الحب علي المذاهب الاربعة علوية كبيدة……. بند رقم واحد….. رسالة من جوه الانبوكس حقي….قبل اجئ شهر كده من هسي رسلتها المذكورة اعلاها لشخصي الماضعيف خالص(70كيلو)** قالت….." يسرا كيف الاحوال انتى حترجعى السودان انافكر ارجع كيف لاني وصلت لقناعة انو النضال من الداخل قولى لى رأك شنو افيدنى بنتظر الأراء"" لما صحيت الصباح وشفت المسج دي بصراحة كده قلبي قال ليك ….شششششح….. نحن نسوان عجيبات…..جد النسوان الانا لاقيتهن كلهن في حياتي كوم…. والنسوان الاتحبست معاهن في معتقل الهدي ديل كوم براهن….وعلوية دي كون متفرد….. لما شفت المسج دي قلت ….انا جد ممكن لو ماكنت زي علوية دي اقول انا مناضلة….او ياخي زاتو سودانية …..لا والله لو ماكنت بالايمان ده اوعي اسمي نفسي يوم مناضلة ….ده انا ماحصلت الميم والنون….جد….انا مبسوطة من الامن الخلاني قربت مسافة من الزولة دي…..وعرفتا نحن كيف سنة 1948كانت الحركة النسوية عندنا متقدم حتي اكتر من في دول اوربا وامريكا….عشان لو في نسوان زي علوية دي……معليش اعفوا لي في نسوان…ودي …..بس انا محتاجة كده اتكلم زي مابفك اخري مع اصحابي وبقول كده بجي علي لساني والجوه قلبي…. مشهد اول…. راجلها صديق شفتو اول مرة في بيتهم حكي لينا كيف حاوطوهم يوم بالتاتشراات مافي زالنجي لا والله في الفتيحاب…النخيل….بس هو عارف علوية قوية وهو طول الشهور التلاتة ونص في معتقل يوم مازهج ولا مل…بنتظر متين تجي مواعيد زيارتها كل خمستاشر يوم….. مشاهد كتيرة…. مرت في راسي لما قريت مسج دي… مشهد سبحتها اللي عملتها من بلاستيك الفرشة حقت الارض… مشهد بلاستيكات كتار كل واحدة معقود فيها ايام لشهر مضي هنا في محبسها الانفرادي…. مشهد…للبت المصرية شيماء عادل وهي بتبكي في برنامج وتحكي عن علوية العندها السكري والضغط وبتصبر شيماء وتقول لها …اللي يخش هنا ماينفعش يعيط لازم يكون حد قوي….وراحت مطبطبة عليها….. مشهد…مشهد …. ثم قلت كم نحن صغار…امام عظمة بعض الناس….امام صمتهم…وقوتهم….وايمانهم بنا…. عرفت ان صديق سافر ليمكث معها قليلا في منفاها الاختياري واجباري بحكم تهديد اعتقال اخر دون مراعاة لاي حق مواطنة لها….نعم ياصديق دعني انحني احتراما فلمثل امي علوية يجب ان تسافر او توازر ان تسند…ودع لنا نحن ان نفتخر ونحسدك علي نعمة ربنا عليك ونحمده ونشكر فضله….. احبك ياامراة علمتنا معني ان نحترم مبادئنا…. ان لا نحيد عن مواقفنا….. ساكتب مامررتي به…. ماقصصته لي…. ماشهدته عيناي….. ساكتب حتي يخرج السودان الجديد…. وكما قلت لكي بنياتك يسدن عين الشمس…. نومي قفا بمشن الخطي الباقيات…. وفي اي حتة انتي بس قولي النصيحة….اكتبي …..انشري التجارب….. النضال ياماما علمني صديقي انور عوض….ليس له مكان وتعلمت وحدي ليس له شكل محدد….. فقط مجرد بقائك سعيدة وبصحة جيدة هو نضال كبير….. واوعي تحس انك هربتي لا ده نحنا اللي مفروض كان نقول ليك اطلعي…. البلد الفيها جهاز وحكومة تسخر كل شئ حتي تدمرك نفسيا نضالك بعدم اعطائهم فرصة لتكرار هذه التجارب عليك مرة آخري…… محبتك يسرا مهدي عجمان. نوفمبر 2013