سودارس : تحالف المريخ جابهم (السيلفي) مع جمال الوالي

تكية الفاشر تواصل تقديم خدماتها الإنسانية للنازحين بمراكز الايواء مصالح الشعب السوداني.. يا لشقاء المصطلحات! الجيش عائق لأي مشروع وطني في السودان إلى حين إشعار آخر! تايسون يصنف أعظم 5 ملاكمين في التاريخ السودان.."الشبكة المتخصّصة" في قبضة السلطات نقل طلاب الشهادة السودانية إلى ولاية الجزيرة يثير استنكار الأهالي ريال مدريد لفينيسيوس: سنتخلى عنك مثل راموس.. والبرازيلي يرضخ مقتل 68 مهاجرا أفريقيا وفقدان العشرات إثر غرق قارب توّترات في إثيوبيا..ماذا يحدث؟ اللواء الركن (م(أسامة محمد أحمد عبد السلام يكتب: موته وحياته سواء فلا تنشغلوا (بالتوافه) مسؤول سوداني يردّ على"شائعة" بشأن اتّفاقية سعودية السودان..إحباط محاولة خطيرة والقبض على 3 متهمين دبابيس ودالشريف منتخبنا المدرسي في مواجهة نظيره اليوغندي من أجل البرونزية بعثة منتخبنا تشيد بالأشقاء الجزائرين دقلو أبو بريص هل محمد خير جدل التعين واحقاد الطامعين!! اتحاد جدة يحسم قضية التعاقد مع فينيسيوس حملة في السودان على تجار العملة إعلان خارطة الموسم الرياضي في السودان غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم المصرف المركزي في الإمارات يلغي ترخيص "النهدي للصرافة" الخرطوم تحت رحمة السلاح.. فوضى أمنية تهدد حياة المدنيين أول أزمة بين ريال مدريد ورابطة الدوري الإسباني "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان بزشكيان يحذِّر من أزمة مياه وشيكة في إيران لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تحالف المريخ جابهم (السيلفي) مع جمال الوالي

قوون نشر في قوون يوم 20 - 08 - 2015

· ولهذا غني عبدالله البعيو (صورتك الخايف عليها)..ما في زولة بتدي ليها زول صورة ساكت
· من بين طرائف السيلفي هو ما تداولته المواقع في الفترة الاخيرة عن لاعب افريقي سجل هدفا فأخذ (سيلفي) مع زملائه في الكنبة
· زمان الصورة دي إلّا لجواز السفر ..هسع لو اكلت ليك (بطيخة) لو ما صوّروك ما بخلوك تمشي على البطيخة
· تم التوصل إلى تاريخ أول صورة (سيلفي) في التاريخ ووجدت صدفة في البوم صور عائلة إنكليزية يعود تاريخ التقاط الصورة إلى سنة 1926
· الموسوعة الحرة تعرف (السيلفي) على ذلك النحو :
·
· (سيلفي (بالإنجليزية : Selfie) أو (الصورة الذاتية) أو (الصورة الملتقطة ذاتيا)، وهي عبارة عن صورة شخصية يقوم صاحبها بالتقاطها لنفسه باستخدام آلة تصوير أو باستخدام هاتف ذكي مُجهزة بكاميرا رقمية، ومن ثم يقوم بنشرها على الشبكات الاجتماعية (فيس بوك، تويتر، إنستاجرام وغيرها)، وذلك لاعتمادها كصورة رئيسية في ملفه الشخصي أو لتسجيل حضوره في مكان مُعين أو إلى جانب أشخاص مُعينين، أو حتى للتعبير عن حالة نفسية مُعينة. عادة ما تكون هذه الصور عبارة عن صور عفوية لا تتسم بأية رسمية ، ويقوم صاحبها بالتقاطها عبر الإمساك بآلة التصوير بيده وتوجيه الكاميرا إليه أو عبر توجيهها إلى مرآة عاكسة في حال ما إذا لم يتوفر الهاتف الذكي على كاميرا أمامية).

· انتشرت في الفترة الاخيرة صور السيلفي وهي رغم قدمها الذي يرجع الى القرن التاسع عشر إلّا انها كثقافة وكمصطلح دخل حياتنا سنة 2002م ، حسب ما سيرد لاحقا من عرض.

· حيث اصبح (السيلفي) عمر الجزلي بتاعنا يوثق لكل خطواتنا..وما بخلي ليه شيء ..حتى اضحت كل شيء بسبب السيلفي (اسم في حياتنا).

· الواحد بقى لو صلح ليه فول ساكت ..يثبتوه ليك قبل اي شيء عشان السيلفي.

· مرات الواحد بتصور ليه مع (فرخة).

· ومرات مع خروف العيد.

· ومرات في العربية.

· وكلها (سيلفي) يلف العالم كلو.

· الموضوع قد يصل حد (الهوس) عبر التبادل (السيلفي) بين الاطراف في مواقع التواصل.

· ويمكن ان يأخذ شكل (نرجسي)...اذ تصبح مهموم بان تلتقط لنفسك صورة ذاتية تجعلها اجبارية على كل معارفك.

· وتنتظر التعليق عليها.

· النرجسية لا تبعد من الامر طالما عرفت الصورة بانها صورة (ذاتية) وان ذهبت بعض الآراء الى اعتبارها نوع من الثقة والاحتفاء بالنفس او بالموقف والذكري.

· من بين طرائف السيلفي هو ما تداولته المواقع في الفترة الاخيرة عن لاعب افريقي سجل هدف فاخذ (سيلفي) مع زملائه في الكنبة.

· ويبدو السيلفي واضح بشكل كبير في كل الاحتفالات ومباريات التتويج والبطولات حيث تتداول الجماهير ومواقع التواصل والصحف الالكتروينة (السيلفي) للاعبين والمدرب ويدخل في الامر حتى المشجعين.

· قبل ما ندخل في الموضوع اشربوا ليكم كباية شاي.

· وقبل كباية شاي ...نكمل التعريف للسيلفي حسب ما جاء في (الموسوعة الحرة) عشان ما نكون بنتكلم ساكت.

· او بنقطع من رأسنا.

· تقول الموسوعة : (بالرغم من مُساهمة الشبكات الاجتماعية في انتشارها، إلا أن نشأة هذا النمط من الصور يعود إلى نهايات القرن التاسع عشر وبدايات القرن العشرين وذلك بفضل كاميرات براوني، حيث كان المصورون الذين يلتقطون تلك الصور الشخصية يستعينون بمرايا لالتقاط تلك الصور. أما عن تسمية Selfieفتعود إلى سنة 2002 على المُنتدى الإلكتروني الأسترالي ABC Online، قبل أن يتم اعتمادها على نطاق أوسع سنة 2012 وقد عرف هذا المصطلح إنتشارا واسعا جدا عالميا بعد صورة السيلفي الشهيرة التي إلتقطتها ألين دي جينيريس في حفل توزيع جوائز الأوسكار السادس والثمانون مع أشهر نجوم هوليوود.لقد تم التوصل إلى تاريخ أول صورة (سيلفي) في التاريخ ووجدت صدفة في البوم صور عائلة إنكليزية يعود تاريخ التقاط الصورة إلى سنة 1926 وتم التقاطها بواسطة عصا سيلفي أول صورة سيلفي في التاريخ من عام).

· عليكم الله هسع الكلام دا ما بجيب للزول وجع رأس ..مالنا ومال (السيلفي) نحن.

· والله زمان وقت نتصور ..ننتظر (15) يوم عشان الصورة تطلع.

· وكان بتطلع كعبة كمان.

· لمن تنكر نفسك.

· كنا بنمشي استديو (الشباب) كل يوم في شندي ..ويقولوا لينا الصور بتصل بكرة من الخرطوم.

· والصورة في التحميض.

· ولمن يقولوا ليك الصور حرقت ..تجيك نفسيات عديل كدا ..وتفكر في الهجرة والمغادرة.

· الصورة ذاتها كانت إلّا في المناسبات ..ما في صور ساكت كدا ..الصور كان عندها قيمتها ومكانتها.

· ما لعب زي هسع.

· الزول عمرو كلو بتصور في حياتو اربع مرات.

· مرة للمدرسة وامتحانات الشهادة.

· ومرة في العرس.

· ومرة للجواز.

· ومرة للحج.

· تاني ما في لعب.

· ومرات كدا زمان كان في آخر السنة بجيبوا ليهم مصور في المدرسة يقوم يصور ليك ناس الفصل كلهم.

· ويجيبوا ليك (الناظر) واقف مع التلاميذ في المسرح.

· والصول في آخر الصف...(الله يرحمه ويغفر ليه).

· الغريبة اي صول في الصورة مات.

· دي الحاجات الكنا بنعرفها عن (الصور).

· غير الحاجات دي والله يقبضوك متصور يطلعوك برة البلد..عشان كدا انا كنت كلمتكم عن غلاوة الصورة ومكانتها.

· ولهذا غني عبدالله البعيو (صورتك الخايف عليها)..ما في زولة بتدي ليها زول صورة ساكت.

· إلّا صورة الخطوبة.

· غير كدا لو شافوا عندك صورة (بنت) ..لو بقت (ليلي علوي) بقطعوا ليك رأسك.

· الصور كانت غالية ما زي هسع ..(هملة) ساكت.

· السيلفي هسع بوظ الحكاية وفقد الصورة مكانتها.

· الصورة كان عندها شوق.

· يعني لو ما لبست جديد للصورة واتعطرت ..وطلعت من علبك ما بتتصور.

· هسع عادي يصوّرك بالعراقي ..قايم من النوم زي جدول تلاتة.

· اول جدول تلاتة بقوم من النوم.

· انا عارف.

· ما تسألوني.

· ما بحب الاسئلة الكتيرة.

· ولمكانة الصورة وندرتها كان محمد وردي من كلمات الشاعر اسحاق الحلنقي بغني (توعدنا وتبخل بالصورة).

· يعني ممكن يوعدوك بالصورة ..لكن لو كسرت رقبتك (كش) كدا ..ما بدوك ليها.

· تعال شوف الآن ..اي صورة ممكن تتحصل عليها ..وكمان في صور خاصة حايمة في المواقع والموبايلات.

· ولا في زول بيزعل.

· ولا في زول بقول حاجة.

· يزعلوا كيف ..اذا كان الزول لو عاوز ياكل بثبتوه عشان الصورة.

· لو عاوز يبارك .يصوره.

· لو عاوز يقعد يصوره.

· زمان الصورة دي إلّا لجواز السفر ..هسع لو اكلت ليك (بطيخة) لو ما صوّروك ما بخلوك تمشي على البطيخة.

· طقوس الصور ومظاهرها راحت ..يعني زمان نحن لمن نمشي استديو الشباب او استديو فنون في شندي ..اول حاجة ينزلوا لينا الستارة.

· من يومنا كنا بنقول لو الستارة (حمراء) ما بنتصور.

· نحن في (اعدام).

· وكان الواحد فينا من فلهمتو لو ما شال ليه (زهرة) ما بتصور ..منتهى الرومانسية.

· ما عارف موضة انك تصور وتكون شايل ليك (زهرة) اختفت ليه؟.

· زمان لو ما شلت ليك زهرة ما بعتبروك اتصورت ..ولا بعتبروك زول مفتح.

· بقولوا عليك دائش ساكت وما مفتح وما بعرف يتصور.

· والضحكة كانت جزء اصيل من الصورة.

· لو ما ابتسمت ..(الفلاش) ما بضرب.

· عليك امان الله ..هسع السيلفي يجيبوك بي مظهر ..ما بتعرف نفسك..تقول في انتظار تنفيذ الاعدام.

· انتوا الخلق دي بتجيبوها من وين؟.

· تتخيلوا الكلام عن (الصورة) نساني مناسبة الموضوع ...قربت اختم العمود وما ادخل ليكم في الموضوع.

· المناسبة شنو ما عارف؟.

· اتذكرت ..المناسبة ..(تحالف معارضة) المريخ.

· تحالف المريخ جابوهم ليك بتصوروا في بيت جمال الوالي ..جماعتك ما صدقوا.

· اتصوروا ليك مع جمال الوالي ونسوا ليك بياناتهم..وكلامهم الكانوا بقولوه في جمال الوالي.

· اختصروا ليك الموضوع كلو في صورة (سيلفي) بلا بيانات بلا لخمة معاكم.

· عملتوا لينا جوطة وزحمة ساكت.

· نادر مالك عامل لينا فيها كبير المنظرين ..تنظير وفلسفة في الفاضي.

· كلام ساكت.

· وجعفر قريش ..لو رجع وبقى مدير كورة ما تستغربوا.

· الجماعة ديل قاعدين ساكت.

· الناس ديل كانوا صابرين كيف؟.

· قاعدين على الهبشة.

· خفتهم في صديق علي صالح ما شفناها.

· التحالف قال يلحق (القطر).

· قطرجمال الوالي لو اتحرك تاني ما بتلحق.

· القطر بفوت.

· خافوا المريخ يجيب ليك كأس او يصل دور الاربعة وهم يكونوا برة الشبكة.

· عشان كدا قالوا احسن يوثقوا لي نفسهم ب (السيلفي).

· بعدين يمكن يغالطوهم...يقوموا طوالي يطلعوا ليهم (السيلفي).

· يعني هم جوة اللعب.

· غايتو الزول وقت يكون (خفيف) خاصة لو كان معارض بتبقى ما حلوة فيه.

· يا جماعة اتقلوا شوية.

· المريخ هسع بيطير.

· شفتوا من جابوا ليهم طيارة خاصة ..بقوا على (الطيران).

· خلاص غادروا.

· ....

· ملحوظة : البسمع نادر مالك بتكلم عن عمر بخيت بقول القبة تحتها معارضة.

هوامش

· عبدالصمد اسرع زول يمكن يرجع للاستقالة.

· يجيبوه الليلة.

· بكرة يتسقيل.

· اسبوع ما بنتظر.

· طبعا نحن ما قاعدين نفرق بين الاستقالة والزعلة.

· كلها عندنا واحد.

· ايمن سعيد لو الحكام بكرتوه ما كان بعمل حركاتو البعمل فيها في معسكر المريخ دا.

· نحن نيلسون عاوز يعمل لينا نفس الحركات طوالي وقفوه.

· حاجات زي دي نحن ما بتنفع معانا.

· ولا بنلعب.

· ولا بنقبل بيها.

· كمان نحن ناقصين لينا (ترابيز).

· ايمن سعيد من الليلة اسمو ايمن تربيزة.

· عاجبو عاجبو ..ما عاجبو يمشي اهلو طوالي.

· ...........

· عاجل : ابوجريشة بعد ما رجع قال لقى (التورتة) غلت!!

انقر هنا لقراءة الخبر من مصدره.