سودارس : ★شيبوب.. يتحدي الملل★

قرارات اجتماع اللجنة التنسيقية برئاسة أسامة عطا المنان تراجع أسعار الذهب عقب موجة ارتفاع قياسية مناوي : حين يستباح الوطن يصبح الصمت خيانة ويغدو الوقوف دفاعآ عن النفس موقف شرف عثمان ميرغني يكتب: لماذا أثارت المبادرة السودانية الجدل؟ شول لام دينق يكتب: كيف تستخدم السعودية شبكة حلفائها لإعادة رسم موازين القوة من الخليج إلى شمال أفريقيا؟ الخارجية ترحب بالبيان الصحفي لجامعة الدول العربية ألمانيا تدعو لتحرك عاجل: السودان يعيش أسوأ أزمة إنسانية ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

★شيبوب.. يتحدي الملل★

كورة سودانية نشر في كورة سودانية يوم 18 - 12 - 2015

★★نبض الصفوة★★
★★امير عوض★★
★شيبوب.. يتحدي الملل★
https://m.facebook.com/nabddalsafwa/
★لا هو باللاعب الظاهرة.. و لا هو بالنجم الأبرز في الكشف الأحمر..
★لكنه الآن أصبح يحمل مشعل "الكرامة" المريخية ضد عبث العابثين..
★مسلسل دراماتيكي عاش الجميع كل تفاصيله بإندماج و إندهاش أفغر الأفواه..
★و الكل تابع تسرب اللاعب من بين أيدي الهلالاب كما تتسرب الماء..
★يومين.. و جوبا واقفة علي "كراع واحدة"..
★يومين.. و مقبول لا نام لا ضاق الزاد..
★من العليهو..
★العليهو كتر والله..
★الجوازات طيرت عيشتو..
★من أمس بمسكل لي كردنة بالواتساب..
★حتقولوا لي ليه بالواتساب؟!!
★يعني ما عارفين أنو حظرو من سجل الهاتف..
★جردلو..
★لما تحذف ليك إسم موش بتكب في جردل..
★أها.. دي الجردله ذاتها..
★مقبول مجردل..
★المريخاب دخلوا ليهو في عيشتو..
★لا دائم إلا وجه الله..
★جوبا دي قلبه طوبه طوبه..
★و اللاعب فص ملح و داب..
★يا ربي المريخاب ديل دسوا الولد وين..
★فتشت كل البيوت يا مقبول..
★إلا حته وااااحدة..
★فتش بيتكم..
★المريخاب ديل شفوت.. بكونوا دسوا الولد في الصالون..
★فتش تحت السراير..
★جوه الزير..
★تحت حجر الساعة..
★ما تتخلع.. عادي بعملوها الشفوت..
★ديل بدسو اللاعب شهرين خلي يومين..
★العجب ده دسوهو شهرين..
★لما الناس نست شكلو..
★لما جاء طالع من المخبأ ناس الحلة ما عرفوهو..
★أنت من يومين نفسك قام..
★شيبوب ده نحن ناوين ندسو بس..
★أصلو ما دايرين نلعبو..
★نشغلو مدسوس بس..
★حنخليهو مدسوس في جوبا دي سنين..
★لما يتخلل..
★ده كلو مغصة ليك..
★عشان تاني محل تمشي تكون مدنقر للأرض..
★السيلفي ده لو ما ودرك.. تاني ماف شئ بودرك..
★عاين كردنة السيلفي ضعفو كيف..
★هسع ده كردنة الإترشح زمان؟
★نصو راح..
★المريخاب خلع ساكت شالو الربع..
★و الربع التاني الأرباب..
★الأرباب كل يوم ينق..
★أكل لحم الراجل بالنقة..
★أنت قايلو بقي يلبس كسكته ليه؟
★الكلام ده سر.. ما تذيعو في جوبا..
★جوبا دي ضيقة..
★أها السر في الكسكته هو الضعف.. لو لبس العمه بملصها..
★زي ملصتك لي شيبوب..
★شايف الرشيد قبل عليك..
★كلمتك أنا من ملصة ألوك..
★الكار ده ما كارك..
★خليك في حالك..
★براك تاني اتهورت و اشتريت كرت هاوي..
★تاني ملصه..
★و ما خليت زول في القبيله ما رسلتو..
★الأسياد كل يوم عامله لقاء مع زول..
★لكن مفروض تكون اتدربت في الوك..
★برضو ملصت شيبوب..
★ده شنو ده..
★مقبول انت واللا مملوص..
★فلاحتك في شيل الجوازات دي لو طبقتها في الحراسة كان جابوك بدل مكسيم..
★فطومة طبعا بلعت الحبوب بدري و نامت..
★لما مواعيد المقال فاتت هي تشخر..
★يا حسرة بلعت فاليوم..
★الليل كلو تهضرب..
★و تشابي..
★شيبونه.. اوعه تعتزلي..
★انت ما اعتزلتي في العقرب.. يشيبنك شيبوب..
★المهم.. واصلي في الحبوب..
★احتمال تتحسني..
★عندكم قرض..
★لوكي.. قبل الاكل و بعد الاكل..
★لكن كويس انو شيبونه احتجبت..
★لأنو الشبيب هاجم اي حاجه في الهلال..
★شاكل ضلو عدييييل بالمغصة..
★هاجم الاعلام الشليق..
★قروبات الواتساب ما خلاها..
★مقبول ذاتو ما خلاهو..
★والله مقبول ده الحيروح في الرجلين بعدين..
★قلت لي المريخاب بتماسكو..
★مريخاب ديل واللا عجينة..
★شكلك بتحضر ناشونال جغرافيك كتير..
★عندك مواهب في طبخ سمكة التونة العنيدة..
★نظام الولد عارف أي حاجة..
★و هو ما عارف شئ..
★قال مقبول نزل اللاعب في نفس الفندق..
★ما تغش الهلالاب ديل ساكت..
★ما تخمهم بالهواء..
★الوك كان نازل في فندق بلازا سنتر..
★و شيبوب في فندق جيمس في حي ملكال..
★ما تنفخنا في البرد ده..
★قال الاعلام الشليق..
★هو في شلاقة اكتر من دي..
★أموت و اعرف محمد صلاح ده منو؟
★يكون محمد صلاح بتاع روما يا ربي؟
★نظام الود مخابرات..
★الشبيب اخوي.. ابلع حبتين حبتين..
★حالتك متأخرة شديد ياخ..
★العراب قال رئيسنا كضاب..
★تااااااني..
★الزول ده ما مبرمج..
★زول يختو في الصامت..
★خلوهو هزاز ان شاء الله..
★ده لو بقي رئيس دولة.. تصريحات ساكت بقوم الحرب العالمية التالته..
★كضاب عديل..
★بالغت والله..
★ده وصف تقولوا عن رئيس نادي المريخ..
★والله انت فوت الكبار و القدرك..
★في الهرج و التهريج..
★ونسي المهذب لو كضاب.. انت تبقي شنو؟
★انت كضبك موثق..
★بالصور و الفيديو..
★أي سيلفي وراها كضبه..
★قال كضاب قال..
★أنت ما قلت العقرب تاني ما بدقها..
★و قلت حتحل الاتحاد..
★و تحل الإستئنافات..
★و حتشتكي مجدي و أسامه..
★و حتنسف الدوري..
★ونسي لو كضاب.. انت تبقي قنبال..
★قنبال و شنبال..
★شنبال دي عشان شيبوب..
★عايزين ناس العربي يدخلو لينا حرف شوب في وسط الحروف..
★خلوهم يبقو 29 حرف..
★أهم حاجة الشوب يكون ارتكاز للحروف العربية..
★و نغير المناهج..
★و محو الأمية..
★كلو لازم يدرس بالمقرر الجديد..
★الشوب ضروري..
★محمد عبدالماجد كالعادة اتشبب..
★قصدي احتجب..
★ما بتحمل اللعب الضاغط..
★يكون بلع من كورس شيبونه..
★راجينك للحول..
★في رائي نديكم شيبوب والله..
★كفاكم عذاب..
★اتبهدلتوا و لونكم بقي شاحب..
★أزرق مايل للسواد..
★بقيتو زي ظهر زمان..
★أوعكم من السيلفي باللون ده..
★شكلكم حيكون وحش..
★و السيلفي حيهيج المريخاب عليكم..
★أها.. في تيم فحص الجوهرة الزرغاء واللا طنشتو كلامي..
★أنا حذرتكم..
★الصورة انتشرت و الجوهرة اتهددت..
★ال12 عمود ديل اقل حاجه بكون اتشققو..
★هي جوهرة واللا مسيد..
★12 عمود دي تشيل شنو و تخلي منو..
★عارفين جمهوركم شوية..
★ستة عمدان قاضياكم..
★المشكلة لو الصفوة جوكم في كورة قمة..
★ال12 عمود دي اولتراس الأسود ما بتشيل نوباتهم..
★خليك من باقي الأولتراسات و التنظيمات..
★بالذمة الموج الأزرق كلو حيقعد في 12 عمود..
★عن نفسي استادكم ده في التلفزيون ما بشوفو..
★أقل حاجة برمي لينا الديقتال..
★12 عمود دي الديقتال ما بتشيلو..
★نحن محضرين ليكم مفاجأة..
★حنجيب ليكم السم العقود في مجلسنا القادم..
★محمد سيد احمد فرتاق صفوفكم جت..
★جايبين ليكم الأسد الما بعرف الخوف..
★تاني إنسحاب ما بحلكم مننا..
★إلا تهاجروا..
★بس قبل تهاجروا..
★عندنا عندكم.. جوازين و كرت.
★نبضة أخيرة★
اجغم يا الهلال و ستف كريشتك روب..
قدر ما حذروك رافض عديل ما تتوب..
بعد العقرب الصاقعة الخطير شقلوب..
اخدتا الصفعة تاني و فارقك شيبوب.
تابعوني خلال صفحتي بالفيس بوك: نبض الصفوة https://m.facebook.com/nabddalsafwa/

انقر هنا لقراءة الخبر من مصدره.