سودارس : (الياسو) دا لو جبتوا ليه (عمة وجلابية) بيسمعكم (مرضان باكي فاقد)

ألمانيا تدعو لتحرك عاجل: السودان يعيش أسوأ أزمة إنسانية ميليشيا الدعم السريع ترتكب جريمة جديدة بعثة الرابطة تودع ابوحمد في طريقها الى السليم ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(الياسو) دا لو جبتوا ليه (عمة وجلابية) بيسمعكم (مرضان باكي فاقد)

كورة سودانية نشر في كورة سودانية يوم 20 - 05 - 2015

محمد عبد الماجد
دق الدلجة
(الياسو) دا لو جبتوا ليه (عمة وجلابية) بيسمعكم (مرضان باكي فاقد)
الياسو دا جايبنو يبيع (شطة)؟.
يفتح ليه (دكان)؟.
يسوق ليه (قندران)؟.
بعد السن دي – الزول دا عاوزين بيه شنو؟.
غايتو إلّا يكون في نيتكم بلد المليون شهيد – تمشوا ليها بي (شهيدكم) جاهز.
انتوا براكم عملتوا الكشف الطبي.
وانتوا براكم القلتوا الزول دا (مصاب).
وما فيه امل.
البخليكم تتراجعوا شنو؟..وتسجلوه.
فلستوا للدرجة دي.
جماعتكم لقوا التسجيلات باقى ليها (24) ساعة ..وبرازيليين الهلال يتخابطوا.
قالوا احسن نسجل (الياسو)..ما عندنا خيار غيرو.
ما في سكة تانية.
مسكوا ليك (الياسو) وسجلوه ليك.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس عمكم الياسو دا ما يتقل في العشا ..الزول دا ما حمل (سلطة اسود).
ما عندو (سنون) للحاجات دي.
الزول الكبير دا ..وقت شفناهو قلنا ما نعلق عليه.
قلنا نعمل رايحين.
قلنا نسكت لمن يعمل ليه (ابداء رغبة) للمريخ عشان ما يقوموا يحولوه للخرطوم الوطني.
او هلال الابيض.
بعدين الزول دا (ابداء رغبة) مع سنو دي يمكن يعملها ليكم (عريضة).
ابداء رغبة شنو؟..في سن دي.
دا مفروض يعملوا ليه زراعة كلي.
او يشيلوا ليه الطوحال.
او يزرعوا ليه رباط صليبي.
الياسو دا كبير في السن.
الزول دا مفروض يحترم نفسو ساكت.
ما في كورة بيلعبوها بعد العمر دا.
نحن وقت شفنا سنو.
قلنا نسكت.
اصلو ما بنقول شيء.
احسن نعمل فيها ما عارفين حاجة.
وما ناقشين اي شيء.
وبعدين وقت الفأس يقع في الرأس نطلع.
التسجيلات الليلة اخر يوم – يعني ما في اي طريقة لتدارك هذا (الخطأ).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس تموتوا بيه كدا لي تسجيلات نوفمبر.
ما عندكم سكة غير (الصبر).
اتعوضوا الله ساكت.
رمضان قرب.
ح يبقى عليكم (جزائريين).
وسخانة.
والياسو كمان.
الحاجات دي كتيرة عليكم.
نحن السخانة مع ناس جوليام وجونيور مجهجهانا.
انتوا مع عمكم (الياسو) دا كيف؟.
دي ما سخانة يسجلوا فيها (الياسو).
ولا ديل جزائريين يجيبوا ليهم (الياسو).
معقولة يا مريخاب ..تسجيلوا ليكم محترف قدر (غارزيتو).
غارزيتو ذاتو بكون اصر عليه – عشان دفعتو.
السن بتحن.
الياسو دا على الاقل كدا بكون زامل غارزيتو في الثانوي العام.
اصرار غارزيتو – اصلو ما بطلع من فراغ.
لكن يا مريخاب – بتبالغوا.
جايبين ليكم زول كبير في السن…تقول دخل البلد دي في (قندران).
يمين دا نحن في (الجوهرة الزرقاء) ما بنشغلو.
ولا بنقبلو.
يقوم يموت لينا ساكت.
الكبر ظاهر.
الكبر ما بندس.
عيونه شاحبة.
ولونه مخطوف.
وسنون ما فيه.
دا عاوزين بيه شنو؟.
الياسو لو صغيّر يكون قدر ابراهيم عطا.
طيب التعب في شنو؟.
وقت بتسجلوا ليكم زول في السن دا – ما تسجلوا ابراهيم عطا.
كان تختصروا الموضوع وتسجلوا ابراهيم عطا.
لو عندكم موقف من اولادكم ..سجلوا مجدي مرجان.
اصلو انتوا عينكم طايرة.
اللاعب ما بتقتنعوا بيه – إلّا لو جاكم من الهلال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس (الامين ود تور الفك) قال ليهم رمضان مع (الجزائريين) ديل ما بطلعوا لينا (رخصة)؟.
هسع يا جماعة نكون واضحين معاكم.
نكون صريحين.
كان تزعلوا وكان ترضوا.
الياسو دا كبير في السن.
متقدم في العمر.
الزول دا بكون اسس دولة مالي.
وبكون على الاقل رفع العلم المالي بعد الاستقلال.
الزول دا (قديم) – القدم ظاهر في كرعينو.
اشرح ليكم الموضوع وابسط ليكم القصة.
عشان تفهموا القصد ..وكلامي يقع ليكم.
الياسو دا لو ركب في (بص الوالي) – البص كلو بقيف ليه.
عارفين ليه؟.
عشان يقعد – عشان كبير في السن.
نحن برضو بنحترم الكبير.
والسن ليها احكام.
جايبين ليكم محترف (الكورة) بشوفها بعد انتهاء الشوط التاني.
واضانو تقيلة.
وبشرب (لبن).
برضو العمر عندو احكام.
الياسو دا لو جبتوا ليه (عمة وجلابية) بدخل ليكم في (مرضان باكي فاقد) من الكوبليه الاول.
دفعة الامين برهان.
ما بقيف ليكم إلّا في (من الاسكلا وحلا).
زول كبير في السن.
اعمل ليه شنو؟.
بعدين انتوا ناقصين يا مريخاب.
كفاية عليكم (كبار الوطنيين).
كمان جايبين ليكم محترف اجنبي (كبير في السن).
انتوا ناقصين؟.
انتوا قايلين نفسكم (صغار).
زول في السن دي – عاوزين بيه شنو؟.
والله زولكم دا يلموا فيه ناس محمد عبدالرحمن ووليد الشعلة في (السبلوقة) ما تلقوه.
يفتركوه ليكم عضم – عضم.
الله يجيب لينا مباراة القمة – مع كبار السن ديل.
ناس وليد علاءالدين واطهر الطاهر ووليد الشعلة ومحمد عبدالرحمن لقوا سوقهم.
لقوا ليهم (راكوبة) يقيلوا فيها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس التجاني ود خلف التوم ..قال ليهم لو عارفين الامور بتصل للحد دا …كان ما اعتزلنا في التسعينات.
كان كورتنا بنلعبها لي وقتنا دا.
غايتو عمكم دا في الجزائر – إلّا تشيلوا ليكم معاه (لبن).
الياسو دا لو ما شرب اللبن ما بلعب.
زول كبير في السن.
وشيلوا ليكم معكم (رق).
الكبر حصل.
الغريب في الامر – الياسو دا مع (كبر السن) الواضح …(مصاب).
كبر واصابة كمان.
مع تقدم في السن زولكم مصاب.
وروني مع كل هذه العيوب …عاوزين بيه شنو؟.
يفتح ليكم فرع بنك؟.
يسوق الترحيل؟.
عاوزين بيه شنو عليكم الله؟.
الامر الما قادر افهمو.
وما واقع لي.
غارزيتو السنة كلها بيشكي من (الهجوم).
سنتو كلها بيشكي.
ما يلقي ليه (مؤتمر صحفي) إلّا يقعد يشكي فيه من هجوم المريخ.
مع ذلك الجماعة ديل انهوا التعاقد مع الكيني (اينغا).
واعاروا (عنكبة).
وسجلوا المدافع الكبير في السن ومصاب كمان (الياسو).
العملية دي …ناس (جزيرة الفيل) بعملوها.
كنا عاوزين من بداية التسجيلات نقول ليكم الكلام البتعملوا فيه دا غلط.
لكن قلنا نحن مالنا.
بي طريقتهم.
خليهم يطينوها.
ويقولوا ليك – غارزيتو قال اعملوا كدا.
لو غارزيتو ما عندو رأس – انتوا برضو ما عندكم رأس.
تخلوا تراوري ..وتشطبوا وانغا.
وبعد دا كلو تعيروا عنبكة.
بي طريقتكم دي ..الشاف علاءالدين يوسف بيلعب في الهجوم في مباريات المريخ القادمة ما كضب.
يا حليل عنكبة.
ولد صغير وجاهل.
يا حليل ابراهيم عطا ..اعتذر في عمر صغير.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس لو عاوزين تمشوا الجزائر بي (الياسو) دا ..سوقوا ليكم معاكم حكم بتسواني.
الزول دا قالوا ضربة الجزاء ما بتلفت فيها.
بعملها قبل تلاتة يوم من المباراة.
ونحن بنعذرو.
ينعذرو بحكم السن.
……….
و
في هدوء تم اعادة قيد نصرالدين الشغيل.
وجماعتكم بي غادي الى الآن بحنسوا في امير كمال.
قالوا امير كمال سعروا وصل تمانية مليار.
وهو واقف في ال (11).
الشغيل ونزار حامد …عادوا قيدهم في منتهى الهدوء.
من غير اي ضجيج.
وبدون مزايدات.
تعالوا شوفوا الحصل في موضوع رمضان عجب.
بعد ما عملوا معاه الاقرار ..حارسنو.
وامير كمال بحنسوا فيه حتى مثول الصحيفة للطبع.
ايمن سعيد والياسو ..ديل من اول ربع ساعة بقطعو.
ولا بقعدوا ليكم اكتر من كدا.
السن ليها احكام.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس (التومة بنت توم الشجر) قالت رطل اللبن في بعض الاماكن قاعدين يبيعوه بي 5 جنيه.
……….
السيدة (ل) – الشاي والقهوة وحتى (العدس) – كلهم ببقى عندهم طعم تاني معاك.
وقرّض على كدا.

انقر هنا لقراءة الخبر من مصدره.