سودارس : (بانغورا) جابو ليكم (وكيل لاعبين) أم (ممرض)؟

القوز يقرر السفر إلى دنقلا ومواصلة المشوار لاعب منتخب السودان يتخوّف من فشل منظومة ويتمسّك بالخيار الوحيد الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(بانغورا) جابو ليكم (وكيل لاعبين) أم (ممرض)؟

محمد عبد الماجد نشر في النيلين يوم 12 - 11 - 2014

مفروض اللجنة التى رشحت هذا اللاعب للعب في الهلال – طوالي تقدم استقالتها
اجتماعات اللجنة الفنية في الإمارات ما تكون عن (الحوار الوطني)
أكيد زولكم دا كان لو عاوز يعكس ليه كورة إلا ياخد ليه (إذن) من دكتور العظام
عاوزين تجيبوا لينا لاعب عندو (19) مشكلة غير الكبد الوبائي
أمس لم يتوفر لى التواصل معكم عبر هذه المساحة نتيجة (خلل من المصدر) – حيث كان هنالك فشل في الارسال أدى ذلك إلى أن يتأخر (تعليقنا) على اللاعب السيراليوني (24) ساعة – فإن عدنا للتعليق بعد تأخير – نرجو الاعتذار – خاصة أن هناك الكثير من الأحداث الجديدة التى تستحق أن نكتب عنها – لكن موضوع (بانغورا) دا والله لا بفوتوا ولا حاجة.
خاصة أني كنت قد مشيت بعيدًا في العمود – لذا لكم العتبى حتى ترضوا.
ولبله جابر برضو.
بله جابر هذا الدخلو هنا شنو؟.
دخلو (المشابرة) البعمل فيها دي – أي (كشافة) في السودان عندو فيها (بصمة).
نعود إلى ما وقفنا فيه أمس :
في صحيفة( قوون) أمس الأول : (أكدت الكشوفات الطبية التى أجريت على اللاعب السيراليوني مصطفى بانغورا وجود العديد من الإصابات بجسمه بصورة تؤثر على قدرته على أداء واجبه كلاعب كرة قدم وكشفت الأشعة عن وجود مسطرة ومسامير بساق اللاعب بجانب اصابة واضحة بالركبة).
الزول دا أنتوا يا كاردينال جايبنو بعد (غارة جوية).
جاكم من (رام الله)؟.
من أفغانستان.
كان مشارك في حرب البسوس.
الضرب دا ما ضرب كورة.
الاصابات دي ما اصابة حادث.
الشغل دا شغل (غارة جوية).
دا في الأساس الجابو هنا شنو؟.
الزول دا طلع عندو أي شيء.
أي مشكلة في الدنيا فيه.
أي إصابة عندو.
الما عندو شنو بس؟.
مفروض الزول دا (السوق الشعبي) ما يدخلو – ناهيك عن الهلال.
دخل البلد دي كيف بكل هذه الأمراض.
أنتوا عاوزين تمرضونا زيادة.
نحن ناقصين – قالوا ليكم.
مسطرة ومسامير واصابة في الركبة – أنتوا جنيتو دا (الفرجة) بكون عندو فيها مشكلة.
الشوف بكون ما عندو ليه (لياقة).
من البداية الخلاكم تفكروا في (كارثة) زي دي شنو؟.
لاعب واقعة في (صاقعة).
الزول دا جايبنو من (كاريكاتير).
لو تفكيركم بالطريقة دي – الله يستر على ناس بوتاكو.
اعملوا حسابكم – وافتحوا عيونكم كويس.
بعد مغادرة المعز ومهند وعمر بخيت نحن ما بنستحمل أي (ثغرة).
لازم كشف الهلال كلو يكون مية المية.
شفقتونا على الباقيين.
بقى ما عندنا فيكم (ثقة).
بقينا نخاف من عصير الليمون في المطرة دي.
هسع عليك الله عصير الليمون الدخلو هنا شنو؟.
والمطرة ذاتها وين؟.
صيحفة الأسياد كشفت أمس الأول عن أن التقرير الطبي أكد أن اللاعب مصاب بداء (الكبد الوبائي).
كمان.
كبد وبائي يا مفترين.
الله شافنا من (الايبولا).
جايبين ليكم لاعب عبارة عن مستودع للأمراض والاصابات.
نفسي أعرف الزول دا طلع من مطار الخرطوم بي (نقالة) ولّا طلع ماشي بي (كرعينو)؟.
الزول دا (بقيف).
بنستر.
اللجنة الفنية الفي الإمارات دي بتعمل في شنو؟.
اجتماعاتكم البتعملوا فيها في الإمارات ما تكون عن (الحوار الوطني).
ما تقولوا لي اللجنة (فنية) وما عندهم قضية بالأمور الطبية – عشان بقول ليكم اصابات اللاعب دا ومشاكلو واضحة ما عاوزه ليها حتى كشف طبي.
مفروض اللجنة التى رشحت هذا اللاعب للعب في الهلال – طوالي تقدم استقالتها.
اللاعب دا لو كان دخل كشوفات الهلال كان بقى لينا (شيكورا) جديد.
أكيد زولكم دا كان لو عاوز يعكس ليه كورة إلا ياخد ليه (إذن) من دكتور العظام.
لو عاوز يجدع ليه (جدعة) ياخد ليه (أورنيك) من المستشفى.
ما بقدر على الحاجات دي – ولا بنستر.
صاحبكم دا كان (القون) بقوم ليه بدري من النباه الأول – زي (الرغيف) زمان أيام أزمتو.
الزول كان بقوم للقون من النباه الأول.
دا زول منتهى.
مسطرة.
ومسامير.
ورباط صليبي.
وكبد وبائي.
دا لاعب كورة كيف؟.
أكيد (رسم) الكورة ما بقدر يرسمها – خلوه يلعبها ليكم.
تلقوه شايل معاه (دربات) في شنطتو.
قالوا كان في (قبرص).
يكون في قبرص كان بصيد في (الأسماك).
أصلكم ما بتقنعوني أنو كان لاعب كورة.
يا جماعة الله دا عندو (19) اصابة غير (الكبد الوبائي).
اسرعوا رجعوه أهلوا سريع.
بعدين تبقوا في مسؤولية ساكت.
نفسي أعرف بس – الجابو ليكم منو؟.
الرشحو مين؟.
كمان قالوا عندو (وكيل لاعبين).
انتوا بتلعبوا علينا.
ما أظن دا وكيل لاعبين – وكيل لاعبين بعرض ليه بضاعة مضروبة.
ما بخاف الله.
المرافقو دا بكون (ممرض) – أصلو ما (وكيل لاعبين).
وكيل لاعبين عشان شنو؟.
هو وينو اللاعب البكون عندو (وكيل لاعبين)؟.
كورتو دي ما كورة (وكيل لاعبين).
زولكم دا محتاج ليه (ممرض) – ما عاوز وكيل لاعبين.
المواضيع كدا بتبقى واضحة.
الصورة ظاهرة.
وكمان عاملين ليه استقبال.
وقومة وقعدة.
وصور في المواقع والجرايد.
وصاحبكم عندو (120) اصابة.
غايتو الزول دا لو كان اتسجل في الهلال – كان يا دوب (بكري المدينة) ح يشمت فينا.
كان شمتوا فينا المريخاب.
الغريب في الأمر أن طيب الهلال عباس عبدالكريم قال إننا لن نستطيع أن نكشف عن اصابات اللاعب للعامل الأخلاقي.
يعني بي بساطة كدا – في اصابات لسه ناس الهلال ما كشفوا عنها وما اتكلموا فيها.
غير الإصابات والكبد الوبائي الذي أعلن عنه.
في حاجات تانية.
أما سكوت طبيب الهلال عن الإعلان عن تلك الاصابات فهو أمر غير مقبول.
اللاعب ووكيله كادوا أن يضللوا الهلال – وهم أكيد خسروا الهلال تذاكر وفنادق ونثريات – وهم يعلمون بأن اللاعب لا يستطيع الأداء بصورة جيدة في الملاعب.
ناس الكاردينال ديل اللاعب الذي تجاوز الثلاثين – قالوا ما عاوزنو عشان عطاءه بكون ليس بالمستوى المطلوب.
عاوزين تجيبوا لينا لاعب عندو (19) مشكلة غير الكبد الوبائي.
على العموم نعود ونشكر إعلام الهلال كله – الذي تعامل مع الأمر بمسؤولية وقدمت كل الصحف المحسوبة على الهلال تقارير وحقائق نفعت الهلال.
شوف صدق إعلام الهلال – خلاهو يقول عن اللاعب الذي كان الهلال ينوى التعاقد معه أنه لاعب ماسورة.
لو الكلام دا كان في المريخ – ناس المريخ ديل كانوا طلعوا لينا (الماسورة) دي (نجفة).
وكان اللاعب دا من مطار الخرطوم طلعوه لينا (هداف الممتاز).
شفتوا الفرق كبير كيف بين الهلال والمريخ.
التحية لإعلام الهلال – والتقدير لكل صحف الهلال – المساندة للمجلس والمعارضة له.
........
ملحوظة : لكن بانغورا دا بي أمراضو دي كلها مع ناس ضفر وبله وعلي جعفر كان بطلع هداف الممتاز.
هوامش
هيثم كابو بقى يدافع عن (بله جابر) ويهاجم (صلاح أحمد إبراهيم).
في مفارقات اكتر من كدا.
حكاية كابو – متل الزول المشى ليه لدكتور أسنان – دكتور الأسنان قال ليه المشكلة في ياتو (ضرس).
صاحبكم قال للدكتور – يا دكتور الضرس ما فيه مشكلة – مشكلتي في (لديتر) العربية.
الدكتور عاين ليه كدا وقال ليه (اللديتر) اكتل ليه جذور – ولّا اقعلو ليك نهائي.
زولكم قال ليه : احشوه ساكت يا دكتور.
هسع هيثم كابو وصل لنفس المعادلة.
يدافع عن بله جابر – ويهاجم صلاح أحمد إبراهيم.
في واحد قال لي : أنت تعال هنا ناس المريخ ليه دائماً بضموا (كباتن) الهلال؟.
قلت ليه عشان (بطيروا) طوالي.
بكري المدينة قال : لا أشعر بالذنب من أنني انتقلت من الهلال إلى المريخ.
تصور نحن شاعرين بالذنب أنك كنت بتلعب في الهلال.
أنت يا بكري لو بتشعر بالذنب – كنت لعبت في (البرسا).
الزول الببيع ليه زول عشانك.
بكرة ببيعك عشان زول تاني.
يعني يا ناس ما تفرحوا بي عدم الذنب دا.
الزول لو ما عندو احساس مفروض تخافو منو.
نحن تاني زول في الهلال ما عندو احساس ما عاوزنو.
........
عاجل : بانغورا بي أمراضو دي لو لعب في الهلال (3) أيام – ناس المريخ كان سجلوه.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.