سودارس : الجنيات الجروا ...(قالوا فيهم الحضري)

شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 ماجد المصرى: الخلاف فى أولاد الراعى تجاوز المال إلى جوهر العلاقات الأسرية هل يمكن علاج الكبد الدهنى؟.. دراسة جديدة تربط الوقاية بفيتامين ب3 الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ إيطاليا تقترب من المونديال رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ماذا قال العميد طارق كجاب بعد إحالته المفاجئة للمعاش؟؟ ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الجنيات الجروا ...(قالوا فيهم الحضري)

قوون نشر في قوون يوم 16 - 03 - 2013

(مهند ..تراوري...نزار)...عرض محلي جنن العالم
قبل كدا ...كنا قد كتبنا عن اعلان زين .. الحساب بقى بال (سانيه) ، وكنا قد حركنا بتصرف (الثاء) الي السين لتصبح ال (سانيه) بدلا من ال (ثانية).

سانيه طبق الاعلان دا بالثانية ، بالحرف...جاب ليك هدف (رأسي) في الحضري عندما اعلنت اللجنة الفنية فوز عصام الحضري بنجومية المباراة.

سانيه ..طوالي مسك ليك (كيلو الباسطة) دا لفاهو ..وقسطرو ليك ..ورسلو للحضري.

الحضري المسكين ...ما فهم اي حاجة ...قصاد هذا الهدف بقى ليك زي (اهل العوض) في انجلترا.

ما ناقش اي حاجة.

هسع بعد (عرض) الهلال الرائع والذي استمتعنا به امام المريخ ..وجدنا ان بشة والصاقعة نزار حامد ..قصدوا في هذه المباراة ألا يسجلوا (اهداف).

ركزوا على (العرض).

نظام شنو؟.

نظام نحن اي حاجة عندنا بي نظام.

تراوري ومهند ..عملوا بمبدأ (الشوف) تطبيقا وتنزيلا لاعلان سوداني ...(عرض محلي جنن العالم)..وقد كان عرض الهلال امام المريخ بحق (يجنن العالم)..ومتعنا نحن هنا في ام درمان ، خلانا ليكم زي كأننا في حفلة لعبدالعزيز محمد داؤود ...ننقز في كراسينا متل كور (البنق).

عبدالعزيز محمد داؤود لمن يغني (غصن الرياض المايد ...يا الناحِلني هجرك وانت ناضر وزايد..تهجرني ليه.. وأنا ليك رايد؟)..بشة بمسك ليك ناس موسي الزومة ديل يفلفلهم ليك زي (الرز).

وبلة جابر في كنبتو (فانلتو) بتشرط.

بلة جابر ...حالتو بقت في الكنبة زي المغترب القدر ما تمشي ليه يقول ليك والله لسع ما فتحنا الشنط.

لمن يرجع ..ما يفتح الشنط.

يا العجب قوم سخن ...(المريلة) اللبسوك ليها دي ...تاني ما اظنك تطلعها.

تقول ممرض.

العجب بالمريلة زي اللبن لمن يجيب ليه طعم ...(ببقى زبادي).

يعني ببقى (روب).

الزبادي دا ..(فلهمة) ساكت لي ولاد الخرطوم.

العجب قالوا قفل تلفونو ..ضربنا ليه في شريحة الباشا ...قالوا لينا (هذا المشترك عندو قرحة عديل كدا).

في القمة الماضية ..اتمتعنا بالعرض ..بغض النظر عن نحن بنلعب مع منو؟.

لو كنا بنلعب مع (ام بدة) وطلعنا مغلوبين ...كان العرض هذا بمتعنا ..وبفرحنا ..وبملأ لينا (جركاتنا) حاجة باردة.

في المباراة ذاتها حصلت لينا حاجات غريبة.

نحن قاعدين نتابع في المباراة ...في واحد كان قاعد معانا (وقع).

شلناه ...وجري على المستشفى.

لقينا ليك الدكتور ما شغال بالكورة ..قاعد يحل ليه في (كلمات متقاطعة).

قلنا للدكتور ..قوم شوف لينا الزول (المنتهي) دا ..الكلمات المتقاطعة لاحقة.

الدكتور مسك ليك يد (المريض)..قال لينا الزول دا عندو (بشة) في الرئة.

كلنا ختينا ايدنا في رأسنا ...(بشة دا وصل الرئة كمان).

قلنا ليه يا دكتور ...(بشة) في الرئة دي يعني شنو؟.

بي صراحة ..نحن ما كنا فاهمين اي حاجة...الفى رأسنا كلها كملت.

الدكتور قال لينا (بشة) في الرئة دي يعني انتفاخ في (البلة الجابرة) ..زايد سرحان حاد في (الموسي الزومة).

قلنا ليه : يا دكتور ...والحالة دي خطيرة.

بينا وبينكم نحن من سمعنا ليك حكاية (الموسي الزومة) عرفنا ليك طوالي ان الموضوع دا عندو علاقة بالكورة.

برضو نحن بنفهم ..في شوية انجليزي كدا.

الدكتور قال لينا والله لو الحالة دي (اتوصفت) ممكن تكتل طوالي.

الدكتور ...شال السماعة ..ووضع ليك السماعة في (القلب).

فجأة كدا الدكتور هاج ..وقعد يكورك ..لا الحالة دي خطيرة ..الحالة دي ما بتسكت عليها...جيبوا الاوكسجين ...ارفعوا الحواجب.

نحن نشيل ونرفع في الحواجب ...(من الاستغراب).

يا دكتور في شنو؟.

الدكتور قال لينا الزول دا عندو (نزار حامد) في البنكرياس.

كمان نزار حامد دا وصل (البنكرياس).

غايتو يا ناس الهلال بتيجبوا ليكم (لعيبة) كدا ..من وين ما عارف؟..الواحد فيهم من اول موسم (يبنكريس) ليك.

والمرض دا خطير يا دكتور...الزول دا واحيد عند اهلو.

يعني الزول لو كان واحيد عند اهلو ما يموت.

الدكتور قال لينا : خطير الشوية دي ...الزول دا لو ما اتلحق ..المرض دا ممكن يتضاعف ويبقى (تراوري) في الطوحال.

وصل الطوحال!!.

ونعمل شنو يا دكتور؟.

تحولوا ليه (دم) الان...دم فوري ..سريع.

صاحبكم العيان سمع كلمة (تحويل) دي ...رفع رأسو ...قال للدكتور انا لو لقيت لي (تحويل) رصيد ..بريحني اكتر من (الدم)...حولوا لي رصيد يا دكتور.

واحد مننا قال ليه اسكت ...انت بلا (شوبرك) دا ما في حاجة عاملها فيك ...انت ما تتكلم ...لو عندك كلام بس تقول لينا (وصيتك) ..لو مت ندفنك وين؟...غير الموضوع دا ما بنسمح ليك تتكلم في اي حاجة ...فوّت علينا المباراة...اسكت كمان عاوز تتكلم.

هسع لو سمحنا ليك تتكلم ..تقلبها لينا كورة.

انتوا الكورة وقت ما بتقدر عليها ..البحضرك ليها شنو؟.

مية مرة ..قلنا ليكم (بشة) دا يوم بكتل ليه واحد فيكم.

بشة دا إلا تثبتو (بعثة الامم المتحدة)..وقوات حفظ الامن ...موسى الزومة ما بثبتو.

موسى الزومة هسع بقى في رقبتو.

موسى الزومة دا (النزول) ما بثبتو.

شوية كدا ..زولنا الجبناه للدكتور بقى يقول ليه في كلام ما مفهوم ...بقى يهضرب ...(مهند لا ...ما تشوت ...لا ...حرام عليك ...نحن عندنا شفع عاوزين نربيهم).

جرينا للدكتور ...قلنا ليه يا دكتور ..تعال شوف لينا الزول دا ...مالوا بهضرب كدا زي (بابور) الكهرباء.

والله هضربتو دي هضربة (بابور) فضل عديل كدا.

الدكتور ..جانا فاتح صدرو ..وقف ليه في رأسو.

يا دكتور في شنو؟...(عندنا جماعة منتظرننا ..قالوا لينا لو في اي حاجة ..مسكلوا لينا عشان نجهّز القبر)..نمسكل ليهم يا دكتور.

الدكتور قال لينا اصبروا ..ما تضيقوا للقبر.

القبر دا كلنا ماشيين عليه.

طيب في شنو؟.

الزول دا عندو (مهند الطاهر) في الحبال الصوتية.

والمرض دا خطير؟.

خطير الشوية دي ...الزول دا لو ما اتلحق ...ممكن يروح فيها.

يا دكتور يتلحق اكتر من كدا كيف؟...نحن اكتر من نجيبو ليك ..نعمل ليه شنو؟.

والزول يهضرب ...(يا مهند لا ...الحضري كبير في السن ..اخر عشرة دقائق في المباراة ما بشوف).

الدكتور ..وقف ..قال لينا لازم نشيل (البنكرياس).

يا دكتور انت بتلعب ...الزول دا (البنكرياس) حقو ...شالوه مع حكومة مايو.

انت قاعد وين يا دكتور؟.

الدكتور شعر ليك بالاحراج ..واتعقد في الدنيا دي جنس تعقيد ..بقى زي (السجك).

غايتو الواحد ..وقت يكون نفسو في (سجك) بدخلوا ليك في اي حتة.

الدكتور ...حاول يتخارج من الحتة دي ...قال لينا لازم نشيل (الطوحال).

يا دكتور ...طوحال شنو؟...المحلية شالت الطوحال دا قبل 7 سنوات.

شالوا الطوحال ومعاه كراسي الجلسة والسفرة.

كمان المحليات دي خلت ليها (طوحال) حايم.

الدكتور ما عرف يمشي وين؟...شعرك ليك ان شهادة الطب الشايلها دي (شهادة اعدادي).

الدكتور قال خلاص ...نشيل (المرارة)....عشان ننتهى من الموضوع دا.

يا دكتور ...انت جنيت!!!.

المرارة دي شالناها 17 مرة ...وفي كل مرة نشيل فيها المرارة ..ناس التلفزيون يرجعوها.

لو عاوز تشيل يا دكتور ...شيل لينا (محمد حاتم سليمان).

الدكتور سماعتو وقعت منو...قال لينا الموضوع دا اكبر مني.

طيب يا جماعة ..انتوا زولكم دا لا فيه بنكرياس ..ولا فيه طوحال ..ولا فيه مرارة ...شغال كيف؟...عايش كيف؟.

يا دكتور انت كمان المريخاب ديل بيغبوا عليك.

هسع نحن المريخ دا شلنا منو كم نقطة؟..ولسع قاعدين يتفاصحوا.

ناس هلال كادوقلي شالوا منهم نقطة ...وبرضو يقولوا ليك (الزعيم).

الامل ضربهم في استادهم ...مع ذلك بتناقشوا معانا.

زولنا العيان قام تاني يغالط.

نحن عندنا طابق تاني ..والكأسات الجوية ...وقمة السبتين.

الدكتور شاف حالتو المتأخرة دي ......قال لينا جماعتكم المنتظرنكم ديل ...(مسكّلوا) ليهم.

نحن نسينا الموضوع ...(زي ما انتوا هسع نسيتوا).

قلنا ليه (نمسكّل) ليهم لي شنو يا دكتور؟.

الدكتور قال لينا عشان يجهزوا (القبر)...عشان تمشوا من هنا تدفنوا طوالي.

زول لا عندو بنكرياس ..لا طوحال ..لا مرارة ..لا دفاع ...لا وسط لا هجوم ...كمان بتفاصح.

ادفنوا الزول دا ..وتاني حالة متأخرة زي الحالة دي ما تجيبوها لي (ادفنوا) طوالي.

شلنا الزول ..وطلعنا على المقابر.

وصلنا المقابر ...لقينا (القبر) جاهز.

عاوزين ننزل (المرحوم)..قعد يناتل فينا...قال لينا يا جماعة انا لسع فينا شوية روح ...ما تدفنوني...ما تستعجلوا.

قلنا ليه اسكت ...كمان انت بتعرف اكتر من الدكتور.

قدر ما حاولنا ..ننزلوا في ود اللحد ...(المرحوم) ما نزل.

في واحد قال للمرحوم ..اسمع لو ما نزلت ..بنجيب ليك (3) تسعات.

المرحوم ..ما اشتغل بالموضوع ..برضو بناتل.

يا جماعة (المرحوم) دا نعمل ليه شنو؟.

في واحد قال ورهو تصديق الدفن ...يمكن يقتنع.

ورناهو (ورقة الوفاة) ...برضو ما اقتنع.

اخر شيء ..في زول جانا من الحلة الفوق ...قال لينا الحاصل شنو؟.

حكينا ليه الحاصل من قون بشة في الدورة الاولى للممتاز الماضي الي كورة تراوري الضربت في القائم.

الزول طلع (مفتح)...قال لينا الموضوع دا ساهل ...(المرحوم) دا لو رفض (يدفن)..جيبوا ليه (الشغيل).

المرحوم من سمع كلمة (الشغيل)..قال خلاص ..يا جماعة انا بندفن بس ما تكتروا لي (الطوب).

قلنا ليه ..بنكتر ليك (الطوب).

قال لينا ..خلاص عندي رصيد في تلفوني (3) جنيه ...جيبوا لي اكملها ..واعمل خدمة (عرض محلي جنن العالم).

قبل ما يكمل كلامو ..كبينا فيه التراب.

ملحوظة : دفنا وقلنا : (اي دمعة حزن لا لا).

هوامش

الليلة ان شاءالله الهلال ينتصر في ساحل العاج ..ويعود لنا من هناك بانتصار.

وان شاءالله يقدم هناك عرض خارجي يجنن العالم.

اصبروا بس.

ورينا اي قون يا اكانغا.

سجل ..ما ترجع ساكت.

ناس المريخ ..بعد مباراة القمة ...كلهم اتفرتكوا.

اتوزعوا في الدنيا دي.

الجنيات الجروا ...اكرم والباشا والعجب.

الجنيات الجروا بقيادة عصام الحضري.

في ناس جروا قبل الكورة زي (اكرم).

وناس جروا بعد الكورة زي (الحضري).

فيصل سيحة في برنامج عالم الرياضة مع رضا ..بعمل موازنات.

يجب مخالفة للهلال ...يقوم يجيب مخالفة للمريخ.

يقول علاءالدين يوسف مفروض يأخد كرت احمر ...يقول في اللقطة التانية مساوي مفروض يأخد كرت.

شغل الموزنات دي ما بنفع في تحليل اداء الحكام.

الفقرة دي يا رضا سموها فقرة (الموزنات)...ما شايفين لينا اي (امبراطور) في الفقرة دي.

في امبراطور بعمل موازنات كدا.

هي تحليل وإلا جمعية خيرية.

فريق هلال كادوقلي في الموسم القادم ان شاءالله يمثل السودان.

اهلي شندي يلعب غدا ..اتمنى ألا تتجاهل الفضائيات السودانية ذلك.

الهلال مباراته القادمة في مدني امام الاتحاد.

والمريخ الي الان ما طلع من العاصمة.

مع ذلك فان المريخ هو (وصيف) لهلال كادوقلي.

زمان المريخ كان ما رضيان بي ان يكون (وصيف) للهلال.

هسع بقوا (وصيف) لهلال كادوقلي.

هيثم مصطفى حتى الاسبوع السابع ...لو الموضوع دا استمر على هذا النحو ...ما بيلعب معاكم.

معقول هيثم يلعب مع وصيف الوصيف.

والله يا علاءالدين يوسف ..ساكت ...ابيتوا (اهلي شندي).

بعد دور ال (32) هل سيستمر الكوكي مع المريخ.

الكوكي مرق بخرم الابرة في الاسبوع الرابع.

وان كان نال سخط كل المريخاب ..وهو يتعادل مرتين على التوالي في الممتاز.

دي الكوكي في اهلي شندي ما كان بيعملها.

هسع بقى يعملها في المريخ.

اكرم الهادي سليم لقى الحكاية خربانة من كبارها.

اكرم ..هو ذاتو بقى يسفروه عشان يلحق بالمباراة ...زي (الحضري) واحد.

وما في حد احسن من حد.

العجب المباراة القادمة في الممتاز ...اراهن برضو ح يقعد في الكنبة.

يا عصام الحاج ...الزول دا لو ما رجع ....شيلوا ليه (كنبة) ، ودوها ليه في البيت.

قالوا العجب في (بيت ابوه) قاعد في (الكنبة).

خلاص انا عندي حل.

جلدوا ليه (الكنبة).

وإلا اقول ليكم ...شيلوا منو (المريلة).

ما شرط يلبس مريلة زي (ضفر).

زمان ...المريخ كان فيه (هجوم)...وما عندو صانع العاب.

هسع بقى عندو صانع العاب ...وما عندو هجوم.

شفتوا العكس دا كيف؟.

يجيبوا الهجوم ...يشيلوا صانع الالعاب.

يجيبوا صانع الالعاب ...يشيلوا الهجوم.

نعمل شنو نحن ؟...نتقطع.

وسط الهلال تاني ح يكون فيه نزار حامد ومهند الطاهر وبشة والشغيل ...طيارة ما بتفوت.

نص كلو غزلان.

عمر بخيت وايكانغا ...عشان البث (الارضي).

البث الفضائي نزار وبشة ومهند والشغيل.

قولوا ما شاءالله.

فريقنا بقى ناطحة سحاب.

سانيه وتراوري وكاريكا قدام.

مساوي وسنكارا وبويا ورا.

تاني نحن عاوزين شنو؟.

البرير دا زول (قصيّر) تاني ما بسجلوا.

اخر قصير ..سيدي بيه.

بعد سيدي بيه زول طولو ما يكون مترين ..ما عاوزنو.

تسجيلات يونيو باقى ليها شهرين ونص.

يا ناس الهلال احسموا ملفاتكم من بدري ..وشوفوا الخيارات المتاحة.

ابحثوا في الدرجات والممتاز عن مواهب حقيقية ..تقوى الهلال ..وتكون اضافة له.

الهلال اذا تجاوز الدورة الاولى بنجاح ..في الدورة الثانية ما بتجيه اي عوجة.

فارس طرف اهلي شندي لماذا لا ينتقل الي الهلال الي جانب مالك.

صلاح ادريس لا اظنه يمكن ان يبخل على الهلال بفارس ومالك.

لا سيما وان مالك عدم انتقاله للقمة اثر في معنوياته.

على الهلال ان يطلب بقلب قوى فارس ومالك ...والموافقة سوف تكون اكيدة ان شاءالله من قبل ادارة نادي الاهلي شندي.

انتقال فارس ومالك للهلال ...يمكن ان يقوى من طموح لاعبي الاهلي شندي.

لأن حرمانهم من الانتقال للقمة ...يمكن ان يحبط لاعبي الاهلي شندي.

صلاح ادريس يؤمن بهذا المبدأ...ولن يقف امام فارس ومالك.

الهلال يحتاج بشدة لفارس ومالك ..وبهما يمكن ان يذهب الهلال بعيدا ..رغم من ان مشاركتهما افريقيا غير ممكنة.

لكن دعونا ..نبحث عن هلال المستقبل ..وعن هلال اكثر اشراقا.

الشروق فشلت في نقل مباراة الهلال.

والشروق من دون شك سوف تنجح في نقل مباراة المريخ.

الشروق تميزت بالحضور مع كل الاندية السودانية وهى تلعب خارج السودان.

هذه الميزة ..يجب ان تحافظ عليها قناة الشروق.

ثبت ان المريخ فريق (هش)...قابل للفرتكة.

الاحداث التى مر بها الهلال لو مر بها المريخ ...كان المريخ الان ضمن اندية الدرجة الثانية.

لاحظت بعد القمة ..اختفاء عصام الحاج.

تكون (كهربة) نادي المريخ اوشكت من الانتهاء.

المسكين شايل هم (الكهرباء).

الكهرباء هينة ...(الديدان) عملتوا فيها شنو يا عصام الحاج.

ما اظنكم كمان تقولوا لي جمال الوالي حل لينا مشكلة (الديدان) دي.

عاجل : يا احمد الحاج خت الصورة البتريحك ..ان شاءالله انعام سالوسة.

انقر هنا لقراءة الخبر من مصدره.