البرهان يتفقد مقر متحف السودان القومي    بيان من سلطة الطيران المدني بالسودان حول تعليق الرحلات الجوية بين السودان والإمارات    بدء برنامج العودة الطوعية للسودانيين من جدة في الخامس عشر من اغسطس القادم    المصباح في زجاجة.. تفاصيل جديدة حول اعتقال مسؤول "البراء" الإرهابية بالقاهرة    إعراض!!    الطوف المشترك لمحلية أمدرمان يقوم بحملة إزالة واسعة للمخالفات    "واتساب" تحظر 7 ملايين حساب مُصممة للاحتيال    السودان يتصدر العالم في البطالة: 62% من شعبنا بلا عمل!    نجوم الدوري الإنجليزي في "سباق عاطفي" للفوز بقلب نجمة هوليوود    كلية الارباع لمهارات كرة القدم تنظم مهرجانا تودع فيه لاعب تقي الاسبق عثمان امبده    بيان من لجنة الانتخابات بنادي المريخ    يامال يثير الجدل مجدداً مع مغنية أرجنتينية    بيان من الجالية السودانية بأيرلندا    رواندا تتوصل إلى اتفاق مع الولايات المتحدة لاستقبال ما يصل إلى 250 مهاجرًا    شاهد بالفيديو.. السيدة المصرية التي عانقت جارتها السودانية لحظة وداعها تنهار بالبكاء بعد فراقها وتصرح: (السودانيين ناس بتوع دين وعوضتني فقد أمي وسوف أسافر الخرطوم وألحق بها قريباً)    شاهد بالصورة.. بعد أن أعلنت في وقت سابق رفضها فكرة الزواج والإرتباط بأي رجل.. الناشطة السودانية وئام شوقي تفاجئ الجميع وتحتفل بخطبتها    تقارير تكشف خسائر مشغلّي خدمات الاتصالات في السودان    توجيه الاتهام إلى 16 من قادة المليشيا المتمردة في قضية مقتل والي غرب دارفور السابق خميس ابكر    تجدّد إصابة إندريك "أحبط" إعارته لريال سوسيداد    السودان..وزير يرحب بمبادرة لحزب شهير    الهلال السوداني يلاحق مقلدي شعاره قانونيًا في مصر: تحذير رسمي للمصانع ونقاط البيع    ريال مدريد الجديد.. من الغالاكتيكوس إلى أصغر قائمة في القرن ال 21    "ناسا" تخطط لبناء مفاعل نووي على سطح القمر    صقور الجديان في الشان مشوار صعب وأمل كبير    الإسبان يستعينون ب"الأقزام السبعة" للانتقام من يامال    السودان.."الشبكة المتخصّصة" في قبضة السلطات    مسؤول سوداني يردّ على"شائعة" بشأن اتّفاقية سعودية    غنوا للصحافة… وانصتوا لندائها    توضيح من نادي المريخ    حرام شرعًا.. حملة ضد جبّادات الكهرباء في كسلا    شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس)    امرأة على رأس قيادة بنك الخرطوم..!!    وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم    المصرف المركزي في الإمارات يلغي ترخيص "النهدي للصرافة"    "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي    الخرطوم تحت رحمة السلاح.. فوضى أمنية تهدد حياة المدنيين    أنقذ المئات.. تفاصيل "الوفاة البطولية" لضحية حفل محمد رمضان    انتظام النوم أهم من عدد ساعاته.. دراسة تكشف المخاطر    خبر صادم في أمدرمان    اقتسام السلطة واحتساب الشعب    شاهد بالصورة والفيديو.. ماذا قالت السلطانة هدى عربي عن "الدولة"؟    شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة)    شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم    إلى بُرمة المهدية ودقلو التيجانية وابراهيم الختمية    رحيل "رجل الظلّ" في الدراما المصرية... لطفي لبيب يودّع مسرح الحياة    وفاة 18 مهاجرًا وفقدان 50 بعد غرق قارب شرق ليبيا    احتجاجات لمرضى الكٌلى ببورتسودان    السيسي لترامب: ضع كل جهدك لإنهاء حرب غزة    تقرير يسلّط الضوء على تفاصيل جديدة بشأن حظر واتساب في السودان    مقتل شاب ب 4 رصاصات على يد فرد من الجيش بالدويم    دقة ضوابط استخراج أو تجديد رخصة القيادة مفخرة لكل سوداني    أفريقيا ومحلها في خارطة الأمن السيبراني العالمي    السودان.. مجمّع الفقه الإسلامي ينعي"العلامة"    ترامب: "كوكاكولا" وافقت .. منذ اليوم سيصنعون مشروبهم حسب "وصفتي" !    بتوجيه من وزير الدفاع.. فريق طبي سعودي يجري عملية دقيقة لطفلة سودانية    نمط حياة يقلل من خطر الوفاة المبكرة بنسبة 40%    عَودة شريف    لماذا نستغفر 3 مرات بعد التسليم من الصلاة .. احرص عليه باستمرار    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



جربوا (الطب البلدي)
كورة سودانية نشر في كورة سودانية يوم 25 - 06 - 2015


دق الدلجة
محمد عبد الماجد
جربوا (الطب البلدي)
الزول وقت يعمل اي حاجة ..وما يخلي ليه (دكتور) ما يمشي ليه …الناس
في الحلة بيبدأوا ينصحوا فيه.
اي زول بعمل ليك فيها (خبير اعشاب).
اي واحد بقعد يشرع ليك ..ويقطع ليه (وصفات) من راسو.
البقول ليك (الوصفة) دي …جدها (شربها) ومات.
طيب وقت مات ..بتوصفها لي ليه؟.
والبقول ليك …(العُشب) دا البعملو …تلاتة يوم ما بقعد ..بموت طوالي.
طيب وقت بموت ..بتقولها ليه؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الليل ما بنومو)…بنوم النهار مع السخانة دي.
اقل واحد بقوم يقول ليك يا زول الدكاترة ديل لو باريتهم (قرش) ما بخلوا
ليك..احسن تعمل ليك (حلبة) تشربها.
حلبة كلها بي اتنين جنيه ..تخليك زي الطلقة.
والبقول ليك (حرجل).
ما في غير (الحرجل).
والبقول ليك اغلي (صفق نيم) واشربو.
ما في احسن من (صفق النيم).
البلد كلها بتشرب (نيم).
يعني بقت عليك انت.
الزول وقت يقنع من (الاطباء) بقبل على (الاعشاب).
الطب البلدي.
اي زول يديك وصفة (نباتية).
وانت من وصفة لي وصفة تبقى زول (نباتي).
الصباح وقت تقوم تلقى شعرك صباح الخير – صباح الخير.
هسع الهلال والمريخ جرّبوا اي حاجة في بطولة الاندية الافريقية للابطال
..وما قدروا يحققوا اللقب.
بكل تداوينا.
بعد كدا ما فاضل ليهم إلّا (الطب البلدي).
الاعشاب.
البقول يضبحوا ليهم (كديسة).
والبقول يستحموا باللبن.
ليه نحن عاوزين نشيل لينا بطولة وإلّا نشيل لينا حكومة.
كديسة شنو؟.
شنو الخرافات دي؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (لو عارف عيونك) كان رجعت لي في الشريحة التانية.
نحن طبعا بنتكلم عن (البطولة الافريقية الكبري).
لا الهلال ولا المريخ ما حققوا اللقب.
يصلوا لغاية البيت ..ويجوا راجعين ساكت.
البقول ليك (التحكيم).
والبقول ارضية الملعب.
والبقول ليك (الطقس).
والبقول ليك (المعز محجوب وريتشارد).
الثابت ان الهلال والمريخ فشلوا في تحقيق اللقب الاكبر افريقيا ..تتعدد
الاسباب والفشل واحد.
نحن بنتكلم عن البطولات الكبري.
الرسمية.
الكبيرة.
عشان ناس المريخ ما يقوموا يحسبوا لينا (سيكافا) بطولة.
ويقوموا ينكتوا ليهم حاجات من رأسهم.
نحن (الكونفدراليات) دي في (الدافوري) بتاع الحلة ما قاعدين نحسبها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (وقت سيرتك يجبوها) بنخت التلفون في الشاحن.
الهلال والمريخ في البطولة الافريقية جربوا اي حاجة.
ما خلوا شيء.
ما خلوا ليهم (كديسة) حايمة.
حتى (الخرافات) جربوها.
الخرافات وضربات الجزاء البيسحبوها ساكت.
البقطعوها من رأسهم.
الهلال والمريخ سجلوا اغلى اللاعبين في افريقيا – لكن برضو ما جابوا ليهم بطولة.
ما خلوا ليهم (وارغو).
وارغو جابوه بي (3) مليون دولار.
تقول عاوزين يعملوا ليهم (سد).
سد مروي الحكومة ما دفعت فيه القروش دي.
سد مروي عملوه بالقرض.
ووارغو دفعوا ليه قروشو كاش.
لكن برضو (وارغو) مع عمل حاجة.
تعاقد الهلال والمريخ مع اجهزة فنية اجنبية على اعلى مستوى ..ولكن ايضا
لم تحقق هذه الاجهزة امال وطموحات جماهير الناديين في السودان.
ريكادو يجيبوه ويرجعوه.
نحن نجيب ريكاردو.
المريخ تاني يجيبو.
برانكو جبناهو.
رجعوه..برضو ما عمل حاجة.
غارزيتو القاعد ينطط الآن ..كان في الهلال.
يعني المريخ دا اصلو ما قصرنا معاهم في حاجة.
المدرب البنجيبو ..في العقد بنقول ليه بعد الهلال ح تمشي المريخ.
بنشترط عليه.
بند ثابت في عقد للهلال مع مدرب اجنبي.
هسع نبيل الكوكي فتح لينا ليه اضانو.
قلنا ليه خليك جاهز – في حالة انهاء الهلال للتعاقد معك – ح تمشي المريخ.
عشان كدا غارزيتو هسع بالو كلو مع الهلال.
غارزيتو عارف لو الهلال انهى تعاقده مع الكوكي – ناس المريخ ح يشيلوه
ويجيبوا غارزيتو.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس وقت تكون عاوز تضرب ليك لي زول ..تلقى رصيدك نفد ..طوالي بتأخد ليك
موقف من الزول دا.
ارتفع معدل الصرف بصورة خرافية في الهلال والمريخ ..ربما اعلى حتى من
ميزانية الترجي والاهلي المصري ومازمبي رغم ان كل هذه الاندية تملك موارد
وتدخل لها من مصادرها الخاصة اموال خرافية.
المريخ دعمته (الحكومة) ورعته وتجاوز له الاتحاد العام اللوائح والقوانين.
ما خلوا ليه (جنسية)…منح لاعبي المريخ الاجانب جنسيات من مطار الخرطوم.
مع ذلك ..فشل المريخ في ان يحقق بطولة الاندية الافريقية ..ناس المريخ
وقت يصلوا (المجموعات) برفعوا القزاز.
الهلال في السبع سنوات الاخيرة – وصل للمجموعات (6) مرات.
مرة بنصل بي كلتشي وقودوين.
ومرة بي مساوي.
ومرة بي كاريكا.
ومرة بي وليد علاءالدين.
بي اي مجموعة كنا بنصل لمرحلة المجموعات.
لكن يجب ان لا تكون المجموعات هدف لنا.
ماذا بعد المجموعات.
الهلال والمريخ امامهم فرصة تاريخية لتحقيق اللقب الافريقي هذا العام.
بطولة لا فيها الاهلي المصري ولا فيها الترجي ولا فيها الوداد.
اعلي ما فيها مازمبي ووفاق اسطيف.
مع وضع في الاعتبار ان مازمبي ما مازمبي ووفاق اسطيف ما وفاق اسطيف.
اذا لم يحقق الهلال البطولة هذا العام عمرو تاني ما ح يحققها.
المريخ يمكن يشكل منافسة مع الهلال على اللقب ..لكن (المريخ) ما فريق بطولات.
المريخ بيجي يناهر في اخر لحظة.
نحن المجموعات دي عندنا فيها (خبرات) طويلة.
كما تتكون تشكيلة الهلال من توليفة مختلفة ومتنوعة ..ومواهب متعددة.
هذا التوقيت الامثل للهلال للفوز باللقب.
خلونا نقول هذا التوقيت الامثل للقمة السودانية للفوز باللقب.
ما تقعدوا تطيعوا مجهوداتكم ساكت.
لازم القمة السودانية تعرف انها بتلعب من اجل اللقب.
وان البطولات لا تحقق بالاداء الجيد ..والخسائر.
الانتصار خارج الديار هو الطريق الامثل للفوز باللقب.
الهلال الآن مطلوب منه الفوز على مازمبي ..اول حاجة عاوزين نكسر (شوكة) مازمبي.
المريخ اصلا كاسرين شوكتو.
المريخ بي اتحادو وحكامو وحكومتو ..نحن بنفوز عليه وبنحقق عليه انتصارات عريضة.
الهلال قادر باذن الله وفضله ان يعود بانتصار على مازمبي.
عاوزين ننتصر من اول مباراة ..وخارج الديار ..عشان نحسم موضوع اللقب من اول جولة.
مهم جدا ان نلعب من اول دقيقة من اجل البطولة.
……………
و
الهلال بعد مباراة مازمبي سوف يلعب امام الامل عطبرة في عطبرة.
تخلف من بعثة الهلال وليد الشعلة وسيدي بيه واخرون.
يجب ان يعدوا هؤلاء النجوم لمباراة الامل بصورة خاصة.
بعثة الهلال سوف تعود مرهقة.
ونجوم الهلال الذين تخلفوا عن البعثة سوف يكونوا اكثر جاهزية وقابلية
لمباراة الامل عطبرة.
الهلال عليه ان لا يفرط في الممتاز.
الممتاز دا نحن ما بنقبل فيه حاجة.
……………..
السيدة (ل)..ريحة الخبيز طلعت.
وقرّض على كدا

انقر هنا لقراءة الخبر من مصدره.