سودارس : شمال شرق (العين) جنوب غرب (الخد) !!

وزيرا الداخلية والعدل: معالجة قضايا المنتظرين قيد التحرى والمنتظرين قيد المحاكمة صقور الجديان في الشان مشوار صعب وأمل كبير الشان لا ترحم الأخطاء والي الخرطوم يدشن أعمال إعادة تأهيل مقار واجهزة الإدارة العامة للدفاع المدني الإسبان يستعينون ب"الأقزام السبعة" للانتقام من يامال مصطفى بركات: 3 ساعات على تيك توك تعادل مرتب أستاذ جامعي في 6 سنوات تكية الفاشر تواصل تقديم خدماتها الإنسانية للنازحين بمراكز الايواء مصالح الشعب السوداني.. يا لشقاء المصطلحات! تايسون يصنف أعظم 5 ملاكمين في التاريخ السودان.."الشبكة المتخصّصة" في قبضة السلطات ريال مدريد لفينيسيوس: سنتخلى عنك مثل راموس.. والبرازيلي يرضخ مقتل 68 مهاجرا أفريقيا وفقدان العشرات إثر غرق قارب توّترات في إثيوبيا..ماذا يحدث؟ اللواء الركن (م(أسامة محمد أحمد عبد السلام يكتب: موته وحياته سواء فلا تنشغلوا (بالتوافه) مسؤول سوداني يردّ على"شائعة" بشأن اتّفاقية سعودية السودان..إحباط محاولة خطيرة والقبض على 3 متهمين دبابيس ودالشريف دقلو أبو بريص هل محمد خير جدل التعين واحقاد الطامعين!! اتحاد جدة يحسم قضية التعاقد مع فينيسيوس حملة في السودان على تجار العملة إعلان خارطة الموسم الرياضي في السودان غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

شمال شرق (العين) جنوب غرب (الخد) !!

كورة سودانية نشر في كورة سودانية يوم 14 - 02 - 2016

بالعربي الكسيح
محمد الطيب الأمين
شمال شرق (العين) جنوب غرب (الخد) !!
* واحدة من أكبر مشاكل الجمل انه لا يلاحظ (عوجة رقبته) ، ولذلك تجده يضحك علي بقية الحيوانات ..
* يظن الجمل ان (عوجة رقبته) زينة ، بينما تراها بقية الحيوانات (عيب خلقي) ..
* وما ينطبق علي (رقبة الجمل) ينطبق علي إعلام المريخ الذي يظن ان (إعوجاج فريقه) زينة بينما نراه نحن نقص ونقص كبير ..
* إعلام المريخ يتحدث عن (هدف صحيح) لأهلي شندي في شبكة الهلال بينما كل فريق في الممتاز عندو علي الأقل (3) اهداف في شبكة المريخ غير محتسبة ..
* فاقد الشئ لا يعطيه والمريخ مستفيد من الظلم ولذلك عليه ان لا يتحدث عن المظاليم ..
* بمناسبة المظاليم ..
* وين أخونا (الأراقوز) ؟؟
* في الثقافة العامة بيقول ليك : (مد كراعك قدر غطاك) ..
* ومن إفرازت الأزمة التي فجرها الهلال في الموسم السابق هي : (كل زول تصريحاتو قدر لقيماتو) ..
* لو شبعت لقيمات تصريحاتك بتكون كتيرة ومسيخة ولو كما أكلت لقيمات نص نص كده تصريحاتك بتكون معتدلة ..
* واظن واضح بالنسبة ليكم من هم الذين (تقلُو في ضرب اللقيمات) ؟؟
* غايتو جنس غايتو ؟؟
* في الوقت الذي كان فيه كافالي يوقع علي العقد بفندق القراند هولدي فيلا كانت (بصلته في النار) ..
* ولذلك إقالته غير مستغربة ..
* ناس الهلال بقو بجهزوا (خطاب) إقالة المدرب مع (خطاب) التعيين مباشرة ..
* بعملوا خطابين .. واحد خطاب تعيين والخطاب التاني بتاع إقالة ..
* والله صحي ..
* هسه مش طارق العشري المفروض يجي الليلة ويوقع العقد ؟؟
* أنا احلف ليكم إنو خطاب إقالتو بيكون جاهز ..
* قد يكون فعلا كافالي مدربا فاشلا ولكن هذا لا يعفي مجلس الإدارة من التخبط لان كافالي جاء بقرار مجلس ولم ياتي (هوادة مع شيخ موكورو) ..
* في موضوع المدربين الهلال (شم ريحة الدم) ولذلك لن يشبع من (الكركدي) ..
* وانا لاحظته حاجة ..
* لاحظت إنو كافالي هو الزول الوحيد الما لبس (الكسكتة) ايام التفاوض ولذلك غادر سريعا ..
* كل الناس الفاوضوهم ولبسوهم (الكسكتة) قاعدين في آمان الله ..
* ما عدا كافالي ..
* وبما ان ذلك كذلك فنحن ننصح مبارك سلمان بأن لا يباشر مهامه إلا بعد ان يتصور ب(الكسكتة)..
* والله صحي ..
* عموما طارق العشري هو مدرب كبير وبلا شك سيشكل إضافة للهلال إذا توفر للهلال الصبر ..
* كونو لاعب المريخ (النعسان) يجيب قون في الأمير .. ده ما خبر ..
* ولكن الخبر ان النعسان جاب القون في الشوط الثاني ..
* يعني جاب القون بعد الساعة تسعة ونص ..
* وهذا يؤكد ان النعسان ما بنوم بدري ..
* عندي إحساس إنو النعسان ده يوم المباراة نام بالنهار ..
* احساسي كده ..
* واي زول طبعا حر في (محاسيسو) ..
* يا نام بالنهار ويا كمان بدل شاي المغرب شرب قهوة المغرب ..
* غايتو جنس غايتو ؟؟
* الذي لا شك فيه انني اشعر بكثير من السعادة بعودتي اليوم إلي صحيفة (قوون) ..
* و(قوون) تظل الأولى في عالمها مثل (الشامة) في خد الحسناء كثيرت العشاق ..
* بمناسبة (الشامة) ..
* بتذكر زمان في حلتنا كان عندنا بت عندها شامة ..
* وموقع (الشامة) كان شمال شرق (العين) جنوب غرب (الخد) ..
* البت دي كانت كثيرت العشاق ..
* كانوا بيحبوها زي (19) نفر ..
* وال(19) ديل فيهم (14) بيحبو (الشامة) والخمسة الباقين بحبو (ست الشامة) ..
* ارهقناها بالحب والغزل حتي كادت ان تتلاشى (شامتها) ..
* شوف ساي شامتها بقت صغيرة ..
* مرات شوف العين لو ما كتل الغزالة بجهجها ..
* والله صحي ..
* والبت دي ما إتحلت مننا إلا بعد ما ظهرت بت تانية عندها (فلجة) ..
* خلينا (الشامة) وقبلنا علي (الفلجة) ..
* وإحنا واولاد حلتنا عندنا غرام غير عادي مع (الفلجة) وحب عجيب مع (الشامة) وجنون كبير مع (الوجنة) ..
* المهم ..
* (قوون) تظل (شامة) موقعها شمال شرق (العين) وجنوب غرب (الخد) ..
* (عين) الإعلام عموما ، و(خد) الاعلام الرياضي تحديدا ..
* والتحية لمجلس إدارتها وهيئة التحرير ولكل الزملاء والعاملين ومن قبلهم القراء الأحباب ..
* وكل الأمنيات ان اوفق في مشواري الذي لن يكن سهلا لان إرضاء أذواق وضمائر شعب الهلال يحتاج لكثير من البذل والعطاء والإخلاص ..
* والله صحي ..
* سوء السلوك الذي يعاني منه تراوري يحتاج لعين حمراء من الحكام ..
* تراوري ده لو ما قادرين تحسمو عمار الدمازين بختو ليكم في (علبو) ..
* عمار الدمازين ماشاء الله قلبو حار ..
* قال ليك عمار الدمازين شدة ما قلبو حار بيلبس (القميص مكرفس) ..
* ما بيكوي القميص ..
* قميص عمار الدمازين بحرارة القلب بتكوي ..
* عمار يجب ان يتحول للإرتكاز عشان يكتمها لينا بعيدا عن خط ال(18) ..
* عمار الدمازين في أقل من شهر حلل قروشو والمعز محجوب في أكتر من سنة شارك في ثلاث مباريات فقط ..
* هل تصدق إنو أبوعاقلة في خمس مباريات شارك في اربعة اساسيا بينما المعز محجوب في موسم وربع مع المريخ شارك في ثلاث مباريات (ترضية ساكت) ..
* غايتو جنس غايتو ؟؟
* طارق العشري سيوقع للهلال يوم (عيد الحب) وهذا يعني لو في طلاق يجب ان لا يكون إلا بعد عام ..
* البيجي يوم عيد الحب لازم نصبر عليهو يا الكاردينال ..
* فتح باب الطابق الثاني باستاد الهلال للجمهور وهو بهذه الحالة يعتبر مجازفة خطيرة جدا ..
* سلامة الجمهور مهمة ولذلك يجب عدم التهاون في السماح لهم بالجلوس علي الطابق الثاني حتي ولو ادى ذلك لتحويل المباريات إلي دار الرياضة ام درمان ..
* اللعب بالارواح ما حبابو ..
* كلما اشاهد بكري المدينة طوالي بتذكر (يوسف البلايلي) ..
* بلايلي ب(القاء) ..
* داير تعرف إنو المريخ (نادي ساكت) شوف قصة تراوري مع النجمة فهو أول واخر محترف في تاريخ الرياضية يمضي سنة ونصف بعيدا عن فريقه ثم يعود ويشارك اساسيا دون عقاب او حساب ..
* وانا والله خايف يكون (الحنطور) دفع لتراوري مرتبات السنة والنص الما لعب فيها ولا مباراة ..
* مع الحنطور ده تتوقع اي حاجة ..
* ديل ما بخجلوا ..
* قبل كده الحضري قال إنو (عزو) ما كان بيحلم يسلم عليهو في يدو ..
* قال كلامو الجراح ده ومع ذلك عاش ملكا في ديار النجمة الما بتختشي ..
* والله صحي ..
* و..و..
* وبأسم الحب بقدم ليك حياتي ومعاها …(أنوبة غاز) ..

انقر هنا لقراءة الخبر من مصدره.