سودارس :

الإعيسر يؤكد الدور الفاعل والاصيل للاعلام الوطني في تشكيل الوعي الجمعي وحماية الوطن مصر تؤكد دعمها الكامل لوحدة وسيادة الصومال شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية استخدام وسائل التواصل الاجتماعي وراء تزايد تشتت انتباه المراهقين سفارة السودان بالقاهرة: تأخر جوازات المحظورين "إجرائي" والحقوق محفوظة ما بين (سبَاكة) فلوران و(خَرمجَة) ربجيكامب ضربات سلاح الجو السعودي لتجمعات المليشيات الإماراتية بحضرموت أيقظت عدداً من رموز السياسة والمجتمع في العالم قرارات لجنة الانضباط برئاسة مهدي البحر في أحداث مباراة الناصر الخرطوم والصفاء الابيض غوتيريش يدعم مبادرة حكومة السودان للسلام ويدعو إلى وقف فوري لإطلاق النار صقور الجديان" تختتم تحضيراتها استعدادًا لمواجهة غينيا الاستوائية الحاسمة مشروبات تخفف الإمساك وتسهل حركة الأمعاء نيجيريا تعلّق على الغارات الجوية منى أبو زيد يكتب: جرائم الظل في السودان والسلاح الحاسم في المعركة شاهد بالفيديو.. فنانة سودانية مغمورة تهدي مدير أعمالها هاتف "آيفون 16 برو ماكس" وساخرون: (لو اتشاكلت معاهو بتقلعه منو) شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة «صقر» يقود رجلين إلى المحكمة بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية) منتخب مصر أول المتأهلين إلى ثمن النهائي بعد الفوز على جنوب أفريقيا شاهد بالفيديو.. وسط سخرية غير مسبوقة على مواقع التواصل.. رئيس الوزراء كامل إدريس يخطئ في اسم الرئيس "البرهان" خلال كلمة ألقاها في مؤتمر هام شاهد بالصورة والفيديو.. الفنان شريف الفحيل يفاجئ الجميع ويصل القاهرة ويحيي فيها حفل زواج بعد ساعات من وصوله لاعب منتخب السودان يتخوّف من فشل منظومة ويتمسّك بالخيار الوحيد كيف واجه القطاع المصرفي في السودان تحديات الحرب خلال 2025 إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته البرهان وأردوغان يجريان مباحثات مشتركة وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! عزمي عبد الرازق يكتب: عودة لنظام (ACD).. محاولة اختراق السودان مستمرة! البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

…و…
محمد عبد الماجد
في وجود علي جعفر والريح علي – الهلال لا يحتاج الى مهاجم جديد
…و
نحن برانا البنعمل كدا.
ما في غير الهلالاب بعملوها.
امس الاول – قعدنا في التلفزيون – عشان نشوف محترف الهلال (سيمبو) مع
منتخب سيراليون الذي كان يلعب امام منتخب ساحل العاج.
الكورة مشفرة – غير متوفرة للناس البطلعوا من دور ال (64).
شفنا سيمبو مع منتخب بلاده ..واغرب من ذلك ان المحترف الذي رفضه الهلال
واعاده الى بلاده بسبب التقرير الطبي – المحترف مصطفى بانغورا شارك ايضا
مع منتخب بلاده.
بل ان محترف الهلال المرفوض سجل هدف لمنتخب بلاده سيراليون في مرمى ساحل العاج.
ما في عز اكتر من كدا.
انتوا يا ناس الهلال التقرير الطبي دا طلعتوه من (مصفاة الجيلي).
معقولة زول عندو كل هذه الاصابات – يشارك في المباراة ، ويسجل هدف كمان.
بانغورا سجل هدف في ساحل العاج – والتقرير الطبي في الخرطوم اكد اصابته
اصابة خطيرة…(مسامير ومسطرة والتهابات ورباط صليبي وحادث حركة).
و…
(وشنو كمان؟).
وقالوا كمان عندو التهاب الكبد الوبائي.
مع هذه الاصابات ومع التهاب الكبد الوبائي – بانغورا سجل هدف.
ناس بكري المدينة ديل ما عندهم اي حاجة – الوحيد فيهم زي الحصان –
وقابض ليه (3) مليار – وعريس كمان.
مع هذا – ما سجل ليه هدف ، بل لم يتمكن حتى من الحصول على (كورنر).
صلاح الجزولي ما قابض قرش وسجل هدف.
ومصطفى بانغورا المهاجم الذي رفضه الهلال – عنده (19) اصابة والتهاب في
الكبد – وجاب ليه قون.
امس الاول شفنا في مباريات التصفيات سيمبو وبانغورا.
عصر الامس – طبعا شفنا كاريكا ومهند والمعز والشغيل وصلاح الجزولي.
الشغيل بقى صانع العاب.
الشغيل دا لو قعد موسم تاني في الهلال – ببقى رأس حربة عديل كدا – ما
فاضل ليه حاجة كتيرة من رأس الحربة.
قدم الشغيل اجمل مبارياته في الفترة الاخيرة – في الوقت الذي قدم فيه
بكري المدينة اسوأ مباراة ليه.
الزول دا يا دوب ليه (7) ايام في المريخ – معقولة كورتو لحقت اتلخبطت سريع كدا.
ولسه.
الكشافات جاها زول.
زول الكشافات ظاهر.
مساء نفس اليوم – شفنا محترف الهلال الاثيوبي بوتاكو مع منتخب بلاده
الذي لعب امام الجزائر.
وكمان كابتن للمنتخب.
قعدنا نباري في محترفين الهلال من قناة الى قناة.
من مباراة الى مباراة.
ناس المريخ – قاعدين يشوفوا شنو؟.
ما عندهم محترف واحد بتفرجوا فيه مع منتخب بلاده.
اوغستين دا يا ربي جايبنو من (معرض سيارات).
سالمون دا ..بلعب في منتخب التاكندو.
الجماعة ديل بتجبوهم لينا من وين؟.
و…
(مالك في شنو؟).
دفاع المنتخب السوداني امس امام منتخب جنوب افريقيا – ظهر بمستوى في
(حولية) ما بتقعدو.
دفاع ضعيف وما بعرف يلعب تحت الضغط ..ويعاني معظم لاعبيه من التقلة.
شفتوا علي جعفر والريح علي (الزهور والوردي).
من الليلة علي جعفر مع الريح علي اسمهم (الزهور والوردي).
ديل زهور وورود.
بقدموا تسهيلات خرافية لهجوم الفريق المنافس.
الريح علي لاعب تقيل – اي زول بجي عليه بفوت منو – انا ما عارف الزول
دا حارس شنو؟.
واقف – لو جيت فيه صينية باسطة – تفوت فيه.
الريح علي دا – امس وقت لاعب جنوب افريقيا يجي فايت فيه – بتحس انو في
زول قام جر الشريط.
قام المخرج عمل ليه عملية مجنونة.
ثبت الريح علي – وحرك لاعب منتخب جنوب افريقيا.
الريح علي كان المباراة كلها واقف في مكانو.
لمن مازدا قال ليه انت وقت واقف كدا – تعال احسن اقعد معانا برة.
قام سحبوا ليك من الملعب.
الهدف الثاني الذي سجله منتخب جنوب افريقيا – تسبب فيه الريح علي –
واقف يعاين في اللاعب تقول شايل ليه لوح تلج.
زول تقيل – (15) الف جنيه كتيرة عليه.
اما علي جعفر …فقد اكد لنا مرة اخرى انو عندو مشكلة كبيرة في اللفة.
ما عارف مازدا عاجبو شنو في علي جعفر.
الهدف الاول الذي سجله منتخب جنوب افريقيا – علي جعفر طلع ليه رسوم المرور.
زولكم دا لو دي كورتو – احسن يجرب (الفن).
يمكن يطلع (فنان).
على الاقل لو ما طلع (فنان) – بكون حظو افضل من حظو في الكورة.
كما انو بكون عمل جميل عمرنا ما ح ننساه ليه – وذلك بابتعاده عن الكورة.
كدا يا علي جعفر جرب غني.
في الغنا بتكون احسن من الكورة.
والله لو غنيت لي محمد الامين ما في زول بسألك – بس الكورة دي ابعد عنها.
كدا جرب وغني لمصطفى سيد احمد.
سيد خليفة.
عبدالعزيز محمد داؤود.
صدقنا بتكون احسن في الغنا من الكورة.
كورتك دي عشان نكون صريحين معاك في (المدرجات) ما بتقعدك.
كورتك دي كورة الناس البدخلوا في اخر (10) دقائق من عمر المباراة –
والناس بتكورك فيهم ملح – ملح.
اتخيلوا بس.
ومخمخوا معاي.
علي جعفر والريح علي في تشكيلة واحدة في فريق المريخ.
مع (الجناين) ديل بتفتكروا الهلال محتاج ليه لمهاجم.
الهلال في الموسم الجديد لو لعب في هجومو خليفة – ناس علي جعفر والريح
علي بكملو الناقصة.
ولا عاوزين لينا مهاجم.
ديل براهم بقوموا بالواجب واكتر.
غايتو جنس دفاع – علي جعفر والريح علي وضفر.
جماعتكم ديل خلوهم يدخلوا بي نقالتهم.
ديل زي الناس البشيلوا النقالة.
و…
الله يجيب لينا الموسم الجديد.
انتهى.

انقر هنا لقراءة الخبر من مصدره.