من هنا وهناك هيثم صديق طبعا اليوم هو التلاتة- الثلاثاء سابقا- وهو اليوم الثالث للثلاثية ده يوم البعاتي البعاتي هو الميت الذي ينهض بعد تلاتة اهداف اقصد بعد تلاتة يوم المعز قالوا لسع واقع الذ حاجة الحكم الرابع رفع الزمن بدل الضائع الزمن بدل الضائع طلع تلاتة دقائق هلالابي قال للمعاه اول مرة اشوف النتيجة برفعها الحكم الرابع قالوا ليه ده الزمن المبدد قال ليهم لا بالله قالوا وفاق اسطيف عمل شكوي في فيتا قال عايز الهلال الجزائري شاف مباراة الاحد شاف الشغيل ونزار حامد والمعز قال دار المسنين دي بتبالغ دفعة المعز هسي لواء شوفوا جمال سالم ماشاء الله تسعتاشر سنة عمر الزهور عمر الشباب عمر المني وابراهومة الصغير فريق المريخ اكبر واحد فيه هو هيثم مصطفي لعب الدوري يوم ولدو جمال سالم علشان كده وديناهو المخزن شغال مدرب في السر وده ما موضوعنا نحن موضوعنا التلاتة هلالابي جنو حليفة طلاق من اول امس ما حلف يقدر كمان يقول علي الطلاق بالتلاتة في مشجع مريخي مغيوظ من اللافتة المكتوب فيها الدلقان قلت ليه يا حبيب بيكونو قاصدين دكان (دلقان شحاتة) الفيلم ده حضرتو تلاتة مرات مرة علشان المخرج خالد يوسف بيذكرني بعلاء الدين يوسف شرس في افلامو وكتير كلامو وما بهموا الناس ان شكروا وان لامو المرة التانية حضرتو حضور (بلنتي) الحضور البلنتي يعني تحضروا براك مش البلنت بيكون المنفذ والحارس انت والتلفزيون هنا المرة التالتة حضرتوا بطريقة غير مباشرة زي قون راجي كده الناس كلها فاكرني حا احضر مباراة حضرت الفيلم هيفاء وهبي انجلدت في دكان شحاتة ده جلدة ما ضاقها الهلال من مازيمبي اخوها عمرو عبد الجليل حقر بيها عديل كده والله انا قلت ده الترجي بس الترجي حقر بالهلال لدرجة نساه يسجل شعارو قام عصمت مشي للمسجل التجاري وسجلو وقال ليك ايه عنتر كتلو اعمي يعني عنتر مات امال نهائي الدوري مع الزير سالم والا ايه في نكتة في موضوع عنتر كتلو اعمي دي الماعارفها يرسل لي في ايميلي الغريبة الثلاثة دخلت بسلاسة القون الاول بالركبة ضفر قال ركبتو فيها رطبو الحالة امال لو كانت كويسة المصري قصد يشوط البلنت كده علشان المعز بيحب النجيلة والمصري بيحب الاغنية السودانية علي النجيلة رقدنا مش اللي كانو جالسين رقدو اما راجي فكان راجي يخشن قونين راجي كان كابتن المريخ وحالف يشيل الكاس الغمصيبة الجماعة لا لموا في (الكاس) لا في (الكاف) لا في (الكاش) وطيرونا من (الكان) وبال(كاد) مرقوا من الرابع المريخ قصد يفوز بالثلاثة بعدد اللاعبين العايزهم من فريق الحمام غلبناه غلب عديل واستمعنا منه بالهديل والبلنت اللي شاطوا محترفهم ورجع من القائم احتجوا عليه وليهم الحق قبل كده حصل نفس الامر وتم اعتماد الهدف وشالوا بيه الدوري وديدي يبدو انه دقس فقط الذ حاجة سبت دودو قال ما حضر الكورة وجمعة ما شفناه يوم الاحد ده سرعو باتع تالتة العدوية فض المريخ فيها كل اعتصام وشتت الدماعة وسط عويلها ودماعها ولم يجدوا شماعة انه موسم المجاعة ساعدوهم بالاغاثة يا جماعة