بالصورة.. "الإستكانة مهمة" ماذا قالت الفنانة إيمان الشريف عن خلافها مع مدير أعمالها وإنفصالها عنه    «صقر» يقود رجلين إلى المحكمة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    شاهد بالفيديو.. فنانة سودانية مغمورة تهدي مدير أعمالها هاتف "آيفون 16 برو ماكس" وساخرون: (لو اتشاكلت معاهو بتقلعه منو)    بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح    ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية)    منتخب مصر أول المتأهلين إلى ثمن النهائي بعد الفوز على جنوب أفريقيا    شاهد بالفيديو.. وسط سخرية غير مسبوقة على مواقع التواصل.. رئيس الوزراء كامل إدريس يخطئ في اسم الرئيس "البرهان" خلال كلمة ألقاها في مؤتمر هام    شاهد بالصورة والفيديو.. الفنان شريف الفحيل يفاجئ الجميع ويصل القاهرة ويحيي فيها حفل زواج بعد ساعات من وصوله    النائب الأول لرئيس الإتحاد السوداني اسامه عطا المنان يزور إسناد الدامر    إسبوعان بمدينتي عطبرة وبربر (3)..ليلة بقرية (كنور) ونادي الجلاء    لاعب منتخب السودان يتخوّف من فشل منظومة ويتمسّك بالخيار الوحيد    الدب.. حميدتي لعبة الوداعة والمكر    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الماعندو قديم ما عندو جديد
كورة سودانية نشر في كورة سودانية يوم 20 - 07 - 2015


بابكر سلك
في السلك
الماعندو قديم ما عندو جديد
(1)
عيديه
*كل سنه وكلنا طيبين
*كل سنه والوطن بعافيه متناهيه
*كل سنه نحنا عايشين
*شبكه طاشه
*ما بتفرق
*الناس علي السفارات ماشه
* مابتفرق
*من شروني لي كركر ناس دايشه
*مابتفرق
*المهم كلنا طيبين
*والناس عايشه
*ونحنا شدة ما طيبين
*كلو سنه نتبادل الامنيات
*واحده فيها ما بتحقق
*ونتمني برضو
*كلو سنه وكلنا طيبين
*روحنا طالعه
*مويه مافي كهربا قاطعه
*شبكه كعبه ديمه واقعه
*كلو يوم رسم جديد دمغه او طابعه
*مابتفرق
*المهم كلو سنه وكلنا طيبين
*الوطن طيب
*البلد طيبه
*ومجتمع الرياضه بخير
*كلو سنه وكلنا طيبين
*اسمنا في لوح الشرف يراري
*وده البميزنا عن الجميع زناطير ومشجعين بيت المال واسد البراري
*اسمنا فوق يراري
*كلو سنه وكلنا طيبين
*اي زول بنعيد عليهو
*نسألو العفو لو بدون قصد قسينا عليهو
*وكلو زول بنقول ليهو
*كلو سنه وانت طيب وربنا يحقق الاماني
*الا الاهله بنقول ليهم
*كلو سنه وانتو طيبين وبس
*مابنقل ليهم ربنا يحقق الاماني
*امانيهم بنعرفها
*يقعدوا كده طيبين ويتمنوا بس
*بكري يجيب قون
*يجروا لوزان
*ويتمنوا بس
*كلو سنه وكلنا طيبين
*وطن ومواطن
*حكومه وشعب ومعارضه
*اصلو وطننا ده بتالف من تلاته قطاعات
*حكومه وشعب ومعارضه
*زول فيهم شغال بالتاني مافي
*الشعب فتح للحكومه وماشغال بالمعارضه
*الحكومه الشعب ماهاميها والمعارضه ما بتأثر فيها
*المعارضه ما معترفه بالحكومه وما متذكره الشعب
*كلو قطاع بنقز براهو
*والخوف من النقزي بره الحلقه
*كلو سنه والتلاته قطاعات بخيري
*كلو سنه والاهله الشرفاء بخير
*ويتمنوا بس
*ربنا يحقق الاماني مابنقولها ليكم ابدا
*امانيكم بنعرفها كويس
*تتمنوا بس
*كلو سنه وامنتوا طيبين وللجويه ساكين
*واتسكسكي
*فطومه اختي
*سبعه وتمنين سنه ساكه
*بقيتي ام سكاسك يا اختي
*ام سكاسك اختي
*كلو سنه وانتي طيبه وساكه
*تسكوا بس
(2)
قون شيبون قون ياناس قون
*كتير من الاهله الشرفاء
*لاشغل لهم الا الحديث عن عدم صحة هدف شيبون
*وفي مقدمتهم ناس قون
*يا ناس قون
*القون قون
*ربنا يعلم انو قون
*الحكم عارفو قون
*رجل الرايه متأكد انو قون
*قون الجزائر قال قون
*جمهور الجزائر قال قون
*الشوالي قال قون
*رمضان احمد السيد عارفو قون
*لكن قال ماقون
*وانتو يا ناس قون
*عارفنو قون
*بدل تشتلوا في محاولة لاحباط المعنويات
*حقو تلموا ايراد جريدتكم وتشتروا مجد للهلال
*باقي هلالكم قاعد بدون مجد سبعه وتمنين سنه
*موش قبل كده كتبتوا المريخ يشتري المجد ؟؟؟؟؟
*اشتروا ليكم مجد وريحوا بالكم
*ايها الناس
*صحة هدف شيبون يثبتها انتشار فيديو هدف طايشين في الاهلي
*وهدف طايشين ماصحيح
*ولا راش الف رحمة تنزل عليه كان علي حق عندما نقض الهدف الخطأ
*لاراش ماقال تسلل زي مابقول الاهله من سنة سبعه وتمنين
*لاراش قال مخالفه
*فمهاجم الهلال الآخر
*قصير القامه
*قام بدفع مدافع الاهلي من الخلف
*الامر الذي ترتب عليه وصول الكره الي طايشين
*مخالفه واضحه وصريحه
*ولاراش النزيه طيب الله ثراه
*كان في السليم
*والدليل علي صحة حديثي
*ان المخالفه عندما لعبت
*ماكان لاراش رافع يدو
*لو كانت تسلل
*كان رفع يدو الي ان تلعب الكره
*غير مباشره
*ولكن لانه احتسب مخالفة الدفع
*لم يرفع يده
*ارجعوا لشريط المباراه
*لكن قون شيبون عيبوهوا لي مالو ؟؟؟؟
(3)
ابو شيبه
*اول حاجه كلو سنة وانت طيب يا استاذنا
*وربنا يحقق الاماني ونلتقي كعادتنا بالمطار
*الاستاذ ابو شيبه قال
*الاميره السمراء مخطط لها هذا العام لتكون من نصيب الهلال
*صدقني يا مأمون
*حاتقول ليهم دايره اقرأ
*اميرة شنو البتقبل بالناس من طرف
*الاميره ليها ناسها
*ناسها مسجلين في لوح الشرف
*بتختار من هناك
*من لوح الشرف
*والاسمو مكتوب هناك
*بيدخل التنافس
*وبتكون عندو فرصة ان يكون عريس 2015
*انا غايتو اسمي مكتوب ؟؟؟
*انت اسمك مكتوب يا محمد عبدالماجد ؟؟؟
*اسمك مكتوب يا رمضان ؟؟؟؟
*اسمك مكتوب يا روشا ؟؟؟
*طيب
*قاعدين ليه ماتقوموا تروحوا
*الماعندو قديم ماعندو جديد يا ابو شيبه
*وصدقني
*الطياره لو وقعت بسبعه فرق من فرق المجموعتين
*وفضل فريق وااااااحد
*برضو ما بشيل الكاس
*الكاس كاسنا ونحنا اهلو ونستاهلو
(4)
ريحة المطار
*ايها الناس
*ريحة المطار فاحت الا لمن يعاني زكاما
*وخسارة مباراة الاتحاد بامر الحكم
*لاتعني ضياع فرص التاهل
*سنتاهل من الجزائر صدقوني
*لم نفكر في دور الاربعه
*ولكننا نسأل
*مقابلنا منو في النهائي
*فكرنا مشي بعيد
*وراية ريحة المطار ارفعها من قبل مباراة عزام
*صديقي الشفت عراقي
*قال لي كفاك
*جيب الرايه
*في مشهد اشبه بسباق التتابع
*جريت ليك بالناس لفتين
*خليتم وراي بي لفه
*وسلمت عراقي الرايه
*وكسح بيها
*خلي ليك الجماعه ورا
*ايها الناس
*عراقي ألان يرفع راية ريحة المطار
*وقال ليكم بالحرف الواحد
*الاميره السمراء مسؤليتي
*والثقه في عراقي كبيره
*يلا اجهزوا للمطار
*عرقي اذا قال
*بتحقق الممكن والمحال
*لله درك يا رجل
(5)
الاقتيال معنويا
*ايها الناس
*بعض الاعلام المضاد
*لقناعته بان المريخ هو افضل فرق المجموعتين
*ولن يوقفه كائن من كان داخل الملعب
*بدوا في حرب نفسيه
*ليقتالوا بها المريخ معنويا
*فصنوا مشتلا كبيرا
*كلو يوم يزرعوا فيهو شتله
*ومادروا
*ان شتلاتهم لاتقوي علي العيش تحت شمس الحقيقه
*تموت شتولهم شتله شتله
*زنقه زنقه
*دار دار
*قون قون
*اسياد اسياد
*جوهرة جوهره
*وتبقي شمس الحقيقه ساطعه
*تردد
*الكاس مريخي
*وريحة المطار فاحت
*الناس ديل بتخيلوا انو ممكن يقتالوا المريخ معنويا
*ويدعموا فريقهم معنويا بتلك الشتلات
*ومادروا
*ان معنويات المريخ لن تقتلها الاعيب وشتلات
*وان معنويات فريقهم لن ترفعها الكذبات وتزييف الواقع
*التطواني يا دوبك دخل الفورمه
*برغم الايقافات الغريبه التي شملت بعض نجومه
*فالامور ستستقيم بعد مباراة الوفاق ومبارة التطواني
(6)
المهرج يا صقر قريش
*ايها الناس
*عادت الحياه للمسرح
*فرقة الاصدقاء تعيد عرض رائعتها المهرج
*والمهرج هي لغة مسرحية تصلح لاي مان واي مكان
*طالما الجبين العربي لسه يقبع بين الاحذيه
*طالما اضاع العرب حيفا ويافا والاندلس
*طالما شباب الامة العربيه ينسي ويتناسي اجداده الزين صنعوا المجد
*صنعوا المجد يا ناس قون
*لم يشتروا المجد
*فالمجد يصنع ولا يشتري
*ولو كان يشتري
*في ناس كده كان لقيناهم داخل المطار مع اصحاب الامجاد
*موش كان لقيناهم مع امجاد جمب جاد بره المطار
*وتتناول المسرحيه الفساد الحكومي العربي
*حيث باعت الحكومه جدها البطل القومي عبدالرحمن الداخل (صقر قريش)
*للاسبان الذين يعتبروهوا مجرم حرب
*والبيعه كانت بي تلتين الف طن بصل
*وعمدت الحكومه علي جلب ممثل ليقوم بدور صقر قريش ويوضع في قفص
*ليتفرج عليه الناس ويدفعوا الدولارات
*هكذا تبين المسرحيه حال الحكومات العربيه
*تبيع اي شئ
*ومن باع بطلا قوميا لايتواني في بيع شعب
*المسرحيه قديمه وجديده
*جديره بالمشاهده
*وافراد فرقة الاصدقاء ابدعوا
*قتلوا السنين وادوا بشبابيه وشفافيه يحسدهم عليها الناس
*ايها الناس
*لم يبقي لنا من صقر قريش البطل القومي
*الا اللقب
*صقر قريش
*واتصقري
(7)
رمضان
*السنه دي رمضان كان اصلي
*رمضان زمااااان داك
*النوع السخن داك
*سخانه من امها
*والكهربا اسكت بس
*تجي المغرب
*تقول جايه تأذن
*والمويه
*ويييييييين الاسم ده !!!!!
*لكن نحمد الله قدرنا عليهو
*ونلتمس القبول من الكريم
*ايها الناس
*بنسمع عن علامات لليلة القدر
*الجو يرطب
*المطر ينقط
*السخانه تمشي
*ضياء يملأ الافق
*وبانزال تلك الصفات علي رمضان السنه دي
*نجد ان ليلة القدر ماجاتنا
*سخانه الف
*نهار ليل
*والمطره ما نقطت الا بعد اذاعوا العيد
*يبقي ليلة القدر جاتنا ولا ماجاتنا ؟؟؟؟؟
*ايها الناس
*شامي لي ريحة مطار
*ايها الناس
*ان تنصروا الله ينصركم
(8)
زنطور واقف طابور
*المهم
*لوح الشرف قفل خلاص
*المسجل مسجل
*والزنطور زنطور
*شفتوا الزنطور واقف طابور ؟؟؟؟؟
*طابور لوح الشرف الافريقي
*طابور المجد والامجاد التي لاتشتري
*طابور الزنطور طويييييييييييييييييييل
*وباقيلوا سبعه لفات
*والعقرب جاب القون
*واتعقرب زعل زنطور
*والهول ؟؟؟
*الزنطور زي ابو الهول
*واقف في محلو الف سنه
*اللهم لاتحرمنا زناطيرك
*اللهم واجعلهم زناطير فينا مابقيت الحياه
*اللهم والزناطير لا يبطلوا زنطره ولا يقطعوا قنطره
*يفضلوا زناطير كده
*نستمتع بهم
*اللهم وزنطر الزناطير زنطره ابديه يا كريم
*اللهم ولا تحرمنا اجرهم
*اللهم ولا تفتننا بعدهم
*اللهم وفشفش فشافيشهم
*اللهم يا حنان ويا منان
*لاتقطع رجل الزناطير من لوزان
(9)
شمارات والي الخرتوم
*اول حاجه يا والينا
*كلو سنه والوطن بخير منور فينا
*والسنه الجايه ان شاء الله يا والينا
*ربنا يحقق امانينا
*قول آمين وماتضغط علينا
*يحقق امانينا
*عربية النفايات تجي قبال الكلب يا والينا
*والكهربا ماتقطع لينا
*المويه تبطل حركات مواسيركم وتتوفر في مواسيرنا
*ونحن في السوق ما نستغل بعضينا
*ليه كيلو الطماطم يصل من الجنهيات خمسينا
*والطماطم هي اللحمه الفضلت لينا
*ليه مشوار الركشه بي كل القروش الفينا
*ليه بنستغل بعضينا
*موش كفايه الفينا مكفينا
*ليه وليه وليه ولييييييييييييييييه يا والينا
*ورينا
سلك كهربا
ننساك كيف والعيد لما يجينا يلقي سوق امدرمان من النفيات بخجل فينا
والي لقاء
سلك

انقر هنا لقراءة الخبر من مصدره.