سودارس : المريخ يخزّن صلاح الضي في (الجميعابي)

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المريخ يخزّن صلاح الضي في (الجميعابي)

كورة سودانية نشر في كورة سودانية يوم 23 - 05 - 2015

دق الدلجة
المريخ يخزّن صلاح الضي في (الجميعابي)
محمد عبد الماجد
قبل ايام قرأت خبر في الصحف والمواقع الالكترونية عن نجم الهلال السابق
صلاح الضي (المدفعجي) الذي (هدهد) جدارات الخصوم و(فتفت) دفاعاتهم
بصواريخه (أ) (خ) صلاح الضي.
الكي – الكي صلاح الضي – من يجيبوا ليكم سيرتو تقعدوا (تنكرشوا) زي
الضاربكم مجاعة سنة 6.
صلاح الضي كورتو بفكها ليها دخان.
ليها بوخ.
الكورة (تفتفت) براها زي (القمرية).
ساعتك في ايدك (كتينتها) تنقطع.
وانت قاعد تحضر في المباراة في التلفزيون.
لو بتعمل ليك في سلطة – تشعر بي ان ملحها شوية.
قالوا ليك الحرّاس زمان – وقت يجيبوا ليهم سيرة (صلاح الضي) كلهم
بقولوا عندنا (مصران).
الواحد فيهم (21) يوم ما يظهر وقت تجيب ليه سيرة الضي.
يقعدوا يتعذروا ليك زي (النيسان) وقت يكون وحلان في الرملة – يطلّع ليك صوت يحنن.
لمن تشفق عليه.
والنعام آدم بدون مناسبة تسمع صوتو طالع ليه من شباك بتاع (برندة)
جالوص ..(لا شوفتن تبل الشوق ولا ردن يطمئن – اريتك تبقى طيب انت وانا
البي كلو هين).
تلملم (حواسك) كلها وتتغافلها.
تعمل فيها ما عارف.
ولا سامع حاجة.
تقعد تتداغل على مشاعرك.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الليلة ح تتعبوا معاي عديل كدا يا مريخاب.
عمر بخيت.
عمر بخيت يا مريخاب.
عشان تدخلوا في الصورة وما اطول ليكم الكلام – الخبر الكلمتكم عنو فوق
بقول : (كسب نادي الجميعابي خدمات نجم الهلال السابق والذي استغنى عنه
الأزرق قبل حوالي 15 عاماً تنقل خلالها القاطرة البشرية بين عدد من أندية
الولايات وسجل الضي لاعباً هاو بكشوفات الجميعابي وأياً كان فهو انجاز
يحسب لمجلس إدارة نادي العقول الشابة للجميعابي بقيادة الرئيس مدثر صديق
وسكرتارية المعز كامل).
الكلام دا واضح.
وما فيه اي حاجة.
ربنا يدي صلاح الضي العافية وبالتوفيق لفريق (الجميعابي).
بعد يوم.
يومين.
قعدت افكر.
الموضوع بقى يزن لي في رأسي.
اول ما المريخ سجل (عمر بخيت) في اخر يوم في التسجيلات بعد ان كان
المريخ مخزنه في فريق الاهلي الخرطوم رأسي ضرب.
خبر صلاح الضي بقى يلف قدامي بدون مناسبة.
قلت معقولة دي لكن.
رجعت تاني للخبر.
قريّت الخبر (120) مرة.
عاوز اعرف علاقة جمال الوالي بي (الجميعابي) شنو؟.
معقولة يكون عملوها.
معقولة ناس المريخ ديل بفكروا كدا.
وعندهم بعد نظر للدرجة دي.
والله ما غريبة عليهم.
يكونوا خزّنوا صلاح الضي في (الجميعابي) عشان يجيبوه في فترة التسجيلات القادمة.
في نوفمبر.
نوفمبر ما بعيد.
اصلو ما غريبة عليهم.
زي ما خزّنوا عمر بخيت في الاهلي الخرطوم (6) شهور – يكونوا عاوزين
يخزنوا صلاح الضي في (الجميعابي) 6 شهور ويجيبوه في التسجيلات الرئيسية.
ديل بعملوها.
الموضوع بكون عادي عندهم.
ممكن يسوقوا ليهم لاعب من ام بدة ..يقولوا ليك السيستم رفضو.
يقوموا يجيبوا ليك صلاح الضي.
ممكن.
واعلام المريخ يطلع تاني يوم – يطلع ليك صلاح الضي دا اخطر زول في العالم.
وتسجيلوا في المريخ خبطة معلم.
وجمال الوالي (شفت) سجل صلاح الضي بعد كل هذه السنوات.
صبر – الصبر دا كلو – عشان صلاح الضي يميشي (الجميعابي) ويجيبوه من هناك للمريخ.
اللفة الطويلة دي شنو؟.
لكن يا جماعة صلاح الضي خلى الهلال قبل (15) سنة – ممكن يجيبوه بعد العمر دا؟.
ممكن.
ناس المريخ ديل ما فارقة معاهم كتير.
اصلو الحاجات دي ما بعيدة عليهم.
ح يقولوا ليك نستفيد من خبرة صلاح الضي.
ويحللوا ليك الخطوة.
يقولوا ليك صلاح الضي لو نفذ لينا الضربات الثابتة ساكت – ما خسرانة معانا.
وكمان ممكن يقولوا (غارزيتو) طالب بي صلاح الضي.
ح نقول ليهم غارزيتو شاف صلاح الضي وين؟.
ح يقولوا لينا في عمود مزمل ابوالقاسم.
ما بتغلبهم حاجة.
ولا بتلفتوا.
ديل بحللوها.
لو اللاعب كان بلعب في الهلال قبل (60) سنة – وقادر يجدع (جدعة التماس)
بجيبوه المريخ.
احسن ليهم من جماعتهم ديل.
المريخ ذاتو ما عندو فرق من (الجميعابي).
طول ما الجميعابي فكر في صلاح الضي وسجلو – ممكن المريخ يفكر في اللاعب
ويسجلو برضو.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس يا (سلك) احسن تمهدوا من الآن – وتشكروا في صلاح الضي في (الجميعابي).
عشان الموضوع بعدين يبقى مبلوع.
ما يكون فيه شبهة (استغراب).
لكن عليكم الله – يا شباب.
لو سمحتوا.
الفكرة دي فكرة منو؟.
علاءالدين يوسف؟.
ما اظن.
دي كبيرة على علاءالدين يوسف.
بكري المدينة؟.
بكري المدينة لو بقدر يفكر فكرة قدر دي – ما كان مشى المريخ.
صديق علي صالح؟.
احتمال.
ما بعيدة على صديق علي صالح.
يكون بقنع في جمال الوالي من فبرائر الماضي.
لكن عشان ما اظلم لي زول.
احسن نتأكد من المعلومة.
عشان ما تبقى (تحليلات) ساكت.
حافز صلاح الضي بعد التسجيل في (الجميعابي) – الدفعو منو؟.
المريخ وإلّا الجميعابي.
لو دفعوا (الفادني) – يكون الموضوع واضح ..وظاهر.
نحن لازم نعرف مصدر الحافز ، عشان نقدر نحدد تسجيلات المريخ في نوفمبر القادم.
اتخيلوا في نوفمبر القادم – صحافة المريخ ح تطلع كيف؟.
اول عنوان ح يكون (الكي – الكي صلاح الضي).
الكلام الكنا بنقولوه ليهم قبل عشرين سنة – عاوزين يقولوه لينا الآن.
وح نقرأ عنوان في جريدة مريخية اخرى : (غارزيتو يشيد بي صلاح الضي).
وح نقرأ : (صلاح الضي يشكل ثنائية مع ايمن سعيد).
انتوا قايلين صلاح الضي كبير.
صلاح الضي ما بكون اكبر من ايمن سعيد.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الطيب ود سعد القحف – قال لو عارف تسجيلات المريخ دي – كان جبت ليهم
ما يثبت اني لعبت في الهلال سنة 81.
كان سجلوك يا الطيب ود سعد القحف.
نحن لو كان على مرادنا.
لو خلوا لينا الموضوع.
كان جبنا (احمد النور) وسجلنها في المريخ.
عارفين ليه؟.
عشان نرتاح من مامون ابوشيبة.
ابوشيبة كل احد بقول لينا المريخ عندو ضربة جزاء الحكم ما احتسبها لينا سنة 1996.
تتخيلوا انا عذرت مامون ابوشيبة.
عذرتو عديل كدا – وهو بتكلم عن ضربة جزاء وهمية سنة 1996م.
اذا جاعتكم ديل بسجلوا في لاعبين لعبوا في الهلال قبل 17 سنة و14 سنة
و12 سنة – يبقى ليهم حق يتكلموا عن ضربة جزاء سنة 1996.
الظاهر يا ابوشيبة عندكم مشكلة في السنوات.
ما قادرين تفرزوا بين الاسبوع والسنة.
عشان كدا بتلخبطوا.
قالوا ليك بكري المدينة قال ليهم جيبوا لي عمر بخيت ..الجماعة ديل ما بقعد معاهم.
جابوا ليه عمر بخيت..بقى يفكر في (شبشه).
انت يا بكري المدينة ..وقت غالبك القعدة …بتتفاصح مالك؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس لو (السيستم) ما قفل – كان ياسر رحمة ذاتو جابوه.
…………….
و
عشان تعرفوا الفرق.
المريخاب بواسطة الاتحاد العام خدعوا (الياسو).
غشوا الولد.
مرة قالوا ليه التقرير الطبي.
غارزيتو قال ليهم سجلوه بي تقريرو.
قالوا ليه السيستم.
غارزيتو بجي يفرتك ليكم (السيستم) دا سين – سين.
سيستم شنو البفرض الياسو.
نحن كمان ما بنعرف السيستم.
ناس الهلال سيستم فاتح.
ما شاءالله.
الكروت وصلت.
جوليام.
واندرزينهو.
ح تمشوا مننا وين؟.
بخت تونس.
حظ تونس.
تونس الخضراء – ح تبقى تونس الزرقاء.
ح تفهموا حاجة.
………..
السيدة (ل) رمضان باقى ليه (24) يوم ..وسيستم (القهوة) يقفل.
وقرّض على كدا

انقر هنا لقراءة الخبر من مصدره.