سودارس : غايتو لو في زول كتلتو كورة يكون حضر مباراة الهلال

سيناريوهات ليس اقلها انقلاب القبائل على المليشيا او هروب المقاتلين رئيس اتحاد بربر يشيد بلجنة التسجيلات ويتفقد الاستاد خطوط تركيا الجويّة تدشّن أولى رحلاتها إلى السودان عثمان ميرغني يكتب: المفردات «الملتبسة» في السودان شاهد بالفيديو.. خلال حفل بالقاهرة.. فتيات سودانيات يتفاعلن في الرقص مع فنان الحفل على أنغام (الله يكتب لي سفر الطيارة) وساخرون: (كلهن جايات فلاي بوكس عشان كدة) شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) شاهد بالفيديو.. خلال حفل بالقاهرة.. فتيات سودانيات يتفاعلن في الرقص مع فنان الحفل على أنغام (الله يكتب لي سفر الطيارة) وساخرون: (كلهن جايات فلاي بوكس عشان كدة) شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) حياة جديدة للبشير بعد عزله.. مجمع سكني وإنترنت وطاقم خدمة خاص شاهد بالفيديو.. شيبة ضرار: (موت الشهيد مهند لن يشفي غليلنا حتى لو انتهوا الدعامة كلهم وهذا هو الشيء الوحيد الذي يمكن أن يعوضنا ونقدمه له) إحباط محاولة تهريب وقود ومواد تموينية إلى مناطق سيطرة الدعم السريع شاهد بالصورة والفيديو.. خلال حفل خاص حضره جمهور غفير من الشباب.. فتاة سودانية تدخل في وصلة رقص مثيرة بمؤخرتها وتغمر الفنانة بأموال النقطة وساخرون: (شكلها مشت للدكتور المصري) هدف قاتل يقود ليفربول لإفساد ريمونتادا أتلتيكو مدريد السعودية وباكستان توقعان اتفاقية دفاع مشترك ((أحذروا الجاموس)) كبش فداء باسم المعلم... والفشل باسم الإدارة! المالية تؤكد دعم توطين العلاج داخل البلاد مبارك الفاضل..على قيادة الجيش قبول خطة الحل التي قدمتها الرباعية غادر المستشفى بعد أن تعافي رئيس الوزراء من وعكة صحية في الرياض التغير المناخي تسبب في وفاة أكثر من 15 ألف شخص بأوروبا هذا الصيف تحالف خطير.. كييف تُسَلِّح الدعم السريع وتسير نحو الاعتراف بتأسيس! دوري الأبطال.. مبابي يقود ريال مدريد لفوز صعب على مارسيليا شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل ريال مدريد يواجه مرسيليا في بداية مشواره بدوري أبطال أوروبا السودان يدعو المجتمع الدولي لدعم إعادة الإعمار ما ترتيب محمد صلاح في قائمة هدافي دوري أبطال أوروبا عبر التاريخ؟ ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) السودان يستعيد عضوية المكتب التنفيذي للاتحاد العربي لكرة القدم إنت ليه بتشرب سجاير؟! والله يا عمو بدخن مجاملة لأصحابي ديل! وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم حادث مأسوي بالإسكندرية.. غرق 6 فتيات وانقاذ 24 أخريات في شاطئ أبو تلات بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

غايتو لو في زول كتلتو كورة يكون حضر مباراة الهلال

قوون نشر في قوون يوم 20 - 03 - 2013

مهند الطاهر كلموه بي لغتو قالوا ليه عاوزين (3) هوبات عشان نتأهل
· عندنا زول كان قاعد في امان الله ...فجأة كدا قرر يفتح (الاذاعة)...اذاعة الشاب والرياضة تحديدا (اليوم وقت يتم ما عاوز ليه اذاعة شاب ورياضة ..والله اف ام 100 ممكن تكتلو) ...فتح الشباك ..وشغل (المروحة) ..ومات بين الشوطين.
· في ناس بعتقدوا ان (المروحة) هى التي كانت سبب (الوفاة).
· موش مرات كدا بتمشي لي دكتور ...قبل اي حاجة بيسألك ويقول ليك : (بتشغّل المروحة في كم؟).
· انت شنو (المراوح) المساك لينا فيها الايامات دي.
· شككتنا في (مروحة) بيتنا.
· خليت ناس موسي الزومة وبلة جابر وقبلت على (المراوح).
· غايتو وقت تمسك في الشيء ..تسكها لمن تنزلها (المعاش).
· اقول ليكم حاجة (وما تطلع من العمود دا)...عندنا مروحة فيها (7) اجنحة زي المنتخب السوداني.
· بمناسبة (الاجنحة) دي ...عندنا زول في الحلة ...اسمو (عباس ود البرتلي)..زول صعب وما بتلفت..وبلافح في الكلام ..وبسمع رأس الموضع وبرد طوالي...ما بنتظرك انت عاوز تقول شنو؟.
· ولا بنتظر ليه توضيح ..ردو جاهز في طرف خشمو.
· زي طفاية السجائر ...محل ما تقبل تلقاها.
· عباس ود البرتلي دا مرة حصلت ليه قصة غريبة...(بس يا جماعة الكلام دا ما يطلع من العمود دا).
· تعملوا لينا مشاكل ساكت مع ناس الكهرباء.
· في ناس ما برضو من الكلام دا.
· عباس ود البرتلي ..مرة جاء راجع البيت الساعة 12 مبسوط ومتكيّف ...جاب ليه (جوز حمام) قال للولية ..عليك الله (ظبطي) لي جوز الحمام دا ..واعملي لي (شوربة) كدا ...ترم لي (العضم)...والواحد من سنة 69 ما اكل ليه حمام.
· اخر حمام اكلتو كان في العيد الوطني للصين الشعبية.
· اخر شوربة شفتها كانت في سماية عثمان ود السماحة ...(عثمان دا هسع شغال هجليج).
· المهم عباس ود البرتلي دا ..جاب (جوز الحمام) ...الولية استلمت منو جوز الحمام واتقطعت في المطبخ ..تقول (كديسة).
· زي كأنها عندها (فكرة) ..وفلسفة في الحتة دي ...كأنها كدا بتعمل في (بحث).
· عباس ود البرتلي قعد ليها تحت شباك المطبخ ..وبقى كل 20 ثانية (يمسكل) ليها.
· ومرات يقوّم عليها عديل كدا بالشباك ..ويقول ليها : (اها يا ولية جوز الحمام دا لسع ما طلع).
· الولية تقول ليه : لسع يا حاج.
· يا ولية الحكاية شنو اديتني الجوع ؟...والله انا هسع المطبخ القدامي دا شايفو اربعة ...اربعة.
· يا راجل هو مطبخ وإلا كورة الهلال.
· عباس ود البرتلي ..يصبر شوية ...وتاني يكافح ليك المدام بي سؤال تعسفي.
· يا ولية ...جوز الحمام دا لسع ما طلع ...والله لو جبت لي (برج) كان طلع...الشفع ديل لو رجعوا من المدارس ...والله جوز الحمام دا (ريشة) ما نلقاه فيها.
· يا راجل ما تضيق ما تبقى لي كدا زي المنتدي الثقافي لطلاب رابطة ابناء الهنود الحمر في الجامعات.
· عباس يصبر شوية ...وتاني يلاحق ليك الولية ..يا ولية انت (حمامك) دا زاجل؟ ..وإلا حركة شعبية ...الحقيني بالشوربة ..لو الحمام لسع.
· والله انا خايف رمضان يثبت ..وشوربتك دي ما تطلع.
· الولية مدت ليه (موية غسيل العدة) بالشباك ...الراجل على جوعتو ..شرب ليك الموية الغسيل ...وقال لي زوجتو ......كترت (الزيت) ، في الشوربة ..مية مرة بقول ليك ما تكتري الزيت في الشوربة.
· المسكين طوّل من (الشوربة).
· الولية قالت ليه : ان بقت على الزيت هينة.
· شوية كدا ..الولية جابت جوز الحمام في كورية.
· الراجل فتح الكورية ..في فردة طارت من الجوز.
· يا ولية انا موش مية مرة قلت ليك (الحمامة) قبل ما تحمريها ...قصقصي ليها (اجنحتها).
· الولية قالت ليه والله حمام الزمن دا ...الحمامة تضبحها وتمعضها ..وتغليها في موية سخنة ..وتحمرها في زيت ..وبعد دا الحمامة تطير.
· الراجل ماشي على الفردة التانية ...الفردة التانية برضو طارت.
· عباس ود البرتلي عاين للحمامة كدا..وقال لي زوجتو البركة بس في (الشوربة).
· الولية قالت ليه والله (الشوربة) الشربتها اخير منها (الحميمات) الطارن ديل.
· عباس ود البرتلي ما فهمها ...لكن الكلام ما عجبو ...ما وقع ليه.
· عباس ود البرتلي برجع ليه تاني.
· خلونا مع الزول الحضر كورة الهلال ..قام مات بين الشوطين.
· راح فيها.
· طبعا كورتنا دي بقت تكتل عديل كدا.
· يعني عادي جدا بقوا يقولوا ليك الزول دا اتوفأ في الدقيقة 14.
· او يقولوا ليك الزول دا اتوفأ في الدقيقة 47.
· ومرات كمان يقولوا مات في الزمن البدل الضائغ.
· زولنا البكلمكم عنو دا والله صحتو زي (التمساح)..فطر ليه بي (سمك)...وانقرض بين الشوطين.
· كأنو البيفطر بي (سمك) ما بموت.
· صاحبنا دا ..ضرب ليك (السمك) زي جدول اتنين ..ينزل في خشمو سمكة ...سمكة زي الفلاش في جهاز اللاب توب.
· ينزل دي ..ويطلع دي ...(اسكان) ما بعملو ...الشوك يتفتف فيه زي (قشر) التسالي.
· ما بتلفت.
· كأنو بتصفح ليه في الكتاب.
· تصوروا الزول بعد (السمك) دا ..لمت فيه ..كورة الهلال وسيوي كتلتو.
· سمكو راح ساكت.
· اول حاجة ..من سمع ليك (عوض الجيد الكباشي) ...يترتر ليك في الاذاعة ..نفسو مرقت من الكورة.
· السمك الاكلو داك كلو وقف ليه في حلقو.
· اتعارض ليه زي (غفير) المدرسة.
· قدر ما حاول يبلعوا ما قدر يتبلع ليه.
· المسكين راح في هجمة مرتدة.
· مات من الشوط الاول.
· الحمدلله انه ما كمّل المباراة ...لو عرفها انتهت اربعة ...كان (فطس) عديل.
· كان جنازتو ما اتلقت.
· موش مرات في زول بغرق ..ويقولوا ليك (جنازتو) ما اتلقت.
· اها زولنا دا لو كان كمل المباراة ...كان جنازتو ما اتلقت.
· الله شافو بس.
· ارجع ليكم لي عباس ود البرتلي ..الزول القلت ليكم انو كان بيلافح الكلام.
· مرة كانوا قاعدين يلعبوا كوتشينة ..في اتنين برة ..بتكلموا ...عباس كان (قافل).
· ورقو بيلهلب.
· ماسك ورقو كدا ...سمع ليك القاعدين برة ..واحد فيهم يقول والله الزول دا مفروض طوالي يجيبوا ليه (3) تسعات.
· عباس ود البرتلي سمع ليك (3) تسعات ...قال ليهم (3) تسعات شنو؟...والله القى لي (تسعة) واحدة اكشح فيكم الورق دا.
· شوف الورق دا لو لقى ليه (تسعة) ح يبقى كيف ...(يمد الورق للزول القاعد وراهو).
· عباس ود البرتلي دا ..هسع سألتو ..قالت ليه انت يا عباس رأيك شنو في كورة الهلال القادمة.
· قال لي عشان (البرير) دا يكون عارف ...خلوه يعمل حسابو من هسع من (رش الملعب).
· اوعكم ناس الهلال ينضربوا لا قدر الله ..يقوموا يقولوا لينا في زول (رش) الملعب.
· نحن (رش) الملعب دا بقينا عارفنو.
· اوعكم المعز محجوب يقول لينا رأس لفة.
· الحمدلله علاءالدين يوسف الرأسو كان بيلف في المباريات الكبيرة دي بيلعب هسع في المريخ.
· يعني بالواضح كدا ...ما عاوزين لينا في الهلال اي (لفة) رأس.
· من هسع احسموا اموركم يا الامين البرير.
· عباس ود البرتلي ...قلت ليه انت شفت البعمل فيه ضفر ونجم الدين وبلة جابر...دفاع في (السلطة).
· كورة واحدة يتخابطوا زي قلابات التراب.
· عباس ود البرتلي ..قال ضفر ونجم الدين وبلة جابر ديل ...مفروض مدرب المريخ يرسمهم ..ويلعب في مكانتهم في التشكيلة (رسومات).
· والله بتتعبوا ساكت مع الجماعة ديل.
· هسع نجم الدين عليكم اللهما اخطر عليكم من (كاريكا).
· ضفر دا لو قلبتوه ...موش ممكن يكون (سادومبا).
· محمد موسي دا ..احسن شيء تعملوه ...ترجعوه ورا ..يلعب (مدافع).
· ح يكون ليكم افضل من (ضفر).
· انا اول مرة اشوف لي مدافع بيخبط في زميلو.
· انتوا شيخ الخفر دا جبتوا من وين؟.
· لقطوا الجماعة ديل ..وادخلوا بيهم معاينات باكات ..والله ما في واحد ينجح فيهم.
· كلهم بيرسبوا في مادة المعلومات العامة.
· ضفر دا انا متأكد يكون ما عندو (كراس).
· ضفر النوع البكون بجي المدرسة بدون (كراس).
· ملحوظة : في واحد من ناس المريخ ..قال لي المريخ لو طلع من المرحلة دي بمشي (الكونفدرالية).
هوامش
· اليوم تمر الذكرى الاولى لرحيل الشاعر محمد الحسن سالم حميد له الرحمة والمغفرة ...والذي نكتب عنه في مساحات اخرى.
· في مباراة الاياب ..اخشى على الهلال من (التحكيم)...واخشى على المريخ من ارضية ملعبه وضفر ونجم الدين.
· لو عاوز تضحك اتفرج في ضفر والنجم الدين في دفاع الهلال.
· صالون حلاقة بس.
· اختيارات مازدا للاعبي المنتخب غريبة ..وعجيبة.
· المنتخب سوف يخسر خسارة كبيرة في غانا.
· والسبب سوف يكون مازدا.
· على مازدا ان يتحمل منذ الان مسؤولية اختياراته.
· المنتخب بيختاره اسامة عطا المنان ..وليس محمد عبدالله مازدا.
· مازدا ربما يختار فقط الخسارة 0/ 3.
· فريق المريخ ثالث اندية الممتاز هل يعقل ان يختار منه 11 لاعب.
· المريخ دا لو قلبت الهوبة كدا ..ما بتطلع ليك منو لاعب.
· واللاعب الوحيد الذي يمكن ان تطلعوا هو هيثم مصطفى.
· البقية كلهم يحتاجون الي مراجعات.
· امير كمال ..وضفر ونجم الدين ..دا فريق ..وإلا دفار.
· اصعب مباريات الاياب في اعتقادي مباراة الاهلي شندي.
· الهلال في حضور جماهيره ..الف مرة نقول لا خوف عليه.
· تحدثت مع العقيد حسن محمد صالح ...ووجدت تفهمه للنقد الذي نوججه له ..وقبوله لذلك بروح رياضية.
· وهذا شيء يحسب للعقيد حسن محمد صالح.
· لكن يا حسن محمد صالح ..بي طريقتكم دي والله يوم بتكتلوا ليكم مستمع.
· الواحد بقى خايف لو ماشي علي بيتو ..يقولوا ليه الهلال جابو فيه (هدف) تاني.
· هسع موش المباراة دي انتهت قبل 5 يوم...لسع انا خايف ..يقولوا لي جابو (الخامس).
· لكن كما قال العقيد حسن محمد صالح ...الهلال قادر ان شاءالله على التعويض والتأهل.
· حسن محمد صالح ..تصوروا مع كوريكو دي ...قال الفريق دا عادي ..والهلال قادر على التأهل من ام درمان.
· طيب لو الهلال كان بيلعب امام الترجي ..حسن محمد صالح كان بيعمل لينا شنو في اذاعة الشباب والرياضة.
· اكيد حسن محمد صالح دا كان وصلها (سبعة).
· ليه نحن المريخ.
· والله انا خايف ...غارزيتو في المباراة الاياب يفاجأنا ..ويلعب لينا حسن محمد صالح (طرف شمال).
· غارزيتو دا ممكن يعمل اي حاجة.
· انتوا وين الشغيل؟.
· بمناسبة (الحمام) الكتبت ليكم عنو فوق ...ما عارف كتبت ليكم عنو الليلة وإلا امس؟.
· يكون الليلة.
· يا احمد الحاج ..بمناسبة الحمام دا ..جيب لي صورة (فاتن حمامة)..نغيّر شوية.
· فترنا نحن من ناس ضفر ونجم الدين وبلة جابر.
· غايتو فريقكم دا يا ناس المريخ ..لو كان فريقنا ..كنا فرشنا طوالي قدام الجامع الكبير.
· معقولة ..تشجعوا ليكم فريق دفاعو فيه ضفر ونجم الدين وبلة جابر.
· الكلام دا اخير منو ..تمشي تجيب الرغيف.
· يا احمد الحاج ..ما تنسي لي صورة فاتن حمامة.
· يا جماعة انا قاصد (الحمامة)..ما قاصد فاتن.
· عشان ما تقعدوا تشرعوا ساكت.
· عاجل : يا مهند الطاهر انت عارف نحن محتاجين لي 3 (هوبات) عشان نتأهل.

انقر هنا لقراءة الخبر من مصدره.