سودارس : بكري شنو؟ ناس الترجي إلّا تفاجأوهم بي زكي طمل وعبدالرحمن النجومي

تصفية ضباط بالجيش السوداني معارك كردفان "نهاية مأساوية" لطفل خسر أموال والده في لعبة على الإنترنت رئيس اتحاد بربر يشيد بلجنة التسجيلات ويتفقد الاستاد سيناريوهات ليس اقلها انقلاب القبائل على المليشيا او هروب المقاتلين عثمان ميرغني يكتب: المفردات «الملتبسة» في السودان خطوط تركيا الجويّة تدشّن أولى رحلاتها إلى السودان شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) شاهد بالفيديو.. خلال حفل بالقاهرة.. فتيات سودانيات يتفاعلن في الرقص مع فنان الحفل على أنغام (الله يكتب لي سفر الطيارة) وساخرون: (كلهن جايات فلاي بوكس عشان كدة) شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) حياة جديدة للبشير بعد عزله.. مجمع سكني وإنترنت وطاقم خدمة خاص إحباط محاولة تهريب وقود ومواد تموينية إلى مناطق سيطرة الدعم السريع شاهد بالصورة والفيديو.. خلال حفل خاص حضره جمهور غفير من الشباب.. فتاة سودانية تدخل في وصلة رقص مثيرة بمؤخرتها وتغمر الفنانة بأموال النقطة وساخرون: (شكلها مشت للدكتور المصري) السعودية وباكستان توقعان اتفاقية دفاع مشترك هدف قاتل يقود ليفربول لإفساد ريمونتادا أتلتيكو مدريد كبش فداء باسم المعلم... والفشل باسم الإدارة! ((أحذروا الجاموس)) المالية تؤكد دعم توطين العلاج داخل البلاد مبارك الفاضل..على قيادة الجيش قبول خطة الحل التي قدمتها الرباعية غادر المستشفى بعد أن تعافي رئيس الوزراء من وعكة صحية في الرياض التغير المناخي تسبب في وفاة أكثر من 15 ألف شخص بأوروبا هذا الصيف تحالف خطير.. كييف تُسَلِّح الدعم السريع وتسير نحو الاعتراف بتأسيس! دوري الأبطال.. مبابي يقود ريال مدريد لفوز صعب على مارسيليا شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل السودان يدعو المجتمع الدولي لدعم إعادة الإعمار ريال مدريد يواجه مرسيليا في بداية مشواره بدوري أبطال أوروبا ما ترتيب محمد صلاح في قائمة هدافي دوري أبطال أوروبا عبر التاريخ؟ ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) السودان يستعيد عضوية المكتب التنفيذي للاتحاد العربي لكرة القدم إنت ليه بتشرب سجاير؟! والله يا عمو بدخن مجاملة لأصحابي ديل! وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بكري شنو؟ ناس الترجي إلّا تفاجأوهم بي زكي طمل وعبدالرحمن النجومي

كورة سودانية نشر في كورة سودانية يوم 16 - 04 - 2015

دق الدلجة
محمد عبد الماجد
بكري شنو؟ ناس الترجي إلّا تفاجأوهم بي زكي طمل وعبدالرحمن النجومي
قرأت تصريح في احد المواقع الالكترونية منقولا من احدى الصحف للمدير
الفني السابق للهلال غارزيتو.
طبعا نحن غارزيتو دي الى الان ما بنعدو ليكم يا مريخاب.
اعملوا ليكم حاجات براكم ..عشان نحسبها ليكم.
اجتهدوا.
فكروا براكم.
اتحركوا شوية.
خلوا (الاتكالية) البتعملوا فيه دا.
انتوا في اي حاجة بتثبتوا انكم (ضل) الهلال.
ما بتسعموا بي الزول وقت يفطر ويضرب (اللحمة) ويشبع يقوم بدون ما يشعر
يقول ليك : والله الهلال ليهو (ضل).
عارفين (الضل) دا منو؟.
دا المريخ.
والله بعد (الجوهرة الزرقاء)..ضلنا ذاتو بنستكترو عليكم يا ناس المريخ.
ما عاوزين لينا اي زول في (ضل) الجوهرة عدا (رمضان عجب).
اتخارجوا لينا من هنا يا شباب.
شتتوا.
إلّا رمضان عجب.
كمان ضل الجوهرة ساهل وإلّا ساهل وإلّا ساهل؟.
ضل الجوهرة الزرقاء ..احسن من مقصورتكم الطايرة.
كل الناس يبعدوا لينا من (ضلنا) بما في ذلك بكري المدينة وتراوري وعبده جابر.
ما بنسمح لينا بي زول في ضلنا إلّا رمضان عجب.
عندكم (7) مليار ..رمضان عجب ذاتو لمّوه عليكم.
ما عندكم …الزول دا ما تعذبوه بالمسكولات.
انتوا قايلين شنو؟.
انتوا قايلين نحن ما بنعرفها.
انتوا فاكرين نحن ما بننقشها.
يا (الرشيد علي عمر) انت عارف الجماعة عملوا شنو؟.
الجماعة يا الرشيد وقت رمضان عجب قال ليهم إلّا (سبعة مليار) ..قالوا
يعملوا ليهم (تبرعات).
قالوا يعملوا ليهم (دعومات) خارجية.
يعملوا ليهم (نفير) رصيدي.
قالوا قننوا (الشحدة).
عملوا ليهم خدمة لتحويل الرصيد.
وسوا ليهم لجنة للتحويل.
وقالوا اي مريخابي يحول لينا حاجة.
جنيه ..خمسة ..عشرة ..مية.
اي حاجة.
عشان شنو؟.
عشان يلموا لي رمضان عجب سبعة مليار جنيه.
عليكم الله ..انتوا قاعدين ونحن قاعدين …في (تحويل رصيد) بيعمل ليه
سبعة مليار جنيه.
اوعى يغشوك يا رمضان عجب.
نحن كلمناك.
شوف (الباشا) قائد المريخ عملوا فيه شنو؟.
البهدلة شديدة.
الباشا مسكين بقى قاعد في (الكنبة) ينتظر (عبده جابر) يجيب ليه هدف
عشان يمشي يبارك ليه.
مهمة الباشا بقت فقط في المباركة لي عبده جابر.
يا حليل الباشا.
الباشا بقى يمشي يصوّت في الانتخابات.
ما عندو اكتر من كدا.
شوف (بلة جابر) قائد المريخ التاني وين يا رمضان؟.
المريخ ماسكنو ناس (ايمن سعيد).
وبكري المدينة.
انتوا ما عندكم مكانة في المريخ يا عجب.
احسن يا رمضان عجب تتخارج قبل ما نفتتح (الجوهرة الزرقاء).
تعال من مرحلة البناء ..عشان تكون شريك في الجوهرة ومساهم في الحكاية
زيك زي ناس بشه.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس رمضان عجب قال ليهم تاني ما بقعد ليكم.
ولا عندي ليكم وقت.
خلوه يا جماعة يشوف جامعتو.
يشوف قرايتو.
يشوف مستقبلو.
ما تضيعوا الولد ساكت.
تصريح غارزيتو الذي قال فيه انه سوف يفاجيء الترجي بي بكري المدينة
وراجي عبدالعاطي جاء على ذلك النحو حسب ما نشر في احد المواقع.
(جهز مدرب المريخ الثنائي بكري المدينة و راجي عبدالعاطي لمباراة
الترجي حيث اخضعهما لتمارين خاصة حيث كان مدرب المريخ غارزيتو قد وقف
بنفسه على تنفيذ اللاعبين للجرعات الفنية و تألق الثنائي و نفذ المطلوب
منه و هو ما جعل الفرنسي راضيا عن اللاعبين).
بكري وراجي!!.
انتوا الناس ديل مالكم ما ضبحتوا ليهم.
الخرفان ما بتمشي فيهم.
هسع عليكم الله الحركات البعمل فيها غارزيتو دا ..برهان تية بعملها.
والله يا غارزيتو حركاتك دي برهان في (الرابطة كوستي) ما بعملها.
عاوز تعملها انت لي الترجي.
قال شنو؟.
الفرنسي المدير الفني السابق للهلال قال عاوز يفاجيء الترجي بي بكري
المدينة وراجي عبدالعاطي.
اتخيلوا الترجي بتفاجأ بي بكري المدينة وراجي عبدالعاطي.
دا ترجي شنو؟.
انتوا لاعبين مع جزيرة الفيل.
مع العباسية.
لو الترجي بتفاجأ بي بكري المدينة وراجي عبدالعاطي ما كان حقق كل هذه البطولات.
وما كان جاكم بي طيارة خاصة.
انت جنيت يا غارزيتو؟.
انت ما نصيح يا غارزيتو؟.
انت ما عندك رأس.
والله يا غارزيتو حركاتك دي في الهلال كنت ما بتعملها.
لو عملت حركاتك دي في الهلال (دقيقة) ما بتقعد مع ناس الكاردينال ديل.
كمان نحن بنلعب.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس رمضان عجب قال عاوز يغيّر عربيتو.
عربيتو قديمة شوية.
خلوها يا جماعة يغير العربية.
عربيتو دائما متعطلة في الكوبري.
دائما بتحرجو الصباح.
نجم في حجم رمضان عجب ..معقولة يدور عربيتو بي (الدفرة).
يا رمضان عجب ..لو جيت الهلال ..الكاردينال اول حاجة بعملها ..بشوف ليك
مشكلة (الدفرة) دي.
بحلها ليك حل نهائي.
في الهلال ما في لاعب عربيتو بتدور بي (دفرة).
ولا عندنا لاعب بياكل ليه (عدس).
ولا قرع.
لا عدس ولا قرع الحمدلله.
ولا عندنا لاعب ..بحول ليه رصيد.
الحاجات البتعملوا فيها في المريخ ..في الهلال ما في.
شغل (الوصافة) الجاري في دمكم ..نحن ما عندنا.
ولا بنسمح بيه في الهلال.
ولا بنقبل بيه.
عشان كدا ..يا رمضان عجب ..مباراة الترجي ما تشيل ليها هم.
اول انت قاعد ليهم.
خلي بكري المدينة وراجي يمرقوكم.
موش غارزيتو قال ح يفاجيء الترجي بي بكري المدينة وراجي عبدالعاطي.
انت مالك يا رمضان.
المريخ البقى يتكل على بكري المدينة ..البقعدك فيه شنو؟.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس رمضان عجب ..قالوا بقى ما برد على ناس المريخ.
بقول ليهم التلفون كان في الشاحن.
الزول البكون ما بدوركم ظاهر.
الواحد من يقول ليك التلفون كان في الشاحن – اقنع منو.
اعرفوه ما زولكم.
بعدين يا غارزيتو ..وصية ليك.
الناس الترجي ديل ما الناس البتفاجأوا ليك بي بكري وراجي.
لو عاوز تفاجيء الجماعة ديل يا غارزيتو إلّا تجيب ليهم الزاكي طمل
وعبدالرحمن النجومي.
إلّا تجيب ليهم قيادات من جيش الامام المهدي.
لكن عشان يتفاجأوا ليك بي بكري المدينة وراجي عبدالعاطي ..إلّا تكونوا
عاوزين تعملوا ليهم حفلة عيد ميلاد.
جيبوا ليهم تورتة بالمرة كدا.
بكري شنو؟.
كمان نحن ما بنعرف بكري المدينة.
والله ناس الترجي ديل لو جبتوهم واديتهم حصة في الثورة المهدية
وحدثتوهم عن بطولات عبدالرحمن النجومي والزاكي طمل وعبدالقادر ود حبوبة
..الخلعة البتدخل فيهم لي يوم الدين ما تطلع.
حصة في الثورة المهدية ..احسن من تقابلوهم بي بكري المدينة وراجي عبدالعاطي.
نحن عندنا تاريخ صعب.
في الحاجات دي نحن ما بنتفاهم.
ولا بنلعب.
ولا بنقبل حاجة بالشكل دا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس رمضان عجب بقى اليوم كلو مع (بشه).
سبعة ما كتيرة على رمضان عجب.
عندكم ادفعوا.
ما عندكم – اتخارجوا لينا من هنا.
وما عاوزين نشوف لينا زول في ضلنا دا.
يلا يا جماعة.
……………
و
ناس الهلال ديل بتفاصحوا ..وعندهم مباراة في الكنغو.
البشوف فصاحة الهلال ..يقول الجماعة ديل ما بتعادلوا مع مريخ كوستي.
ناس الهلال صعبين.
ناس الهلال اصلو كدا.
ولا بلعبوا.
ولا بجاملوا.
الحقيقة دي بقولوها.
ما تقعدوا تتلفتوا لينا كدا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس رمضان عجب عامل فيها (مصاب).
…….
السيدة (ل) انتي عارفة (المطر) في السودان بتجي في (السر) ..عشان كدا
لمن نغرق الولاية ما بتكون جايبة خبر!!.
وقرّض على كدا.

انقر هنا لقراءة الخبر من مصدره.