سودارس : اعملوا لي هيثم مصطفى اختبار (قارورة) لو نجح بقوه (رئيس) طوالي

اللجنة الإقتصادية العليا تصدر عدداً من القرارات المهمة لتحقيق استقرار سعر الصرف سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) الصحفية عائشة الماجدي: (لاحظت في الخرطوم مجموعة من الناس نشطة عايزة تبيع بيوتها وفي كمية عرض بيوت للبيع ما طبيعية) بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" وزير التربية يدشن استلام الدفعة الثانية من كتب الصف الاول الثانوي للولايات بالفيديو.. شاهد ماذا قالت الفنانة توتة عذاب عن أغنيتها التي تصدرت "الترند" في الوطن العربي؟ وتوجه رسالة للمطربة بلقيس فتحي والممثلة إيمي سمير "معاناة 5 سنوات".. برشلونة يتلقى نبأ سارا من رابطة الليجا شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها تغيير كبير في هيكلة الجيش السوداني والعطا رئيسا لهيئة الأركان الأمم المتحدة تفتتح مقرها بالخرطوم شبكة أطباء السودان .. قوة تتبع للدعم السريع اقتحمت مستشفى الأسرة بمدينة نيالا واعتدت علي الكوادر الطبية كانتي.. منذ أن كان حلمًا في أعين الهلالاب السودان.. وفاة لاعب كرة قدم محمد عبدالقادر يكتب: شهادة البوشي.. و"فضيحة صمود " من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق قرارات لجنة المسابقات باتحاد الكرة الدامر وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل بالصورة.. البرنس هيثم مصطفى وزيراً للرياضة في السودان مواعيد مباريات الجولة الثانية بمجموعة الهبوط بالدوري استهداف منزل يضم قيادات تحالف تأسيس بينهم التعايشي في غارة مسيّرة بنيالا مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اعملوا لي هيثم مصطفى اختبار (قارورة) لو نجح بقوه (رئيس) طوالي

قوون نشر في قوون يوم 26 - 04 - 2013

زمان في الحلة كان عندنا فريق ...كلو (باكات)...اطرافنا (باكات)...اجنحتنا (باكات)...قلب الدفاع (باك)...صانع الالعاب (باك)..رأس الحربة بتاعنا (باك)....حارس المرمى ذاتو (باك).

باكات ساكت.

باكات صر.

هسع لو مشيت سوق (القش) ..بتلقى فيه (عنب).

لا.

أو لو مشيت لي (الجزارة) بتلقى فيها (بطيخ).

لا.

أو لو مشيت لي ناس (تامر)..بتلقى (جاب الله).

طبعاً لا.

إلا يقولها ليكم عديل كدا انتوا.

نحن فريقنا دا كان كلو (باكات) ..وفي الباكات ..كنا باكات قاطعة كدا.

البونية دي في التمرين بدور.

شلاليتنا بتشتغل من تمغرب.

لو جابت ليها حبة (ضلمة) كدا ...العكاكيز بتخش الملعب.

عادي جدًا ..(الباك) فينا يكون رابط ليه (خوسة) في ضراعو...زي موسى بتاع (حليل موسى للرجال خوسة).

ولاد الخرطوم البيلعبوا معانا بدسوا (الخوسة) مع الشنكار.

نحن (الشنكار) كنا ما بنلبسو ..لو لبسناه زي كأننا كدا بنخاف من الضرب..وبنعمل حماية للسيقان.

شنكار شنو يا زول ..أنت عاوز (نسوان) الحلة يشيلن حالنا.

والله كمان عندنا (نسوان)...الواحد ساكت لو (عتر)...يعملنو موضوع في الونسة مع الجبنة.

الكرت الأحمر في المباراة بنشوفو أربع مرات....غير مجاملات الحكم لينا.

الحكم لو حكم صاح ...أي واحد فينا بيديه (7) كروت حمر.

الكروت الصفر خليها ساكت ...اللاعب الما بيأخذ ليه (كرت أصفر) بعد المباراة سكريتر النادي (بعنفو لفظياً) ...بقول ليه أنت ما عندك روح ..وما عندك انتماء للفريق...أنت لعبك دا لعب (خرطوم) ساكت.

شفتوا (بعنفو لفظياً) دي كيف؟...هسع عليكم الله (بعنفو لفظياً) دي في عمود (سلك) بتلقوها.

سلك (بعنفو لفظياً) دي في (المحاكم) ما بقولوها وهو لابس (روب) المحاميين ..عاوزنو يقولها ليكم في عمود.

حلتنا كلها باكات.

الزول البيسكن في الحلة جديد ..أول حاجة بنقول ليه أنت بتلعب شنو؟.

لو ما قال بيلعب (باك)..طوالي بنقول ليه شوف ليك حلة تانية ...نحن حلتنا دي ما عاوزين نخربها بي (دلع) صناع اللعب.

الواحد من يقول ليك بلعب صانع ألعاب ...تلقى بسمع أغاني فيروز وحنان النيل.

ونحن حاجات زي دي ما عندنا.

أقل واحد فينا بسمع (حسين شندي)...العطبراوي دا أساسي في حفلاتنا.

لو لقينا لينا واحد بالغلط ساكت بيسمع في سيف الجامعة أو مجذوب اونسة بنقطع رقبتو.

بنقول ليه أنت عاوز تبوظ لينا الفريق.

رومانسية زي دي نحن ما بتنفع معانا.

أقول ليكم ..مدربنا نفسو قالوا كان بيلعب (باك) لكن كان عندو نزعة هجومية..ورئيس النادي برضو كان (باك).

طبعاً (الباكات) خشم بيوت ..زي (الروس).

يعني في (باك) بكون متطور شوية ..بتقدم وبساعد الهجوم.

وفي (باك) النص ما بفوتو.

وفي (باك) خط 18 ما بطلع منو.

وفي باكات بيلبدوا في خط (6)..مع القوايم.

ديل ناس بله جابر وموسى الزومة.

نحن في الفريق بأمانة كدا ..كلنا (بله جابر) وانت ماشي لي ورا.

في زول بجيب ليه قون في نفسو بالطريقة دي يا بله.

دا زعل ..دا غضب ..دا نقول عليه شنو نحن؟.

أنت عارف قونك دا ذكرني شنو؟.

ذكرني ليك واحد صاحبنا ..كان ساكن في (الطابق التاني).

صاحبنا دا كان وقت يسألوه من بيت ناس خليفة ..بقول : (والله ما عارف).

رغم من أنو ناس خليفة ديل ساكنين في الطابق الأول ..تحتهم طوالي.

لكن مع ذلك كان لمن يسألوه من بيت ناس خليفة بقول ما عارف ..لكن بوصف ليهم بيتهم ..ويقول ليهم ناس خليفة ديل ساكنين تحتنا طوالي.

بله جابر ..هسع طبق نفس النظرية.

في زول ما بكون عارف شبكتو من شبكة الفريق الخصم.

في واحد تاني (خالص)..قال لي أنت تعال هنا (موسى) الزومة دا ممكن يبقى (ميسي) الزومة.

قلت ليه ممكن.

قال لي كيف؟.

قلت ليه تجيب (ميسي) ..ميسي الارجنتيني دا ...(موسى) خليه بعيد.

تجيب (ميسي) دا وتعلمو (الطفيش).

تعلمو كيف يشوت الكورة في الكشافات.

تلخبط ليه كورتو دي كلها في رأسو يتقدم ما يرجع ...يرجع ما يتقدم.

تشيل فكرتو خالص في الكورة.

تمسح ليه ذاكرتو كلها ...تركب ليه (ذاكرة) قيقا واحدة.

ذاكرة كلها شليت وضرب ونرفزة.

كدا ممكن موسى الزومة يبقى (ميسي الزومة).

صاحبكم قال لي : ما في طريقة نحاول مع (موسى الزومة).

قلت ليه تحاول شنو؟...أنت جنيت يا زول ..موسى دا ناس المريخ بحاولو معاه عشر سنوات ..عشان يعكس ليه كورة (صاح) ...إلى الآن ما عرف يرفعها زي الناس.

يمشي أول ما يصل للمرمى ..يرفع رأسو ..يعاين للمرمى ويشوت في (الكشافات).

موسى الزومة دا لو قعد يتفرج في ميسي ساكت ..بجيه (تشنج).

أنت جنيت يا زول.

بتفقع....عديل كدا.

يا زول قوّم امشي ..والله كلامك دا تاني تقولو بخسرك.

والله (نداوس) في الترابة دي.

أنت زول ما عاقل ولاَّ شنو؟.

نرجع لي بله جابر.

موسى خليه هسع.

في زول بعمل كدا يجيب ليه قون ..تقول (7) شهور ما صرف.

العدس والفاصوليا ...تخليك تعمل اكتر من كدا.

حليل الفراخ ..والحمام المشوي.

قالوا ليك في (عدس) وقت تاكلو بخليك تشوف المرمى حقك كأنو مرمى الفريق التاني.

يخليك شايف (ضفر) زي (عنكبة).

العدس دا زمان ..زمان بدري - (الثلعب) أكل منو.

نرجع لي فريقنا ...عليكم الله ..ما تطلعوني من الموضوع.

قلت ليكم ..وحصل ذكرتكم أنا ..وقلت فريقنا كلو كان (باكات).

جت.

خلاص (ست).

عشان كدا في النادي واضعين لينا حكمة أساسية في غرفة الملابس..(اللاين صديق الباك).

في المدخل حق النادي خاتين لينا (طورية).

في الكدارات الفريق كلو بيلبس مقاس (11).

أصغر كراع فينا بتلبس عشرة ونص.

صحن البوش في حوش النادي زي (الطشت).

من الساعة اتنين ضهرا ..بنرسل لينا (4) باكات عشان يصلحوا البوش للعشا.

البصل في البوش ..براهو بنعملو (ربع).

حواشة بس.

الجبنة نقلب لينا (صفيحة) غير الموية.

هسع الجبنة طبعاً بقوا ما بجيبوها في (صفايح).

الشيء الغريب (طقم) الفنايل حقنا ما فيه رقم (10)...كلو تلاتات ..واتنين ..و27.

عشرة وتمانية دي في (الطقم) ما بجيبوها لينا...من الجمارك بسحبوا الرقم (10) و (8).

مساعد المدرب كان بقول لينا ما أشوف لي واحد فيكم بيلبس الرقم (10).

اوعكم دي (رفاهية) ..انتوا ما قدرها.

دا (دلع) فارغ.

عشرة شنو؟.

عشرة دي كنا بنشوفها بس في (التلفزيون).

فريقنا دا زول بيلعب فيه باللفت مافي ..كلنا بنلعب (يمين).

أقل واحد فينا اتكسر (6) مرات.

عشان كدا فريقنا دا كانوا بقولوا عليه فريق (العكاليت).

وقت المدرب يقول لينا العبوا ورا ..ما تتقدموا ..ما في زول فينا بتقدم.

بنوم ورا رسمي.

وقت المدرب يقول لينا (قفلوا).

نفس ما بتشمو تاني.

وقت يقول لينا (اكتلو اللعب).

النقالة تدخل الملعب في أي لعبة مشتركة.

يقول لينا (طفشوا).

نشوف (الصهريج) وين ونطفش عليه.

أنا ما عارف ليه ..(الطفيش) دايما عندنا مرتبط بالصهريج.

الكوتش من يقول لينا (طفشوا) نشوف (الصهريج) وين؟..ونطفش عليه.

لهذا السبب كان فريقنا بقولوا عليه فريق (العكاليت).

أي فريق عامل لينا فيها أنو فريق كبير ..بنشيل منو (نقطة).

ناس ناشفين ..وكلمتنا واحدة.

قاطعين عديل كدا ..في اللعب (مان تو مان).

ما بتمشي لو كان بتنقطها.

فريقنا دا اذكر مرة كانت عندنا مباراة صعبة ..مباراة موت أحمر ..مباراة مصيرية.

قبل أسبوع من المباراة دي ...(المهاجم) حقنا جاءه (رباط صليبي).

ما عرفنا نمشي وين؟.

المدرب بتاعنا قال لينا ما في مشكلة ..أنا ح اولف لي (باك) جديد عشان يلعب لينا (رأس حربة).

قلنا ليه يا كوتش ..ما معقول ..الفريق كلو يتولف.

قال والله يا جماعة أنا ما عندي ليكم حل غير الحل دا أعمل شنو يعني؟.

اتصرف كيف؟.

قلنا ليه خلاص شوف ليك (باك) فيه رقشة ...ما تولف لينا من طرف ساكت.

المدرب عاين لينا كدا ..شاف ليك اكتر واحد فينا (حلاقتو) غريبة ...وقال بس دا الباك البيلعب لينا (مهاجم) في المباراة القادمة.

الزول دا من (حلاقتو) توليفتو ح تكون ساهلة.

خلاص أنا مشكلتي انتهت لقيت الحل.

الكوتش مسك ليك الباك أسبوع كامل بولف فيها.

ما خلى ليه (أغنية) ما غناها ليه ..دا كلو عشان بس يبقى مهاجم.

دربو ليك تدريبات منفردة ..وتدريبات جماعية ..وبقى يجيبوا ليك (التمرين) من الساعة تلاتة.

خلاص املنا كلو بقى في المهاجم المولف دا.

يوم المباراة ...في المعسكر ..جابوا ليك ليه (الفطور) براهو ..شيء لحوم ..وشيء ضلوع ..وشيء كستر.

ما خلوا ليه حاجة.

في الغداء جابوا ليه صينية باسطة.

زولك ما خلى ليه (قطعة) في صينية الباسطة ..نحن نعاين ليه من بعيد زي (الكدائس)..الزعل عاوز يشقنا.

والله لو عارفين الحكاية فيها (صينية باسطة)..كلنا كنا اتوالفنا.

كلنا كنا (حلقنا).

يعني الزول دا أحسن مننا في شنو؟...غير (الحلاقة) الحالقة دي.

طلعنا على المباراة ...مدربنا الدرب كلو بوصي في المهاجم.

دخلنا الملعب.

قال ليه يا كوتش لو جات (مطرة) اتصرف كيف؟.

المدرب قال ليه مطرة تجيك في (الصيف)...لمن تجي (مطرة) أنا بتصرف ..أنت مالك ومالها.

في التسخينة زولكم قال لينا جاني (شد عضلي).

قلنا ليه يا زول (شد عضلي) شنو؟...وينها (صينية الباسطة) الكنت بتضرب فيها زي جدول اتنين.

المدرب قال ليه يا زول ألعب كورتك...دلع المهاجمين دا أنا بعرفو.

المباراة بدأت.

أول ربع ساعة ..زولكم رفع ايدو ..قال عاوز غيار.

مالك يا زول في شنو؟.

قال جاني (رباط صليبي).

قلنا ليه أنت صدقت أنك (مهاجم)..رباط صليبي يجيك من وين وأنت أصلاً (باك).

يا زول كمل كورتك..المدرب قال ليه لو جاك (أمر قبض) ما عندك طريقة غير تتم كورتك دي.

صاحبكم قاعد لينا في الملعب زي (الابريق).

ما عمل أي حاجة.

اخر دقيقة من عمر المباراة ..عندنا باك لعاب كدا ..(ما عندو عوجة) انفرد بالمرمى.ووضع ليك الكورة في المرمى.

الكورة ماشى على القون ...زولكم المولف لحقها ليك وطلعها من المرمى.

شفتوا عميلة سعيد السعودي ..عملها لينا ذاتها.

طلع الكورة من القون.

قلنا ليه دا شنو البتعمل فيه دا ؟..أنت معانا ولاَّ معاهم.

قال لينا والله نسيت أنا كنت قايل نفسى (باك).

قلنا ليه يا ود الناس نحن لينا أسبوع بنولف فيك وبنسمع فيك في الأغاني ..تجي هسع تقول لينا نسيت.

قاعد تنسى (الفطور).

قال لينا لكن (الفطور) ما قاعد اتولف ليه ..الفطور بجيه عديل.

المدرب قال ليه شوف يا كابتن ..حلاقتك دي طوالي تمشي تغيرها ..عشان ما تخدع ليك مدرب ساكت.

هسع حكاية التوليفة دي ذكرتني ليكم بالمريخ.

قالوا ناس المريخ بفتشوا ليهم في (رئيس).

رئيس (سلف) ساكت ما لقوا.

رئيس بالدين.

رئيس (تصبيرة).

شوفوا ليكم (رئيس قدر ظروفك).

قالوا جمال الوالي ...اتراجع ...لقى ليك حكاية انخفاض الدولار دي ما مضمونة.

وناس الجنوب ديل في أي لحظة ممكن يوقفوا النفط.

ونحن بي جاي نقفل البلف.

مدراء البنوك قالوا نطوا.

قالوا ما عاوزين.

يعني ح نتفاهم كيف مع ناس موسى الزومة ديل.

هي عليكم الله (البنوك) ناقصة عشان تجيبوهم لمجلس المريخ.

البنوك كلها خسرانة ..ومضروبة ..كمان عاوزين تضربوهم تاني.

اختلاسات ..وحاجات تانية ..عاوزين تتموا الناقصة.

هسع نهايتو كدا ..ناس المريخ ما لاقين ليهم (رئيس).

وجمال الوالي لو رفع ايدو ..لا بتلقوا ليكم رئيس ولا عضو.

ولا تغشوا نفسكم ساكت.

إلا رئيس (تحويل رصيد).

الحكومة تشوف ليكم زول كدا تجيبوا ليكم ..مصطفى عثمان إسماعيل ..السعيد عثمان...أي واحد.

رئيس (تحويل رصيد)..إلا يقولها ليكم كدا ألف مرة.

رئيس عديل كدا ما عندكم.

رئيس (اسكراتش) تاني ما بتقلوه ..مع الأزمة الطاحنة دي.

يجبوها ليكم من وين كمان - (رئيس) في الأزمة.

هى البلد كلها كدا على بعضها فيها أزمة (رئيس).

ناس المؤتمر الوطني (الأصليين) ..رأسهم ضارب ..وما عارفين يعملوا شنو عشان البشير قال ما ح اترشح في الدورة القادمة.

اها في أزمة الرئاسة دي يجيبوا ليكم رئيس من وين؟.

إلا يعلموا ليكم عملية مدربنا دي.

نقوم نولف ليكم (باك) عشان يلعب (مهاجم).

انتوا هسع إلا يولفوا ليكم (رئيس).

رئيس (تجميع).

هسع متوكل أحمد علي دا لو اتولف ما ببقى (رئيس).

متوكل بقوم يطلعها من القون برضو.

حلاقة ساكت ما بتغطي ..ما بتقسم.

طيب نولف منو؟

ولفوا مصطفى عثمان إسماعيل.

شربوه (كركدي) بتولف ليكم.

كتروا ليه في (كسير التلج)..يمكن المحاولة تنجح.

اصلكم انتوا يا مريخاب شغالين بي طاقية دا يركبوها في رأس دا.

من جمال الوالي لي مصطفى عثمان إسماعيل.

إن شاءالله يعمل ليكم (كوبري).

مبروك عليكم.

أقول ليكم حاجة.

لو اتزنقتوا شديد ..رفعوا هيثم مصطفى.

هيثم مصطفى أفضل ليكم من (توليفة) مصطفى عثمان إسماعيل.

يمكن العجب ما يرضى.

يمكن الباشا الزعل يشقو.

يمكن بله جابر تاني يجيب ليه هدف عكسي.

يمكن سعيد السعودي يمشي بيتو.

يمكن أكرم الهادي سليم يقفل تلفونو.

لكن ما عندكم خيار غير ترفعوا هيثم مصطفى ..(بي صراحة ما عندكم أحسن منو).

جمال الوالي ذاتو ما بنافس معاه.

لو بقيتوا هيثم مصطفى رئيس ..بدق ليكم كتف مع كتف مع الأمين البرير في التسجيلات القادمة.

لو شايفين الموضوع صعب عليكم ..وممكن يحرجكم مع ود الياس وحجوج ..اعملوا لي هيثم مصطفى اختبار (قارورة)..لو نجح طوالي بقوه رئيس للنادي.

حللوا الحكاية بي اختبار.

عشان ما في زول يقول ليكم حاجة.

شفتوا كيف؟.

شفتوا نحن بنظمها ليكم كيف؟.

أي حاجة نحن عندنا بي نظام.

بس يا جماعة عشان ما تحرجونا ساكت ...(الكلام دا ما يطلع من العمود دا).

ملحوظة : كمان نحن ما بنعرف الباك من المهاجم.

هوامش

أنا ما عارف الوزير كارب بطنو كدا ليه في المريخ.

أنت ما تخلي المدة تنتهي.

يعني الناس الاستقالوا ديل لسع عندهم (15) يوم.

شنو عامل ليكم مؤتمر صحفي ..عشان تشكي فيه.

دا كلو شغل (تحنيس).

دا تحنيس لجمال الوالي.

كمان نحن ما بنعرف (التحنيس).

عملتوها ظاهرة.

ناس البنوك رفضوا كدي شوفوا ناس الأفران.

لو لقيتوا ليكم (15) زول أي واحد فيهم عندو (فرن) مشكلتكم بتتحل.

ازمتكم بتنتهي.

حاولوا مع ناس الأفران.

ناس البنوك ديل بحسبوها صاح.

مجلس الهلال سريع يجب أن يحسم موضوع المدرب الأجنبي.

جيبوا لينا مدرب أجنبي كبير ..عشان تعود الثقة للاعبين.

أحمد آدم ..ما بطلع ليكم من جلباب غارزيتو.

ح يعملها لينا كلها كدا نقطة نقطة ..(تقول نحن في بداية الخريف).

فريق الخرطوم اتصدر.

السنة دي الدوري الممتاز زي (الفيلم الهندي) ممكن يحصل فيه أي حاجة.

عاجل : إن شاءالله هسع دي تجي (مطرة) عشان نشوف ناس ولاية الخرطوم ديل رأيهم شنو؟.

انقر هنا لقراءة الخبر من مصدره.