برقيات أكتوبر الاخضر ( حرية سلام وعدالة ووحدة ) صديقى العزيز اتيم سايمون وصديقى الحبيب ين ماثيو وصديقى العزيز باقان اموم نحيكم تحية الثورة السودانية وقبلكم التحية لسلفاكير وقبله لروح الدكتور جون قرنق ونهمس فى اذنه بان السودان الذى اشتهيت بات وشيكاً وعبره التحية لكل شهداء الحرب الاهلية فى السودان تحية نطوف بها ايضاً للدكتور عبدالنبى احمد والدكتور عمر نور الدائم والاستاذ محمد ابراهيم نقد وشهداء رمضان والحاج محمد احمد مضوى والطفلة رهام وعوضية والتاية وسليم والقائمة والامير نقد الله وخليل ابراهيم وشهداء دارفور والنيل الازرق وجنوب كردفان وشهدا الثورة الان والقائمة تطول … اصدقائى الثورة فى السودان تحتاج الى تتويج يليق بها استعدوا الى هذا التتويج وهو الوحدة على اسس جديدة لن نقول لكم تعالوا الخرطوم سنلتقيكم فى نصف المسافة هرولة لماذا لانلتقى فى ابيي ونسميها ارض العناق ونشيد بها نصباً تذكارياً لشهداء الحرب الاهلية من اهل السودان عموماً .. النور الجيلانى يردد ذات الاغانى وانتم تتفاعلون مع تصويبات مهند الطاهر الم تشتاقوا لشوارع الخرطوم لقد اشتقناكم فيها مدارس الشيخ لطفى فى رفاعة تتوق لعناق ابناءها .. استعدوا للفرح الكبير بشروا شعب السودان عندكم بالفجر الجديد مابتنا نبحث عن تؤمة بعد ازاحة الكابوس علينا الانصهار والعمل على صياغة المشروع النهضوى الشامل عندنا الشرق جبال وسهول وهضاب عندنا الغرب رجال فى ايهاب الاسد والاسد غضاب والجنوب الصهر جياش على ود وصد واصتخاب عندنا ماليس بالميسور عند الناس وديان وغاب عندنا الجفنة تستبق الترحاب بالوافد تجتاز الصعاب نحو تحقيق الامل لم يعد غير العمل الى العمل الى العمل الى العمل
