سودارس : بعد تلاتة ما في زول يجيني

محمد عبدالقادر يكتب: شهادة البوشي.. و"فضيحة صمود " السودان.. وفاة لاعب كرة قدم قرارات لجنة المسابقات باتحاد الكرة الدامر من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا السودان.. وزير يشرع في تكوين قوّة عسكرية ضاربة..ماذا هناك؟ شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بعد تلاتة ما في زول يجيني

قوون نشر في قوون يوم 17 - 02 - 2013

زمان (وقت الباك كان صديق اللاين)..قبل ما يجيبوا الخطط العقيمة دي ...كان عندنا مدرب (روسي)...جابوه لينا من مشروع (كربكة) الزراعي.

الوقت داك الدنيا زي ما قلت قبل كدا كانت بي خيرها ...(لمبة) واحدة كانت بتنور البيت كلو.

اللمبة الدخلها في الكلام دا شنو؟.

هسع (اللمبات) تقول محرشة من ناس (توجد بالمحل كهرباء) ....الغرفة لو ما كان فيها سبع لمبات ..(اصبعك) ما بتشوفو.

خلي اللمبات ...زمان والله لو كنت (وطواط)..بتنوم في المسلسل بتنوم...لو بتشاهد في المسلسل واقف ..بتنوم ..بتنوم.

هسع تعال شوف شفع الزمن دا ...الشافع ينوم ليك مع النباه.

اطفال الزمن دا ما بنومو.

نرجع للمدرب.

مدربنا (الاجنبي) دا جابتو وزارة الزراعة بالولاية لتحسين انتاج (القرع) كخبير زراعي (روسي) ..ادارة فريقنا كانت عندها عين فاحصة ...اكتشفتو ليك بالصدفة كدا في (الحواشة) ..وعينوه لينا في اليوم التاني (مدرب اجنبي).

قالوا دي فرصة ما نضيعها.

عليكم الله وزارة الزراعة بالولاية هي ذاتها ما غلطانة عشان تجيب ليها خبير (روسي) لتحسين انتاج القرع.

القرع شن طعمو؟.

القرع دا لو جبتوا ليه (انجليز)....ما ببقى بطيخ.

تحسنوا ليه شنو؟.

ساكت تضيعوا لينا قروش الولاية في بحوث وخبراء ما فيهم فائدة.

القرع دا ما بتأكل الا بالكسرة ...لا تقولوا لي روسي ..لا تقولوا لي هندي.

كسرة بس.

وعليكم الله الموضوع دا ...ما تنظروا لينا فيه كتير.

الروس ديل استفيدوا منهم في حاجة تستهال.

قرع شنو؟.

ادارة الفريق عملوا ليه مؤتمر صحفى ..وشالوا ليك من (السي دي) حقو ...حكاية القرع دا ..وكتبوا ليه سيرة ...(فيرجسون) مدرب مانشيستر يوناتيد ما عندو.

نحن حسب فهمنا (شلنا ليك موضوع القرع دا من رأسنا)...سمعنا ليك حكاية مدرب اجنبي دي ..مشيتنا في الشارع غيرناها.

فوق كدا ...كلنا قلنا بنلعب (مهاجمين).

دي فرصة ...مع المدرب الاجنبي دا يمكن الواحد يبقى فينا (صبري الحاج).

ما تستغربوا ..الوقت دا الماسك الجو ..كان صبري الحاج.

انتوا زمان موش بتذكروا في (الدافوري)..وقت يكونوا عاوزين يقسموا اللاعبين الى فريقين ...الزول الطويل بيطلع يقول : الباكات يطلعوا بي جاي..زول يطلع ما في.

يقول الناس البيلعبوا وسط ..يطلعوا ...الصف كلو يطلع.

الفريق كلو بيلعب وسط.

زمنا نحن غايتو كانوا كل الناس في حلتنا بتلعب وسط.

البعرف ..وما بعرف ..تسألوا انت بتلعب شنو؟...بقول ليك (وسط).

عشان كدا ..البلد دي كان فيها ازمة (باكات).

ما في زول بعرف يلعب (باك)....عشان كلهم في صغرهم كانوا بيلعبوا (وسط).

شفتوا التدهور حق (الباكات) دا طالع من وين؟.

نرجع لحكاية المدرب الاجنبي دا.

نحن للامانة ..فرحنا بيه فرح شديد ..وما كانت فارقة معانا كتير ..يجيبوه للقرع ..يجيبوه للفجل ..يجيبوه لمكافحة الملاريا ..ما مشكلة ...ما عندنا قضية ...المهم بقى عندنا مدرب اجنبي.

وفي المدربين الاجانب ..كمان مدرب (روسي).

يعني شهر ..شهرين يمكن نبقى زي (برشلونة)..ما تندهشوا من كلامي دا ...نحن فهمنا للمدرب الاجبني زمان كان كدا.

الوقت داك ...السودان مدرب اجنبي واحد ما كان فيه ...لا ناس المريخ ..ولا ناس الهلال ذاتهم ما كان عندهم (مدرب اجنبي).

المريخ كان ماسكو سيد سيلم ...والهلال شوقي عبدالعزيز ...ونحن كان ماسكنا (مدرب اجنبي).

اها نحن ساهلين ..عليكم الله هسع ما لي حق يكون عندي عمود رياضي.

بالمناسبة انا ما بكتب ساكت.

ونحن أي حاجة عندنا بي نظام.

كان ترضوا ..او تزعلوا او تتفلقوا.

الكورة دي ..ما شفناها في التلفزيونات ...ولا سمعناها في عالم الرياضة.

الكورة دي دربنا ليها (مدرب اجنبي) عديل كدا.

لينا حق ..مشيتنا في الشارع ....نغيرها.

صحيح مدربنا كان باحث في تحسين (القرع) ...إلا انو في النهاية برضو هو (مدرب اجنبي).

ناس الجرايد ...ما كانوا عارفين ...مدربنا الاجنبي دا ..خبير في زراعة (القرع) ..لو عرفوا المعلومة دي ..ما كانوا بريحونا.

كانوا شالوا حالنا.

الموضوع مرة بي سلام.

اول تمرين ..جانا فيه المدرب الروسي دا ..بتذكروا ليكم زي كأنو التمرين دا كان امس.

بتذكر ..المدرب الروسي دا ..دخل الملعب ...نحن كلنا وقفنا ..واتجمعنا في (السنتر).

ولا حركة.

المدرب الروسي ..قعد يتلفت في اتجاه الملعب...اول شيء قالها لينا ..قال : (المرمى) الجنوبي داك فيه زيادة 5 ملمترات.

نحن اتكيفنا ..وشعرنا ليك بي ثقة ...قلنا بالله شوف الملعب دا ليه 40 سنة ...ما حصل في واحد لاحظ للزيادة دي.

والله المرمى عندنا لو زاد 5 امتار ..ما في زول يفتكر ليهو ...الناس مشغولة بقت في رقبتها.

لكن تعالوا شوفوا الروسي دا ...من اول دقيقة ..عرف ليك انو المرمى دا زايد 5 ملمترات.

لينا حق ...نطالب بالمدرب الاجنبي.

المدرب الروسي من قال الكلام دا ...نحن كبر في نظرنا اكتر ..وقلنا بينا وبين نفسنا ...المدربين المحليين ديل كانوا مضيعننا ساكت.

المدرب الروسي بعد ملاحظتو دي ..قال لينا ...اسمعوا ..ما في واحد فيكم يجيني بعد تلاتة.

تلاتة ودقيقة ...ما عاوز لي لاعب برة الملعب.

الموضوع دا محسوم بالنسبة لي...وما عاوز فيه أي نقاش.

قلنا ليه نقاش شنو يا كوتش ...البقدر يناقشك ذاتو منو بالروسي.

المهم ...المدرب بتاع (القرع)..دا مسكنا 15 يوم (سويدي)...لمن سنونا وقعت في الواطة.

يا زول أي واحد فينا نقص 10 كيلو.

عندنا (باك)..وزنو كان 54 كيلو جرام ...من تمارين الكوتش دا ...بقى زي (السلبه)...التمرين كلو نكوس ليه ..ما بتشاف.

تعبنا جنس تعب في الدنيا دي.

حالتو دا خبير (قرع)...يا ربي لو كان بتاع (احمال) كان عمل شنو؟.

الروس ديل صعبين شديد ...بتاع (القرع) فيهم ما ساهل.

بعد 15 يوماً ...من المعسكر ...الطلع لينا فيه عينا ..لعبنا لينا مباراة ودية ...مع ناس الحلة التانية.

المدرب الروسي في المحاضرة قبل المباراة ...قال لينا انا عاوز العب بطريقة (4-4-2).

الوقت داك طريقة (4-4-2) جديدة ...ناس هولندا ما لعبوا بيها.

مساعد المدرب ...كان سوداني قال لينا (4-4-2) بالروسي يعني (قون باك) بالسوداني.

يا زول من المباراة بدأت العشرة رجعنا وراء.

الكوتش بين الشوطين ..قال لينا دا شنو بالتعملوا فيه دا ؟...انتوا لاعبين ضد العشرة الاوائل ..شنو كلكم راجعين وراء.

العشرة الاوائل طبعاً في أي فصل بقعدوا قدام ..في الصف الاول.

المباراة انتهت ..واتهزمنا صفر / 5

مدربنا زعل في الدنيا دي جنس زعل ...وقال لينا لو دي طريقتكم ...احسن امشي اشوف (قرع).

دي ما طريقة دي.

والله كورتكم دي (سيجة) ما تلعبكم.

اتحرجنا في الدنيا دي جنس احراج.

ما عرفنا نمشي وين؟.

دخلنا في ضفورنا زي الزول الما مرخص ..وقت يشوف رجل المرور ...بتر لي ورا..وبرفع القزاز.

اعتذرنا للمدرب ..وقلنا ليه حقيقة ..نحن ما فهمنا الخطة..بعدين يا كوتش انت قاعد تتعامل معانا على اساس اننا (قرع).

انت طلع (القرع) دا من رأسك.

عارفين المدرب الروسي دا كان بقول لينا شنو؟.

كان بقول لينا اوعكم يجينا واحد فيكم ماكل ليه (فاصوليا)...كان مشكلتو في الدنيا دي (الفاصوليا).

المدرب دا قعد معانا 21 يوماً ..وقال لي ادارة الفريق ...كشفكم دا احسن لي منو (القرع).

انا لو بدرب (قرع)..كان بقيتو (تفاح).

وقالوا كمان المدرب الروسي دا ...قدم تقرير فني لمجلس الادارة اوصى فيه بشطب 35 لاعباً.

الوقت داك كان الكشف فيه 35 لاعباً.

لكن الشيء الما قلتو ليكم ..وكنت عاوز اتحرفن ..وادسو منكم ...هو ان ال (35) لاعباً ديل ...كلهم طلعوا في نهاية الموسم مزارعين.

كابتن الفريق ..اكتشفنا في نهاية الموسم ..انو كان زارع بيتو كلو (قرع).

والباك طلع عندو حواشة في مشروع كربكة الزراعي.

والمهاجم لقينا مقدم لسلفية من البنك الزراعي ...عاوز يزرع حواشة ابوه.

مدربنا بتاع (قرع)..يعني ح نطلع شنو؟.

اتأثرنا بيه شديد.

مجلس الادارة حقنا غلطان...ما كان في داعي يجيب لينا مدرب اجنبي بتاع (قرع).

الشيء الغريب ...حارس المرمى.

عارفين حارس المرمى عمل شنو؟.

حارس المرمى لقينا في راحة التسجيلات التكميلية ..زارع خط 18 كلو (جرجير).

عاوز يستفيد.

شفتوا بقينا نفكر كيف؟.

عشان كدا اعملوا حسابكم من المدربين الاجانب.

انا هسع خايف (غارزيتو) دا يكون (ناظر) مدرسة في فرنسا.

شكلو كدا.

شكلو ناظر مدرسة ..ناظر مدرسة.

وكمان بدرس (جغرافيا).

ملحوظة : وإلا كلامي دا ما صحيح.

هوامش

امس كلو ما اضرب لي احمد الحاج ..يقول لي الجريف جابت قون.

ارجع ليه تاني..اقول ليه هي الجريف لاعبة ضد منو؟.

يقول لي الهلال ...(الناس الما لعبو امس).

طيب قول ما لعبو ..يعني يتغلبوا من الجريف.

الخسارة دي احسن شيء ...عشان الناس نفخوا شديد في تجربة الهلال والامل.

مباراة مريخ الفاشر ...الهلال ما عاوزنو يمشي (مغمض).

خليكم مفتحين يا ناس الهلال.

اهم مباراة للهلال مباراة الافتتاح.

مباراة الهلال ومريخ الفاشر ...سوف تضع خارطة الطريق للهلال في الموسم الجديد.

جمال الوالي مسكين ..مرة يهاجم فيه عصام الحاج ..ومرة يهاجم فيه ود الياس ..ووقت المريخ يكون محتاج للدعم ...اول زول يجروا ليه جمال الوالي.

انتوا الناس البهاجموا ديل ...ما يدفعوا.

بس تعرفوا للمهاجمة.

يا ناس المريخ ..بتذكروا (العجب).

الاسم دا بقى يروح لي ويجينا.

مكسيم ..بقى يدرب في فناء الفندق.

خلاص جاتو نفسيات.

المسكين ..مرتب شهر ما قبضو ..اكتشفوه ليك.

بعد الاسبوع الرابع ..عارفين المريخاب بكتشفوا منو؟.

بكتشفوا الكوكي.

شوفوا كلامي دا.

الهلال مغلوب من الجريف ..ومريخ الفاشر مغلوب من الاحرار.

شفتوا الخطة دي كيف؟.

دي خطة جديدة.

بس ألبدوا على كدا.

الله يسهل.

هزيمة رسمية ما بنقبلها ..حتى لو كنتوا لاعبين بالصف العاشر.

شدوا حيلكم.

عاجل : اتصالحوا مع كل الاوضاع ..بتمشوا لي قدام.

انقر هنا لقراءة الخبر من مصدره.