دعت الشابة / سلافة سعد الى حملة لجمع البطاطين وتوزيعها على الفقراء ، فى صفحتها على الفيسبوك . وتسمى سلافة حملتها ب(صرير الصى) . وسبق وجمعت الحملة آلاف البطاطين السنة الماضية . ودعت سلافة الراغبين فى الانخراط بالحملة الاتصال بها على رقم الهاتف 0912602676. (ادناه تدشين الحملة على صفحتها على الفيسبوك) : صرير الصى : اسي فى اللحظه دى فى ناس نايمين فى الشوارع .. عجزه ستات ورجال …اطفال …وكل الاعمار ساكنى الشوارع …متغطيين بجرايد …اكياس سكر ودقيق …كراتين … قطع مهترئه …وجزو نايمين ساي …نايمين فى برندات الاسواق …فى العراء …فى الزقاقات ….فى الترتوارات…فى الكوش …قدام الاقسام …تحت الكبارى يفترشون الارض ويلتحفون السماء … فى معسكرات نازحين ساكنين فى رواكيب فى اطراف الخرطوم..فى محل م تقبل اسألونا …شفناهم السنه الفاتت .. حملة #صرير_الصى سمعتوا بيها ؟؟؟ بكره لو ربنا احيانا حترجع عشان امهاتنا وابهاتنا واطفالنا النايمين فى الشارع … السنه الفاتت الحمله قامت لان كانت فى ام فى عز البرد نايمه قدام معمل ستاك مع بناتها الاتنين وبتحاول تغطيهم بتوبها المشرط المتمزق ولا لفق ولا كفاهم ..بنتين عمرهم ما فايت الخمسه سنين ….كانت هى ومعاها مجموعه من الناس نايمين هناك ….وكان هدف الحمله 100 بطانيه وقدرنا نجمع 3750 بطانيه بتوفيق ربنا واتغطوا كتار لكين النايمين فى الشارع ما قلوا والبرد اصر يرجع… الناس الاتبرعوا شكرنا عاجز وشهادتنا مجروحه فيهم .. متطوعين بلادى الساهرو لساعات الصباح فى عز البرد عشان بوزعوا البطاطين للنايمين فى الشارع ما بنقدر نقول عنهم كفايه …. اسي نقول بسم الله ونبداها والباديه مع ربنا بتم انشروا ونوسع دايرة الدفا حنستقبل اى حاجه … بطاطين مستعمله ..تبرعات لبطاطين جديده …ملابس برد بالذات للاطفال …والما بيقدر يصل بنصله انشاء الله بنوزع زى السنه الفاتت اخر الليل عشان نلقى الناس النايمين فى الشارع …كل يوم على منطقه.. وكل البيقدرو يشرفونا يوزعوا معانا 0912602676 …………………………………………….. مشهد عادى : ام وطفلين اكبرهم لم يتعدى الاربع سنوات امام بوابة معمل استاك تفترش قطعه من الكرتون ، اما المشهد البيوجع : فى محاوله يائسه لتدفية اولادها بتضمهم عليها وتحاول تغطيهم بتوبها المهترئ ..واااه من الوجع لما تضيق بيك الوسيعه … حاولت اقرب واسال لقيت فى تانيين نايمين هناك جنبها ..فى كل الاعمار وفى برضو ستات كبار واطفال كتاااااااااااار ..ورجعت وقفت وحسبتها فى راسي يا ربي زيهم كم ووين هم …اظن فى اى ملف جنب الجوامع وجنب المجارى وتحت الكبارى وتحت الشجر والمستشفيات وبتين صغار انا بعرفهم والله بعرفهم بينوموا قدام مستشفى جعفر … انا حاعديها الليله وبالى معاهم بس بكره لو ربنا احيانى ما راجعه بيتنا من دون م الم 100 بطانية واوزعا ما بتكفى عارفه …وبعدو برضو ما راجعه لو ما لميت مية تانيه لغاية م يصلو الف ما صعبه انا خالاها على ربنا واكرم من ربنا فى ؟؟؟ العاوز معاى يجى ويجيب البقدر عليهو ..حق بطانيه ولا بطانيه ومدام ما حنقدر نوفر ليهم اربع حيطان اضعف الايمان نغطيهم اتصلو على ولو فى اخر الدنيا وعندكم بطانيه عاوزين تتبرعو بيها بصلكم انا 0912602676.
