سودارس : الشاف موسى الزومة شايل ليه (انبوبة غاز) في تمرين المريخ ما كضب

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الشاف موسى الزومة شايل ليه (انبوبة غاز) في تمرين المريخ ما كضب

قوون نشر في قوون يوم 08 - 05 - 2013

* الشتاء فى (موسكو) - مثل (اللوبيا) على جروف نهر النيل في مسعاه شمالا.

* اعرف لا توجد علاقة.

* ليس شرطا...ان تكون هناك علاقة ...العلم والتكنلوجيا اتجاوزت حتة (العلاقات) دي.

* موش مرات بتمشي للجزار ...شايل (جك) الفول.

* اها في علاقة بين اللحمة والفول.

* موش مرات بتقعد تحضر ليك في (فيلم اجنبي)...تكتشف في نهاية الفيلم انك قاعد تحضر في (النشرة).

* في علاقة بين الفيلم الاجنبي والنشرة.

* موش مرات بتصب (مطرة)...يقوم ناس الكهرباء ...طوالي يستغلوا الوضع ويقطعوا (الكهرباء).

* في علاقة بين المطر وانقطاع التيار الكهربائي.

* يعني ما تصب.

* علاقة انهم يدمجوا فاتورة الموية مع فاتورة الكهربة شنو؟.

* في حاجة بتربط بين الحاجتين ديل.

* طيب حاجة تانية.

* في علاقة بين عمر الجزلي وجون سينا.

* اها عمر الجزلي دا احتمال في اي لحظة يجيب ليك (جون سينا) في اسماء في حياتنا.

* بعملها عادي.

* هنا ايضا لا توجد علاقة - عندما تقف للصورة ...المصوّر بقول ليك (ابتسم).

* تبتسم يوم (27) - المصوّر دا ما عندو رأس.

* تبتسم - بكرة تلقى الصورة بدون (ابتسامة).

* يا كافي البلا - الابتسامة في الصورة ما عاوزة تقعد.

* ما تصلحها معانا شوية يا ود الناس.

* زمان وقت ظهرت (البصات السياحية)..كان في مقعد قدام اسمو (مقعد التلفزيون)..والراكب فيه بكون (وشو) في الركاب.

* عشان كدا (المقعد) سموه (التلفزيون).

* نحن زمن كان (الكمساري) بشترط علينا اي زول يقعد في المقعد دا يكون (مبتسم).

* صارف ما صارف ..فاطر ما فاطر ..لازم تكون (مبتسم).

* ما معقول يقابل الركاب الرحلة كلها (مكشر) - الناس ما ناقصة.

* او مثل هذا....برضو ما في (علاقة) واضحة.

* تمشي عشان تقلع ليك (ضرس).

* تخلعو بالعربي كدا.

* الدكتور يقول ليك :( جيب الرقم الوطني).

* يا دكتور انت عاوز تقلعوا وإلا عاوز (تشتري).

* ضرس هو - وإلا (تأشيرة) ...العاوز ليه (رقم وطني).

* مرة مشيت اقلع ضرس - قالوا لي جيب الرقم الوطني ...قلت ليهم خلاص عاوز (اكتل) الجذور ساكت.

* قالوا لي جيب شهادة سكن من ناس اللجنة الشعبية.

* قلت ليهم (حشوة) كيف؟.

* قالوا لي جيب لينا شهادة المتوسطة.

* قلت ليهم انتوا الضرس عاوزين تعينوه..عاوزين تشغلوه ..وإلا عاوزين تناسبوه - مالكم بتسألو منو كدا.

* والله خايف الجماعة ديل - لو مشيت عشان تأكل ليك (سمك) يقولوا ليك (جيب لينا الرقم الوطني).

* واحد قاعد بيصطاد ليه في (سمك)...قبض ليه (سمكة) زي برج الاتصالات.

* طبعا برج الاتصالات ما عندو اي علاقة بالسمك.

* لو قعدت تعاين ليها ساكت ...عاوز ليك (سنة) شوف.

* صاحبكم طلع السمكة من البحر ..سألها من (رقمها الوطني)...لقاها ما عندها (رقم وطني) رجعها بحرها طوالي.

* زول دغري ..وواضح.

* قال السمكة الكبيرة دي بدون (رقم وطني) ما بشتروها..يقوموا يعملوا لي سين وجيم ..وجبتها من وين؟..وقبضتها كيف؟...والبحر هائج - وعمرك كم سنة؟..وقريت وين؟...وانبوبة غازكم جنسها شنو؟.

* يعملوني ليك (موضوع)...وانا والله ما فاضي للحاجات دي.

* او زي ...واحد مشى يخطب ..(زيو وزي اي زول بخطب - دي فيها حاجة).

* ابو البنت صعب - النوع البكون اليوم كلو واقف في شاحن الموبايل.

* زول صعب شديد.

* اليوم كلو واقف بسقي في الشجر بالخرطوش.

* لو شاف ليه (جدادة) حايمة ساكت - يكورك في الولد ..يا ولد دخل (الجداد) جوة.

* نحن ما عندنا (جدادة) بتحوم في المغارب دي.

* الزول الصعب دا للعريس المتقدم : انت البنت دي شفتها وين؟...قول لي قبل ما تفكر - قول لي سريع...اتكلم ..واقف كدا تقول واقف في (حيطة).

* الولد قعد يرجف ...متل سواق اللوري.

* سواق اللوري برجف.

* برجف وقت يشوف ليه (ركشة)...بفقد تركيزو.

* الولد قال ليه : ابدا يا حاج ..والله انا ما شفتها.

* طيب ما شفتها ...بتخطبها كيف؟...نحن ما عندنا بنات بخطبوهن من غير ما يشوفهن.

* عاوز ليك انبوبة غاز - كيف يعني تخطبها وانت ما شايفها ...(حركات المحترفين دي ما تعملها لي).

* الولد استدرك - قال ليه : شفتها مرة واحدة يا حاج...شفتها (صدفة).

* الاب طلع السكين من ضراعو وقال ليه : وين ؟...اتكلم سريع ...قول الحقيقة..اعترف...نحن صعبين ما عندنا حاجة اسمها (صدفة).

* الولد قال ليه شفتها في الاستاد.

* وبتعمل شنو في الاستاد؟.

* بتلعب طرف شمال.

* الاب رجع السكين لي ضراعو - وقال للولد على بالطلاق لو كان قلت لي كلام غير دا (السكين) دي كانت ابتك...الله شافك بس.

* لو قلت لي ساكت شفتها (متقدمة) بتساند الهجوم كنت (قطعتك) بالسكين.

* نقرأ الفاتحة.

* لكن دا كلو - ما بطلعنا من (الشتاء) في موسكو.

* انا (البرد) في روسيا ...ما عارفو ...لكن (السقط) هنا ...عندنا معاه مغامرات وعدس.

* انا قلت (عدس).

* معليش يا جماعة ...اداخلت عليّ الاشياء ..شيلوا لي (العدس) من الجملة السابقة.

* البرد هنا عندو قصص وحكاوي ...الناس بتتلم من (الواطة) تمغرب..الشباك الفاتح بقفلوه ..والفتحة الصغيرة بحشوها (دلق).

* بقولوا ليك (الفتحة) دي بدخّل (البرد) كلو.

* يخلوا اي حاجة - ويركزوا ليك في (الفتحة).

* الفتحة دي تبقى هي (القضية) - والله بدخل جنس برد.

* يا زول اقفل (المروحة)...دا برد يفتحوا فيه (مروحة).

* الزول ان فتح ليه (مروحة) ساكت - ينروا فيه زي (الكديس).

* زمان كان في (برد)..وفي شالات وطواقي سقط ..وفانيلات برد ...وسيوترات...وقت البرد - برد.

* تذكروا (البرد) - البنزل ويفتح طوالي.

* نزولو فتوح.

* الحاجات دي الان كلها اختفت ...اخر مرة شفتوا ليكم زول لابس ليه فانلة (سقط) متين؟.

* انا غايتو ..ما شفت قريب.

* زمان المذيع في النشرة بكون لابس ليه (فانلة سقط).

* هسع البرد ...بقى زي (الزمن البدل الضائع)...ان بالغ كدا ما بفوت ليه (4) دقائق.

* يمين زمان كنا الحصة الاولى والحصة التانية والحصة التالتة والحصة الرابعة كلهن ما بنفهم فيهن شيء من البرد.

* التركيز بجي بعد الحصة الرابعة.

* والاستاذ الكان بدخل علينا في الفصل ويقول فتحوا الشبابيك ..وفتحوا المراوح ..كنا بنكرهو عديل كدا.

* بالله شوف (الاستاذ) الحقار دا.

* يا حليل زمان ...زمن البرد - برد ..(عليك الله يا حاجة اعملي لينا قراصة سخنة في البرد دا).

* هسع في زول بقول الكلام دا.

* البرد بقى زي (مروحة شغالة في نمرة اتنين)....هوا بسيط.

* ما في زول بحس بيه.

* انت يا زول عاوز تمسك لينا العمود كلو (برد).

* البرد دخلوا شنو بي (لجنة التسيير) بتاعة المريخ؟.

* عارفك انا بتلف وتدور من قبيل عشان تجي عدل على (اللجنة).

* الليلة الظاهر عليك قلت تجي للجنة من ناحية (البرد).

* والله يا جماعة (البرد) ما عندو اي علاقة باللجنة ..انتوا براكم بتجيبوا السيرة.

* زي واحد كدا ...(الكلام دا ما يطلع من العمود دا)...واحد كدا عزم ليه (17) واحد.

* الواحد في الجماعة ديل زي كرت النص ..(ما شاءالله - ما شاءالله).

* زولكم عزمهم ليك وقال ليهم : والله الليلة تاكلو (سمك) لمن تسخنو ..(الكلام دا كان في البرد).

* شفتوا المناسبة كيف؟.

* اصحابكم قعدوا في انتظار السمك.

* الصابونة جات - الموية الباردة جات - الرغيف جاء - السلطات جات..ومنتظرين (السمك).

* زولكم جاء شايل ليه (صينية) قدر الكتله ..فيها (سمكة) واحدة زي (المفتاح).

* واحد فيهم عاين للسمكة كدا ..وقال ليه : عليك الله هسع (رصيدك) دا ننزلوا في ياتو تلفون.

* زولكم قال ليهم يا جماعة ما تشفقوا...(السمكة) دي كلكم بتشبعكم ..قولوا باسم الله.

* السمكة قامت من صينيتها ...قالت ليه : (انت كمان ما تبالغ).

* قالوا ليك - قبل لجنة التسيير (ام 17 عضو دي)..تقول مستشفى.

* قبل اللجنة دي ..كان المريخ ماسكاهو (لجنة التصريف).

* اللجنة دي اجتمعت ..قالوا يناقشوا ملف التسجيلات ...وجماعتكم (قرش) ما عندهم.

* لجنة ساكت.

* وبتفاصحوا في التسجيلات.

* عارفين الجماعة عملوا شنو؟...قالوا والله نحن موضوع التسجيلات دا لا بنقدر عليه ...ولا نكضب على نفسنا.

* قالوا احسن نشوف لينا حاجة صغيرة كدا قدرنا ..بدل ما نجتمع وننفض ساكت.

* طيب نعمل شنو؟.

* قالوا نعمل (شيرن).

* الشيرن لي شنو؟.

* لو قلت ليكم ح تستغربوا.

* قالوا نعمل (شيرن) ونشتري لينا (بطيخة).

* عليكم الله في محن اكتر من كدا.

* الجماعة ديل (الشيرن) بعملوا ليه (بطيخة).

* اقصد البطيخة بعملوا ليها (شيرن).

* والله يا ناس المريخ - الله شافكم ساكت ..كان عندكم (لجنة تصريف)...تلج الموية الباردة ..بشحدوه من الجيران.

* قالب - قالب.

* هسع الوزير ما قصر معاكم جاب ليكم لجنة فيها (17) عضو - اقل واحد فيهم عندو مزرعة دواجن.

* يعني الباشا ممكن يعيد تسجيلو بي (580) جدادة.

* ضفر ممكن يعيد توقيعو ب (4) اطباق بيض.

* وقالوا كمان في ال (17) عضو ..في واحد من الاعضاء ديل عندو (توكيل غاز).

* ايوا - ايوا - قلت لي...عندو توكيل غاز.

* يعني ازمة الغاز الضربت البلد دي ما من فراغ.

* انتوا فاضيين لي.

* يعني بالواضح ..والمفتخر كمان.

* ممكن موسى الزومة يسجلوه ب (انبوبة غاز).

* طبعا قالوا ليك موسى الزومة الايامات دي مبسوط.

* بقى قاعد يقرأ الجرايد ..سمع ليك بال (17) عضو ديل ..اتكيف ليك جنس كيف.

* عضو (اسكرتشات)...عضو (غاز) ...عضو (فراخ)...عضو (دقيق)....عضو (روتانا)...الخ

* يعني ما في اي مشكلة يا الزومة.

* قالوا ليك موسى الزومة بقى يجي التمرين شايل (ابرسي غاز).

* محمد موسى يقول ليه دا شنو يا موسى الزومة؟.

* موسى الزومة يقول ليه : والله يا كابتن من الصباح لافي بالانبوبة دي ما لاقي لي غاز.

* المعنى اتصرف يا محمد موسى.

* المعنى شوف لين العضو بتاع الغاز دا يحل لينا (المعضلة) دي.

* انا متأكد ..لو العضو بتاع الغاز ادخل وحل المعضلة حقت الغاز دي التمرين القادم بتجي فيه (21) انبوبة غاز فاضية.

* الوحيد الممكن نقول ما بجيب ليه (انبوبة غاز) عشان يملوها ليه هو هيثم مصطفى.

* لكن تاني او واحد في المريخ مع (الكدارة والشنكار)...بجي شايل ليه (انبوبة غاز)...عشان يملوها ليه.

* فيصل العجب ...بجي دافر ليه (4) انبوبات غاز في كل تمرين.

* يجيكم بي دفار عديل ...يمكن يعمل ليه (محل) في كوبر.

* الجماعة ديل اسألوني منهم انا ...حافظ ليكم حفظ.

* كمان انا بتلفت.

* في الحاجات دي ولا بجامل.

* ولا بكضب ....(العاوز يزعل اليزعل) بي طريقتو.

* الشيء الغريب.

* وغريب جدا كمان.

* بس يا جماعة عشان ما يكون فيها احراج (الكلام دا ما يطلع من العمود دا).

* قالوا ليك (نجم الدين).

* نجم الدين عبدالله.

* نجم الدين مالو؟.

* يا جماعة بس (الكلام دا ما يطلع من العمود).

* يا زول انت شابكنا ما يطلع من العمود ..ما يطلع من العمود ...كلام هو وإلا (حمام).

* بعدين هو ذاتو يطلع يمشي وين؟.

* انت قايلنا نحن (روس) وإلا شنو؟.

* اها عاوز تقول شنو عن نجم الدين.

* قالوا ليك نجم الدين (مفتح)...عرف ليك رمضان قرب ..وتاني ما في (ترزي) بمسك ليه (جلابية).

* نجم الدين المفتح اكتر من ضفر...قالوا جاء التمرين شايل ليه (قماش).

* قماش جلابية نضيفه ..ومشى على محمد موسى مدير الكورة.

* ماشي على محمد موسى لي شنو؟.

* اصبروا انتوا يا جماعة خلوني اكمل ليك القصة ...(انت رد على التلفون).

* الكلام لاحق.

* نجم الدين مشى على محمد موسى شايل (قماشو) وقال ليه يا كابتن انتوا لجنتكم (ام 17 عضو) ما فيها (ترزي) ؟.

* خلاص ديل لقوا (اللجنة) دي تاني ما بيلعبوا ليكم كورة.

* الغاز موجود ...الاسكراتشات موجودة ...الفراخ موجودة ...الدقيق موجود.

* ما في اي مشكلة ...الكورة عاوزين بيها شنو مع اللجنة دي ...اي واحد فيك يا ضفر يعمل ليه (مشروع).

* الدولة بتعمل ليكم تسهيلات.

* يمكن يرفعوا منكم الضرائب ...ويدوكم سلفيات من البنوك..استغلوا الوضع واعملوا ليكم مشاريع.

* ان شاءالله تعملوا ليكم مشاريع (دواجن).

* ان شاءالله توكيلات غاز.

* توكيلات دقيق.

* مركز اتصالات.

* اتصرفوا ...ما تعاينوا لي كدا.

* انا بتكلم في مصلحتكم.

* اللجنة دي عمرها (4) شهور ...العمل مشروع عمل ..والما عمل مشروع تاني إلا يمشي يعمل المشروع في فريق (النسور).

* يا ضفر...يا بلة ..(وين انتوا الاسم دا)...الجماعة ديل ما قاعدين.

* (4) شهور فقط.

* ناس عبدالباسط حمزة ديل ما عندهم صبر.

* اسألونا نحن.

* مباراة اليوم امام النيل الحصاحيصا ...لو النيل لعب زي الناس ..ممكن تطيح ليها ب (5) اعضاء من اللجنة دي.

* اللجان الزي دي ما بتعمر كتير.

* العجيب ...بلة جابر.

* بلة جابر مالو.

* بلة جابر قالوا وقت يمشى يكمل اللاين ...ما برفع الكورة...بنتظر عضو من اللجنة (ام 17 عضو) دي يجي يرفع ليه الكورة.

* بلة مفتكر مع (اللجنة) دي تاني ما تعب.

* امير كمال.

* امير كمال مالو كمان؟.

* امير كمال ..وقت يضرب ليه لاعب في مخالفة خطيرة ..بعتقد ان (الكرت الاصفر) الحكم ما بطلعو ليه.

* بفتكر واحد من ناس اللجنة يجي يشيل الليلة.

* قالوا ليك (كلتشي)....قال مع اللجنة دي تاني ما في حاجة اسمها (تسلل).

* فاكرين (اللجنة) بتلعب معاهم.

* يا كلتشي ...يا اكرم ..لجنتكم دي لجنة جرايد ساكت - ديل عاوزين يتلمعوا ويتخارجوا منكم.

* يعني يا اكرم (التصويبة) البتجيك ..تصدها براك ..ما في عضو من اللجنة دي بجي (ينط) معاك.

* تنط براك.

* هسع عليكم الله هدف بلة جابر العكسي داك ...لو كان جاء في وجود هذه اللجنة ...الحكم كان حسب هدف بلة جابر.

* ما كان بحسبو.

* كان بقول بلة جابر ما قاصد يسجلو....والاهداف بالنيات.

* ملحوظة : والله هدف بلة جابر دا طلعتو زيتو.

هوامش

* ناس النيل طبعا مع ناس المريخ (حنان علينا).

* تعالوا الليلة شوفوا (الحنية) البيلعب بيها النيل.

* اللجنة قاعدة في المقصورة...النيل النص ما بفوتو.

* عصام الحاج ...قال اكتر حاجة ح تفرق معاي (الشروق).

* صاحبكم كان كل جمعة بظهر في الشروق.

* قرب يقرأ (الاخبار).

* انتوا وكيل الحضري اسمو (شيخة) وإلا اسمو (سيخة).

* فوقو نقاط وإلا ما فوقو نقاط.

* طيب ليه بتكلم كدا.

* هل تكون مباراة اليوم هي اخر مباراة لفيصل العجب في المريخ في (الرد كسل).

* شايف الجماعة عرضوا ليه نائب مدير كورة.

* وناس النسور منتظرينو في الاتحاد.

* انت تتفاصح كدا ...ما عارف بكرة عندكم مباراة مع الخرطوم.

* الله يكفينا شر (النقطة).

* تاني نحن (نقطة) ما بنستلمها منكم.

* النقطة دي بدون (مجلس) ممكن نجيبها.

* بدون لاعبين بنجيبها.

* تاني ما بنقبل غير (3) نقاط.

* (3) نقاط وخلوا الباقي علينا.

* ان شاءالله بس ينستر (النيل).

* عاجل : ينستر شنو ديل لي هسع بشيلوا مصروفهم من جمال الوالي وعبدالله حسن عيسي.

انقر هنا لقراءة الخبر من مصدره.