سودارس : هدف (اندرزينهو) لو ما شفت (فداسي) جاري كنت قلت في (الليغا) الاسبانية

القوز يقرر السفر إلى دنقلا ومواصلة المشوار لاعب منتخب السودان يتخوّف من فشل منظومة ويتمسّك بالخيار الوحيد الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

هدف (اندرزينهو) لو ما شفت (فداسي) جاري كنت قلت في (الليغا) الاسبانية

كورة سودانية نشر في كورة سودانية يوم 28 - 07 - 2015

محمد عبد الماجد
دق الدلجة
هدف (اندرزينهو) لو ما شفت (فداسي) جاري كنت قلت في (الليغا) الاسبانية
تلقاهم هسع عاوزين يجيبوا ليهم نظرية جديدة.
البرازيلين ديل يقطعوا لينا في (النظريات) من رأسهم – ونحن نشيل ونصدق.
نشيل ونتخلع.
من (الخلعة) لمن بقينا زي (القميص) الما فيه (زراير).
جربتوا (الخلعة) بي شاي اللبن.
ما تستغربوا – انا ذاتي ما جربتها.
ما في كلام زي دا.
البرازيليين ديل مرات بقطعوا ليهم (اقوان) من رأسهم.
الواحد فيهم بجيب ليه قون قاطعو من رأسو – زي (كراس) الجغرافيا البتشيل
منو (جوز).
لمن السنة تنتهي بتلقى الكراس فيه (4) ورقات.
من القطيع الكتير.
بعدين عليكم هو وينو اللبن البتخلعو ليه؟.
وفروا (خلعتكم) لي قون الصاقعة نزار حامد القادم.
زمان الواحد بمشي حديقة الحيوان يتخلع ويجي راجع.
كان تشوف ليك (ارنب) دي حاجة غريبة.
حسب فهمنا وقتها.
الخلعة كانت متيسرة.
هسع لو طلع ليك (اسد) من صندوق رسائل موبايلك ما بتتخلع.
ولا بتجيك اي حاجة.
الدهشة اختفت.
الاسد لو قعد ينطط قدامك عديل كدا ما بتشتغل بيه.
اسد على منو؟.
اسد على نفسو.
فضل فيها اسد.
لكن ناس نزار حامد واندرزينهو وبشه رجعونا لي زمن الدهشة تاني.
تاني بقينا نشيل كيس الرغيف.
ونقرض الرغيفة مع شاي الصباح.
تاني رجعنا نندهش.
ونضرب ليك (الباسطة) بعد السينما.
اقوانكم دي سينما.
ناقصة بس (الباسطة).
بقينا نقيف في طرف الشارع – وما نعرف نتصرف.
اللخبطة حصلت.
تلاقيك عمتك تقول ليك الليلة مالو لونك شاحب كدا؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
مرة مشينا لينا حفلة.
لقينا ليك العريس ما وصل.
لكن للامانة (العروس) وصلت.
قاعدة.
اصلا عروسات الزمن دا مستعجلات – العريس لو اتأخر على حفلتو..العروس
تجي حفلتها بي (ركشة).
الخفة حصلت.
دخلنا الحفلة.
جابوا لينا صحن (الكوكتيل).
في واحد معانا مستعجل قبل ما يصلو الصحن – قال ليهم وينو البارد؟.
في ناس عندهم مشكلة مع (البارد).
اول ما يشوفوا (العشا) بيسألوا من (البارد).
شناة طبع بس.
وفي ناس لو جابوا ليهم البارد (متلج) – بقولوا ليك بس باردهم سخن.
بارد – ما بارد.
اتعودوا على الحركة دي.
لازم يشكوا من (البارد).
الفاصل الاول انتهى.
التاني انتهى.
الثالث انتهى.
والعريس ما جاء.
العروس شفقت.
الشفقة دخلتها.
ونحن ذاتو اضايقنا.
حركة العريس ما ظريفة.
مشينا نسأل ونعرف الحاصل شنو؟.
الحفلة قربت تنتهي ..والفنان زعلان ..قاعد يغني ليه في حفلة ما فيها (عريس).
نفسياتو بقت في الواطة.
قلنا نسأل.
عرفنا ان العريس اختلف مع العروسة في (الاستديو).
اختلفوا في (الصورة).
قلنا ديل مالهم مستعجلين كدا على (الاختلاف)؟.
هي الدنيا طارت.
الاختلاف ملحوق.
طلعنا من الحفلة.
قلنا الحفلة دي الظاهر عليها (مشاكلها) كتيرة.
كمان يقوم يجينا (كرسي) طاير.
انتوا تعالوا هنا عاوز اسألكم سؤال.
بس محرج شوية.
سؤال شايلو لي زمن وما قادر اقولو.
ليه – الشكلات اختفت من الحفلات؟.
حفلات الزمن دا بقى ما فيها شكلات.
زمن ما حضرت لي حفلة فيها شكلة.
زمان وقت الدينا بي خيرها ما في حفلة بتتم.
لازم تحصل مشكلة.
حفلة ما فيها (عكة) – هي ذاتها ما حفلة.
الناس انشغلوا في رقبتهم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
يا زول بلا حفلة بلا لخمة.
احسن نشوف هدف (اندرزينهو) دا.
نشوف (النظرية) شنو؟.
اندرزينهو جاب ليه هدف ..انا لو المباراة ما كانت منقولة في (بي ان
سبورت) كنت قلت دي لخبطة ساكت من ناس (النيلين).
اصلو ناس النيلين عندهم لخبطة زي دي.
الكورة تكون (كورنر) يجيبوها ليك (قون).
اللاعب يكون عاوزين يعملوا ليه تبديل ..يجبيوه ليك حايم في الحلة.
قون اندرزينهو دا لو حضرتو في استاد الهلال ..في (المقبرة) – لو شاهدتو
بي نفسي..ما بصدقو.
ناس سلك بفتكروه (عالم السينما).
وناس مزمل بتخيلوه (عالم البحار).
يا جماعة في زول بقوم من (الكنبة) ويجيب ليه قون بي الطريقة دي.
وفي المغرب كمان.
الموضوع دا في تمرين ما بحصل.
غايتو نظرية زي دي نحن ما شفناها.
ولا كلمونا بيها.
ولا وقعت لينا – بعد ما شفنا الهدف – قدام عيونو.
قون زي دا ناس بكري المدينة لو قرأوا طب ما بقع ليهم.
من الكنبة للقون.
الموضوع دا ضربة جزاء صعبة.
فكيف اذ هو ضربة ثابتة خارج خط 18.
ذكرتوني ضربة مصنع الشفاء.
قمنا الصباح ما فاهمين اي حاجة.
ناس قالوا طيارات.
وناس قالوا صواريخ.
وناس قالوا دي (مراكب) عادية.
وناس قالوا مطرة ضربت مصنع الشفاء.
هسع قون اندرزينهو دا نحن ما فهمنا فيه شيء.
انا حضرت الهدف (1800) مرة..ما وقع لي.
من الكنبة للقون.
دا قون وإلّا قصة من قصص الف ليلة وليلة.
والله لو ما شفت (فداسي) جاري في كادر التلفزيون كنت قلت الهدف دا في
الدوري الاسباني.
في الليغا.
الشغل دا شغل الريال والبارسا.
تلخبطو الزول في (هلالو).
في سيد البلد.
المعلق المباراة كلها شغال لينا (سيد البلد) في مريخابي جنبي وقع كاضم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
اقول ليكم بي صراحة.
اصلو ما بغشكم.
ولا بخدعكم.
جربت اعمل (النعناع) مع الشاي.
وجربت الشاي – بدون (نعناع).
وشربت (النعناع) براهو.
والشاي براهو.
شربت الحلبة.
والكركدي سخن.
وشربتو بارد.
بي 55 طريقة شربتو.
وعملت القهوة بدون دوا.
وشربتها بي دوا.
الاتنين جربتهن.
عملت لبن مع القهوة.
شربت (الفرنساوي).
وشربت اللبن ساكت.
واللبن ذاتو مرة اشربو بارد.
ومرة ساخن.
ومرة اجيب معاه باسطة.
ومرة بدون باسطة.
جربت اي شيء.
قهوة قبل الغداء.
وقهوة بعد الغداء.
ما خليت لي فكرة.
شربت الجنزبيل.
طلعت العصر.
وطلعت المساء.
لبست الجلابية والعمة وشغلت اغنية وردي في (يا بلدي يا حبوب).
لبست فل ست وشغلت عثمان حسين في (عشرة الايام).
حمت في شارع النيل.
قعدت.
اتونست.
استنيت المطرة.
صبت لينا في رأسنا.
اي حاجة عملناها.
لكن بي امانة وصراحة ..زي هدف اندرزينهو دا ما شفت.
ما شفت.
ما قابلني قبل كدا.
الواحد يقوم من (كنبتو) ويجيب قونو ..دي ما سمعنا بيها.
هدف ديلفيري.
تضرب (28) يجيبوا ليك القون لي عندك.
القون دا ممكن تجيبو لو جيت من الجامعة.
لكن تجي من الكنبة وتجيبو.
ببقى دا علم براهو.
فهم مختلف.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بنتابع في كأس العالم من الاربعينات – ما شفنا لينا لاعب قام من كنبتو
لقى الكورة ضربة ثابتها سددها وسجل منها قون.
القهوة سادة شربناها.
بي دواء شربناها.
بي لبن – شربناها.
لكن زي هدف اندرزينهو دا ما شفنا.
الصراحة ما كعبة.
انتوا يا نزار حامد – ليه بتعملوا فينا كدا.
ليه بتيجبوا لكم اهداف بالصورة دي.
الاهداف دي ما خلت لينا مريخابي في الحلة.
كلهم طشوا.
مشوا الدهب..قالوا بلا مجموعات بلا لمة.
حرام عليكم البتعملوا في المريخاب ديل.
نوع الهدف دا ممكن يكتل (ضفر).
وممكن سلك الدكتور يقول ليه (21) يوم كلمة ما تكتبها.
…………….
و
غايتو لو جات مطرة عرفنا السبب.
ولو رجعوا السكر للتموين تاني.
برضو عرفنا السبب.
ولو محمد الامين حفلتو اشتغلت للصباح.
عرفنا السبب.
ولو عملوا لينا كوبري طاير من هنا لي شندي.
عرفنا السبب.
ولو في مريخابي طقتو عقرب.
السبب واضح.
لو السمك بقوا يجيبوا لينا في القفة للفطور.
السبب ظاهر.
واللبن يجيبوه لينا المساء مطعم.
ولو جمال الوالي.
وحاتم عبدالغفار.
وعبدالصمد.
ومتوكل.
الخ…
والفريق طارق قدموا استقالاتهم.
السبب معلوم للجميع.
عليكم الله انتوا لو ما ساكت ..بعد الهدف دا البقعدكم شنو؟.
تستقيلوا في الفاضية والساهلة – هدف زي دا ما تستقيلوا ليه؟.
بقى ما عندكم احساس.
…………………
السيدة (ل) ما اتمنيت شيء اكتر من يكون عندي (روحين) عشان اديك
(الروحين) وارتاح منهن – واحدة شايفها شوية عليك.
وقرّض على كدا.

انقر هنا لقراءة الخبر من مصدره.