سودارس : الحمدلله ما جوكم بي (طيارة رش)

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الحمدلله ما جوكم بي (طيارة رش)

كورة سودانية نشر في كورة سودانية يوم 14 - 04 - 2015

دق الدلجة
محمد عبد الماجد
الحمدلله ما جوكم بي (طيارة رش)
مرة جبت لي (بطيخة).
بطيخة عادية.
شايل لي (بطيخة) زيّ وزي اي زول ..(دي فيها حاجة).
بطيخة ليها ضل.
كمان عاوزين تمنعوا (البطيخ).
لا بالله امنعوها.
في واحد من الجماعة قال لي انت ما قاصد (البطيخة) الشايلها دي.
قلت ليه طيب قاصد شنو؟.
لمن اتلخبطت.
ما عرفت اتصرف كيف؟.
قال لي انت تكون قاصد حاجة تانية غير (البطيخة) الانت شايلها دي.
ختيت الحاجة القاصدها الزول دا.
ورجعت بي (البطيخة).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (البطيخ) طار السماء.
مرة جيت شايل لي (حمامة).
نفس الحركة.
نفس العملية.
كمان عاوزين تمنعوا نفس الحركات.
عاوزين تمنعوا (الحمام).
زيّ وزي اي زول .. جيت شايل (الحمامة).
حمامة عادية.
حمامة (همزة على السطر) ما فيها.
في واحد ثبتني ليك ..قال لي انت ما قاصد (الحمامة) الشايلها دي.
قلت ليه طيب قاصد شنو يا ود الناس؟ عامل نخرينك الفاتحة من سبع اتجاهات دي.
قال لي قاصد اي حاجة تانية غير (الحمامة) الشايلها دي.
قلت ليه حمامة شنو؟.
ان بقت على الحمامة ..ما بيناتنا.
الحمامة طارت.
انتوا براكم بتتخيلوا ليكم حاجات من رأسكم.
الواحد ولا بيجيب سيرة (الترجي).
تقولوا قاصد الترجي.
الترجي وحاجات تانية.
الحاجات التانية – ما عاوز اسألكم منها.
عاوز اركز ليكم في (الترجي).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (الحمام) طار السما.
الحمام والحاجات التانية.
مرة ..دخلت البيت.
دخلت البيت شايل لي (كيلو باسطة).
قلت ليهم (الباسطة) دي خطيرة.
تعليق عادي.
الواحد ما يعلق كمان.
عازوين تمنعوا (التعليق) كمان.
باسطة خطيرة شديد.
العاجبو عاجبو.
والما عاجبو يشرب من البحر لو ما منعوه.
لاقوني ليك جماعة في البيت..قالوا لي انت ما قاصد (الباسطة).
قلت ليهم طيب قاصد شنو؟.
مالكم انتوا؟.
الحاصل شنو الليلة؟.
قالوا لي قاصد حاجة تانية غير (الباسطة) – اصلو انت ما قاصد (الباسطة).
دي ايام يقصدوا فيها (الباسطة).
نزلت ليك (الباسطة) ضربتها ليك كلها ..وقلت ليهم انتوا اضربوا الحاجة
التانية القلتوا انا قاصدها.
جماعتكم قعدوا يتلفتوا متل (الفناجين).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (الباسطة) طارت السما.
الباسطة ..والحاجة القاصدها انا.
مرة مشيت المطار.
اي زول بمشي المطار.
دي فيها حاجة.
كمان ما امشي المطار.
بمشي وامشي وامشي وامشي.
مشيت المطار – قلت اسافر.
يعني ح امشي المطار واقول عاوز افحص.
الجماعة ثبتوني ليك..قالوا لي انت ما قاصد السفر.
ولا قاصد المطار.
قلت ليهم طيب قاصد شنو؟.
قالوا لي لا لا انت قاصد حاجة تانية.
قلت ليهم غايتو الحاجة البعرفها انا ..(السفر)..انتوا الحاجة الخاتنها
في رأسكم انا ما عندي معاها قضية.
وسافرت على كدا.
خليتهم ليكم يترقبوا في الحاجات التانية.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (السفر) بقى مشكلة.
مرة مشيت الجزارة.
مشيت الجزارة.
الجزارة عديل.
قلت للجزار عاوز لي (لحمة) – يعني ح اكون عاوز لي (شريط كاسيت).
الجزار عاين لي كدا.
وقال لي انت ما قاصد (اللحمة).
قلت ليه : يعني ح اكون قاصد شنو؟.
قال لي اي حاجة تانية غير (اللحمة).
اصلو ما بتكون قاصد اللحمة.
قلت ليه يعني ح اكون قاصد شنو؟..زول بقيف في (جزارة) بكون قاصد شنو؟.
الجزار قال لي عليك الله اتخارج لينا من هنا – ما تجيب لينا مشاكل.
اللحمة في البلد دي بقت مشكلة.
اتخارجت…اعمل شنو؟.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (اللحمة) طارت السماء.
عشان ما تعتبروني بلف وادور ليكم.
وقاصد وما قاصد.
عاوز اقول ليكم حاجة.
وما عاوز اقولها.
ح اقول ليكم عديل كدا.
افهموها زي ما عاوزين تفهموها.
قالوا ناس (الترجي) ح يصلوا يوم الخميس القادم في (البرد دا) بي طيارة خاصة.
قولوا كمان انا ما قاصد (الترجي).
قولوا انا قاصد حاجة غير (الترجي).
الحاجة القاصدها – اصلي ما بقولها ليكم.
موتوا بي غيظكم.
خلوها في سركم.
الطيارة الخاصة عرفناها.
كمان (البرد) شنو؟.
الواطة بردت عديل كدا.
الواحد فينا قدر ما يوكر (السيوتر) ويقول تاني ما بمشي عليه إلا في
يناير القادم يقوم يجينا (برد) في شهر ابريل.
غايتو الحاجات (اتشقلبت) جنس شقلبة.
اتغيرت جنس تغيير.
البرد بقى بيجي في (ابريل).
البرد هين.
الكلام (الترجي).
الترجي قالوا ح يصل بي طيارة خاصة.
انتوا ما تقولوا الحمدلله.
قولوا الحمدلله الترجي ما جاكم بي (طيارة رش).
الرش في تونس.
الجماعة ديل احترموكم.
جوكم بي طيارة خاصة.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (الطيارات الخاصة) دي براها مشكلة.
الطيارات الخاصة جماعتنا ديل ما بنستروا امامها.
ناس علي جعفر ديل ..تتخيلوا الى الآن صوت طيارة ساكت بجهجهم.
ناس بكري المدينة وقت يسمعوا ليهم صوت طيارة بطلعوا في الحوش.
يصنقعوا في السما.
زي الشافوا ليهم (صاروخ).
وناس ضفر ..بدخلوا تحت العناقريب.
بخافوا من الطيارة.
الترجي جاهم بي طيارة خاصة.
ناس رمضان عجب قلبهم وقف.
لا رمضان عجب ما معاهم.
رمضان عجب طلعوا لينا من الجهجهة دي.
رمضان عجب …(لخبطة) زي دي ما بقعد ليكم فيها.
ولا بجازف.
ولا عندو وقت.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (رمضان عجب) جايب ليه لولوة.
كلامو بقى كتير.
وبقى اليوم كلو شايل التلفون.
اليوم كلو في الواتساب.
وقاعد في الفيس بوك.
الحركات البعمل فيها رمضان عجب دي – حركات (هلالاب).
ما في مريخابي ..بعمل كدا.
ارجع ليكم تاني لي بداية العمود.
مرة جيت شايل (رغيف).
الرغيف العادي دا.
ثبتوني ليك جماعة في اول الشارع.
قالوا لي انت ما قاصد (الرغيف).
قلت ليهم قاصد شنو؟.
قالوا لي قاصد اي حاجة تانية – إلّا الرغيف.
قلت ليهم اي والله ..قاصدكم انتوا.
قاصد الحركات البتعملوا فيها دي.
شالوا مني (الخريف).
واتخارجت على كدا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (الرغيف) طار السما.
……….
و
غارزيتو بعد ما سمع ان الترجي ح يصل بي (طيارة) خاصة ..قال ما عاوز
اشوف لي (ركشة) جوار الرد كسل.
ما عاوز يشوف اي (ركشة).
عشان ما يكون في مفارقات عند ناس ضفر.
ما معقول ..اليوم كلو حايمين بالركشة ..وتجوا تلعبوا ليكم مع فريق ح
يصل بالطيارة الخاصة.
شفتوا العلم دا كيف؟.
شفتوا المنطق.
طيارة خاصة دي بقابلها على الاقل تلاتة اهداف.
ما في زول بيجي بي طيارة خاصة ..وبرجع ساكت.
الزول لو مشى ليه مناسبة بي (ركشة)..لو ما دفع في الكشف ما برجع.
عاوزين الترجي يرجع ليكم بي طيارة خاصة من غير ما يدفع في الكشف.
المنطق بقول كدا.
خلونا في الجد.
نحن مالنا ومال الترجي.
نحن ان شاءالله الله الليلة يشوفنا في كوستي.
ان شاءالله نرجع بالنقاط الثلاثة.
عشان نتفرغ للشغل الكبير.
…..
السيدة (ل)..قالوا ليك (صوت) حسن ود العوض في الانتخابات طلع زي (صوت)
عقد الجلاد بي (9) اصوات.
وقرّض على كدا.

انقر هنا لقراءة الخبر من مصدره.