شاهد بالفيديو.. مواطنة سودانية تنهار بالبكاء فرحاً بعد رؤيتها "المصباح أبو زيد" وتدعوه لمقابلة والدها والجمهور: (جوه ليك يا سلك)    (لوبوبو وإن طال السفر)    بعد العودة إلى التدريبات.. هل ينتهي تمرد رونالدو أمام أركاداغ؟    شاهد بالفيديو.. الجوهرة السودانية يشعل المدرجات ويفتتح مشواره الإحترافي بالخليج بصناعة هدف بطريقة عالمية    شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج    شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس)    مدير عام قوات الجمارك: لن نتهاون في حماية الوطن من سموم المخدرات والسلاح    شاهد بالفيديو.. قائد ميداني بالدعم السريع يعلن انشقاقه عن المليشيا ويعترف: (نحن من أطلقنا الرصاصة الأولى بالمدينة الرياضية)    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    الجمارك في السودان تحسم جدل رسوم بشأن الأثاثات والأجهزة الكهربائية للعائدين    السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان    بعد غياب 8 سنوات.. عبلة كامل تعود وتثير ضجة ب"إعلان"    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    لو ليك فى الرومانسى.. لا تفوت هذه المسلسلات فى دراما رمضان 2026    كاكا قال لدوائر فرنسية إنه يتوقع إنهياراً وشيكاً لقوات التمرد السريع    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    عقوبة مالية على الإتحاد وإيقاف عضو الجهاز الفني لنادي المريخ    قرارًا جديدًا لوزير التعليم العالي في السودان    والي النيل الأبيض يشيد بالليلة الثقافية الأولى لهلال كوستي    الجيش يفشل هجومًا عنيفًا لميليشيا الدعم السريع    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مهند في مهمة وطنية
قوون نشر في قوون يوم 27 - 12 - 2011

· امس قرأت في الغراء صحيفة عالم النجوم من مصادر مؤكدة خبرا يقول ان مجلس ادارة نادي الهلال يبحث عن ايقاف (مهند الطاهر).
· بالله.
· كدا مرة واحدة.
· الامور وصلت في مجلس ادارة نادي الهلال ان يبحث عن ايقاف مهند الطاهر.
· على شنو؟.
· توقفو في شنو يا البرير.
· كدا انتوا وقفوا (كاروري).
· وقفوا (الطاهر يونس).
· الطاهر يونس دا كل يوم يصرح في الجرايد ...ويغالط..وزول قادر يقول ليهو حاجة ماشي.
· اشمعنا الدنيا كلها اتقلبت على مهند الطاهر.
· أي اداري في الهلال ممكن يعمل العاوزو ..يمشي ..يجي ..يستقيل ..يرجع ..زول بسألو مافي.
· بقت على مهند يعني.
· ادارة نادي الهلال اذا كنت تبحث عن هذا الامر فانه بذلك تؤكد فعلا عدم خبرتها ودرايتها بالكورة.
· في حقيقة الامر ان مجلس ادارة نادي الهلال ارتكب الكثير من الاخطاء وهناك قصور واضح في كثير من الملفات ..واولى ان يحساب هذا المجلس بدلا ان (ينهش) الكل في مهند الطاهر.
· المشكلة ما مهند الطاهر.
· لماذا لم يعيد التسجيل قيد سيف الدين مساوي.
· ولماذا لم تعيدوا قيد سادومبا المطلوب من افريقيا كلها.
· اشمعنا مهند.
· هل يدري مجلس ادارة نادي الهلال الموقر ان مجلس المريخ الذي كون لجان ..وعمل تحقيقات واشتكى للاتحاد العام عصام الحضري ...هل تدرون ان مجلس جمال الوالي الي الان ما قادر يصدر قرار بايقاف عصام الحضري الموجود في مصر منذ شهور وبتمرن مع نادي الشرطة المصري وبستفز في المريخ وفي رجالاته في الصحف والفضائيات.. ومع ذلك المريخ لم يجد سند قانوني يعاقب به عصام الحضري.
· جمال الوالي الي الان بقول لو الحضري (اعتذر) نحن ما عندنا مانع يرجع.
· يعتذر عن شنو؟.
· هو الحضري بي عدم اعتذارو ما راجع ليكم.
· يرجع ليكم بالاعتذار.
· والله انتوا بتحلموا.
· دا حلم ساكت.
· الحضري خلوه هسع.
· زكمان عشان تنبسطوا.
· بابا نويل ما ح نجيب سيرتو.
· وكرنقو ما عندنا قضية.
· قضيتنا اليوم ...والايام التالية (مهند الطاهر).
· دي زي حكاية زول جاء من البلد عشان يطلع (الجنسية).
· زمان الجنسية دي ما بطلعوها إلا من الخرطوم.
· عشان كدا الناس دي كلها بتلقاها في الخرطوم ..كلهم عاوزين يطلعوا (الجنسية).
· الجنسية كانت صعبة شديد.
· تقول الواحد عاوز يطلع ليهو جنسية (روسية).
· هسه الجنسية بقت ساهلة شديد.
· اللاعب الاجنبي لو جدع ليهو ضربة تماس..بدوهو (الجنسية السودانية).
· قالوا ليك في المريخ ...المحترف لو صلح الفول كويس ..بمنحوا (الجنسية).
· يجنسوا ليك من مطارو.
· هلال كادوقلي بقي يجنس.
· ناس الاهلي شندي (دار جعل) جنسوا مالك.
· ناس الهلال براهم البتواجهم صعاب في (الجنسية).
· محمد سيلا مشي يلعب في (مويس) بسبب تعنت السلطات في منحه الجنسية.
· جمال الوالي في المريخ مستعد يجنس ليك (جالية هندية) كاملة.
· وما في زول قادر يقول ليهو حاجة.
· نحن لا.
· انتوا مالكم عاوزين تطلعونا من الموضوع.
· الجنسية دي هسه ما موضوعنا.
· انا بخلى الجنسية هسع.
· لكن في معلوماتكم ..الموضوع دا انا ما بخليه.
· الموضوع دا تاني برجع ليهو.
· اقول ليكم حاجة.
· انا في حاجات ما بخليها اصلا.
· بصمة علاء.
· وحصوة اكرم.
· وتورتة ابوجريشة.
· وقسم ضفر.
· وبابا نويل.
· عشان تكونوا عارفين ..وتعملوا حسابكم للحاجات دي.
· نحن الحاجات دي عندنا ما بتفوت ساكت.
· نحن أي حاجة عندنا بي نظام.
· تورتة ابوجريشة طبعا طلعت ابوجريشة من المجلس.
· تجيب في التورتة ..وتطلع من المجلس.
· هسه خلونا من الموضوع دا.
· هسه نحن في مهند الطاهر.
· والله مسلسل مهند دا بقى اخطر من مسلسل نور ومهند.
· الجرايد كلها مهند.
· مهند ...مهند...مهند...
· بس باقي (نور).
· ترجع لمجلس ادارة نادي الهلال ونقول ان المجلس لا يملك أي مادة يمكن ان يدين بها مهند الطاهر.
· بل تفكير المجلس في هذا الامر يدين المجلس ولا يدين مهند الطاهر.
· الاخطر من هذا ان الشخص الذي كان يفاوض في مهند الطاهر هو لا يمثل الهلال إلا عرفيا.
· باعتبار ان اشرف الكاردينال قطب ..وهو ليس في مجلس ادارة نادي الهلال.
· يعني الطاهر يونس يملك سند قانوني اكثر من اشرف الكاردينال.
· مع ان الكاردينال ما قصر في التسجيلات الاخيرة ودفع 150 الف دولار..والطاهر يونس قاعد في بيتو.
· قاعد ويصرح كمان.
· هو أنا ناقص.
· التصريحات دي خلوها لي هاشم ملاح.
· هاشم ملاح بقى اخطر من همد.
· على مجلس ادارة نادي الهلال وعلى اعلام الهلال الذي يمارس هجوما عنيفا هذه الايام على مهند الطاهر ان يعلموا ان مهند الطاهر الان في مهمة وطنية.
· وسوف يمثل (الوطن) بعد اقل من شهر في منافسة وبطولة كبيرة.
· لا اختلاف ان (الوطن) اكبر من الهلال والمريخ.
· مهند الطاهر الان هو لاعب المنتخب ..وليس لاعب الهلال.
· نحن متعصبين نعم للهلال ..وهناك متعصبين للمريخ ..لكن يجب في مثل هذه المواقف ان نفرز الكيمان.
· يعني ما معقول ننصب المشانق لمهند الطاهر.
· وعلى شنو؟.
· في موضوع ما بستاهل.
· واضح ان مجلس ادارة نادي الهلال واعلام الهلال يمارس (ارهاب) على اللاعب مهند الطاهر.
· هذا الاسلوب لا يشبه الهلال.
· وبالتأكيد هو اسلوب مرفوض.
· انتوا عاوزين مهند الطاهر يعيد تسجيلوا في يونيو (ساكت) كدا.
· ما نقرأه في الصحف الرياضية يثبت ذلك.
· ممارسة ضغط رهيب على اللاعب مهند الطاهر وعلى اسرته.
· يعني يا مهند الطاهر يا تعيد تسجيلك للهلال من غير قروش..يا تمشي انت ما بتشبه الهلال.
· عشان شنو؟.
· عشان مهند الطاهر جلس يفاوض قطب لا يمثل مجلس ادرة نادي الهلال.
· هذا الاسلوب لا يشبه الهلال.
· مية مرة نقول ان مهند من حقه ان يقيّم نفسه بالمبلغ المناسب.
· ما معقول الهلال يكون عاوز يدفع 450 الف دولار عشان يشطب يوسف محمد بينما تريدون ان تدفعوا لمهند الطاهر عشان يعيد تسجيلوا 150 الف دولار.
· وقبل سنة من انتهاء فترة مهند الحالية في الهلال.
· لا المنطق ..ولا القانون يقبل بهذا.
· قلق في اعارة 6 شهور اخذ 300 مليون جنيه.
· يا جماعة.
· خلوها مبلوعة شوية.
· خلوها معقولة.
· الظلم كعب.
· والهلال ليس (فرض العين).. اللاعب عينو في رأسو يلعب في الهلال وما يقول عاوز حقو.
· ان الذي يشاهد الان نجوم كبار كانوا ملأ البصر والسمع في السنوات الماضية واصبحوا الان في حالة يأسف لها ..يخشي على مصير هؤلاء اللاعبين الحاليين.
· نجوم القمة بعد الاعتزال ..ما في زول بشتغل بيهم.
· من حق ناس مهند الطاهر ان يأمنوا مستقبلهم ..هذا اقل ما يمكن ان يقدمه الهلال للاعب ظل في خدمة الهلال 9 سنوات.
· نجوم الامس ..بعضهم الان يعاني من الحاجة ...ويسأل الناس الحاحا ..وكل ذلك لأن اولئك النجوم لم يقيموا جيدا.
· مهند الطاهر يستحق هذا المبلغ الذي طلبه.
· كفي انه قدم للهلال 9 سنوات ومازال ينتظر منه الكثير.
· امولادي لعب في الهلال 6 شهور ومازال يطالب عبر الفيفا بحقه.
· وعثمان امادوا لعب للهلال 7 مباريات وبلاحق في الهلال اليوم بالاتحاد الدولى لكرة القدم.
· يا جماعة انتوا الزول لو قال عاوز حقو بتزعلو.
· وبتقوموا فيهو كمان.
· مهند ما عاوز ليهو قرش من زول.
· ولا عاوز ليهو كمان (تحويل) رصيد.
· الجماهير التي تملأ المدرجات تأتي لمتابعة هوبة مهند ..وباص سيدا ..وراسية مساوي.
· يعني الجماعة ديل عندهم حق حتى في (الدخل).
· الهلال في الخمس سنوات الاخيرة ظل يصل لمراحل متقدمة في البطولات الافريقية.
· وهذا بفضل مهند واخوانه.
· الهلال في البطولة الافريقية الاخيرة نال قرابة المليون دولار.
· يعني مهند الطاهر ما عاوز حاجة من (الكاردينال)..ولا الكاردينال بتفضل عليه.
· مهند عاوز حقو.
· الموضوع ما بستاهل الزعل دا كلو.
· نحن متين ح نصل للمستوى الاحترافي اذا كنا ننظر للامور بهذا الشكل.
· لو عاوزين نمشى لي قدام ..مفروض يكون عندنا حبة (احتراف).
· شوية احتراف ..ما اكتر من كدا.
· ملحوظة : البلد كلها قائمة في مهند ..تقول مهند عمل ليهو حركة مسلحة.
هوامش
· هذا عن مهند.
· في ملف التدريب ..يجب ان يشكر مجلس الهلال الذي توصل لاتفاق مع المدرب الفرنسي غارزيتو.
· غارزيتو نقلة في الهلال.
· وهو حقا مكسبا كبيرا ..ومجلس ادارة نادي الهلال يشكر على ذلك.
· غارزيتو ..ينتظر وصوله يوم الاربعاء.
· بس اوعكم تقولوا لينا الطيارة فاتتو.
· انتوا كل مرة بتقولوا لينا كدا.
· ونحن كل مرة بنصدق.
· كلموا غارزيتو دا الطيارة ما تفوتو.
· هذا المدرب سوف يؤسس تشكيلة الهلال على اساس (البطولات).
· ح تشوفوا الزول دا ح يعملوا شنو؟.
· قال ريكاردو قال.
· نحن مشينا للمدرسة الفرنسية.
· خلينا ليكم المدرسة البرازيلية.
· نمشي البرازيل.
· تمشوا البرازيل.
· نمشي لي مصر.
· تمشوا مصر.
· اوعكم تلحقونا في مدرستنا دي.
· هسه جمال الوالي يدخل ليك صديق على صالح معهد عشان يتعلم اللغة الفرنسية.
· الفرنسي دا كرنقو ما بفهموا ليكم.
· ما تتعبوا ساكت.
· مفروض يكون الفاتح النقر مساعدا لهذا المدرب.
· لكن قد تكون هناك مشكلة.
· الفاتح النقر شخصيتو قوية اكتر من اللازم.
· ومساعد المدرب ما مفروض يكون شخصيتو قوية.
· انتوا ما شفتوا جمال ابوعنجة اسبوع ما بنفع يكون مساعد مدرب.
· عارفين ليه؟.
· عشان جمال ابوعنجة شخصيتو قوية.
· لكن فاروق جبرة ...ممكن ينجح لو بقى مساعد مدرب.
· الموضوع عادي بالنسبة لي فاروق جبرة.
· الله يسهل الامور والخطوات للمدرب الفرنسي غارزيتو مدرب الهلال المرتقب.
· وان شاءالله التفاوض يكتمل ويكلل بالنجاح.
· في دي يا البرير ما قصرتو.
· تجديد الثقة في مدرب الحارس المصري صبحي ايضا امر جيد.
· مستوى المعز محجوب تتطور بشكل ملحوظ في الموسم الماضي بسبب هذا المدرب.
· اتمني ان يكون في الجهاز الفني للهلال مدرب احمال.
· لو عملتوا دي ..بتكونوا عشرة من عشرة.
· عاجل : يا ضفر ح تتعب معانا.

انقر هنا لقراءة الخبر من مصدره.