البرهان يتفقد الهيئة العامة للإذاعة والتليفزيون ويقف على جهود إستئناف البث من داخل استديوهات الهيئة    شاهد بالصور.. زوجة الحرس الشخصي لقائد الدعم السريع تخطف الأضواء بإطلالة جميلة من شواطئ لبنان    شاهد بالصورة والفيديو.. والدة الفنان الراحل محمود عبد العزيز تصيب المطربة هدى عربي بحالة من الذهول والانبهار وردة فعل السلطانة تخطف الأضواء    شاهد بالصورة والفيديو.. بسبب تدافع أصدقاء العريس.. انهيار المسرح في حفل زواج سوداني بالقاهرة أحياه الفنان محمد بشير وحضره المئات من الشباب    بالصورة.. تعرف على قصة زواج الأسطورة "الحوت" من المطربة حنان بلوبلو (قال لي "يا حنان انتي متزوجة؟" قلت ليه "لا" وفعلاً اتزوجنا خلال عشرة أيام فقط)    شاهد بالصورة والفيديو.. والدة الفنان الراحل محمود عبد العزيز تصيب المطربة هدى عربي بحالة من الذهول والانبهار وردة فعل السلطانة تخطف الأضواء    الجيش السوداني يصدر بيانا مهمًا    تطوير تقنية سريرية لعلاج أورام الدماغ لدى الأطفال    دراسة تربط بين فيتامين B1 وتسارع حركة الأمعاء    "فايرفوكس" يضيف زرًا واحدًا لتعطيل ميزات الذكاء الاصطناعي التوليدي    وفاة الفنانة التونسية سهام قريرة فى القاهرة بعد حادث سير    الجيش السوداني يفك حصار كادوقلي بعد تأمين الدلنج    والي البحر الأحمر يؤكد أهمية قطاع السياحة في دعم الاقتصاد الوطني    "تيك توك" تستعيد مواصلة خدماتها بالولايات المتحدة    مانشستر سيتي يهزم أندية أوروبا ويحسم معركة بقاء عمر مرموش    عدة عوامل وأسباب تقف وراء حالة التشظي والتفكك التي تعيشها مليشيات وعصابات التمرد بكردفان الكبرى    دينا الشربينى تواجه صعوبات بعد الاتجاه للتمثيل ضمن أحداث "اتنين غيرنا"    اليونسكو تطلق مشروع تحسين فرص العمل للشباب بالسودان من خلال التدريب المهني والحرفي    جوجل تتيح ميزة جديدة لإدارة تسجيلات Google Assistant    الأزمة الإدارية    مولودية إيه... وجمهور إيه؟!    كورة سودانية) تتابع الاحداث الكروية:..مواجهتان في اطار الاسبوع الاول بالدورة الثانية للدوري الرواندي غدا وبعد غد    رسالة أخيرة في بريد الرئيس البرهان قبل تمرد الحركات المسلحة الدارفورية    اتحاد الكرة يثمن دور الشرطة ويؤكد شراكة استراتيجية لدعم النشاط الرياضي    بند سري يدفع رونالدو لفسخ عقده مع النصر    ترتيبات لتمليك 2400 أسرة بالجزيرة لوسائل إنتاج زراعي وحيواني وإستزراع سمكي ودواجن    3 مكونات مضادة للالتهاب لتخفيف آلام المفاصل ونزلات البرد فى الشتاء    تعرف على سعر الأسمنت اليوم الاثنين 2 -2 -2026 فى مصر    الجيش في السودان يقترب من إنهاء الحصار المشدّد    شاهد بالصورة والفيديو.. بعد مكالمة هاتفية جمعت والده بنائب رئيس النادي.. الهلال يجدد عقد "دينمو" خط الوسط حتى 2029 وسط احتفال زملائه    سعر الدولار مقابل الجنيه خلال منتصف التعاملات    برشلونة يعلن تعاقده مع حمزة عبد الكريم خلال ساعات    استقرار سعر الذهب في مصر اليوم السبت 31 يناير 2026    مصر.. القبض على أصحاب تريند "صلي على النبي"    تحويلات المغتربين الأفارقة.. شريان اقتصادي لحاضر الدولة ومستقبلها    المالية تعلن ضوابط وترتيبات إنفاذ موازنة العام 2026م    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    البروفيسور ايهاب السر محمدالياس يكتب: مكافحة القوارض .. النظر خارج الصندوق    شرطة مكافحة المخدرات بتندلتي تضبط شخصاً بحوزته 250 قندول حشيش    إحباط محاولة تهريب ذخيرة في السودان    تلفزيون السودان يستأنف البث المباشر من مقرّه الرئيسي    الشرطة في الخرطوم تداهم منزل أحد قادة الميليشيا    المُبدع الذي جَعلَ الرؤيَة بالأُذن مُمكِنة    الشرطة في الخرطوم تداهم منزل أحد قادة الميليشيا    شرطة الأزهري غرب تضع يدها على مقتنيات منهوبة    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    رشوة ب 12 ملياراً..إحباط محاولة كبرى في السودان    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    مستقبل اللغات في عالم متغير.. هل ستبقى العربية؟!    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الترجي اقل حاجة عاوز ليه (64) تور و(43) جاموسة..(الخرفان) ما بتحلكم
كورة سودانية نشر في كورة سودانية يوم 16 - 03 - 2015


دق الدلجة
محمد عبد الماجد
الترجي اقل حاجة عاوز ليه (64) تور و(43) جاموسة..(الخرفان) ما بتحلكم
الجماعة ديل ما فيهم زول عاقل كدا.
ما فيهم زول يديهم رأسهم.
زول كبير.
وبيفهم في الكورة.
دقوا ليكم (صيوان).
وشوفوا ليكم (صبارات) موية كبيرة.
وخلوا تلفوناتكم فاتحة.
الحياة من الموت ما معروفة.
الترجي قرب ليكم.
زول الموت ظاهر.
المفارق واضح.
شفتوا الزول من تلقوه قاعد براه في العنبر ..وبعاين في (المروحة) اعرفوه زول موت.
شفتوا لو دخل المستشفى عندة (نزلة) ما بعيش تاني.
لو قعد يعاين ليكم في (المروحة) ما بعيش ليكم.
وناس المريخ ديل (والكلام دا ما يطلع من العمود دا) بقوا يعاينوا ليك
في (المروحة).
شفتوا ناس كوفي واكرا ديل مع (الترجي) ح يبقوا ليكم زي (القفف).
جمال سالم امام الترجي لا ببقى ليكم (جمال) ولا ببقى ليكم (سالم).
يا معز محجوب اوعك الزول دا يمقلبك زي ما مقلبك في شندي.
زولكم دا بخاف من المباريات الكبيرة.
برجف.
عشان كدا يا معز محجوب اتوقع الزول دا في (التسخينة) في مباراة المريخ
والترجي يقول ليك عندي (شد عضلي).
الزول دا قدام ناس احمد نصر الدين وعماريه قال عندو (شد عضلي).
في زول عندو شد عضلي بمسك بطنو؟.
كمان نحن ما بنعرف (الشد العضلي).
لو ما درسنا طب ..ما قرينا (احياء).
الحاجات دي نحن عارفنها.
نحن حافظنها.
نحن شاربنها.
اها يا اسامة عطا المنان ..(الترجي) دا ح تعملوا ليه شنو؟.
ح تطلعوا ليه (الشرطة) برضو.
ناس زكي عباس ما بحلوكم.
ناس محمد جعفر ما بطلعوكم.
ناس صلاح أحمد محمد صالح ..ما بنفعوكم.
يا مجدي شمس الدين الترجي دا لو جبتوا ليه حكام من (نادي المريخ)
المريخ ما بقدر ليه.
الترجي دا صعب.
لا بتقدر ولا حاجة.
انتوا (عزام) عمرو سبع سنوات ..جهجكم.
21 خروف ضبحوها لي عزام.
الترجي صعب عليكم.
في الحملات الانتخابية دي ما قالوا ليكم حاجة؟.
ما رموا ليكم (مراقات).
ما قالوا ليكم اعملوا حسابكم من (الترجي).
نحن قلنا ليكم …من المؤتمر الوطني دشن حملتو الانتخابية من استاد
المريخ – نحن قنعنا ليكم من المريخ.
عرفت ليكم طوالي (الترجي) ناوي ليه نيّة كعبة للمريخ.
ح تقولوا لي علاقة تدشين حملة المؤتمر الوطني من استاد المريخ مع
مواجهة المريخ للترجي شنو؟.
ح اقول ليكم واضحة.
تفتكروا المريخ ح يواجه الترجي في السلام روتانا.
ح يلاقيكم في نفس الحتة التى دشن فيها المؤتمر الوطني حملته.
ياما ح تشوفوا (تدشين).
الجماعة شربوكم.
وان جينا للجد – الاتنين قاعدين يشربوا بعض.
شبهينا واتلاقينا.
وادشينا كمان؟.
عاوزين صخينا.
عاوزين طوبنا.
قالوا ليك (اسمنت) كوبري المنشية كلو كبوه في استاد المريخ.
وقالواو لينا (الجقور).
نحن لو ما بنعرف (الجقور) – بنعرف (الاسمنت).
اصبروا اربعة الهلال ماشي ليكم عليها.
الاربعة ما بتطير.
خلوني اجيّه ليكم الجماعة ديل.
ما تضيقوا لي.
ما تطلعوا لي الكلام المرصرص دا من رأسي.
نحن الرأس دا خسرانين فيه قون مدثر كاريكا.
موضوع (الترجي) دا عاوز ليه قعدة.
عاوز ليه (خصخصة).
عاوز ليه (مدرسة).
امانة ما وقع راجل.
تعبتوا معانا.
هسع جمال الوالي يقول ليك انا ح استقيل وح افسح المجال لاخرين.
بالله ..ما بصدق.
وعبدالصمد يقوم يعمل فيها (زعلان).
ومحسن سيد يلقى فرصتو في غارزيتو.
الترجي دا صعب عليكم.
لا بتقدروا ليه ولا حاجة.
انا من الان ح اتفرغ للموضوع دا.
العاجبو عاجبو – والما عاجبو يمشي مجلس الصحافة والمطبوعات.
ما قادرين نقول حاجة عن الانتخابات.
الانتخابات مالها؟.
سمحة ..وحرة ونزيهة ..(اصلو ما قلنا حاجة!!!!!).
ولا قادرين نقول شيء في الحملات الانتخابية دي.
بالله اي قناة سودانية تفتحها يجيبوا ليك فيها (ايها الشعب السوداني البطل).
الشعب السوداني البطل عرفتوه الآن!!.
ولا عاوزين نقول حاجة في الغاز.
ازمة الغاز دي من المعارضة!!!.
ولا عاوزين نتكلم في كوبري المنشية.
الجقور.
كلو من الجقور.
واقفين لينا في حلقنا.
كلمة ما قادرين نقولها.
كمان ح تحمونا نقول شيء عن (الترجي).
الترجي دا معارضة برضو؟.
الترجي – حركة شعبية؟.
الترجي دا – جبهة ثورية؟.
عندو علاقة بالصادق المهدي.
فاروق ابوعيسي.
ما في زول يسألنا.
نتكلم على كيفنا في (الترجي).
ولا في زول بقدر يقول لينا حاجة.
هسع مامون ابوشيبة يعترض…ويقعد يقول ليك المريخ واجه الترجي عشر مرات
..ما حصل فاز المريخ على الترجي.
تفوزوا على الترجي بي منو؟.
بي عنكبة؟.
بي (ضفر).
ضفر لقى (الخرفان) دي وبقى في كل مباراة يجيب ليه قون.
لقى ليك ناس بكري المدينة (الشتر) ديل – بقي يجيب في الاقوان.
هدافهم بقى (ضفر).
دي زي الموية البتكسر ليها في زراعة.
وقت الزول خلاص يحلها يقول ليك خليها ..تسقي الزراعة.
الزراعة يسقيها (ضفر).
ابوشيبة ح يقول الهلالاب قاموا.
الهلالاب عملوها ظاهرة.
الهلالاب طيروا قلبنا.
الهلالاب حمونا النوم.
الهلالاب من هسع دوروا ليك في (الترجي).
والمريخابي من تجيب ليهم سيرة (الترجي) بييجب ليك سيرة (الحلاق)
والموية غلطت علينا.
والكهربة مالها قطعت؟.
وهي ما قطعت..ولا حاجة.
لكن ضلمت عليهم ساكت.
شفتوا موضوع بكري المدينة دا بنخلصو في (الترجي).
حقنا ما بنخليه.
تطلعوا (الشرطة) من الملعب.
وفي النهاية كدا تقوموا تطلعوا ليكم (بيان مشترك).
بيان مشترك على منو؟.
بيان مشترك علينا نحن!!.
اصلو نحن حقنا ما بنخليه.
بنخلص حقنا بالملمتر.
جيبوا ليكم ورقة وقلم ..واقعدوا احسبوا لينا.
شوفوا لينا مباراة الترجي دي فاضل ليها كم يوم؟.
كم ساعة؟.
كم دقيقة؟.
احسبوها لينا بالثانية – ما عاوزين نفوت اي ثانية.
ما عاوزين نضيّع اي ثانية.
نحن ح نحرسها ليكم في عداد الكهرباء.
واصلا انا كلمتكم.
اصلا انا قلت ليكم.
حدثتكم ..وقلت ليكم (عزام) ما عندي معاهو قضية.
قلت ليكم كابوسكورب ..ما شغال بيه كتير.
انا الترجي دا من سجل (كروز) – قلت ليكم الترجي مبروك عليه (كروز).
قلت ليكم الكاردينال نظرتو بعيدة.
قلت ليكم الزول دا برمي لي بعيد.
كلمتكم.
حدثتكم.
وما فهمتوا قصدي.
اها بعد كدا – بقينا على (الترجي).
دقت ساعة الجد.
من انتم؟.
ح نعمل ليكم شغل (القذافي).
دقت ساعة الجد.
من انتم؟.
غايتو راجيكم جنس سهر.
جنس تلاتل.
جنس وجع بطن.
انتوا قاعدين..ونحن قاعدين..والترجي قاعد.
من انتم؟.
اربعة الهلال بمشي ليكم عليها.
اصبروا لي انتوا بس.
خلوني وقت نحن ضمنا موضوع التأهل بأذن الله وتوفيقه اجيه ليكم جماعتنا ديل.
من انتم؟.
يمين الترجي الايامات دي سمو فاير ..بضرب ليك في الاندية زي ما بضرب التلفونات.
ما بتلفت.
بقزقز بالحاجات دي.
الترجي امس فاز على مضيفه كوزموس دى بافيا الكاميرونى، بهدف دون رد.
اها نوع دا ناس (علي جعفر) بقدروا عليه.
علي جعفر امام عزام قونو برة.
سافر من هنا – ومرقها لي شندي ..عشان يتسبب ليه في قون في المريخ ويرجع على كدا.
زولكم دا امام الترجي في (التسخينة) بقطع فيكم قون يا ناس المريخ.
نحن بنقول ليكم الحقيقة ..عشان الزول يقعد برة ..وتشوفوا ليكم حل.
لكن عشان الحل يكون نهائي.
علي جعفر امام الترجي لو قعد في (الكنبة) بتسبب ليكم في كراسة امام الترجي.
قلت ليكم الترجي امس فايز برة.
خارج ارضو.
اوعكم ..احسن اتنفضوا لينا من دور ال (32).
شوفوا ليكم (سيكافا) ظريفة كدا.
سيكافا لا فيها ترجي ولا الاهلي القاهري ولا الوداد.
مالكم ومال التلاتل دي.
يا الرشيد علي عمر – الجماعة ديل لو صروا على مواجهة الترجي اعملوا ليهم (كشف).
حكاية (الخرفان) ما بتحلهم.
عدم تلفزة المباراة ما بتحلهم.
قالوا ليكم كمان ناس الترجي ديل عندهم (جلكسيات) تنقل ليك المباريات بي ضبانتها.
يعني موضوع عدم التلفزة دي ما بقسم معاهم.
وضربات الجزاء البقوا يصرفوها ليكم في كل مباراة زي (الترمس) مع ناس
(الترجي) ما بتغطي.
تقول بانسلين.
فاتمين ضي ..(ضربات جزاء).
احسن نقول ليكم الحاجات واضحة.
احسن ما نغطغط ليكم الكلام.
نقول ليكم الكلام زي (الدراب).
دقت ساعة الجد.
من انتم؟.
ترجي شنو؟.
كمان عاوزين تجيبوا لينا (الترجي) في الظروف دي.
في الانتخابات دي.
انتوا (مريخ الفاشر) في ملعبكم وبي عشرة غلبكم.
طلعوا ليكم (الشرطة).
وطلعوا ليكم (كرنقو).
وادوكم (ضربة جزاء).
وقالوا ليكم اختاروا (الحكام) براكم.
بعد دا اتغلبتوا من مريخ الفاشر.
في شندي ..من الدقيقة الخامسة مضروبين.
بدل ما يضربوا الاهلي شندي..ضربوا ليك (الحكم).
اها يا جماعة ..وبالعقل كدا.
بالمنطق.
جماعتكم البنضربوا من مريخ الفاشر ومن الاهلي شندي ..بنستروا ليكم قدام
(التراجي).
نحن ما فاضيين ليكم.
ولا عندنا وقت نقعد نصبر فيكم.
ونشيل ونجفف ليكم في دموعكم.
مجلس ادارة المريخ ..لو كان بفكر صاح ..كان يهندسو حكاية الخروج من
البطولة الافريقية من دور ال (32).
من امام كابو سكورب.
بدل ما يقعدوا يتحرجوا لينا ساكت امام الترجي.
مالكم ومال التلتلة دي؟.
انتوا ما عندكم مجلس شوري.
لو عندكم مجلس شوري صاح ..كان نصحكم بالخروج من هذا الدور.
لكن ينصحوكم كيف ..وعثمان مصطفى اسماعيل بقول اي زول يمد لينا ايدو ح
نكسر ليه اصابعينو.
يا عثمان مصطفى اسماعيل…الترجي دا بمد ايدو.
اقدروا على (الترجي).
يا الفريق طارق ..الخرفان الترجي ما بتعمل ليه حاجة.
ما بتعمل ليه الحبة.
شوفوا ليكم (64) تور.
و(43) جاموسة.
وابقوا طالعين.
……….
و
عليكم الله يا جماعة مع الترجي دا خليت ليكم حاجة للاربعة.
ما في مساحة.
ولو في مساحة ..ما في وقت.
خلاص كفاية.
اربعة الهلال بنجيها بي فهم.
……
السيدة (ل) ..احيانا ..احيانا ذاتها بتبقى لينا مشكلة.
وقرّض على كدا.

انقر هنا لقراءة الخبر من مصدره.