاص ..ان المرحلة القادمة هى مرحلة جمهور الهلال.

الكورة الان في ملعب الجمهور ...وليس في ملعب اللاعبين.

الموسم بدأ ..وعلى الجمهور ان يدعم هلاله دعم كامل ..وان يسانده مساندة مستمرة.

مهرجان الهلال ..طمأن الناس على جمهور الهلال.

لم اكن اريد الاطمئنان على تراوري او سنكارا ...او سيدي بيه ...كنت فقط اريد الاطمئنان على جمهور الهلال.

والحمد لله ان جمهور الهلال دائما في الموعد.

شكرا لهذا الجمهور ..الذي لا يتخلى عن فريقه في كل الاحوال.

مباراة الهلال ومريخ الفاشر ..يجب ان يتعامل معها الهلال بجدية ومسؤولية.

مباراة في الافتتاح ...واي تعثر فيها ...سوف تكون عواقبه كبيرة.

الانتصار يعني ان الجمهور سوف يكون حاضرا ومساندا ..اما الخسارة او التعادل فسوف تجعل الجمهور ينصرف عن الهلال.

خاصة وان المباراة في بداية الموسم ..ونتيجتها سوف تنعكس على موسم الهلال كله.

لذلك احرصوا على الانتصار .....لأن الانتصار في هذه المباراة ..يعني لنا بطولة في حد ذاتها.

هي عنوان للموسم كله.

عودة بكري المدينة واكانغا ..في هذا التوقيت شيء سوف يدفع الهلال الي الامام.

بكري المدينة واكانغا ايضا ...يحتاجان الي تعامل خاص ...دائرة الكورة والجهاز الفني عليه ان يعرف كيف يتعامل مع اللاعبين.

طبائع اللاعبين تختلف من لاعب الي لاعب.

ومعرفة نفسيات اللاعبين شيء ضروري واساسي للتعامل معهم على نهج معين ومخصص.

عاجل : الشغيل دا لو ما رجع مباراة القمة اجلوها لينا للاسبوع العاشر.

انقر هنا لقراءة الخبر من مصدره.