شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    جلوس أكثر من 3500 طالب وطالبة لامتحانات الشهادة المتوسطة بمحلية الخرطوم    جوجل توسّع الترجمة الحية إلى آيفون وآيباد    الدولار يرتفع وسط توترات الشرق الأوسط    إندونيسيا تصبح أول دولة في جنوب شرق آسيا تقيد وصول الأطفال لمواقع التواصل    كل ما تريد معرفته عن نزاعات الزمالك فى الفيفا وخطة النادى لحل الأزمة    تأجيل حفل شاكيرا فى الأهرامات من إبريل إلى نوفمبر 2026    ماجد المصرى: الخلاف فى أولاد الراعى تجاوز المال إلى جوهر العلاقات الأسرية    هل يمكن علاج الكبد الدهنى؟.. دراسة جديدة تربط الوقاية بفيتامين ب3    الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية    شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان    شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين"    شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية    بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية    بسبب ضعف الراتب.. وزير الثروة الحيوانية بالسودان يبحث عن عمل إضافي    هل من أمل في الكرة السودانية؟    إيطاليا تقترب من المونديال    رئيس الوزراء يصدر قرارًا بشأن الرسوم الجديدة في المعابر    بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر    تقارير تكشف عن تحرّكات كبيرة للجيش السوداني    محمد عبد الباسط يكتب: لهذا تحركت باكستان الآن للوساطة بين أمريكا وإيران    توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء    عمرو دياب يحيى حفلا غنائيا فى تركيا 2 أغسطس    السكوت على هذا الأمر لا يرضي الله ولا رسوله!!    دراسة : النشاط البدني مفتاح الوقاية من السكري رغم زيادة الوزن    ماذا قال العميد طارق كجاب بعد إحالته المفاجئة للمعاش؟؟    ارتفاع أسعار الذهب في السودان    أحمد العوضي : بشكر جمهوري إنه عمره ما خذلني وصاحب الفضل فى نجاحي    دراسة تكشف ترابطا بين أمراض معدية وخطر الإصابة بالخرف    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الحسن وعطرون وعلي جعفر تقول عاوزين يركبوا ليهم صيوان
كورة سودانية نشر في كورة سودانية يوم 06 - 12 - 2015


دق الدلجة
محمد عبد الماجد
الحسن وعطرون وعلي جعفر تقول عاوزين يركبوا ليهم صيوان
مرة في زول سألوه قالوا ليه : عدم الموضوع شنو؟.
فكر كدا وقال ليهم عدم الموضوع تجيب ليك (طلب فول)…وتقلب فيه صحن
(كبدة)…وعلبة (ساردين)..وربع كيلو (جبنة).. وكرستال زيت كبير ..وشوية
(عدس) خارجي.
عدس خارجي دي بيعرفوه الروس.
علكيم الله هسع التعب دا ما احسن منه الزول يجيب ليه طلب سمك عديل بدل
اللفة الطويلة دي.
الفول دا لو ضبحت ليك فيه (عجل) ما بتغير.
فول ..فول.
بتتعبوا ساكت.
هسع المريخ دا ..لو ناس سمير فضل منحوه (الممتاز) بتجاوز مربع (الوصيف).
وصيف ..وصيف.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
تاني اصروا على السؤال.
بي ذات الطريقة ..عدم الموضوع شنو؟.
قال ليهم عدم الموضوع تكون بتفتش ليك في (مهاجم).
وقت ما تلقى (المهاجم) تسجل ليك (مدافع) وتقوم تحاول تقنع الجمهور ان
الخطوة دي خطوة ايجابية وما فيها كلمة وهي في مصلحة الفريق.
وشهر مايو ح نسجل المهاجم.
الجماعة قالوا ليه هسع دا عدم موضوع دا؟.
تكون بتفتش ليك في (شقة).
يلاقيك زول بدون مناسبة كدا ويقول ليك لقيت ليك (حواشة).
الحواشة عاوزة تبقى سكن.
تاني..
عدم الموضوع شنو؟.
عدم الموضوع تقرأ ليك اربع كليات.
وتتخرج من اربع جامعات.
واي شهادة تحصل عليها بتقدير جيد.
وفي النهاية تفتح ليك استديو بتاع تصوير.
وتكتب في الاستديو تسليم الصور خلال (4) دقائق فقط.
انت وقت مستعجل كدا …بتقرأ ليك اربع كليات ليه؟.
عدم موضوع.
اشرح ليكم.
مرة في زول اشترى ليه تلفزيون جديد ..اول ما فتح التلفزيون ظهر ليه
(رضا مصطفى الشيخ).
الزول طوالي قال والله لو عارف كدا ما كنت غيرت (الراديو).
زولكم متخيل يظهر ليه من قول تيت (وائل الابراشي) ظهر ليه رضا مصطفى
الشيخ ..(عليك الله قطوعات الكهربة دي ما رحمة).
ساكت بترفضوا الراديو.
عدم موضوع.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
رجعوا تاني يسألوا من عدم الموضوع.
الزول قال ليهم عدم الموضوع تتطلع من البيت وتقول ماشي ناس عمك في
الكلاكلة تقوم فجأة تغير رأيك وتمشي ناس خالتك في (توتي).
في علاقة بين الكلاكلة وتوتي؟.
الجماعة قالوا ليه : ابدا.
الزول قال ليهم بس دا عدم الموضوع.
الجماعة قعدوا يستغربوا في نص الحوش – قالوا ليه والله نحن ما فهمنا اي
حاجة من عدم موضوعك دا.
عدم الموضوع شنو؟.
تشتري ليك بدلة بيضاء مخصوص.
وتشتري ليك (صبغة) كحلية ..عشان تقلب لون البدلة البيضاء.
طيب يا ود الناس انت من البداية ما كان تشتري ليك بدلة كحلية.
في داعي للصبغة.
عارفين الصبغة دي زي شنو؟.
زي لاعب وسط ممتاز تقوم تولفه وتلعبه قلب دفاع.
زي امير كمال.
ناس المريخ ديل لمن يكونوا عاوزين ليهم (مدافع) بفتشوا ليهم لاعب وسط
عشان يرجعوه.
دا عدم الموضوع.
اقول ليكم (عدم موضوع) تشكيلة تانية.
واشرح ليكم …ليه المريخ قدم (ضفر) ورجع (امير كمال).
عليكم الله هسع الموضوع دا ما عدم موضوع.
ضفر في الهجوم ..زي الزول البجيب ليه (مروحة) ويقعد يفككها عشان يحولها (مكيف).
متل الزول البمشي السوق العربي من الصحافة شرق بي كوبري الحلفايا.
اشرح ليكم تاني.
زي الزول البي حاول يقلب مكوة الفحم (مكوة كهربة).
موش في اي بيت في زول كدا بتاع تنظير.
فجأة كدا يقول ليك عاوزين نقلب باب الصالون ..ونعمل لينا شباك للمطبخ.
في علاقة بين باب الصالون وشباك المطبخ.
ما في اي علاقة.
عدم موضوع.
تمشي ليك لي ناس ..لا عاوز تتقدم.
ولا عاوز تخطب.
ولا عاوز تعرس.
ولا عاوز منهم اي شيء.
يقوموا بدون مناسبة كدا يقولوا ليك الحالة واحدة نحن اهل ..والله ما بتمرق ساكت.
يعقدوا ليك طوالي.
زي ناس مريخ كوستي ..مشوا ليهم لي (عطرون) فكوا ليهم (الوك).
عدم موضوع.
مرة في واحد ..تلاجتو اتعطلت.
قدر ما حاول يصلحها ما عرف.
يخج الموية ..يثبت التلاجة..التلاجة ما تشتغل.
يخج التلاجة ذاتها ..يثبت الموية ..التلاجة ما تشتغل.
اخر حاجة ناس الحلة قالوا ليه يا زول احسن تمشي السوق تجيب ليك
(كهربجي) يشوف ليك المشكلة وين؟.
زولكم سمع كلام ناس الحلة ومشي السوق ..اول (كهربجي) لاقهو في السوق
جابوا ليك البيت.
الكهربجي قدر ما فكك ليك التلاجة دي وقلبها ما فهم فيها حاجة.
قدر ما حاول ..التلاجة ما اتصلحت.
اخر حاجة الكهربجي قال للزول بي صراحة كدا (تلاجتك) دي ما عرفت ليها
لكن لو عندكم (مكيّف) متعطل ..ما عندك مشكلة جيبو لي.
الزول قال احسن من يرجعو ساكت – جاب ليه المكيّف.
الكهربجي قعد ليك في (المكيّف) دا فرتكو ليك سلك ..سلك.
ما فهم فيه اي حاجة.
اخر شيء الكهربجي قال للزول والله انا مكيّفك دا ما وقع لي..لكن لو
عندك (مروحة) عاملة صوت ما عندك مشكلة.
الزول طيب ..قال ليه والله (مروحة) الصالون دي ما عاجباني.
الكهربجي مسك ليك (المروحة) فرتكها ليك جناح جناح.
بعد ساعة ونص الكهربجي قال لصاحب البيت والله بي صراحة ما عرفت ليها المروحة دي.
مروحتك دي مروحة انجليزية قديمة..لكن لو عندك (مكوة) اصلو ما عدك
مشكلة…(5) دقائق وبحسم ليك امرها.
صاحب البيت دخل الغرفة وجاب ليه مكوة وجاء طالع.
الكهربجي نزل ليك في (المكوة) ساعة نص تاني.
بعد ساعتين الكهربجي قال لي صاحب البيت ..والله مكوتك دي ما مفهومة
اصلو ..كدا شوف لي مكوة فحم.
جاب ليه مكوة الفحم.
ما عرف فيها شيء.
الكهربجي قال ليه ما عندك خلاطة.
جاب ليه الخلاطة.
الكهربجي فرتك ليك الخلاطة ..مسمار ..مسمار ..ما فهم فيها اي حاجة.
الكهربجي شال الخلاطة وقال لي سيد البيت والله خلاطتك دي ما وقعت لي ما
عندكم (مفراكة).
جاب ليه المفراكة.
كسر ليك المفراكة.
الكهربجي قال ليه اسمع عشان ما اطلع ساكت ما عندكم لمبة عاوزين تركبوها.
جاب ليه لمبة.
ما عرف يركبها.
اخر شيء الكهربجي زهج ..مسك ليك سيد البيت من اضانو وقال ليه والله
اجهزتك دي ما عرفت ليها لكن لو عندكم (غداء) جيبوا لي بجيهوا ليك
..ووصلنا البيت بعد الشاي طوالي عشان ما بلقى لي (ركشة) بعد الوقت دا.
الكلام دا عملوه ناس المريخ مع مريخ كوستي!!.
عدم موضوع.
عدم موضوع بس.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
امس المريخ سجل (عطرون) من مريخ كوستي.
الموضوع دا ذكرني ليك حكاية غطي (قدحك).
تسجيل عطرون في المريخ زي الزول وقت يكون مجبور على بنت عمو.
دا تسجيل (فلس) ساكت.
وعدم موضوع.
عطرون شنو في البرد دا؟.
اتخيلوا الموسم القادم دفاع المريخ بتكون من عطرون وكريم الحسن وضفر
والريح علي وعلي جعفر.
عزومة جاهزة.
تكية.
سماية.
خط دفاع المريخ بقى زي (الاستراحة).
عطرون دا نحن في (الجوهرة) ما بنشغلو ..نجي نلعبو في الهلال.
المريخ بقى (هملة).
اي زول اسمو غريب ممكن يلعب في المريخ.
بغض النظر عن الموهبة.
الدفاع فيه عطرون.
والهجوم فيه خالد النعسان.
تقول عاوزين تركبوا ليكم صيوان.
……….
و
بعد كم سنة يمكن ان يدرب كافالي المريخ.
مفروض ناس الهلال يحددوا البند دا في العقد مع المدرب الفرنسي.
قالوا ليك الجماعة بحاولوا مع (الكوكي).
حركاتكم دي نحن بنعرفها.
نحن حافظنكم حفظ.
شربناكم شراب.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
……..
السيدة (ل)..كهربتنا الايامات دي زي (حنة العريس)..بتجي بعد الساعة عشرة.
وقرّط على كدا.

انقر هنا لقراءة الخبر من مصدره.