بابكر سلك في السلك جيب سكين يا مجدي شمس الدين *فضيحه بجلاجل *فضيحه شهد عليها الله *وشهد عليها العالم كله *فضيحة تحكيميه حذرنا منها *ولكن الوطنيه عند ناس مجدي *تعني ان يضيع المريخ بهذه الفضيحه *قاعد تعمل شنو كرئيس للجنة الحكام في الاتحاد الافريقي يا مجدي ؟؟؟ *وهل ارضائك لي ناس روراوه يعني ان ندفع الثمن نحنا ؟؟؟ *معقوله *هدف لا يوجد سبب يشكك في صحته مجرد شك *يلغي علي عينك يا مجدي ؟؟؟ *حذرنا من هذا الحكم *وكنا نظن ان مجدي يمكن ان يوجهه بشده *يوجهه فقط ليعطي كل ذي حق حقه *ايها الناس *التحكيم طيلة التسعين دقيقه *ضاغط المريخ بكل ما يملك من حيله *مطمئن جدا *واظن ان حافزه سيكون اختياره لنهائيات كأس العالم *شفنا الحكام يا مجدي *وشفنا حكم كورة الهلال ومازيمبي *جنس ده ما شفناهو *ولا المريخ ما وطن يا سي مجدي ؟؟؟ *حكم يفترض ان يطرد لاعب الطرف الايمن الجزائري منذ الدقيه عشرين *حكم يفترض ان يحتسب حالات علي الفريق الجزائري بالهبل *وكيغ اوقفوا ديديه ؟؟ *بالضرب والخنق والركل *علي عينك يا حكم *ولكن الحكم موصي *ومطمئن *واطمئنان زي ده لو ماجاهو من لجنة التحكيم *ما بعمل عميالو دي *يا مجدي *حذرناك من هذا الحكم *ولكن نظن ان ذبح المريخ لايعنيك *بالله عندك وش تقابل بيهو حتي زملائك في الاتحاد الافريقي ؟؟؟ *انها فضيحه حتفضل مبارياك مابقيت الحياه *ايها الناس *ذبح حكام مجدي المريخ *وذبحوا موهبة لاعب اسمه شيبون *وذبحوا جمهور عريض اسمه الشفوت *ولكن لن نتقبل العذاء حتي نأخذ بثأرنا يا مجدي *ثأرنا من كل من تواطأ علينا *من كل من سكت علي التواطوء *من كل من تهمه المناصب ولا يهمه النصب علينا *وبعد ان نشفي جرحنا الغائر *عندها سنتلقي العذاء *بعد داك بنفرش *معقوله !!!! *معقوله يا مجدي *شلت معاك عبارتك المستهلكه داخليا *التحكيم يخطئ ولا يظلم *ورجيتنا بيها في افريقيا ؟؟؟ *يعني العمر كلو نقعد نشكي من ظلم حكام مجدي ؟؟؟؟؟ *مجدي *ماتعمل رايح *كتبنا لك محذرين *وعبدالله كمال ردح لمن عطش *وانت لاحياة لمن تنادي *اطله علينا بكره بتصريح *شجب وادانه وحركات تلاته ورقه *لكن لن تقنعنا بشئ *الفيك اصلها معروفه من بدري *وامس انكشفت *ايها الناس *تهجدنا مبسوطين *لان المريخ اقنعنا بانه كبير *وان الجزائر التي شاركت في كأس العالم *تستميل الحكام ليهزموا لها المريخ *كم انت كبير يا مريخ *تهجدنا مبسوطين *ولكن في سجودنا كانت دعواتنا علي الظلمه يا مجدي *سألنا الله ان يورينا حقنا في نظرهم وعافيتهم *في عقلهم وجسدهم *اي زول تواطا *او سكت علي التواطوء *سألنا الله ان يقتلع لنا حقنا من نظره وعافيته *ايها الناس *المريخ كبير *وهو البطل *لو تواطأ الاتحاد الافريقي كله *لن يوقف زحفنا للمطار *ونمضي في مسيرتنا *فقط علي مجلسنا تحذير الاتحاد الافريقي *وبالاخص لجنة مجدي *ومجدي شخصيا *بخطابات رسميه *تحذير شديد اللهجه *لاننا يمكن ان نصل الحكم في بلدو *بنعرف كيف *وحاتبقي سابقه يندم عليها الاتحاد الدولي زاتو *رضي المتآمرون ام ابو *المريخ هو بطل هذه النسخه *ايها الناس *استعان اتحاد الجزائر بالملعب السيئ *وبالتحكيم الاسوأ *لانه يعلم جيدا *ليس باستطاعته هزيمة المريخ *شكرا غرزه الذي ادار المباراه بامتياز *شكرا لجميع اللاعبين الذي اثبتوا انهم كبار جدا *شكرا لجمهور المريخ الذي وجهه دعئه في السجود للظلمه *ايها الناس *تعالوا نقولها *جيب سكين يا مجدي شمس الدين *ايها الناس *ان تنصروا الله ينصركم *اها *نجي لي شمارات والي الخرتوم *شفت يا والينا *العملوهوا حكام مجدي فينا ؟؟؟ سلك كهربا ننسك كيف والناس الوطن عندهم يعني عرقلة المريخ والي لقاء سلك