محجوب شريف مستوصف تُقى – أمدرمان 31 مارس 2014م مِنْ وجْداني صَحَّة و عَافية لكل الشعب السوداني القَاصِي هناك والداني شُكراً للأرض الجابتني والدرب الليكم ودَّاني يا طارف وتالد يا والد النيل الخالد شرَّفني واحد من نسلك عدَّاني إنتَ الأول وما بتحوَّل وتَب ما عندي كلام بتأوَّل أنت الأول وكل العالم بعدك تاني يا متعدِّد وما متشدِّد ما متردِّد … ما متردِّد ملئ جفوني بَنوم مُتأكِّد بل متجدِّد .. تنهض تاني ولما تعاني .. بَعاني واعاني وقلبي وعَاني أحبك أكتر وما كفَّرتَ .. ولا نفَّرتَ ولم تستعصى عليكَ مَعَاني علمتونا نسِد الفرقة وإتقاسمنا رحيق الطَرَقَة وكم شلناهو ثباتك دَرَقة بكل البَيْ وعَلَىْ وحياتك أتحدَّاه كما أتحدَّاني. لحفيدي حميد قاسم أمين ولكل الأطفال … محجوب شريف مستوصف تُقى التخصصي – أمدرمان 31 مارس 2014