سودانير تعلن استئناف رحلاتها من مطار الخرطوم    الهلال ينتزع صدارة الدوري الرواندي من الجيش    رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا    شاهد بالفيديو.. بعد أداء العمرة.. شيخ الأمين يعفو عن كل من أساء إليه ويدافع عن الفنانين: (أحد الصحابة كان عنده "عود" يعزف ويغني عليه)    مناوي: حرق معسكرات النزوح مخطط قاسي لإرغام النازحين على العودة قسراً إلى مدينة الفاشر التي فروا منها طلبا للأمان    جامعة الخرطوم تمنع لبس البنطال للطالبات والتدخين وتعاطي التمباك داخل الحرم    شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام)    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    ارتفاع وارد الذرة واستقرار أسعار السمسم في بورصة محاصيل القضارف    الدولار يواصل التراجع أمام الجنيه فى منتصف تعاملات اليوم    دراسة: السمنة وراء واحد من كل عشر وفيات بالعدوى على مستوى العالم    دعوى ضد ميتا ويوتيوب بشأن إدمان الأطفال للتطبيقات    رافعًا شعار الفوز فقط... الأهلي يواجه النيل في ديربي مدينة شندي    آبل تستعد لأكبر تغيير فى تصميم آيفون منذ سنوات مع iPhone 18 Pro    أسباب ارتعاش العين وطرق العلاج    رئيس شركة نتفليكس يكشف عن تدخل ترامب فى الصفقة الجديدة.. اعرف التفاصيل    درة تكشف عن دورها فى مسلسل "على كلاى".. شخصية مركبة ومعقدة    مني أبو زيد يكتب: القبيلة والقبائلية في السودان بعد حرب الخامس عشر من أبريل    مسؤول سوداني يغادر إلى تركيا    الأهلي شندي يشكر المدرب النضر الهادي    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    "إيغاد" ترحّب باستئناف السودان المشاركة في المنظمة    رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب    عثمان ميرغني يكتب: كبري الحلفايا...    بإطلالة نارية وقرد صغير.. رامز جلال يلمح لمقالبه في رمضان    علامة تحذيرية لمرض باركنسون قد تظهر فى الأنف قبل سنوات من التشخيص    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    الجمارك في السودان تحسم جدل رسوم بشأن الأثاثات والأجهزة الكهربائية للعائدين    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نزار حامد يساوي (121) بكري المدينة و(79) ديديه وكمية كدا من (اكرا)
قوون نشر في قوون يوم 29 - 07 - 2015

الكلام دا ما قالتو الاسياد ولا الجوهرة الرياضية ولا عالم النجوم ولا الموسم ولا قوون


افريقيا التى لعب فيها هيثم مصطفى وفيصل العجب وابوتريكة ..نزار حامد ما بقعد فيها موسم تاني


و الله انا لو كنت نبيل الكوكي كان بعد اندرزينهو ما جاب قونو طلعتو تاني ورجعتو يقعد في كنبتو


علي جعفر اتفرغ للتصريحات ..شفتو بصرح في (بي ان سبورت)..قلت هو زول ما بلعب ..التصريحات ليه شنو كمان؟
*******************************************************************************************

· الصحف الافريقية اتكلمت عن الصاقعة نزار حامد – وقالت ان نزار حامد لن يلعب موسم آخر في افريقيا.

· طلعوه من افريقيا.

· مرقوه من البلد.

· قالوا دا ما مستوى يلعب في افريقيا.

· معقولة زول بالمستوى دا يلعب في افريقيا.

· قارة كاملة نزار حامد مستواه بقى اكبر منها.

· يعني نحن نجيب ناس اندرزينهو وجوليام من البرازيل ..ونزار حامد ما يقعد ليهم في القارة.

· الفضائيات المصرية بعد ما شافوا هدف نزار حامد في سموحة – كلهم رجعوا يتكلموا عن (ليالي الحلمية).

· قنعوا من الكورة.

· شوفوا مسلسلاتكم وين؟.

· احسن ليكم تركزوا مع ناس نور الشريف وسارة سلامة ومحمد رمضان ورامز جلال.

· الشغل دا ما بتقدروا عليه.

· الشغل دا صعب عليكم.

· هدف نزار حامد في سموحة (7) اجزاء...زي (ليالي الحلمية).

· اي مدافع قابل ليك نزار حامد وهو في طريقو على مهدي سليمان ..نزار حامد جاب ليه (تخول ارتعاشي).

· التخول الارتعاشي انتوا ما بتعرفوه لي.

· انا ذاتي ما عارفو – سمعت بيه عند لاعبي سموحة بعد هدف نزار حامد..سمعتهم بيشكوا من التخول الارتعاشي.

· لكن عرفت ليك المرض دا خطير.

· يتخيل لي كدا (التخول الارتعاشي) دا حاجة بتخلي الزول ينسى اسمو.

· واسم ابوه ذاتو.

· ورقم تلفونو.

· وما يعرف شارع بيتهم.

· وما يقدر يفرق بين الفول وسلطة الاسود.

· حاجة كدا بتخلي الزول من غير ما يشعر بمشي على (التلاجة) يقيف قدامها ويجي راجع.

· حالة عطشية غير ارادية.

· افريقيا التى لعب فيها هيثم مصطفى وفيصل العجب وابوتريكة ..نزار حامد ما بقعد فيها موسم تاني.

· قالوا الزول دا طوالي يمشي (اوروبا).

· يمشي يشوف ناس سواريز وميسي وفيدال وبيري.

· مالو ومال ناس بلة جابر؟.

· وضفر.

· وعلي جعفر.

· علي جعفر اتفرغ للتصريحات ..شفتو بصرح في (بي ان سبورت)..قلت هو زول ما بلعب ..التصريحات ليه شنو كمان؟.

· نزار حامد افريقيا ما مستواه.

· الكلام دا ما قلناه نحن.

· ولا ترجمناه.

· ولا عندنا معاه علاقة – الكلام دا قالتوا الصحافة الافريقية.

· عندكم شك.

· يا متوكل ح تمشوا تقعدوا مع مجلس الصحافة والمطبوعات تاني.

· يعني يا ناس نزار مستواه اكبر من الاهلي المصري والترجي التونسي ومازمبي – يمشي يلعب في اوروبا طوالي.

· طبعا مستواه ما اكبر من الهلال – عشان الهلال اكبر من اي حاجة ..ونزار يلعب فيه الآن.

· الهلال ذاتو ما في حاجة اكبر منو.

· يكفي نحن شعارنا ( الله – الوطن – الهلال).

· برانا بنشيل الهم.

· حاجة ما تخلص.

· نزار حامد اصلو ما في حاجة بتخليه يلعب في السخانة دي شنو؟.

· دي ما سخانة يلعب فيها نزار حامد.

· الكلام دا ما قالتو الاسياد ولا الجوهرة الرياضية ولا عالم النجوم ولا الموسم ولا قوون.

· الكلام دا قالتو الصحافة الافريقية.

· فتشوا لي الصحف الافريقية دي صحيفة – صحيفة ..شوفوا لي في صحيفة جابت ليها سيرة لي بكري المدينة.

· إلّا الصدي والزعيم.

· والجماعة ديل مغصتهم من الهلال البتخليهم يشوفوا بكري المدينة كويس.

· بس عشان جاء من الهلال.

· بكري المدينة كان ممكن يمشي لي قدام لو كان في الهلال الى الآن ..في المريخ الآن ما بمشي ابعد من (الصدى).

· لكن هسع بكري المدينة راحت عليه الآن – بقى يتمها (حلاقات).

· وتصريحات.

· وواتساب.

· هو قالوا ليك الكورة كدا.

· انت ما شفت نزار حامد دا بعمل في شنو؟.

· في مباراة الهلال والتطواني – نزار حامد لملم ليك المغاربة ديل مغربي – مغربي.

· كومهم قدامه...وكورك لي (اندرزينهو) يجي يجيب قونو.

· كورك ليه من (كنبتو) عشان يجي يسجل قونو.

· ما شفتوا نزار حامد لمن اندرزينهو بنفذ في المخالفة – كان حارسو كيف؟.

· شغل بتاع اوروبا.

· اصلو ما شغل (افريقيا).

· الكلام دا ما قلناه نحن – قالته الصحف الافريقية.

· الصحف الافريقية دي سبق ان قالت المريخ (ضل) للهلال.

· انتوا الصحافة الافريقية دي مالها معاكم؟.

· دائما بتقول الحقائق.

· عشان كدا بتسبب قلاقل كتيرة في (الوصيف).

· على العموم هذا اثبات فوارق بين الهلال والمريخ.

· الصحافة الافريقية لم تتحدث عن اي لاعب في المريخ – ليس هناك لاعب واحد يلفت النظر في المريخ.

· بكري المدينة (المدهوشين) بيه الجماعة كان في الهلال مرشح للشطب.

· الاتحاد الدولي لكورة القدم ..تحدث ايضا عن اندرزينهو.

· عن سيرته وخبرته الكبيرة.

· تحدثوا عن هدفه العالمي.

· وقالوا ما في زول قبل كدا عملها.

· جاء من الكنبة وسجل ليه هدف.

· و الله انا لو كنت نبيل الكوكي كان بعد اندرزينهو جاب قونو طلعتو تاني ورجعتو يقعد في كنبتو.

· ما في اكتر من كدا.

· الزول جاب قونو ..يرجع طوالي يقعد في كنبتو.

· نحن ما عاوزين منو اكتر من كدا.

· نزار حامد يعملوا معاه مخالفة على رأس خط 18.

· اندرزينهو يقوم من كنبتو ينفذ المخالفة ..يسجل قونو ..ويمشي يقعد في كنبتو.

· شغل دكاترة.

· اول نحن عاوزين منو شنو تاني؟.

· ولا يتعب لينا.

· ولا يرهق نفسو.

· طول ما بجيب ليه هدف بهذه الصورة.

· بكري المدينة المباراة كلها (جاري)..تقول (جبل جاري) ود خالتو – وبعد دا ما بجيب ليه قون.

· اندرزينهو من كنبتو بسجل.

· شفتوا الفرق.

· شفتوا العلم.

· لو حسبناها ليكم ...نزار حامد بعد البعمل فيه دا بساوي كم بكري المدينة؟.

· غايتو لو جامتلكم.

· وعملت ليكم تخفيضات.

· واديتكم بي رأس المال بس.

· نزار حامد دا بساوي (121) بكري المدينة.

· وممكن يا بكري المدينة بعد حلاقاتك دي نجاملك ونصل معاك لغاية (120) بكري.

· غير ال (850) مليون الشلتها من الهلال.

· لكن اكتر من كدا – ما بنقدر نعمل ليك حاجة و الله.

· نزار حامد بساوي (121) بكري و (79) ديديه ..وكمية كدا من (اكرا)...+ 850 مليون.

· اكرا دا ما بنحسبو.

· كميات من اكرا.

· اسكتوا كبوا بس.

· اصلو ما بنسألكم فيه.

· انت يا اكرا في مباراة وفاق سطيف والمريخ وقت قمت تسخن ..وجريت هنا وهناك وشاركت في المباراة..عملت شنو؟.

· ولا حاجة.

· ما عمل اي شيء.

· انت ما شفت اندرزينهو عمل شنو؟.

· من الكنبة للقون.

· ولا بلعب.

· انتوا ما بتتعلموا من الحاجات دي.

· ما بتستفيدوا من الدروس دي.

· عاوزين تتعلموا لينا متين؟.

· زول من الكنبة للشبكة.

· دي حصلت.

· اصلو زي دا نحن ما شفناه.

· ................

· ملحوظة : مباراة الهلال وهلال الابيض عاوزين لينا مخالفة على رأس خط 18.


هوامش

· اندرزينهو براهو بقوم بالواجب.

· الله يكتر لينا المخالفات.

· بالمناسبة وجود لاعب زي اندرزينهو بخلي المدافعين ما يعملوا مخالفات مع لاعبي الهلال امام خط 18.

· وهذا شيء يمكن ان يسهل لهم العبور للمرمى.

· ما تعملوا مخالفة ...نزار بجيب قونو.

· تعملوا مخالفة – بجيكم اندرزينهو من كنبتو يسجل قونو.

· تاني ح تصرفوا كيف؟.

· ح تعملوا شنو؟.

· حالتكم بقت صعبة.

· والموضوع كبر اوي.

· مباراة التطواني القادمة مباراة الجمهور.

· مباراة مازمبي القادمة مباراة الجمهور.

· والموضوع لمن يكون في ايد الجمهور – نحن ما بتجينا عوجة.

· ولا بنخاف.

· ما اي مشكلة – طالما الامر في يد جمهور الهلال العظيم.

· يجب ان تبدأ تجهيزات الجماهير منذ الآن.

· في مباراة الهلال وسموحة – الجمهور شكل لوحة ابداعية.

· النار مولعة 90 دقيقة.

· نعم كما اشار الرشيد علي عمر ..معلق مباراة المريخ ووفاق سطيف ملكوه معلومات غلط...وتجنى بجهل عبيط على تاريخ الهلال.

· ناس بي ان سبورت يا يصلحو ناسهم ديل – يا بنرجع ليهم كروتهم.

· نحن بنشاهد بي حقنا.

· بي قروشنا.

· يعني مفروض يكون في احترام وتقدير.

· الهلال (سيد البلد) ..انتوا عندكم مشكلة في العربي والجغرافيا والتاريخ كمان.

· بالمناسبة بي ان سبورت تعاملت بلا مبالاة مع اصابة لاعب ليوبار الكنغولي رودى نداى في مباراة فريقه امام الزمالك.

· اللاعب في العناية المركزة الآن في القاهرة ..انهت الاصابة مسيرته الرياضية ..وقد تعيق تحركه فيما بعد بسبب الشلل الرباعي.

· قناة بي ان سبورت تعامل مع الاصابة باهمال وتجاهل.

· هل لو كان اللاعب المصاب من الزمالك ..كان تعامل القناة سوف يكون بهذه الطريقة.

· قنوات بي ان سبورت ..اصبحت ميولها واهتماماتها كلها (تجارية) وتخلت عن الحس الانساني والرسالي للاعلام.

· .................

· عاجل : رأيكم شنو لو سيحة طلع يوم الجمعة القادمة مع رضا مصطفى الشيخ وقال هدف اندرزينهو ما صحيح...تسلل...سيحة ممكن يعملها.

انقر هنا لقراءة الخبر من مصدره.