شاهد.. فتاة سودانية تدمي قلوب المتابعين بشرها تسجيلات صوتية مؤثرة وحزينة لوالدها البعيد عنها قبل أيام من رحيله    الإتحاد الأفريقي "كاف" يصدر قراره في شكوى الهلال ضد نهضة بركان ويصدم جمهور الأزرق    بالصورة.. في حادثة أليمة.. طالب سوداني بالإسكندرية يغدر بصديقه ويرميه من الطابق السابع    الإمارات والبحرين توقعان اتفاقا لمقايضة الدرهم والدينار    "ما أخشاه!؟".. حمد بن جاسم يعلق على وقف إطلاق النار المؤقت بين الولايات المتحدة وإيران    العدالة الغائبة... ورسالة شرفي    بالصور.. قدم نصائح من ذهب للراغبين في العودة.. ناشط سوداني يحكي قصة عودته لأرض الوطن من "المريوطية" فيصل بالقاهرة حتى "الحاج يوسف" الخرطوم    في ملعب خال.. جيرارد يعلق على رد فعل صلاح بعد هزيمة ليفربول أمام باريس سان جيرمان    شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين    من الحب للحرب.. شاهد الحلقة قبل الأخيرة من القصة الكاملة لأزمة الفنانة إيمان الشريف واليوتيوبر "البرنس"    روضة الحاج: أنا أستحقُّ جمالَ هذا العفوِ أُشبهُه    حالة طبية صادمة.. عدوى غريبة تجعل امرأة تعطس ديدانا من أنفها!    المستشار الطبي بالسفارة السودانية بالقاهرة يعلن عن اتفاق وشيك لتجديد التعاقد مع شركة أكسون هيلث تيك    شاهد بالصورة والفيديو.. فنانة "دلوكة" صاعدة تخطف الأضواء وتسحب البساط من كبار المطربات    شاهد بالصورة والفيديو.. خلال حفل بالقاهرة.. الفنان عثمان بشة يرفض أموال طائلة من "النقطة" ويحرج أهل الفرح بطريقة لطيفة    النيل الأبيض تكمل استعداداتها لامتحانات الشهادة السودانية وتستضيف طلاب دارفور    بالصورة.. في حادثة أليمة.. طالب سوداني بالإسكندرية يغدر بصديقه ويرميه من الطابق السابع    الجمعية العمومية الطارئة (افتراضيًا) للاتحاد السوداني لألعاب القوى    تأجيل بطولة PFL MENA 9 في الخبر    ضبط شبكة تزوير مُستندات مركبات في الخرطوم    هيئة قيادة الجوازات والهجرة تبحث خطط التطوير الفني وتدريب الكوادر البشرية    مداولات ساخنة تؤجل حسم قضية الهلال إلى الغد    صبري محمد علي (العيكورة) يكتب: *ترامب و سِن (التمانين)*    زلزال في ليفربول.. الانتقادات تلاحق سلوت بعد تجاهل محمد صلاح    6 استخدامات ذكية للمناديل المبللة قد تغير روتينك اليومى    ميريل ستريب تتصدر بطولة مسلسل الدراما الإنسانية The Corrections    ترامب : الخطة الزائفة التي نُشرت هدفها تشويه سمعة المشاركين في عملية السلام    الموانئ السودانية تتلقى عرضًا من الهند    عسكوري وطه حسين يتقاسمان شركة زادنا    البرهان يتفقد الشركة السودانية لتوزيع الكهرباء    إيران تؤكد.. سنسيطر على مضيق هرمز بذكاء وسندعم "محور المقاومة"    قرار بإيقاف فضائية سودانية    باحثون يطورون مستشعراً لكشف الالتهاب الرئوي عبر النفس    رغم هزيمة ريال مدريد.. مبابي وفينيسيوس يتحديان بايرن ميونيخ    شاهد بالصورة.. ارتفاع جنوني في أسعار "التمباك" بالسودان وساخرون: (السبب إغلاق مضيق هرمز وتأثيره سيكون عالمياً)    البرهان يصدر توجيهًا بشأن ملف الكهرباء    9 أطعمة ومشروبات ينصح بتناولها بعد عمر الستين أبرزها القهوة والسمك    السودان.. القبض على 4 ضباط    في عملية نوعية لمكافحة التهريب بالبحر الأحمر ضبط متهمين أجانب بحوزتهما أسلحة وذخائر    ترامب عن إيران: ستموت حضارة بأكملها الليلة ولن تعود أبداً    السودان..ترتيبات لتوفير مبالغ مالية لشراء محصول القمح    قضية أثارت جدلاً.. براءة عصام صاصا من تهمة المشاجرة بملهى ليلي    ضبط شبكة إجرامية خطيرة في الخرطوم    بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم    عثمان ميرغني يكتب: فساد.. الفساد..    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    الأمن يداهم مخزن يبيع الوقود المهرب لعصابات التنقيب عن الذهب    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



باقى (100) يوم (كيس اسمنت) للمول ما نزلوه
قوون نشر في قوون يوم 19 - 05 - 2013

(500) مليون دولار لشركة المريخ متل احتراف بلة جابر في (باريس سان جيرمان)

بعد مباراة المنتخب السوداني امام نظيره الغاني ...وبعد تألق (نزار حامد) في المباراة ...تحدث اعلام المريخ عن احتراف الطرف اليمين للمريخ السيد (بلة جابر) في فرنسا.

يعني يتألق (الصاقعة ) نزار حامد ..ويمشي (بلة جابر) يحترف في الدوري الفرنسي.

شفتوا ...(الحقارة) دي كيف؟.

الوكيل الما عندو نظر دا ...ما شاف (نزار حامد)..كورة وطول وسن صغيرة وابداع.

ما شاف (الصاقعة) عشان يختار (بلة جابر).

زي (ود الرايح)..يدخل ليك السوق من الساعة (10) صباحا ..يلف السوق دا ..محل ..محل.

ما يخلي ليه حتة.

يمشي الجزارة ..ويمشي محل الخضار ...ويمشي محل الفواكه ..يقيف في التفاح ..والبطياخ.

يمشي البوتيكات ..ينزل ليك (الاقمشة) دي كلها...قماش ..قماش.

من (10) صباحا ..يطلع ليك من السوق الساعة (خمسة)..شايل ليه (كيلو موز).

يا (ود الرايح)...هسع انت من عشرة صباحا لي خمسة مساء ..لافى السوق دا كلو عشان (كيلو الموز) دا.

(ود الرايح)..يعاين للموز كدا ..ويقول ليك : (انت قايل الموز دا اي زول بجيبو ..الموز دا انا لافي ليه من عشرة صباحا).

طيب يا ود الرايح انت وقت عاوز ليك (كيلو موز)...البوديك (الصايغ) شنو؟..عاوز شنو بالدهب؟.

ود الرايح يقول ليك : (عندي غويشة مشيت اصرفها).

تفك ليك (غويشة) عشان تشتري ليك (كيلو موز)...والله بتبالغ يا ود الرايح.

ود الرايح تاني يقول ليك : (انت قايل الموز الشايلو دا انا موز ساهل ...الموز دا ما بيجبو اي زول).

هسع الوكيل الغاني الما عندو رأس دا ..شاف نزار حامد (الصاقعة)..وشاف الغزال مهند الطاهر ..وبشة وكاريكا ...وقال عاوز (بلة جابر).

المعنى (كيلو موز).

المريخاب هنا طبعا حددوا لينا عبر الاتصال مع الوكيل الغاني النادي الذي سوف يلعب فيه السيد بلة جابر في فرنسا.

في ناس قالوا ح يحترف مرة واحدة كدا ..في (باريس سان جيرمان)..مما جعلنا نسأل نحن هنا في الخرطوم ...عن القعد الذي جاء للسيد بلة جابر.

وطالبنا ان يترجم العقد من اللغة الفرنسية الي اللغة العربية (عشان ما يتفاصحوا لينا ساكت) ...حتى تتضح ملامح العقد ...فقد يكون العقد الذي جاء لبلة جابر من (باريس سان جيرمان) عقد (مشجع) محترف ...وليس لاعب كرة قدم.

او احتمال عندهم (كشافة) رايحة.

او قد يكون عاوزين يدخلوا (خدمة) الهدف العكسي في الدوري الفرنسي.

الاهداف العكسية بالمناسبة ممتعة ...وجميلة...(احلي من الاهداف الما عكسية).

بلة جابر الذي رشح في ديسمبر الماضي للاحتراف في (باريس سان جيرمان) مرشح الان لمغادرة المريخ.

والله بلة جابر دا يتشطب من المريخ ...نحن رأسنا يتقطع.

اوعكم تشطبوه ..إلا بلة يا جمال الوالي.

بلة جابر ربما يغادر المريخ (مشطوبا) ...وليس (محترفا) الي الدوري الفرنسي.

بنفس هذا الفهم (البلاوي) الدقيق...اعلام المريخ (السالب)..مازال يتحدث عن (متفرقعات) لجنة التسيير ..التى حددت فترته ب (4) شهور فقط ، مع ذلك قالوا عاوزين يحوّلوا نادي المريخ الي (شركة مساهمة)..رأس مالها (500) مليون دولار.

الكترابة يا حسن فاروق.

دي ..شك.

عاوزين يكبوا لينا قروش البلد كلها في المريخ.

الي الان ما شفنا لينا اي (دولار) في شركة المساهمة تلك.

كدا انتوا يا جماعة انتظروا (ضخ) نفط الجنوب ...من بعد اتحدثوا عن (شركة المساهمة) دي.

اصبروا الظروف ما معروفة ...البلد داخلة لمرحلة خطيرة.

نائب رئيس نادي المريخ ...الذي قال انه (ما بقرأ جرايد)..قال سوف نؤسس شركة رأس مالها (500) مليون دولار.

دا طالع من وين؟.

والله لو بتقرأ جرايد ...ما بتقول كلامك دا.

الزول دا عايش وين؟.

ما اظن عايش هنا ..ولا عارف البلد حاصل فيها شنو؟.

يكون اخر جريدة شافها ..قبل الانفصال.

الطريف في الامر ...ان الزول (الما بقرأ جرايد دا) ...قال انه لن ينزل انتخابات وانه سوف يكتفى ب (4) شهور في لجنة التسيير.

حالتو دي ما بقرأ جرايد.

لو بتقرأ جرايد ..وبتدخل نت ...(ساعة ونص)..ما بتقعد في اللجنة القاعد فيها دي.

وفي ال (4) شهور ...الزول (الما بقرأ جرايد دا) ...ح يحول المريخ الي شركة مساهمة.

لا بالله.

عشان بتحول ليك.

انتوا قايلنو (موقف شروني)..تحولوا فيه من حتة لي حتة ..تقول (تربيزة).

احسن تحولوه شركة اتصالات ...(اضمن).

افضل على الاقل ..دا جن بتعرفو.

او اعملوه شركة (مواصلات)..جيبوا ليكم (10) باصات سفرية ...ومسكوا اي لاعب بص عشان يسوقو ليكم.

سعيد السعودي (بص)..القضارف ...الخرطوم.

امير كمال (بص)...بورتسودان ..الخرطوم.

فيصل موسى....كسلا ...الخرطوم.

بلة جابر ..الابيض ...الخرطوم.

وهكذا.

فيصل موسى ما تمسكوه (بص)...في كل سفرية بعمل ليكم (حادث).

فيصل موسى خلوه في (الميناء البري)..يمسك ليكم المكتب.

يا ناس المريخ ..زولكم (الما بقرأ جرايد دا) ..كلموه عشان يتحرك ..قولوا ليه باقى ليه (100) يوم ..ونحن لسع ما شفنا منه اي حاجة.

قدموا (الورق) هسع.

اعملوا ليكم (خطوة) ...ان شاءالله مؤتمر صحفي ساكت ..الوقت ما في صالحكم....الانتخابات قربت.

شنو عملتوها لينا كلها ...(مباراة تكريم جمال الوالي).

ادخلوا لينا في (الشركة)..احسن من الكلام البتعملوا فيها دا.

لجنة تسيير المريخ ...ايضا كانت قد بشرت جماهير المريخ ب (مول) تجاري.

مول تجاري زي مول الواحة ..ومول عفراء.

بالمناسبة الزول (الما بقرأ الجرايد دا) ..المول حقو مقفولو.

فاقد الشيء لا يعطيه.

مول عفراء ..مقفل ..تفتكروا بقدر يعمل ليكم (مول) في (4) شهور...مضى منها (20) يوم.

غايتو إلا يعملوا ليكم (مول) بتاع فراخ.

نحن الي الان (كيس اسمنت) ساكت ..ما شفناه نزل ..كلو كلام في الجرايد ..وتصريحات ..وعرض (جنايزي) امام الاهلي مدني ..وهدف وحيد.

هسع ديل حال ناس عاوزين يعملوا ليهم (مول تجاري).

الي جانب (شركة المساهمة)...والمول التجاري ..قالوا برضو عاوزين يعملوا ليهم (نادي اسري).

انتوا (جرايد ما بتقرأوها)...النادي الاسري ليكم شنو؟.

نادي اسري على نهر النيل كدا ...(يا سلام عليكم)..بتتكلموا صاح.

الكلام دا كلو في (4) شهور.

وقالوا عاوزين يعملوا ليهم (مدينة طبيبة).

غايتو لو عملوا ليهم (مدينة طبية)..فيصل موسى براهو ..بخسركم في المدينة الطبية دي.

الزول دا مالو..يوم مفلوق ..ويوم حادث حركة ..ويوم يقع براهو...الزول دا اشطبو في (يونيو)..واضح انو المريخ ما نافع معاه.

احسن تشطبوه ..لمصلحتو ..بدل ما كل يوم تحصل ليه (كارثة) على هذا النحو.

الحجر ..في عطبرة ..من دون الناس وقع في رأسو.

اشطبوه ..احسن.

سيناريو ..الحوار بدأ يظهر الان.

الجماعة بدأوا يتكلموا قالوا (4) شهور ما بتمكن هذه اللجنة عشان تعمل ليها حاجة للمريخ.

لذلك لا بد من (التمديد) للجنة.

زي ما طلع (بتاع التقشف) عصام الحاج ..وقال جددوا للجنة التسيير عشان تقدر تحقق اهدافها.

عصام الحاج (بتاع التقشف)...ضاق قرصة (عداد الكهربة)..لذلك تاني نادي المريخ دا لو فيه (عرس فيصل العجب)..ما بدخلو.

زولكم ارتاح ..يا دوب.

وقت عصام الحاج كان في المجلس ..سعيد السعودي ..عذبو ليك بالمسكولات.

عاوزين المرتبات.

عاوزين حوافز الانتصار.

عاوزين تلج.

عاوزين سمك.

عاوزين (شنكارات).

عاوزين (رصيد).

عاوزين (كهربة).

عاوزين (حقنا).

كل يوم سعيد السعودي طالع ليه بي حاجة ...هسع عصام الحاج ارتاح من الكلام دا.

لذلك طلع عصام الحاج وقال ..الوزير لازم يمدد للجنة.

والوزير قاعد على (الهبشة).

يقولوا ليه : مدد ..بمدد.

ما تمدد ..ما بمدد.

لا بجدع ولا بجيب الحجار.

الطريف في الامر الوزير ..الجاب اللجنة دي ..في حوار في الغراء (اليوم التالي)..قال زمان كان بغني في المدرسة.

الشيء الطبيعي بعد الكلام دا ...الزول دا يكون بغني ( الطاغية الامريكان ليهم تسلحنا)...او على الاقل (جدودنا زمان وصونا على الوطن)..دا الشيء الطبيعي ..او الحاجة المفروض يغنيها السيد الوزير.

عارفين الوزير كان بغني شنو؟.

الكلام دا حسب كلامو.

الوزير دا قال كان بغني ( حبيبتي بستطلفها)...تصوروا.

اغنية الفنان احمد الجابري ..وهي من كلمات الشاعر (عوض جبريل)..الوزير ما بكون عارف الكلام.

يمكن يكون برضو ما بقرأ جرايد.

لذلك بعد الاغنية (الحنينة) دي ..قنعت ليك من الوزير.

دا ح يقولوا ليه : مدد.

بمدد طوالي.

يقولوا ليه : ما تمدد.

ما بمدد.

الزول في اليد.

لكن بس ..بغض النظر عن التمديد ..او عدمو ..نزلوا ليكم (اسمنت).

خلوا الزول (الما بقرأ جرايد دا)..يحرك ليه (قندران) اسمنت ..وينزلو قدام النادي.

عشان الناس تطمئن شوية.

او جيبوا ليكم قلاب تراب ..كبوه في شارع العرضة ..الاعلام السالب ..بتموا ليكم (قلاب التراب) دا وبعملوا ليكم (مول).

طيب خلوا دا كلو.

جيبوا ليكم (4) سيخات ..وارموه في شارع النيل ...ح نقول الجماعة بدأوا في (النادي الاسري).

اعملوا اي حركة.

انتوا ناس بتاعين سياسية ..وعارفين الشغل.

سياسة شنو؟.

ديل ما عارفين اي حاجة.

نائب رئيس اللجنة ..قال (ما بقرأ جرايد).

يا زول ما تقرأ...كدا احسن للجرايد.

هي قالوا ليك (الجرايد) ناقصة.

ملحوظة : الله شاف الجرايد.

هوامش

عصام الحاج ..لو في حاجة فرقت معاه ..بتكون فرقت معاه الشروق وقناة النيل الازرق.

عشان كدا طلع يقول جددوا للجنة التسيير.

يكون (اشتاق) للظهور الاعلامي.

ناس ضفر من تجيب ليهم سيرة (عصام الحاج) ...بمشوا يعاينوا في (العداد).

مسكتهم (شفقة) عديل كدا.

الامين البرير ...ما مفروض يصرح عن مباراة الهلال والاهلي شندي.

البرير ما يسخن المباراة اكتر من كدا.

صلاح ادريس في الانتباهة ..قال في وجود (الكوكي)..المريخ لن يحقق بطولة.

لا خارجية ..لا محلية.

خارجية طبعا بالكوكي ..بي مورينهو ..بي فيرغسون ..المريخ ما بحققها.

دا امر مفروغ منو؟.

ومحلية ان شاءالله مع (لجنة التسيير)...والناس الما بقرأ جرايد ديل ..ان شاءالله المريخ ..ما ح يحقق اي حاجة.

السنة دي (هداف الدوري)..ما بنخلى ليكم.

ترواري ..انفرد باللقب بعيدا.

(9) اهداف ...ما فيها ولا ضربة جزاء.

المهم ان يسجل تراوري في شباك (الاهلي شندي).

المباريات الكبيرة ..تراوري لازم يسجل.

التسجيلات باقى ليها (11) يوم.

يا ناس الهلال ..احسموا ملفاتكم دي من بدري.

ما تجوا تقولوا لينا (السيستم) قفل.

سيدي بيه ..مفروض يرجع من الان.

حركة الطيران ...ما معروفة.

ومالي دا ..ذاتو ما مضمونة.

يقوم يحصل فيها (انقلاب) في اي لحظة.

عشان كدا الزول دا خلوه يرجع.

الشيء الغريب ..سيدي بيه دا قاعد في السودان من شهر ديسمبر ..وقت التسجيلات فضل ليها اسبوعين ..قال مسافر (مالي).

قاعد خمس شهور ونص...غالبو يقعد اسبوعين تاني.

سفرة سيدي بيه دي ..اصلو ما مرتاح ليها.

هسع رجعوا لينا سريع.

اذا شطب الهلال بكري المدينة ...ما في شك ..المريخ اليوم التاني ح يسجل بكري المدينة.

خاصة وان هيثم مصطفى ..مقتنع شديد بي بكري المدينة.

لذا التفكير في شطب بكري المدينة ...(جريمة) عديل في حق الهلال.

ما معقول في موسم واحد ..نص تشكيلة الهلال تمشي المريخ.

بعد غد يلعب (اللوردات)..امام (السلاطين).

عاوزين نشوف (السلاطين).

لوردات شنو كمان؟.

اتمنى ادم ساير مهاجم الامل (طرف) في الهلال ..واتمنى كذلك مدافع اهلي الخرطوم (علي جعفر).

يا البرير احسموا وطينا موضوع ساير وعلي جعفر...تاني الحبة ما بتجيكم.

وجيبوا لينا مدافع (افريقي) قاطع.

تاني الهلال دا ما بكون عندو اي مشكلة.

ولو جاء كمان (كروجر).

كأس العالم للاندية ما بنقيف فيها.

مباراة المريخ الفاشر والمريخ ام درمان هي اخر مباراة للكوكي.

فيصل العجب طبعا اصلا ما مشارك.

لكن (الكوكي)...الاخيرة ليه.

من الفاشر يا الكوكي ما في (طيران) طوالي لي تونس.

تعال الخرطوم وسافر تونس.

احسن ليك ..احجز من الان.

احجز قبل السفر الي الفاشر.

الظروف ما معروفة.

محمد موسى مهاجم المريخ اول مهاجم في التاريخ يقعد نص موسم ..وما يسجل ليه هدف.

بلة جابر سجل.

انت يا محمد موسى...الحاصل عليك شنو؟.

الغريبة قاعد يشارك في المباريات.

الفاتح النقر في شندي ح يلعب تقفيل.

وتراوري جنو وجن التقفيل.

قونو بجيبو بجيبو.

عشان كدا ما تتعبوا تقفلوا تراوري ساكت.

استفيدوا من وقتكم ..واقفلوا لاعب تاني.

اقفلوا (خليفة).

تراوري دا لا بتقفل ولا حاجة.

الفاتح النقر ..قعد يصرح.

بعد المباراة ح يقول التحكيم.

حافظينك ..حفظ يا ىالنقر.

حافظنك بي (قفيلك) الكتير دا.

تقول لاعب ضد برشلونة.

عاجل : سليمانو قالوا اتصاب ...(خسارة كبيرة لمريخ الفاشر).

انقر هنا لقراءة الخبر من مصدره.