سودارس :

السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان بعد غياب 8 سنوات.. عبلة كامل تعود وتثير ضجة ب"إعلان" في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا لو ليك فى الرومانسى.. لا تفوت هذه المسلسلات فى دراما رمضان 2026 كاكا قال لدوائر فرنسية إنه يتوقع إنهياراً وشيكاً لقوات التمرد السريع اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج قرارًا جديدًا لوزير التعليم العالي في السودان عقوبة مالية على الإتحاد وإيقاف عضو الجهاز الفني لنادي المريخ الجيش يفشل هجومًا عنيفًا لميليشيا الدعم السريع والي النيل الأبيض يشيد بالليلة الثقافية الأولى لهلال كوستي (ده ماهلالك ياهلال؟؟) مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

قزاز ورذاذ
محمد الطيب الأمين
زمان الهواء كان بيلعب لصالحنا !!
* زمان الواحد فينا لما يمشى الدكان وما يلقي (طحنية) بشيل (جِبنة) ..
* ولحدى تاريخ اللحظة أنا لا عارف ما هى علاقة الطحنية بالجبنة ..
* بتقول بالبتاع الدكان : عندك طحنية ؟؟ لو قال ليك لا ، بتقول ليهو : خلاص اديني جبنة ..

* بتوعين الدكاكين ذاتم بقو فاهمننا ..
* الغريبة لو ما لقينا الجبنة ما بنشيل طحنية ..
* في ذلك الزمان كنا نقيس نجاح أى دكان ب(الطحنية) ..
* عندك طحنية معناها انت زول جلابي ، ما عندك طحنية يبقى الله معاك شديد ..
* دكان ما فيهو طحنية زي البت الما عندها ضفائر ..
* وفي الزمن داك كان في (تسريحه) اسمها (ضنب الحصان) ..
* ضنب الحصان دى تسريحه بيعملنها البنات بتكون ضفيره واحدة ، من فوق (ملمومة) ومن تحت (منفوشه) ومن النص مربوطة ب(شريط) كُحلى ..
* اهم شئ الشريط يكون كُحلى ..
* الضفيرة دى بتكون واقعة في نص الضهر ..
* ونحن حسب الجهل نأكل في الطحنية ونشيل ونعاين في (ضنب الحصان) ..
* ما كان عندنا طموحات غير (الطحنية) و(تسريح البنات) ..
* تسريحات البنات ديل بنعرفهن ليك تسريحه تسريحه ..
* في تسريحه اسمها (جمايكا) و(ضنب الكديس) و(كعكه) و(ضنب الحصان) و(السودان قفل) وغيرها ..
* وكل مناسبة عندها تسريحه مختلفة ..
* مثلا : السفر عندو تسريحة ..
* البت لما تكون مسافرة بتسرح تسريحه معينة ..
* ودرس العصر عندو تسريحه والصبحيه عندها تسريحه والبيت عندو تسريحه ..
* وطبعا الشعر كان بيساعد ..
* شعر طوال واسود وغزير وفيهو ريحة جاذبه جدا ..
* واذكر إنو اولاد حلتنا في الزمن داك بختارو العروس حسب شعر رأسها ..
* يقول ليك : (عوض الجيد إتزوج ليهو بت شعرها طوااااال) ..
* المجتمع كان يقيم البت الشعرها طوال ..
* لانو ما كان في (النجمة) ولا (رفعت الجلسة) ولا (البدرة) الكتيرة والمسيخه دى ..
* واهتمام البنات كان ب(الشعر) اكبر ونحنا اهتمامنا كلو ب(الطحنية) ..
* والبنات بيربن الشعر ب(الودك والكركاروزيت السمسم) ..
* الواحدة بالليل تكب ليها (ربع باقة في شعرها) ..
* المخدة تانى يوم لو عصرتها بيدك تطلع منها زيت ملاح عديل ..
* المخدات شربانه زيت على الآخر ..
* ونحنا برضو شربانين (زيت السمسم) الموجود في الطحنية ..
* لو في بت في الحله بقت بايرة كنا مباشرة بنعرف إنو شعر رأسها قصار ..
* ولا بنديها فرصة ..
* طوالى بنقول ليها شعرك القصار ده شوف ليهو حل ..
* وأقول ليكم حاجة ..
* زمان (ولما اقول زمان بقصد قبل 15 سنة يعنى) ..
* زمان الهواء كان بيلعب لصالحنا ..
* البت تجى لافحه التوب او الطرحه يقوم الهواء يشيل التوب يخلى ليك البت تتكبكب زي عصام الحضرى قدام مهند الطاهر ..
* الهواء كان معانا ..
* هسه ما عارف الهواء ليه بقى مع البنات ؟؟
* ولا يكون عشان البنات بقن ما شغالات بالطِرح ؟؟
* الطرحه يا كافى البلا بقت قدر (شاشة الجرح) ..
* طرحه لو حشيتها في الرغيفة ما بتملاها ..
* عشان كده الهواء ذاتو بقى بيخجل من الطِرح دى ..
* رأس مال البت كان يتمثل في ثلاث اشياء : (الشرف والسمعة وشعر الرأس) ..
* وشفتنت الولد تتمثل في ثلاث اشياء (القميص الما عندو لياقه وبنطلون الجينز والطحنية) ..
* الواحد فينا كان كل ما يشتري ليهو بنطلون جينز جديد بيدخل في علاقة عاطفية جديدة ..
* لو في حلتنا في ولد اشترى ليهو بنطلون جينز الحله كلها بتعرف الولد ده داير يحب ..
* كل بنطلون بنخوض بيهو علاقة عاطفية واحدة ..
* اطلاقا ما حصل حبينا ببنطلون واحد اكتر من بت ..
* ليه ؟؟ ده حب ولا خور مليان موية مطرة ؟؟
* ومن تعاستنا كنا بنشيل الطحنية في جيوبنا ..
* على بالقسم جاتنا فترة الطحنية دى بتكون في الجيب زي (التسالى) ..
* لما تلقى الجيب من بره (مُندى) من اثر الزيت ..
* زيت الطحنية طبعا ..
* زمان الطحنية فيها زيت ممكن يعمل ليك (دمعة وملاح تقيلة) ..
* هسه مع ناس الحكومة ديل الطحنية بقت من غير زيت ..
* غايتو جنس غايتو ؟؟
* المهم الواحد جيبو بيكون شربان زيت ..
* زى المخدة بتاعت البنات البيتمسحن بالكركار ليلا ..
* جيبك بيكون زي مخدة حبيبتك ..
* رأيكم شنو في الوصف ده ؟؟
* رأيك شنو عليك الله في الحنك بتاع (جيبك بيكون زي مخدة حبيبتك) ؟؟
* مخدة ب(الناء) ..
* يا استاذة : الباروكة بتاعتك دى على بالقسم ما بتأكلك عيش ..
* و..و..
* وسال من شعرها …(الودك) ..

انقر هنا لقراءة الخبر من مصدره.