سودارس : يا الكوكي ...غارزيتو (شاييه) ملعقة واحدة بس

جدل واسع بفوز ريال مدريد على مارسيليا المالية تؤكد دعم توطين العلاج داخل البلاد مبارك الفاضل يهاجم مجدّدًا ويطالب قيادة الجيش بقبول"خطّة الحلّ" الأمين العام لوزارة الدفاع يطمئن على ترتيبات عودة تشغيل مطار الخرطوم غادر المستشفى بعد أن تعافي رئيس الوزراء من وعكة صحية في الرياض شاهد.. الفنانة إيمان الشريف تفاجئ جمهورها وتطرح فيديو كليب أغنيتها الجديدة والترند "منعوني ديارك" بتوزيع موسيقي جديد ومدهش التغير المناخي تسبب في وفاة أكثر من 15 ألف شخص بأوروبا هذا الصيف مصر .. السماح لحاملى التأشيرة الخماسية بالإقامة 180 يوما بالمرة الواحدة إبراهيم نصرالدين (درمي).. صخرة دفاع أهلي الكنوز وطمأنينة المدرجات والي ولاية كسلا يشهد ختام دورة فقداء النادي الاهلي كسلا تحالف خطير.. كييف تُسَلِّح الدعم السريع وتسير نحو الاعتراف بتأسيس! الخارجية البريطانية: مستقبل السودان يقرره شعبه الفرقة السادسة مشاة تنفذ عملية عسكرية ناجحة وتحرر مواقع استراتيجية فى الفاشر شاهد بالفيديو.. في مشهد مؤثر.. خريج سوداني يجري نحو والده بحب كبير في ليلة تخرجه من الجامعة والأب يعانقه ويشاركه الرقص بطريقة جميلة وملفتة د. الشفيع خضر سعيد يكتب: دور المجتمع الدولي والإقليمي في وقف حرب السودان توجيهات مشدّدة للقيادة العسكرية في الدبّة..ماذا هناك؟ شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير) شاهد بالفيديو.. الفنانة توتة عذاب تشعل حفل غنائي بوصلة رقص مثيرة والجمهور: (بتحاولي تقلدي هدى عربي بس ما قادرة) شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير) شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل ريال مدريد يواجه مرسيليا في بداية مشواره بدوري أبطال أوروبا السودان يدعو المجتمع الدولي لدعم إعادة الإعمار ما ترتيب محمد صلاح في قائمة هدافي دوري أبطال أوروبا عبر التاريخ؟ ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) شاب سوداني يستشير: (والدي يريد الزواج من والدة زوجتي صاحبة ال 40 عام وأنا ما عاوز لخبطة في النسب يعني إبنه يكون أخوي وأخ زوجتي ماذا أفعل؟) هالاند مهاجم سيتي يتخطى دروغبا وروني بعد التهام مانشستر يونايتد الهلال السوداني يتطلّع لتحقيق كأس سيكافا أمام سينغيدا إنت ليه بتشرب سجاير؟! والله يا عمو بدخن مجاملة لأصحابي ديل! مصر تسجل مستوى دخل قياسيا في الدولار وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم حادث مأسوي بالإسكندرية.. غرق 6 فتيات وانقاذ 24 أخريات في شاطئ أبو تلات بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا الكوكي ...غارزيتو (شاييه) ملعقة واحدة بس

قوون نشر في قوون يوم 09 - 03 - 2013

حكاية (التقليد) التى ينتهجها المريخاب تتبعا لمسيرة الهلال وخطواته ..تحدثنا عنها كثيرا ...حتى اصبح لا جديد في ذلك الامر...نحن ذاتو فترنا من الكلام دا.

كترتوا الكلام.

يا اولاد الاسبوع القادم عندنا اختبار (فيزياء)...الاستاذ لمن يزهج من الطلبة ..بقول ليهم الاسبوع القادم عندنا (اختبار).

الفصل كلو ..يصن..صوت المروحة يبقى زي (البابور).

اقيف ..اقيف.

انت قلت (بابور) ..وإلا حاجة كدا.

لا قلت ..(بابور)...انا سمعتك.

والله العظيم يا جماعة انا ما قاصد ...والله ...موضوع (البابور) دا دخل ساكت في ثنايا الكلام ...من غير اي قصد.

ولا قاصد حاجة.

جاء عفوا كدا.

لكن انا اعمل ليكم شنو ؟...(بوابركم) كترت.

من الابرول ابت تطلع...!!

من العمال ابت تطلع...!!

من البابور طلع (خازوق)...!!

خلاص ..هذا الامر اصبح من الثوابت في المريخ ...وهي طبيعة نشأ عليها المريخاب ..وصارت عندهم (عقيدة) راسخة ..لا تقبل النقاش ..ولا الجدل.

والحديث هنا عن (التقليد)...وليس عن (الخوازيق).

عشان تبقوا عارفين ...ما تقعدوا تتطارشوا في الكلام ساكت.

يا ولد ..اعملوا الغداء.

ويمكن ان نثبت ذلك ...في كل يوم ..ونأكد هذه الوقائع ..بقرائن مشهودة ..ومعروفة ومحفوظة...ترجح بل تأكد تقليد (الوصيف) للهلال في كل الاشياء ..ما ظهر منها وما بطن.

اتوقف اولا عن الاداء (الفاتر) الذي ظهر به المريخ امام هلال كادوقلي ..واحسب ان ذلك الاداء الفاتر والتعادل المخيب لامال المريخاب طبعا ...هو امتداد طبيعي لاداء الهلال ومظهره الذي كان امام فريق الاهلي عطبرة ...وكأنهم كانوا يقلدوننا حتى في السوء والاداء الفاتر.

دي عاوزين تقلدونا فيها يا مريخاب.

الاحساس والفتور الذي كان في مباراة الهلال والاهلي عطبرة ...سيطر على مشاعر المريخاب وهم يلعبون امام هلال كادوقلي ليخرج الاخير بنقطة سمينة امام المريخ وهو يلعب في ارضه ووسط جمهوره.

نقطة وسطر جديد.

بابور عمل فيكم كدا ..تراوري يعمل فيكم شنو؟.

بشة لو قابلكم بي حالتكم دي طوالي بكتب ليكم (رقاد).

في العيادات ..والمستشفيات ..الزول وقت يكون تعبان وحالتو خطيرة ..الدكتور بكتب ليه (رقاد).

طوالي يحولوه العنبر.

غرابة الامر هنا ...تعليقا على ارض المريخ التى لعب فيها المباراة ...هو التصريح الغريب الذي ارجع فيه الكوكي الخسارة لسوء ارضية الملعب ..وكأن المريخ يلعب على ارض في الفاشر او كادوقلي ..ولا يلعب في ارضه.

تقول بيلعب في رام الله.

ناس هلال كادوقلي ديل ..ارضية الملعب دي ...حضروا شايلنها معاهم.

السنة الفاتت قلتوا ما بنلعب مع هلال كادوقلي في (كادوقلي)...هسع كمان في استادكم ما عاوزين تلعبوا مع هلال كادوقلي.

يا جماعة دي جرسة شنو؟..الوقعنا فيها دي.

لا اعرف ماذا يريد الكوكي من ذلك التصريح (الفرقعنابي)؟ ...هل يريد من الاتحاد العام لكرة القدم ان يحول لهم المباراة الي ملعب اخر؟ ..كما فعل الاتحاد نفسه الذي حول مباراة هلال كادوقلي والمريخ من كادوقلي في الموسم السابق لتلعب في (كوستي) بحجج واهية ..ومضحكة شككت في استقرار مدينة كادوقلي وفي امنها ...ليكون المريخ هو النادي الوحيد من اندية الممتاز الذي لم يلعب في (كادوقلي).

كادوقلي صعبة عليكم ..عرفناها ..كمان استاد المريخ برضو (صعب).

يلعبوكم وين انتوا في كامب نو؟.

ابناء الجبال ...واسودها ...جاءوا هذا الموسم واقتلعوا (نقطة) غالية من المريخ ...وهو يلعب في ارضه ..ووسط جمهوره ..ليكون ذلك منهم ردا شافيا وكافيا ...(سوف يدرككم الهلال اينما كنتم).

نمسك ملف اخر في (التقليد)..وفي تتبع خطوات الهلال حتى في الامور الفنية.

اذا تجاوزنا حكاية (الاداء) الذي كان فاترا في مباراة الهلال السابقة ..وتكرير نفس الاداء الفاتر من قبل فريق المريخ في مباراته امام هلال كادوقلي.

اذا تجاوزنا هذا ..وقلنا دي (صدفة) ساكت ..وحاجة (لا شعورية) لا فيها قصد ..ولا فيها ترتيب ...وان كانت تكشف النوايا وتثبت تأثر المريخ (معنويا) بما يحدث في الهلال.

اذا تجاوزنا ذلك ...(والكلام دا ما يطلع من العمود دا)...وقلنا يخلق من الشبه اربعين ...او 110. ماذا تقولون عن (التقليد) الذي حدث من قبل الجهاز الفني للمريخ متتبعا نفس النهج الذي اتبعه الهلال؟.

في مباراة الهلال والاهلي عطبرة ..الناس كلها وضعت يدها في رأسها ...وغارزيتو يبعد (ترواري) من التشكيلة التى بدأ بها المباراة ..رغم من ان هذا الانفراد كان حصريا من الزميل الطاهر الطيب ...الذي قدم تشكيلة الهلال قبل 24 ساعة من المباراة ..وجاء غارزيتو واكدها في اليوم التالي.

هداف الممتاز ...واللاعب الذي اعاد الجمهور الي المدرجات ..ورجع الفرحة ...غارزيتو ..ابعدو من التشكيلة الاساسية ..ووضعه على كنبة الاحتياطي.

الموضوع دا موش فيه كمية من الاستغراب ..والدهشة ..والاعتراض وقفل التلفونات ..والزعل..والشكلة مع سيد اللبن.

سيد اللبن هسع الدخلو شنو؟.

والله ناس الهلال ديل في كورتهم ..يدخلوا ليك اي شيء من سيد اللبن للسيد السفير.

المهم قبلنا ابعاد تراوري ..وقلنا الخواجة دا اصلو عندو (فلسفة) كدا ...نحن عارفنو من ما كان في فريق مازمبي.

عارفين الكوكي عمل شنو؟.

الكوكي قال انتوا فاكرين (غارزيتو) براه البتفلسف ...انا ذاتي عندي فلسفة.

الكوكي ابعد (مونزا) من التشكيلة الاساسية للمريخ ..ووضعه على كنبة الاحتياطي ...كما فعل غارزيتو تماما مع (تراوري).

اقنعونا كدا.

جيبوا لي شاي.

كسروا لي تلج.

ما تقعدوا كدا.

اقنعونا ان الموضوع دا صدفة ..وقسمة ونصيب ..وان الحكاية ما فيها اي (تقليد).

صادفت ساكت.

والله انا عاوز اصدقكم ..نفسي ..اصدقكم ...ما عندي اي غرض في ان الموضوع دا يطلع (مطابق).

وروني انتوا ..منطّقوا لي الموضوع دا.

خلاص ..اقتنعت ..ان الموضوع دا (صدفة)...صدفة ساكت كدا ..اعمل ليكم شنو؟.

انتوا بس ان شاءالله تكونوا مقتنعين.

مجلس المريخ!!.

مجلس المريخ مالو؟.

مجلس المريخ دا ...ما قاعد يقلد في مجلس ادارة نادي الهلال.

البرير الشايفنو ..غير مقنع دا ..ناس المريخ بقلدوا فيه.

اوعكم تقولوا لي (صدفة) برضو.

كدا انتوا اصبروا ..واحكموا بعد ذلك.

مجلس ادارة نادي الهلال فتش ليه شركة اعلانية وتعاقد معها في مؤتمر صحفي الموسم ب (250) الف دولار.

مجلس المريخ اليوم التاني شافوا ليهم شركة اعلانية.

جابوها من وين ما عارف؟.

الغريبة تعاقدوا معها في مؤتمر صحفي برضو.

والاغرب من كدا ..تعاقدوا معها ب (250) الف دولار ..في الموسم.

اها يا جماعة.

لو قلنا الشركة الاعلانية دي صدفة.

والتعاقد معها في مؤتمر صحفي ..صدفة.

برضو حكاية ال (250) الف دولار في الموسم .. دي برضو صدفة.

والله دي (صدف) غريبة.

صدفكم تمحن يا مريخاب.

ويقولوا ليك بعد دا كلو المريخ ما بقلد الهلال.

انا من الله خلقني ما شفت لي تقليد كدا.

التقليد في الغنا الشعبي خلوه ...انتوا يا ناس المريخ الي الان شغالين (تقليد).

هسع لو فتحنا لينا (محل غاز)..بفتحوا ليهم محل غاز.

لو قلبنا نادي الهلال ..(سينما)..بقلبوا ناديهم سينما.

لو عملنا لينا (طعمية)...يشموا الريحة ..ويعملوا ليهم (طعمية).

يا الامين البرير عليك الله تاني (طعميتك) دي ما تعملها في الحوش.

اشتغل كتامي كدا.

طبعا المريخاب ديل في حاجة غلبتهم ...ما قدروا عليها.

الي الان ما لاقين ليها طريقة.

عارفنها شنو؟.

دي (القناة).

قالوا عصام الحاج ..قال الموضوع دا ..فوق طاقتي عديل كدا ..ولا بكضب عليكم.

حول الموضوع الي مجلس الشوري.

ملحوظة : لو طرنا السما ..ديل بطيروا معانا.

هوامش

قالوا فضل بابور ..عمل (كشف) شامل للمريخ.

اول حاجة فكفك ليك (الدفاع) بتاع المريخ ...عصبة ...عصبة.

طلع باسكال عندو (زهايمر).

زهايمر عديل كدا.

وترواري جنو وحن (الزهايمر).

الحاجة الوحيدة الما بسامح فيها (تراوري)....الزهايمر.

فضل بابور عمل موجات صوتية للمريخ ...طلع (الوصيف) في الاسبوع الثالث ..عندو تشوهات واضحة في الهجوم

المهم سلامة الام.

سلامة الوصيف.

الجنين طلع عندو ابوالشهيق.

فضل بابور ...حول الاوراق ..والكشوفات ...وترسيب الدم ..والطوحال ....الي تراوري.

امير كمال طلع عندو انتفاخ في (البنكرياس) الدفاعي.

ناس امير ديل ..بلعبوا كورة (مفلهمة) كدا.

وديل مع هبابات الهلال ما بثبتوا.

بشة يفتح من الشمال ...عصام الحاج ..ما بثبتوا.

الحقني يا حضري.

ادفع قروش الفندق ...اوعكم تجونا بي (اكرم).

اكرم دا ...في (الخريف) ما بنستر.

هو وين الخريف؟.

الخريف القاصدو انا ترواري ومهند الطاهر.

المريخاب في الدقيقة 13 فرحوا بي هدف هيثم مصطفى.

اكلوا التحلية ..قبل الكوارع.

في زول بحلي قبل الغداء.

طبعكم كعب يا مريخاب.

زي الشافع الطبعو كعب ..لمن يجيبوا الغداء ...(البامية المفروكة ..والفاصوليا ..والسلطة)..بمشي طوالي على (البطيخ).

يا ولد اصبر ..روق ...(البطيخ) دا لسع نحن ما بقينا عليه.

باسكال دا .. شال قروشو ..كاش وإلا شيك.

كورتو دي كورة (شيك).

نحن بنعرف باسكال ..وقت يقبض الكاش...(نملة) ما بتفوت منو.

اتخيلوا صورة باسكال وتراوري ماشي عليه.

يا محمد دفع الله خليك ..جاهز ..عاوزنك تجيب لينا الصورة بي عجاجتها.

باسكال قدام تراوري ما بثبت.

ولا تغشوا نفسكم ساكت.

انتوا وين موسي الزومة؟.

موسي الزومة وهيثم مصطفى في تشكيلة واحدة ...ما بنفعوا.

عشان كدا ..موسي الزومة ..طلعوه من (التشكيلة).

الزومة وهيثم ..المنتخب ما بلمهم ...عاوزين تلموهم في فريق واحد.

صحيح هيثم مصطفى عندو صبر ..وتار مع غارزيتو..لكن ما للدرجة دي.

اعلام الهلال الراقي ..قدم انتقاد كبير للصورة التى ظهر بها الهلال امام اهلي عطبرة.

هذا لا يحدث إلا في الهلال.

المريخ اتعادل مع هلال كادوقلي ...الجماعة الليلة ح يكونوا بدافعوا عنو.

معقولة ..الكوكي باقى ليه اسبوع مع المريخ.

اسبوع شنو ..؟...الكوكي باقى ليه 5 ايام فقط.

قلنا ليك يا الكوكي ...ما تفك صلاح ادريس...ناس المريخ ما مضمونين.

ما سمعت الكلام ..وقعدت تهاجم في الراجل.

قبل التعاقد مع المريخ ..الكوكي كان في اي مناسبة اي حوار ..بشيد بالراعي الاول للاهلي شندي.

وصيف من الاسبوع الثالث.

الاسبوع الثالث ما عاوزين تنتظروه.

الهلالاب هاجموا (غارزيتو) بما فيه الكفاية.

خلاص ..يا جماعة كفاية هجوم.

غارزيتو هسع متصدر الدوري.

كنا فاكرين ان الاهلي شندي سوف ينافس المريخ ..طلع منافس المريخ هو هلال كادوقلي.

7 نقاط للمريخ ..و7 نقاط لهلال كادوقلي ..والدرجة الكاملة للهلال.

يا رب احفظها نعمة من الزوال.

مباراة القمة القادمة ..الهلال مطلوب منه المحافظة على سجله القياسي في عدم قبول الخسارة في استاده.

نحن بنحقق في ارقام.

بنحقق في انجازات.

وجب الاهتمام بها ..والاعتناء.

هذه ارقام حصرية فقط للهلال.

تشكيلة صاح ..هزيمة اكيدة للمريخ.

الفوز على المريخ ..في متناول يد غارزتيو.

وغارزيتو ..شارب المريخ شراب.

لذا فان القمة القادمة هى باذن الله قمة الهلال.

عصام الحاج جهز ...استقالتو.

ح يمشي وين عصام الحاج بعد يوم 12.

باسكال ...واضح ان (الزهايمر) عمل ليه مشاكل كبيرة في (الركب).

يوم الثلاثاء لو جيتنا (مصبغ) شعرك ..بنقطع ليك اضنينك ديل.

الحمدلله يوم الخميس ما كان في مطرة.

لو جات مطرة ...كان المريخاب عملوها سبب.

باسكال ...نقطة قوة الهلال يوم 12.

مفروض تراوري من هسع يركز على (البسكلة) دي.

هدية زي دي ما تفوتها.

لو على الفندق ...الامين البرير قال مستعد يدفع فاتورة الفندق ...عشان الحضري يرجع.

اول المغادرين لكشوفات المريخ في يوينو ..مسكيم ..وفيصل موسي.

الحضري طبعا على كيفو ..بغادر في الوقت البريحو.

ما في زول يسألو.

هسع عليكم الله ال (7) نقاط دي عاوزة ليها معسكر في تونس.

هلال كادوقلي من (سوسة) جاب ال (7) نقاط.

ما في اجمل من (الوصيف) عندما يكون في موقعه الطبيعي.

عاجل :
يا بلة كلامك بقى اكتر من كورتك.

انقر هنا لقراءة الخبر من مصدره.