سودارس : الطوحال ما فيه مشكلة المشكلة في (رفرف العربية)

وزير الخارجية والتعاون الدولي يلتقي السكرتير التنفيذي للهيئة الحكومية للتنمية (الإيقاد) وزارة الشباب والرياضة تواصل انفتاحها على الولايات قرار مثير لرئيس وزراء السودان ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إضافة علامة تبويب الإعدادات بواجهة "واتساب" إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار المريخ يواصل تدريباته بقوة بكيجالي والدامر انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم ماساة قحت جنا النديهة تطور حاسم بقضية "الاعتداء الجنسي" في منزل لامين يامال كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة ولاية الخرطوم: توجيهات بإعداد وتنفيذ برنامج خاص لشهر رمضان وتكثيف المجهودات لاستقرار الخدمات الرئيسية الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر شاهد.. الفنانة مروة الدولية تغني لشيخ الأمين في حفل خاص: (الشيخ حلو لي والنظرة منك لي شفاء وبفهم مشاعرك بعرفها) هيئة مياه الخرطوم: تحصيل فاتورة المياه لا يشمل القطاع السكني حتى الآن شاهد بالفيديو.. الفنان "الشبح" يرد على زميله "ريحان": (رددت الأغنية في حضورك وأنصحك بعدم البحث عن "الترند" بهذه الطريقة) شاهد بالصورة والفيديو.. سيدة الأعمال ونجمة السوشيال ميديا الحسناء "ثريا عبد القادر" تستعرض جمالها بثوب "التوتل" الأنيق مناوي .. استمرار الدعم السريع في ارتكاب جرائم ممنهجة بدعم خارجي يهدد وحدة السودان واستقراره ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى ضياء الدين بلال يكتب: قوش وآخرون... جرد حساب! عاطف حسن يكتب: بنك الخرطوم.. اعتذارك ماااااا بفيدك .. !! بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الطوحال ما فيه مشكلة المشكلة في (رفرف العربية)

كورة سودانية نشر في كورة سودانية يوم 28 - 04 - 2015

محمد عبد الماجد
دق الدلجة
الطوحال ما فيه مشكلة المشكلة في (رفرف العربية)
جابوا ليه ولد.
قال ان شاءالله ولدي يكبر.
يمشي معاي السوق..(واخبطو في رأسو الكبير دا وقت ما يسمع الكلام).
ويدخل معاي الكورة…(لو طلع مريخابي بقطّع اضنينو).
وارسلو الدكان…(واقول ليه اوعى تنسى الباقي).
شفع الزمن دا بيرمو الباقي.
ويدخل المدرسة…(ويجيني في العشرة الاوائل).
ويخش الجامعة.
ويتخرج من الجامعة.
وعمر الجزلي يسجل معاه (اسماء في حياتنا).
عمر الجزلي يتقطع ليك ..ينتظر ليك ولدك لمن يكبر ويبقى (اسم) في حياتنا عشان يسجل معاه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس الحركات البعملوا فيها ناس المريخ ديل – حركات جرسة عديل كدا من (الترجي).
ما حلوة منكم.
ما ظريفة.
انتوا وقت ناس جمال الوالي بتجرسو كدا – ناس (ضفر) يعملوا شنو؟.
ناس امير كمال لو شافوا جرستكم دي يقولوا عليكم شنو؟.
البثبتهم منو؟.
انتوا تعالوا هنا في حاجة انا ما فاهمها.
في موضوع انا ما واقع لي في رأسي.
دكاترة الزمن ديل – علاقتهم شنو بالعربيات؟.
الواحد تمشي عشان تكشف عندو – اول سؤال بيسألك ليه بقول ليك عربيتك ماركتها شنو؟.
علاقة العربية بالمصران شنو؟.
الواحد تمشي ليه.
تحجز في عيادتو.
وتدفع الشيء الفلاني.
اول ما تدخل عليه ..يقول ليك انت سائق؟.
مالك ومال سواقتي.
عندنا واحد ما خلى ليه دكتور.
اي دكتور يمشي عليه يقول ليه تشيل (الادوية) دي وتجيني بعد شهر.
ولا بتعمل حاجة.
انا ما عارف (العلم) في دي وين؟.
شنو يعني ؟ – الواحد فيهم يكون دكتور طول وعرض.
وعندو نضارات.
وصلعة وسكرتيرة برة.
علاقة الصلعة بالسكرتيرة شنو؟.
الواحد فيهم بعد الحاجات دي كلها بقول ليك …تعال لي بعد شهر؟.
تقول (ايجار).
شهر ليه يعني؟.
زولنا تعبان شديد ..ما خلى ليه دكتور.
مرة يمشي لدكتور باطنية ..دكتور الباطنية يثبتو ليك من اي حاجة.
اول حاجة يقول ليه ما تاكل (كسرة).
ان بقت على الكسرة – الكسرة هينة.
الكسرة ذاتها بقت غالية!!.
شوية كدا يقول ليه ما تاكل سُكريات.
هو السكر وين؟.
السكر طار السماء.
الحمدلله الدكتور منعني منو؟.
نشويات لا.
هو عليكم الله الزمن دا في قروش للنشويات.
دا كان زمان.
اوعك من الدهنيات.
الدهنيات نلقاها وين؟.
دكتور الباطنية منعو ليك من اي شيء.
شفتوا شارع بيتهم ..قال ليه ما تحوم فيه العصر.
إلّا العصر.
اول حاجة الدكتور كان ظريف..قال ليه تقيف لي من (ام فتفت).
ام فتفت في ستين.
اوعك تاكل (اللحوم).
ويمشي ليك شوية شوية ..لمن يوقفو ليك من (الموية الباردة).
الموية الباردة لا.
عليكم الله – هو نحن فاضل لينا شنو غير الموية الباردة.
كمان الموية الباردة عاوزين تمنعونا منها.
صاحبكم شاف الممنوعات دي كلها.
منعوه من اي حاجة.
صاحبكم وقت جابوا ليه (صينية الغداء) ..ولقى فيها (21) صنف كلها ممنوع منها..عاين للصحون ..وقال لي ولدو جيب لي التلفون داك.
جابوا ليه التلفون.
ضرب للدكتور.
قال ليه يا دكتور اسمع …انت منعتني من اي حاجة لكن ما قلت لي اكل شنو؟.
بعد كدا إلّا انزل لي رصيد (زين).
إلّا اشتغل تحويل رصيد.
الدكتور قال ليه : لا اوعك..نزل (سوداني)..زين بتغلط معاك.
ناس زين قاموا زعلوا.
قالوا الدكتور قاصدهم.
ما تزعلوا يا ناس (زين) – زول ممنوع من (السكريات)..طبيعي جدا يكون ممنوع من (زين).
شقتوا صلحتها ليكم كيف؟.
والله انا ما عاوز اصلحها.
ولا قاصد حاجة.
لكن عاوز اوريكم ان الدكاترة ديل الواحد فيهم بقى ما بكتب ليك حاجة إلّا يكون مستفيد منها.
يعني زي الرصيد.
هسع انت لو شريحتك سوداني ..ونزلت فيها رصيد (زين)..الرصيد بنزل ليك.
ولو شريحتك (ام تي ام) ونزلت فيها (سوداني)..الرصيد بنزل.
طبعا لا.
الموضوع ما صعب.
ما تقعدوا تتلفتوا لي كدا زي الستائر المركبة جديدة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس الواحد لو لقي ليه (ام فتفت) في الصباحية دي – ما كعبة معاه.
دكتور يقول ليه عندكم مشكلة في المرارة.
يشيلوا المرارة يكتشفوا ليك ان المشكلة اصلا ما في المرارة.
المشكلة في المواصلات.
يقولوا المشكلة في المصران الاعور.
يشيلوا المصران الاعور يكتشفوا ليك المشكلة في حتة تانية.
المشكلة في قناة النيلين.
يقولوا ليه مشكلتك في (الضرس).
الضرس سبب البلاوي دي كلها.
يشيلوا (الضرس).
يكتشفوا ليك المشكلة في الكلي.
يشيلوا الكلي.
تطلع المشكلة في الكهرباء.
يقولوا ليه ابدا.
المشكلة في الطوحال.
يشيلوا الطوحال – تظهر ليهم كارثة جديدة.
اخر حاجة زولكم مشى ليه لي دكتور خطير.
قالوا ليه لو الدكتور دا ما عالجك تمشي طوالي (احمد شرفي).
خلاص دي اخر مرحلة.
مشى للدكتور.
الدكتور قعد ينزل ويطلع.
ويفتح في التلاجة.
انا ما عارف السر في ذلك وين؟.
اي دكتور بضع ليه تلاجة وراهو ..وبيقعد يشرب منها.
حركات دكاترة.
الدكتور فتح التلاجة زي القاموس القاعد قدامو دا..وقال ليه انت مشكلتك ما في (الطوحال).
قال ليه مشكلتي في شنو يا دكتور؟.
قال ليه مشكلتك في (رفرف العربية).
زولكم ضرب التربيزة وقال للدكتور ينصر دينك ..انت ما تقول كدا من الصباح.
انتوا عارفين الدكتور قال كدا ليه؟.
عشان زولكم ما فضل فيه حاجة.
لا عندو مرارة.
ولا عندو طوحال.
ولا عندو كلي.
ولا عندو مصران اعور.
ما فضل ليه حاجة غير (رفرف العربية).
كمان بتاعين العربيات ديل وقت تمشي ليهم ..ما بخلوا ليك حاجة.
يطلعوا ليك العربية فيها مليون مشكلة.
ما تفهم اي حاجة.
المهم زولكم قال الحمدلله – البقت على (الرفرف).
لو كان على (الرفرف) هينة.
صلح الرفرف ..قالوا ليه المشكلة في العادم.
غيّر العادم.
قالوا ليه سير الكتينة.
الحاجات الكانوا بعملوها فيه …كلها عملوها في عربيتو.
لمن خلاص وصل لي مرحلة تبديل (اللساتك)..لقى ليك (عمر الجزلي) بفتش عليه.
قالوا ليه عمر الجزلي عاوز يصور معاك (اسماء في حياتنا).
من قالوا ليه كدا – عرف ليك الموضوع كبر اوي.
وايامو بقت معدودة في الحياة.
كلنا ايامنا معدودة ..(ما تزعلوا ساكت).
ما تقعدوا تشرعوا لي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس الواحد لو اهدوا ليه (مكيّف) في الايامات دي يكونوا اصلو ما قصروا معاه.
طبعا المريخاب مع (الترجي) دا شايفين ليك (المكيفات) الايامات دي زي سرير الحديد.
ما عندها اي قيمة.
……….
و
الايامات دي ربنا يخلي لينا (بشه).
محل ما يقبلوا يلقوا بشه.
ربنا يزيد كمان وكمان.
انتوا تعالوا هنا ..السر شنو ناس الهلال ديل يجيبوا هدفين ويقفلوا على كدا.
يجيبوا ليك هدفين من نص ساعة ..وتاني ما تشوف اي هدف.
في حكمة في الموضوع دا.
يكونوا قاصدين حاجة.
الترجي اتصدر الدوري التونسي.
استلم الصدارة.
الروح المعنوية فوق.
…..
السيدة (ل)..الملاريا الزمن دا ما بتنقلها البعوض…الملاريا الزمن دا بتنقلها (النيلين).
خلوا نقل المباريات وبقوا ينقلوا في الملاريا.
وقرّض على كدا.

انقر هنا لقراءة الخبر من مصدره.