سودارس : من هلال (الجبال) لهلال (الرمال) دي ما حالة تلاقوا بيها الهلال في نصف النهائي

شاهد بالفيديو.. السيدة المصرية التي عانقت جارتها السودانية لحظة وداعها تنهار بالبكاء بعد فراقها وتصرح: (السودانيين ناس بتوع دين وعوضتني فقد أمي وسوف أسافر الخرطوم وألحق بها قريباً) شاهد بالفيديو.. التيكتوكر السودانية خديجة أمريكا تظهر بإطلالة ملفتة وتزعم أنها "هندية" الجنسية شاهد بالصورة.. بعد أن أعلنت في وقت سابق رفضها فكرة الزواج والإرتباط بأي رجل.. الناشطة السودانية وئام شوقي تفاجئ الجميع وتحتفل بخطبتها البرهان : لن نضع السلاح إلا باستئصال التمرد والعدوان الغاشم وفد عسكري أوغندي قرب جوبا تقارير تكشف خسائر مشغلّي خدمات الاتصالات في السودان مجاعة تهدد آلاف السودانيين في الفاشر تجدّد إصابة إندريك "أحبط" إعارته لريال سوسيداد توجيه الاتهام إلى 16 من قادة المليشيا المتمردة في قضية مقتل والي غرب دارفور السابق خميس ابكر لدى مخاطبته حفل تكريم رجل الاعمال شكينيبة بادي يشيد بجامعة النيل الازرق في دعم الاستقرار شغل مؤسس عثمان ميرغني يكتب: لا وقت للدموع.. السودان..وزير يرحب بمبادرة لحزب شهير الهلال السوداني يلاحق مقلدي شعاره قانونيًا في مصر: تحذير رسمي للمصانع ونقاط البيع "ناسا" تخطط لبناء مفاعل نووي على سطح القمر ريال مدريد الجديد.. من الغالاكتيكوس إلى أصغر قائمة في القرن ال 21 تيك توك يحذف 16.5 مليون فيديو في 5 دول عربية خلال 3 أشهر الشان لا ترحم الأخطاء صقور الجديان في الشان مشوار صعب وأمل كبير الإسبان يستعينون ب"الأقزام السبعة" للانتقام من يامال السودان.."الشبكة المتخصّصة" في قبضة السلطات مقتل 68 مهاجرا أفريقيا وفقدان العشرات إثر غرق قارب ريال مدريد لفينيسيوس: سنتخلى عنك مثل راموس.. والبرازيلي يرضخ مسؤول سوداني يردّ على"شائعة" بشأن اتّفاقية سعودية غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي المصرف المركزي في الإمارات يلغي ترخيص "النهدي للصرافة" أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

من هلال (الجبال) لهلال (الرمال) دي ما حالة تلاقوا بيها الهلال في نصف النهائي

كورة سودانية نشر في كورة سودانية يوم 02 - 09 - 2015

دق الدلجة
محمد عبد الماجد
من هلال (الجبال) لهلال (الرمال) دي ما حالة تلاقوا بيها الهلال في نصف النهائي
ما غلطان جمال سالم.
اصلو ما غلطان…(غلطانة التربيزة البدون اي سبب بتجيهو طايرة زي اربعة الاسود).
ما غلطان علي جعفر ..(تقول عاوز يطلع ليه جنسية).
يتلفت متل الدكان الناصية.
اول الدكان الناصية بتلفت.
علي بتلفت.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
ما غلطان الريح علي …(لو ساق ليه قندران بي طريقتو دي بقع من الكبري).
الزول دا كورتو رصيد بي تلاتة جنيه كتيرة عليه.
الريح انت وقت تكون عاوز تمشي يمين بتمشي شمال ليه؟.
ما غلطانين الجماعة.
لا الزهور ولا الورد.
ما غلطان ضفر.
ولا امير كمال.
ما غلطان غارزيتو.
ولا عادل ابوجريشة.
اصلو ما فيهم زول غلطان.
ولا بغلّط لي زول فيهم.
غلطان اعلام المريخ.
شفيق يا راجل!!.
شكاوي يا راجل!!.
غلطان الاعلام بعد اي مباراة للمريخ بقولوا ليك (مريخاب الجنوب) يقدمون
المستندات.
كورة هي وإلّا ورثة؟؟؟.
اذا كان بتشتكوا بعد اي خسارة ..يفوزوا ليكم ليه؟.
واتحاد القضارف يرد خلال 48 ساعة.
عبده جابر يجيب ليه ضربة جزاء ليه؟.
ما في داعي!!.
عبده جابر كمان قالوا مع الشكاوي الكتيرة دي قالوا ليك بقى يطلعها من القون.
ناس مزمل قاعدين.
بجيبوها ناس سلك.
ليه حق يعمل كدا؟ ..ما يتعب ولا يجهد نفسو ولا يحرق دمو ..(اعلام
المريخ) ح يقدم ليهم شكوى بعد المباراة.
جاهزة.
اعلام المريخ شكاويهو جاهزة.
قاعدة.
قالوا ليك في اي صحيفة مريخية فتحوا ليهم مكتب شكاوي.
تحويل الرصيد ذاتو عملوه تحويل شكاوي.
محرر الشكاوي زي محرر الخبر.
مريخاب الجنوب اصلو ما قاعدين يقصروا…بشوفوا ليكم (مستندات) كدا.
حمودة بشير شكلو كدا مستنداته ناقصة….عندو (سن) مكسورة.
تتكسر ليه؟.
في زول بلعب بدون (سن).
دي فوضى والله.
وعنكبة دا (شعرو) كتير.
ومبرم كمان.
اشتكوا طوالي…بتكسبوها ..لائحة اسامة عطا المنان بتمنع (تبريم) الشعر
في مباريات المريخ.
انتوا عارفين عنكبة ما احتفل ليه بي هدفو في شباك المريخ ..عشان عارف
الهدف دا ما عندو قيمة.
عارف المريخ ح يمشي يشتكي ..(يحتفل ليه؟).
بعدين زول اسمو محمد عبدالمنعم كيف يقولوا ليه (عنكبة).
الاسم دا شكوى جاهزة.
عنبكة …ليه المباراة دي في (المهدية)؟.
طبعا مزمل ابوالقاسم لو دخل النت وشايف لوائح الفيفا ممكن يطلع ليكم
(بلاوي) في الموضوع دا.
الليمون ذاتو بتجهجه.
وتعتبر اللائحة 56 (أ) من قانون اللعبة ان اي لاعب يلقب بي عنكبة او
شنكبة او اي لقب من هذا القبيل مخالفا للقوانين ويفقد فريقه نتيجة
المباراة.
الفيفا بتقول كدا.
انتوا قايلين انا بجيب ليكم حاجة من رأسي.
الكلام دا مكتوب في اللوائح.
الفيفا بتقول لو في اي لاعب وقع وقام تاني من غير ما يقيف يعتبر مخالفا للوائح.
وابوه مخالف كمان.
وفريد وقع وقام ..انتوا قاعدين وين يا سلك؟.
والفيفا بتقول …مريخاب الجنوب لو عندهم مستند موية وقدموه للمريخ
..المريخ بكسب (نقاط) المباراة.
مريخاب الجنوب اصلو ما بقصروا مع زول.
والفيفا بتقول سيد اللبن لو اتأخر خمسة دقائق ..المباراة غير قانوينة
..ونحن امس سيد اللبن ما جانا عديل كدا.
ولا شفناه.
اشتكوا.
والفيفا بتقول اي حاجة يقولها مزمل ابوالقاسم او مامون ابوشيبة مشوها ليهم.
كلامهم صاح.
اصلو ما غلط.
ابوشيبة ح يقول عندنا ضربة جزاء في (الدمازين)…ليه الحكم ما احتسبها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
ليهم حق جماعتكم ديل يبقوا اتكاليين كدا.
ينوموا قفا.
المباراة بكسبوها من المكاتب المكيفة.
النقاط التالتة بتجي باللفة…ما تشتغلوا بالكورة.
الاوراق بتقول شنو؟.
امير كمال يتعب ليه؟.
يجري ليه؟.
عليكم الله السخانة دي سخانة جري.
الشكوى جاهزة.
اعلام المريخ بعد اي مباراة بدل ما يهاجموا فريقهم بياهجموا (ارضية الملعب).
اها رأيكم في ارضية الرد كاسل شنو؟.
لو بتهاجموا جمال سالم دا ما كان حصل.
يمشوا الفاشر ..يقولوا ليك (النقعة) دي لا بتلعب فيها كورة ولا حاجة.
دا ما ملعب.
دي ما طريقة.
مشوا عطبرة ..قالوا (عمر عثمان) كفت ليه حكم بونية في القضارف.
انتوا (سمسم).
مالكم ومال القضارف؟.
يمشوا كادوقلي ..يقولوا ليك الملعب لا يصلح لممارسة كورة القدم.
اهاا (الرد كاسل) كيف؟.
قولوا لينا ..ورونا.
كلمونا ..حدثونا.
ما تتعقدوا.
لو الملعب فيه مشكلة ..بنلقى ليكم (عذر).
بنشوف ليكم (مخرج).
ناس الريح علي اصلو ما غلطانين.
والله برشلونة تلقى شكاويكم دي ..لا ميسي ولا نيمار يلعبوا تانى.
يطلعوها من القون وينتظروا ناس (الصدي) تاني يوم.
اصلو ما بقصروا.
مرة ناس الصدي.
ومرة ناس الزاوية.
ومرة ناس الزعيم.
هسع شكوة هلال الابيض الدور فيها على صحيفة (الزعيم).
شوفوا ليكم اي حاجة.
لو محمدو لاعب هلال الابيض ما سدد فاتورة الكهربة هذا الشهر ..هلال
الابيض بيفقد نقاط المباراة.
اقول ليكم حاجة.
انا شفت قبل المباراة ب (48) ساعة…محمد عبدالله كول بيشرب ليه في
شاي بدون سكر.
دي شكوى جاهزة.
الفيفا قالت ما في لاعب كورة يشرب ليه شاي بدون سكر.
السكر دا عملوها لي شنو؟.
اشتكوا – ما تقعدوا لينا كدا.
طلعوا الجماعة من الحالة دي.
الجمهور مسكين.
كل سنة يحضر القرعة.
ويتابع المباريات.
ويشجع المريخ.
ويجي الهلال يشيل الكاس.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بعدين انتوا يا جماعة خلونا نحسبها.
خلونا ندخل معاكم بالمنطق كدا.
لو هلال كادوقلي بعمل فيكم كدا وبشيل منكم (نقطة).
وهلال الابيض في ملعبكم وبي ضربة جزاء بغلبكم ..هلال السودان يعمل فيكم شنو؟.
ناس بشه.
وكاريكا.
ونزار حامد.
ومحمد عبدالرحمن.
هلال الملايين.
انتوا جنيتوا؟.
اوعكم.
لو لاقيتونا بي فريقكم دا في البطولة الافريقية ..(كورنر) ما بتطلعوا بيه.
قمة الممتاز اصلا بقت (ودية).
من هذا المنطلق.
ومن هذا المنبر.
من (دق الدلجة) دا ..نحن بنقول للكوكي بعد الفضائح دي ..والمستوى
المتراجع للمريخ لا بد من ان يتصدر الهلال مجموعته.
نحن عاوزين نقابل المريخ في نصف النهائي.
عاوزين المريخ.
المريخ بقى مطلب شعبي.
مطلب جماهيري.
اذا كان هلال الجبال وهلال الرمال بعملوا كدا …هلال الامة يعمل فيكم شنو؟.
نحن ما عاوزين اي اجابة من هلالابي.
كدي قولوا انتوا يا مريخاب.
وشوفوا البحصل بعدين شنو؟.
قال شنو؟.
قال المريخ سوف يفوز بالبطولة الافريقية ..(فريق برسب في اللغة
العربية) بيدوه شهادة.
قادي عربي.
خلاص تاني ما نسمعكم بتتكلموا عن الكاس.
بي حالتكم دي كاس السودان السنة دي ما ح تشوفوه.
ولا تحلموا بيه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بعد كدا الانتصار اصبح امر لا بد منه ..حقيقة المريخ بهذه الحالة يعتبر
اسلم معبر للنهائي.
طريق معبد للنهائي.
اتحاد الجزائر خلوه يقابل مازيمبي …نحن عاوزين نقابل المريخ.
يا الكوكي (هدية) زي دي ما بتلقاها تاني.
صيدة زي دي ما تحلم بيها.
شدوا الحيل يا هلالاب ..وزيدوا من عزيمتكم وارادتكم …الناس دي قاعدة
في الصقيعة.
والله يا حليل (العلمة).
العلمة ضللت الناس ساكت.
………….
و
تبقى التحية لشرف احمد موسى الذي ادخل غارزيتو مدرسة.
قفلوا ملف الممتاز.
وبعد شوية ح يقفلوا ملف كاس السودان.
ونتلاقى في نصف النهائي..عشان نقفل المواضيع دي كلها.
سيكافا اقتربت.
سيكافا ملامحها ظهرت.
………..
السيدة (ل)..البنزين ود خالة (الجاز)..لكن علاقة القمح بي (الجاز) شنو؟.
وقرّض على كدا.

انقر هنا لقراءة الخبر من مصدره.