سودارس :

أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

…و…
محمد عبد الماجد
لو مشيتوا الدهب كان طلعتوا ليكم بي حاجة احسن من الطلعتوا بيها في سيكافا
….و
اول امس فتحت (قناة النيل الازرق) لقيت ليك (السلام الجمهوري) شغال – والحلاوة مدورة – والتورتة يقموموا ويقعوا فيها.
والضحك فاتح (5) ضلف.
وناس تدخل وناس تطلع…(وواحدين يقطعوا في النجيلة).
الضحك يوزعوا فيه متل (صحاني الصيني).
قناة النيل الازرق قطعت ارسالها عديل كدا – ودخلت لينا في (حولية) رياضية.
يا جماعة في شنو؟.
حرروا (الاندلس)؟.
قالوا لي ابدا – الاندلس دي تاني في (الكاميرا الخفية) ما بحرروها – ولا بمشوا عليها.
حليل الناس البحرروا الاندلس.
ديل ما (بحرروا) – ديل (بحللوا) بس.
طيب في شنو؟.
الحولية الرياضية دي في شنو؟.
الاراضي المحتلة اتحررت.
قالوا لي ابدا – الارضي المحتلة ح تتحرر كمان بي (لن نذل ولن نهان).
الكلام دا والغنا والانشايد دي ما بتحرر ليها حتة…(ما تسمع الفصاحة دي).
هجليج رجعت تاني.
قالوا لي هجليج الحمد لله لم تسقط مرة تانية عشان ترجع.
مالك انت يا زول؟.
و…
(اكمل).
ذكرتوني يوم رجعوا (هجليج) وحرروها – جابوا ليك ناس عصام محمد نور ومحمد حسن ووليد زاكي الدين ونادر عثمان جمال الدين لابسين (الكاكي) ويغنوا للوطن.
زي كأنو التحرير دا تم في المقرن.
وجماعة كدا فرحانين شديد – يتصلوا بالقناة ويقولوا نحن البلد دي (شبر) ما بتنازل عنها.
التحية لقواتنا الباسلة.
التحية لقوات الشعب المسلحة وهي تعيد الى حظيرة الوطن (هجليج).
الكلام كان منطقي – والفرحة مقبولة – رغم اننا نحن عندنا رأي من البداية ليه في الاساس تسقط (هجليج) عشان نفرح باعادته؟.
البخليها تسقط شنو؟..عشان نفرح بي عودتها.
عودة هجليج دي الشيء الطبيعي.
الزول مفروض يفرح عشان حاجات فوق العادة ..لكن الحاجات الطبعية دي ما تفرحوا ليها.
وإلا بتخسفوا بينا تحت الارض…(اكتر من كدا نمشي وين؟).
معقولة نحن بقينا متواضعين للدرجة دي.
يعني جماعتنا ديل يقطعوا ليك الكهربة من صباح الرحمان – وقت يجبوها لينا عشرة ليلا – نقعد نفرح.
نفرح بعودة الكهربة.
الموية تكون قاطعة من الحلة خمسة يوم.
وقت يجبوها لينا اليوم السادس – نقعد نفرح.
منتهى التواضع.
الماهية مفروض نصرفها يوم واحد من كل شهر – يوم يصرفوا لينا الماهية يوم سبعة ما نصدق.
نقعد نفرح للفعل دي.
جماعتنا ديل الواحد فيهم لو جبت ليه شاي بي لبن – يخلي الشاي ويقعد يفرح ليك خصيصا للبن دا.
نحن بنبالغ عديل كدا.
الواحد يمشي يفحص الملاريا – يكون شايل هموم الدنيا كلها وجسمو مكسر زي الفول المصلح.
تكون خايف من الضغط.
وخايف من السكري.
وخايف حمانا الله واياكم من السرطان.
وخايف من ضيق الشرايين.
الدكتور وقت يقول ليك : (ملاريا) تقعد تفرح – ما تصدق.
وقت تطلع (ملاريا) تفرح.
شفتوا نحن ادهورنا كيف في حكاية (الفرح) دي.
بقي الحاجة البتسوى والما بتسوى بتفرحنا.
الجدادة يوم تبيض – بقينا نفرح للموضوع دا.
و…
(اوضح).
الواحد فينا تلقى الضحك عاوز يشقو تقول ليه مالك يا زول؟.
يقول ليك خلاص الليلة اشرت.
تمشي للغسال ..تسأل من ملابسك لو انتهت وقت تلقاها طلعت تقعد بدون ما تشعر كدا تفرح.
تتفرح ليه في الشارع.
ناس في منتهى البساطة.
هسع جماعتنا ناس المريخ ديل مفرحاهم (سيكافا)…ماسكهم ام فريحة.
سيكافا دي عليكم الله بتفرّح ليها زول – والله انتوا إلّا يكون عندكم نقص حاد في الفرح.
عندكم ازمة في البطولات.
عشان كدا الواحد فيكم لو جاب ليه (كمشة) من الجيران بالحيطة يقول ليك الكمشة دي (كمشة جوية).
شوية كدا تلقاها عملوها ليك بطولة جوية.
يا جماعة ما تغشوا نفسكم – اكبروا شوية – اطلعوا من المواعين دي – انتوا الحاجات دي كبرتوا عليها.
بقيتوا اكبر من الحاجات دي.
حاجاتكم دي ممكن نقبلها من مريخ الفاشر.
ممكن الى حد ما نقبلها من الاهلي شندي.
لكن تعملوها انتوا يا ناس المريخ – والله ما بنرضاها ليكم.
اكبروا شوية.
ناس قناة النيل الازرق حيروني – وادهشوني …ناس (الشروق) البصرفوا مرتباتهم وحوافزهم وبشرف عليهم جمال الوالي ما بعملوا في الحاجات البعملوا فيها ناس قناة النيل الازرق ديل.
معقولة – انتوا قايلين ناس المريخ ديل جابوا شنو؟.
يا جماعة كبّروا دماغكم شوية – ما تخلوا الناس تتواضع حتى في افراحها وطموحاتها.
ما تخلوا احلامكم ضيقة للحد دا.
انا قاعد في قناة النيل الازرق شفت ليك هيثم كابو لابس ليه فانلة حمراء (فانلة كورة) وقاعد يتكلم عن البطولة.
قلت ليهم معليش دا منو؟.
دا بلة جابر؟.
قالوا لي ابدا.
قلت ليهم دا سعيد السعودي؟.
قالوا لي سعيد السعودي ذاتو بلعب في الاهلي شندي؟.
قلت ليهم دا احمد الباشا؟.
قالوا لي ابدا.
قلت ليهم دا هيثم مصطفى؟.
قالوا لي هيثم مصطفى من بيتو ما طلع.
طيب دا منو يا جماعة – برهان – محسن سيد؟.
قالوا لي ابدا.
طيب دا مين؟ – شبكت ليهم في الحتة دي – بس عاوز اعرف الزول اللابس شعار المريخ دا منو؟.
بعد ساعة ونص اتوصلت لي اجابة صحيحة قالوا لي دا هيثم كابو؟.
يعني ما ود الياس.
ما فقيري عدلان.
قلت ليهم هيثم كابو انغا…وإلا هيثم ضفر – ياتو فيهم؟.
الناس اتلخبطوا.
طيب هيثم كابو في سيكافا جاء لابس فانلة في قناة النيل الازرق – يمين المريخ يصل المجموعات في بطولة الاندية الافريقية للابطال يجيكم بي شورتي وتشيرتي وكاب في نشرة عشرة.
الشيء المضحك ناس ميرفت حسين عاملين تقارير عن كأس سيكافا ..وجايبين ناس طلال حلفا والبنا.
انتوا عاوزين تبقوا لينا سيكافا دي (كأس العالم).
انتوا حتى الافراح بقيتوا تزورها.
حتى المشاعر.
يا جماعة ما كدا.
والله لو مشيتوا الدهب كان حققتوا ليكم انجاز اكبر من الحققتوه في سيكافا.
ضيعتوا وقتكم ساكت في حاجة ما بتستاهل.
الموضوع دا ما عاوز ليه (فرحة) قدر دي.
ذكرتوني ليكم بي طالب كدا متشبك في ابوه يجيب ليه (علبة هندسة).
كل يوم ابوها يكون طالع من البيت الصباح يقول ليه : (جيب لي معاك علبة هندسة).
زمان (علبة الهندسة) دي كانت عندها ثقافة كدا – وقت ابوك يجيب ليك عبلة هندسة – بتشعر بي احساس غريب كدا.
الولد كل يوم يقوم الصباح ويقول لي ابوه عاوز لي (علبة هندسة).
وكل يوم ابوه يرجع من غير (علبة الهندسة)..ويقعد يتعذر ليه – يقول ليه والله نسيت – بجيبها ليك باكر.
والد الطالب ما عندو قدرة لعلبة الهندسة لكن ما قادر يقول لي ولدو حاجة.
عشان كدا بجرجر فيه من يوم لي يوم.
المهم بعد (45) يوم ..ابوها اتسلف ليه قروش وجاب ليه علبة هندسة.
الولد مسك (علبة الهندسة) وقام جاري في الشارع يكورك من الفرح – ابوي جاب لي علبة هندسة – ابوي جاب لي علبة هندسة ..لمن طقتو ليك عربية – الولد مسكين (اتفقع) مات.
امو جات طالعة لقت الولد ميت في الشارع وحاضن (علبة الهندسة) طقت الكواريك وقالت والله (علبة الهندسة) دي من يومها ما وقعت ليه…قلبي ما دارها.
هسع يا ناس المريخ (علبة الهندسة) الجبتوها من سيكافا دي ح تفقعكم ساكت.
اسمعوا كلامي دا وارجعوا لي تاني في نفس العمود.
و…
انتوا صحي ناس الحكومة قالوا اكلوا الضفادع؟.
ناس الحكومة ما قالوا كدا – لكن لمحوا ساكت.
يا زول ما تلمح – اطلع سريع.
ورسل العمود.
و…
انتهى.

انقر هنا لقراءة الخبر من مصدره.