سودارس : غارزيتو يراقب مباراة الزمالك والفتح الرباطي في (الكونفدرالية)

السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان بعد غياب 8 سنوات.. عبلة كامل تعود وتثير ضجة ب"إعلان" في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا لو ليك فى الرومانسى.. لا تفوت هذه المسلسلات فى دراما رمضان 2026 كاكا قال لدوائر فرنسية إنه يتوقع إنهياراً وشيكاً لقوات التمرد السريع اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج قرارًا جديدًا لوزير التعليم العالي في السودان عقوبة مالية على الإتحاد وإيقاف عضو الجهاز الفني لنادي المريخ الجيش يفشل هجومًا عنيفًا لميليشيا الدعم السريع والي النيل الأبيض يشيد بالليلة الثقافية الأولى لهلال كوستي (ده ماهلالك ياهلال؟؟) مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

غارزيتو يراقب مباراة الزمالك والفتح الرباطي في (الكونفدرالية)

كورة سودانية نشر في كورة سودانية يوم 20 - 04 - 2015

دق الدلجة
محمد عبد الماجد
غارزيتو يراقب مباراة الزمالك والفتح الرباطي في (الكونفدرالية)
جيبوا ليكم (كديسة).
كديسة عادية.
شربوها (لبن) ابل.
السؤال : الكديسة دي ح تبقى (اسد).
طبعا لا.
والله لو شربت ليها (برميل) لبن ما تدخل المجموعات.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس لو جابوا ليكم (لبن) في تونس ما تشربوه.
اللبن بكون فيها (حشرات).
والحشرات ما كويسة مع (المجموعات).
جيبوا ليكم (قرد).
ادوه مع (البرسيم) كورس في (النطيط) من دور ال (16).
السؤال : هل الكورس دا ممكن يخلي (القرد) غزال؟.
طبعا لا.
والله لو ادوه (كورس) في (اسباير)..القرد الشايفو دي ما بيبقى (غزال).
إلّا في عين امو.
خلوها دي يمكن تكون صعبة شوية.
جيبوا ليكم (حمامة).
حمامة عادية.
مع (العيش) ادوها (باسطة) وشاورما وبيرقر.
السؤال : هل يمكن ان تصبح هذه الحمامة (صقر)؟.
طبعا لا.
طيب بتغالطوا من الصباح ليه؟.
عاملين لينا ازعاج في شنو؟.
الغلاط لزومو شنو؟.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس في تونس لو سلموا عليكم بالفرنسي اوعى تردوا عليهم بالعربي.
عشان الفرنسي حقهم حارق.
جيبوا ليكم طلب فول.
نشرح ليكم الحكاية واحدة – واحدة.
طلب الفول دا كبو فيه طلب كبدة.
واعملوا ليه (قدحة توم).
وقطعوا فيه بصلة خضراء.
واعملوا ليه (دكوة) خارجية.
وامصروا فيه (ليمونة).
وارشعوه بي (شطة) من فوق لي فوق.
لكن ما تكتروا (الشطة)..في ناس ما بياكلوها.
بعد الحاجات دي كلها..ممكن اسأل سؤال.
ممكن طلب الفول دا يبقى (سمك).
والله لو عملتوا ليه (شوك) ما يبقى (سمك).
طيب (عدم التلفزة) لزومها شنو؟.
هسع نعتمد ليكم المباراة دي متلفزة وإلّا ما نعتمدها؟.
بقينا نحن ذاتو ما عارفين.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس في تونس لو شغلوا ليكم (المروحة) في خمسة ..اقفلوها.
عاوزين يجيبوا ليكم (إلتهابات) ساكت.
فرحانين ومبسوطين ..انهم فازوا على (الترجي) بهدف دون مقابل.
عاملين لينا جوطة من الصباح.
مليتوا لينا الشارع كلام.
الفول كملتوه لينا من تمانية.
طبعا الزول وقت يكون قايم يا دوب ..وطالع من مرحلة (الطفولة) وداخل على
مرحلة (المراهقة)…اول (سجارة) بيشربها بيشعر ليك انو خلاص بقى زول
كبير.
وانو فرز عيشتو.
وبقى راجل كبير.
وبقى فاهم.
وممكن يتحدث في السياسة.
والعلاقات الخارجية.
وممكن يتحدث في (الطب) ذاتو.
بشعر ليك انو عندو شخصية ..وعندو رأي مستقل بيه.
كلو عشان شنو؟.
عشان شرب ليه (نفس).
سجارة ما تماها.
النفس القاصدو دا من (سجارة) عادية ..عشان (خيالكم) ما يمشي بعيد.
عندنا واحد ..كان عامل لينا فيها ابوعرام.
عامل فيها زول صعب.
عارف اي حاجة.
ادوه ليك سجارة.
سجارة عادية.
جر ليك منها (نفس)..شبكتو اتلخبطت.
سلوكو ضربت.
افتكرها سجارة تانية …(تفكيرو كعب).
ورأسو (خفيف).
قال ليهم : والله انا لو جابوا لي (حملة الدفتردار) الانتقامية
..اوقفها ليكم على فد كراع.
واحد من الجماعة (المتعودة دائما)..قال ليه انت (نفس) واحد عمل فيك كدا
..لو شربت السجارة كلها كان عملت شنو؟…اكيد كان (داعش) ما خليت ليها
حاجة.
كان علقتهم من عرقوبهم.
كانوا تعبوا معاك.
واحد جر ليه (نفس) زي جماعتنا ديل ..قال ليهم وينو (جون سينا) البتكلمو عنو دا.
جيبوه لي هنا ..والله (اعفصو) ليكم زي الما حصل حاجة.
واحد من جماعة (متعودة دائما)..قال ليه والله إلّا يجيبوا ليك الحكم
البتسواني بتاع مباراة المريخ والترجي ..عشان تقدر تعفصو.
بعدين السجارة دي ما تجر ليك منها (نفس) تاني.
نفس واحد قلت بتعفص جون سينا.
لو جريت النفس التاني ..بتفرمو فرم انت.
هسع ناس المريخ (نفس) واحد ..عمل فيهم كدا.
خلوهم يقولوا ح نتأهل للمجموعات.
طلعوا من الشبكة.
بقوا يتكلموا برة من رأسهم.
بقوا يهضربوا ويتكلموا عن المجموعات.
فاكرين المجموعات دي لعب.
قايلنها فوضى.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس في تونس لو جابوا ليكم (جبنة) ما تاكلوها.
جبنتهم (سامة).
وقديمة كمان.
ما عاوزين نقول (ضربة الجزاء) المريخ لو جابوا ليها (ود الجنيد) ما بحسبها.
يا ربي مامون ابوشيبة البتكلم عن ضربة (وهمية) سنة 1996 ..قال شنو عن الضربة دي؟.
اوعك تقول لينا دي تقديرات الحكم وكدا.
طيب لو دي تقديرات الحكم ..بتاعة سنة 1996 ..كانت تقديرات الامم
المتحدة لحقوق الانسان.
في واحد من بتوع (متعودة دائما)..قال لي انا ما مستغرب من انو الحكم
اعطي المريخ (ضربة جزاء) غير مستحقة.
الموضوع دا بقى عادي بالنسبة لينا.
لكن مستغرب شديد والله – علاءالدين يوسف قدر جابها.
مستغرب عشان علاءالدين يوسف ما ضيّعها.
ما اهدرها.
خلونا – اول حاجة نعتمد (الفرحة).
فرحانين عشان غلبوا الترجي في ملعبهم ووسط جمهورهم وبي حكمهم 1 / صفر.
الهلال مسّخ ليهم فوزهم.
مسّخ ليهم فرحتهم.
خلاهم يرجعوا يشوفوا ليك بكري المدينة ضفر – ضفر.
فرحتهم زي صدارتهم ..24 ساعة فقط.
عودوا الى جحوركم.
عودوا الى سكناتكم.
الهلال انتصر في ملعب الموت.
وانتصر على فريق بهدف بعد ان نقض حكم المباراة هدف صحيح للهلال.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس في تونس قالوا ليك (فجلنا) دا عندهم هناك (موز).
لو جابوا ليكم (فجل) اوعكم تفتكروه (فجل).
دا (موز) .. بالتونسي لكن.
ما تمشوا تحرجونا ساكت.
السنة كلها تحرجوا فينا وتطيروا من البطولات.
في جماعة كدا على ابواب (المجموعات).
ناس بشه وكاريكا.
ناس مساوي.
ناس اطهر الطاهر ..وضحت ليكم.
الرؤية واضحة.
دخلوا المجموعات بي اذن الله وتوفيقه بي هدف (صحيح) ما فيه اي مساعدة (جانبية).
ما فيه اي (تمثلية).
هدف بشه الجابو في الرابطة كوستي من ضربة ركنية ..مشى جابو في سانغا من
ضربة ركنية برضو.
شفتوا (العلم).
شفتوا (الكوكي) دا شغال كيف.
نحن بقينا على ابواب المجموعات.
بل بقينا في المجموعات عديل كدا ان شاءالله.
وفي جماعة على مشارف (الكونفدرالية).
جماعة شعارهم (احمر واصفر).
يمكن اكون قاصد (الترجي).
اوضح ليكم اكتر.
الجماعة العلي مشارف (الكونفدرالية) ديل عندهم لاعب اسمو (ضفر).
اسامة الدراجي ذاتو عندو (ضفر).
وعندهم حكم كل مباراة بجسب ليهم ضربة جزاء.
ضربة ثابتة كدا.
اوضح اكتر.
الجماعة ديل مدربهم اسمو (غارزيتو).
غارزيتو ذاتو ما قاعد للمريخ بعد (الطيران) من بطولة الاندية الافريقية لابطال.
معقولة الى الان ما فهمتوا انا قاصد منو؟.
اقول ليكم.
الجماعة ديل ..مساعد المدرب حقهم اسمو (محسن سيد).
محسن سيد ذاتو غارزيتو ما قاعد يعدو.
اقول ليكم شنو يا عالم؟.
الجماعة ديل عندهم لاعب اسمو رمضان عجب.
اول رمضان عجب قاعد ليهم.
رمضان عجب ماشي الهلال.
اختها ليكم عديل كدا.
الجماعة الاقتربوا من اللعب في (الكونفدرالية) ..رئيس مجلس الادارة
حقهم اسمو (جمال الوالي)..ونايبو (عبدالصمد محمد عثمان).
والله بعد كدا ما فاضل إلّا اقول ليكم (المريخ).
كان على جمال الوالي ..البلد دي كلها بقت (جمال الوالي).
جمال الوالي من ما جمال الوالي ما بتعرفو.
جمال الوالي اصلو ح يفوت الكونفدرالية يمشي وين؟.
وكان لي عبدالصمد..هو عبدالصمد فاضي لي من مدارسو الخاصة.
يا جماعة اقول ليكم عديل كدا ..والبحصل اليحصل.
الجماعة العلي مشارف الكونفدرالية ديل ..فريقهم اسمو (المريخ)..المريخ
ام درمان ..عشان ما تقولوا لي مريخ بورسعيد.
ووصيف لنادي الهلال.
وصيف في اي حاجة.
الممتاز دا من اسسوه ما عندهم فيه غير (الوصافة).
طيب ما تقول كدا من الصباح.
يعني كان في داعي ..تخلونا اقولها واضحة كدا ..وما اراعي مشاعر الجماعة ديل.
كان تخلوني اجيبها ليكم من فوق لي فوق.
عشان ما اجرح لي شعور زول.
ما عاوزين نغلط لينا في زول.
او نقول لينا كلمة كعبة.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس لو مشيتوا تونس ..شيلوا ليكم معاكم (تلج).
الجماعة ديل ما عندهم تلج.
عشان بين الشوطين تكسروا (تلج) لي جمال الوالي.
الحاجة الما عارفنها انتوا.
ولا سمعتوا بيها.
ولا قالوها ليكم.
غارزيتو امس قالوا ليك تابع مباراة الزمالك والفتح الرباطي المغربي.
غارزيتو تابعها وكتب ملاحظاته.
ما خلي حاجة.
غارزيتو زول واقعي.
عرف ليك مصيرو يمشي الكونفدرالية.
عندو 12 يوم في الابطال ..ويغادر بعدها دوري الاندية للابطال.
يمشي الكونفدرالية.
عشان كدا قعد يتابع مباريات الكونفدرالية.
عاوز يشوف مواقع الضعف ..واماكن القوة.
عاوز يشوفو ناسو.
تابع مباراة الزمالك والفتح الرباطي.
وتابع مباراة موناتا الجابون امام اورلاندو الجنوب افريقي.
وتابع مباراة أونز كرياتورز المالي مع أسيك ميموزا العاجي.
ابوالقدح بعرف وين محل يعض.
محسن سيد قال ليه المباريات دي خليها لي ..انا الكونفدرالية دي حقتي.
غارزيتو قال لي محسن سيد وقت ابقى على (سيكافا) بفك ليك اللعب
..الكونفدرالية دي ما بتقدر عليها.
غايتو يا المريخاب ..راجياكم جنس (كونفدرالية).
بس الله يستر عليكم من (خمسة) الاهلي شندي.
من هسع كلمناكم.
وقلنا ليكم رجعتونا لي زمن الخمسات والستات والسبعات.
اوعكم من ذكري الوحدات الاردني.
كمان قالوا ليك تونس الايامات دي فيها (برد).
وفيها (مطر).
يعني العناصر كلها اجتمعت.
المريخ والبرد والمطر.
لكن انتوا عاوزين تسافروا بي جماعتكم ديل.
ناس بكري المدينة ديل حدهم حي العرب.
اكتر من كدا شبكتهم بتطش.
ببقوا استقبال بس.
ما برسلو.
……………
و
لو غارزيتو فكر صاح ..يعمل ليه معسكر في الاردن.
في الاردن عشان تعملوا حسابكم من (السبعة).
المشكلة ما في الترجي.
المشكلة في البرد والمطر.
لو سقتوا معاكم اكرم الهادي سليم ..تكونوا ما خليتو حاجة.
مساوي ..قايد حقيقي ..قيادة وتسجيل كمان.
أهو كدا القيادة.
تسجيلات مايو طريق الهلال الى اللقب.
رمضان عجب ..من هسع قالها ليكم واضحة.
رمضان عجب قال ليكم لو نزلتو الكونفدرالية انا ما زولكم.
رمضان عجبنا عملها واضحة.
………..
السيدة (ل)..قالوا ليك المباراة (حرة ونزيهة).
قلنا ليهم نحن حريتكم ونزاهتكم عارفنها.
طول ما قلتوا (حرة ونزيهة)..يبقى انتهيتو منها.
وقرّض على كدا.

انقر هنا لقراءة الخبر من مصدره.