ارتفاع طفيف لأرباح زين السعودية إلى 604 ملايين في 2025    هدى الإتربي تكشف كواليس مسلسل "مناعة": تجربة مختلفة بتفاصيل إنسانية    علامات فى العينين تساعد على اكتشاف الإصابة ب 3 أمراض مختلفة    مدينة على القمر خلال 10 سنوات.. هل يتراجع حلم المريخ؟    رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الحكومة تؤكد عودتها الكاملة إلى الخرطوم.. ولقاء حاشد للإعيسر مع الجالية السودانية بالكويت يعكس التفافاً وطنياً واسعاً    الفنانة شيماء سيف: من ساعة ما حجيت ونفسي اتنقب واختفي    علاجك من أحلامك.. دراسة تتوصل لإمكانية استخدام أحلام الشخص فى العلاج النفسى    7 أطعمة للإفطار لا ترفع مستوى السكر في الدم    الموسياب يبدع ويقسو على الأمل بثلاثية نظيفة    الرابطة والتوفيقية يتعادلان في مباراة الأحداث المثيرة    الهلال ينفرد بصدارة الدوري الرواندي    وزير التعليم العالي السوداني: العودة إلى الدراسة خطوة استراتيجية    ضياء الدين بلال يكتب: قوش وآخرون... جرد حساب!    رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا    عاطف حسن يكتب: بنك الخرطوم.. اعتذارك ماااااا بفيدك .. !!    شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام)    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    ارتفاع وارد الذرة واستقرار أسعار السمسم في بورصة محاصيل القضارف    اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين)    الدولار يواصل التراجع أمام الجنيه فى منتصف تعاملات اليوم    آبل تستعد لأكبر تغيير فى تصميم آيفون منذ سنوات مع iPhone 18 Pro    دعوى ضد ميتا ويوتيوب بشأن إدمان الأطفال للتطبيقات    درة تكشف عن دورها فى مسلسل "على كلاى".. شخصية مركبة ومعقدة    مسؤول سوداني يغادر إلى تركيا    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    عثمان ميرغني يكتب: كبري الحلفايا...    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



سيرجيو لو بتغني كنت ح تكون من رواد (اغنية الحقيبة)
كورة سودانية نشر في كورة سودانية يوم 03 - 06 - 2014


…و….
محمد عبد الماجد
سيرجيو لو بتغني كنت ح تكون من رواد (اغنية الحقيبة)
…و
انتوا البرازيل دي فيها (اغنية حقيبة؟).
وإلّا الحكاية صدفة؟.
و…
(نسيت).
سؤال قفز لي فجأة في رأسي – (بدون اي مناسبة) وبدون اي (مقدمات).
فجأة كدا.
مرات الزول من غير اي مناسبة بلقى نفسو مشى (المطبخ) ، فتح (كيس) الرغيف ، قطع ليه (رغيفة) قرّضها وجاء راجع تاني قعد في مكانو.
شعور غير ارادي بخليك تمشي (المطبخ) تعمل العملية دي وتجي راجع تقعد في حتتك.
قرّيض الرغيف طبعا من اجمل الهوايات خاصة قبل الفطور وقبل الغداء.
نحن الهواية دي عندنا زي هواية جمع الطوابع.
في حاجات بتحصل من غير ترتيب.
…و…
(دقيقة اكمل ليكم).
الواحد بقى يشك في نفسو …دخلت لي (فرخة) مشوية في التلاجة – فتحت التلاجة بعد ساعة وربع …(الفرخة) طارت.
قلت ليهم فرختكم دي بتلعب في المريخ؟.
الها بتطير من (التمهيدي)…اقصد مالها بتطير (محمرة).
الزمن دا (الفرخة) بقت تطير وهي (مشوية) – (قادر الله).
الجماعة ديل دخلوا (الشفقة) في اي حتة.
والمريخاب اعادوا ليك (الطيران) للفراخ المشوي.
شفتوا كيلو (الفراخ) عمل كم؟.
الفرخة طارت السماء ..وهي (مضبوحة).
جيب ليك (فرخة مشوية) ..طعمها حراق – حراق ، لبسها اصفر واحمر ح تطير.
ح تطير على طول.
لكن انا هسع ما عاوز ارش المريخ – بابكر سلك ما قصر في المريخ قال ليهم بعد كدا إلّا نمشي الدهب.
انت يا سلك لو مشيتوا الدهب ..قايل ما بتلقوا (بشه) حايم هناك.
قالوا ليك (بشه) هناك يطلّع في الدهب كيلو – كيلو ..يعني يا سلك ما عندكم اي طريقة في الدهب.
لو عاوزين تمشوا (جبل اولياء) امشوا..ما في زول بسألكم لو مشيتوا للسمك في الجبل.
لكن (الدهب) دا بي صراحة ما بنسمح ليكم بيه …(دهب) شنو يا سلك – انتوا في استاد الخرطوم في الدوري الممتاز ما عندكم غير (الفضة).
وفي سيكافا (الفضة) ذاتها ما لميتوا فيها.
طاروا من دور ال (8).
وفي البطولة الافريقية للاندية طلعتوا من دور ال (64) يعني (صفيح) ما في ليكم.
عاوزين تشيلوا (الدهب) في (قبقبة) وقت فشلتوا في الكورة.
ناس المريخ كملوا (النفط) عاوزين يلحقوا (الدهب).
و…
(اكمل بس).
هسع نحن عاوزن نرد الجميل لبابكر سلك ..ونقوم نرش (سيرجيو).
عشان سلك بي صراحة ما خلى لينا شيء للمريخ…(قنع ظاهر وباطن منهم).
الليلة نحن عاوزين نقبل على سيرجيو.
سيرجيو قالوا ليك لمن يلعبوا ليه (كورة) بقعد يفتش اول حاجة عن (النضارة).
وينها (النضارة)؟.
لمن يكون عاوز ينفذ ليه مخالفة بولع (الرتينة).
زولكم ما بشوف – برضو العمر ليه احكام.
سيرجيو دا بيديني احساس انو من زمن رواد اغنية (الحقيبة).
بشعرني ليك انو زول (عتيق) كدا.
قديم قُدم (الكسرة).
لكن البرازيل فيها اغاني (حقيبة).
عندهم يلوحن لي حمامات – وتيه واتاكا – ومن الاسكلا لو حلا – ويا جميل يا مدلل كل ما اطراك بالدموع اتبلل – وإلا الحاجات دي عندنا برانا.
بكون عندهم (حاول يخفى نفسو وهل يخفى القمر) – الاغنية دي عالمية في اي دولة بتكون موجودة.
عندهم (انا انا في التمني).
يكون.
لكن معقولة.
معقولة ناس البرازيل ديل يا جماعة عندهم (سرور) ، وعندهم (كرومة)…وإلّا شغالين بي ناس (طه سليمان).
خايفهم يكونوا شغالين ب (قرقوري) وطلال السادسة.
ناس البرازيل ديل عندهم صالح عبدالسيد ومحمد بشير عتيق ومحمد ود الرضي.
بيليه في البرازيل قالوا ليك زي (عتيق).
بيليه (عتيق) البرازيل.
طبعا نحن من ثقافاتنا الزمان كنا بنعتقد ان اي دولة بكون فيها (ابوصلاح) وفيها عبدالرحمن الريح وفيها اولاد شمبات واولاد الموردة.
ديل زي (الشمس) يعني في اي حتة لازم يكونوا موجودين.
حسب فهمنا ونحن (صغار).
فاهمنها كدا.
و…
(اكمل يا جماعة).
قبل كدا قلت ليكم في (معتقدات) راسخة ما عندها اي اساس من الصحة.
هسع (سيرجيو) دا شكلو (قديم)…ونحن الزول وقت يكون قديم بقولوا ليك دا من رواد اغنية الحقيبة.
اي واحد عاوزين يثبتوا ليك انو قديم ..بقولوا ليك (من رواد الحقيبة).
وناس ابراهيم أحمد عبدالكريم ربنا يرحمه ..يعجبوك في الحكاية دي.
حافظين ليك تاريخ اغاني الحقيبة زي جدول الضرب.
عوض بابكر ..هسع لو سلمتوه (اسطوانة) لسيرجيو ..بقوم يطلعوا ليك دفعة العبادي.
يا زول عوض بابكر صعب – في الحاجات دي ما بتلفت ..(عارف اي شيء).
اقل زول عندو بقول ليك دا دفعة عبدالرحمن الريح.
سيرجيو دا كان قبل ما تعملوا ليه كشف طبي ..كان تسألوه من (احرموني ولا تحرومني سنة الاسلام السلام) لو طلع حافظها اقنعو منو.
قبل الاختبارات الفنية (سيرجيو) دا كان تدوه (رق)..لو دخل ليكم في (انا في هواك ضحيت يا حبيبي لو تعلم) …اعرفوه الزول دا على الاقل كدا حضر رفع العلم السوداني مع ناس اسماعيل الازهري.
قديم.
ولو دخل ليكم كمان في (عشرة الايام) ادوه فرصة الى مباراة الهلال القادمة امام فيتا كلوب.
الشيء البخوف من (سيرجيو) قالوا ليك لمن وصل السودان اول حاجة سأل منها – سؤاله من (دار فلاح).
كان يفترض يسأل من نادي الهلال قام سأل لينا من (دار فلاح).
قلت ليكم الزول دا كبير قعدتوا تغالطوا.
نحن ما بنمشي الدهب يا سلك – لكن الحيقيقة بنقولها.
ان شاءالله مع ذلك سيرجيو ينجح ويجيب ليه قون في فيتا كلوب عشان يسكتنا ..ويطلع كلامنا غلط.
و سيرجيو سجل في فيتا كلوب ..ح نغني ليه (كم نظرنا هلال) يعني يا سيرجيو برضو (الحقيبة) ما فايتك.
و…
انتوا تعالوا هنا.
دستة البرتكان فيها كم برتكانة؟.
برتكان شنو يا زول؟.
انت دخلت غلط.
اطلع سريع.
و….
انتهى.

انقر هنا لقراءة الخبر من مصدره.