وزير الطاقة يوجه بالعمل على زيادة التوليد الكهربائي    افراد (القطيع) والشماتة في الهلال..!!    (بيراميدز والأهلي والملعب والبقية تاتي)    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    بدر للطيران تدشن رسميا خط بورتسودان دنقلا    ارتفاع في وارد المحاصيل الزراعية بسوق القضارف    توجيهات بحجز جميع المركبات والشاحنات المخالفة لقرار حظر تداول الحديد الخردة ونقل الحطب بالخرطوم    موعد تجربة سيري 2.0 لأول مرة على آيفون    وزير الشباب والرياضة بنهر النيل يؤكد دعمه لتفعيل العمل الشبابي والرياضي بالولاية    "إيغاد" ترحّب باستئناف السودان المشاركة في المنظمة    عبلة كامل حديث السوشيال ميديا رغم الغياب    رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب    انخفاض أسعار النفط والذهب والفضة يواصلان مكاسبهما    عثمان ميرغني يكتب: كبري الحلفايا...    بإطلالة نارية وقرد صغير.. رامز جلال يلمح لمقالبه في رمضان    السودان.. الإعلان عن توفير 40 ألف وظيفة حكومية    السودان..تمديد فترة تسجيل طلاب الشهادة الثانوية للوافدين    ترامب يهاجم مغنيا شهيراً.. "رقصه مقزز وكلامه غير مفهوم"    وزير الشباب والرياضة يخاطب جماهير السَّلَمة الكباشي ويتكفّل برعاية البراعم والناشئين    مدير مستشفى سنار التعليمي يشيد بالمقاومة الشعبية والمنظمات لتطوير المستشفى    علامة تحذيرية لمرض باركنسون قد تظهر فى الأنف قبل سنوات من التشخيص    مشروب من مكونين يخفض وزنك ويحافظ على استقرار سكر الدم    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    شاهد بالفيديو.. قائد ميداني من أبناء "المسيرية" يعلن انشقاقه من الدعم السريع ويقسم على المصحف بسحب كل أبناء القبيلة من المليشيا    ليفربول يخسر أمام السيتي وهالاند يعود لهز الشباك ويكسر عقدة أنفيلد    شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج    شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس)    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الجمارك في السودان تحسم جدل رسوم بشأن الأثاثات والأجهزة الكهربائية للعائدين    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    اكتشاف وجود علاقة بين الاكتئاب وهشاشة العظام    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(غُراب) يونسك ولا (غزاله) تزوزى بيك !!
كورة سودانية نشر في كورة سودانية يوم 21 - 09 - 2015


بالعربى الكسيح
محمد الطيب الأمين
(غُراب) يونسك ولا (غزاله) تزوزى بيك !!

* مازيمبي وصل الخرطوم قبل وصول بكري المدينة ..
* ومازيمبي بدلا من ان يرسل (وفد المقدمه) قام جا هو زاتو ..
* الجماعة منتظرين (صديق على صالح) بتاع مازيمبي قام جاهم مازيمبي بشحمو ولحمو وكدبايتو ..
* غايتو جنس غايتو ؟؟
* ثلاثه اسباب رئيسيه وثلاثه اسباب ثانويه كانت سببا في خروج الهلال اكثر من مره من دور الاربعه ..
* الاسباب الثلاث الرئيسيه هى : (حراسه المرمى) و(التحكيم) و(حساده ناس الهلال) ..
* اهل الهلال كلما بلغ هلالهم هذه الدور المتقدم يتحاسدون حتى يسقط الكبير في اللفه قبل الاخيره ..
* والاسباب الثانويه الثلاثه هى : (ضعف ثقافة النهائيات) و(الاصابات) و(النفس القصير) ..
* وهذه المشكلات السته يمكن للفريق ان يتخلص من اربعه منها على الاقل حتى يحقق الحلم الذى طال انتظاره ..
* الآن (حراسه المرمى) في الهلال هى الافضل طوال ال(20) عاما الماضيه ..
* قوة الهلال حاليا في (حارس مرماه) وهذا جانب مهم إفتقده الهلال ابان فترة معز محجوب ..
* واعتقد ان الخبره موجوده وموقف الاصابات مطمئن حتى الان ولذلك لابد من القتال لتجاوز المربع ومن بعد لكل مقام مقال ..
* مقربين من اسرة أمير كمال قالوا ان (مرمر) طلب تأجيل النقاش في عرض الهلال لحين الفراغ من مباراة مازيمبي ..
* نقول ل(ولدنا) مرمر : مازيمبي الجفل خلو أقرع مستقبلك ..
* أنا شايف المفروض اسرة امير كمال تتحدث معه وتطلب منه الجلوس مع الهلال بغض النظر عن مباراة مازيمبي ..
* مازيمبي كده كده منتصر بأذن الله عشان كده انا شايف افضل امير كمال ينجض امورو ويستلم العربون ويوقع على العقد ..
* انا شايف كده ..
* واى زول طبعا حر في (شوفو) ..
* الهلال من جانبه يجب ان يواصل الضغط على اسرة اللاعب وعلى اللاعب نفسه حتى نكسب توقيعه قبل موقعه (كتمتو نفسو الهوا وينو) والمحدد لها يوم السبت ..
* مفاوضات الهلال لامير كمال وكوفي لن تتوقف حتى وهم في طريقهم إلى الاستاد يوم السبت ..
* لحدى يوم المباراة بنفاوضهم ..
* ولو لقينا طريقه بين الشوطين برضو بنفاوضهم ..
* والله صحى ..
* مفاوضات شغاله على مدار الساعة ..
* والهلال لن يخسر من هذه المفاوضات مطلقا ..
* والخيارات هى : يا سجلنا امير كمال ويا امير جدد للمريخ ب(6) مليار ، وفي الحالتين الهلال ما خسران ..
* والأكيد المؤكد إنو (مرمر ده) تانى ما بيلعب ليكم كوره باقى السنة دى ..
* ومن هسه بقول ليكم اى قون يجيبو مازيمبي ح يكون عن طريق امير كمال ..
* وبراكم ح تشوفو كلامى ده ..
* وده كلو عشان جمال الوالى الشهير ب(عزو) يعرف إنو (المريخو من قزاز ما بجدع سيد البلد بالحجار) ..
* بكره اعلام الحنطور ح يقول ليك الوالى قعد مع امير وجدد ليهو ، ولو ده حصل إحنا ما عندنا مشكلة لكن قطع شك امير بيكون جدد ليكم العقد ب(6) مليار ..
* وده المطلوب ..
* ونركب الحنطور ونتحنطر ..
* إذا كان (مالك) جاهزا فهو الانسب للمشاركه بجانب سيف مساوى ..
* صحيح ان المستوى الذى قدمه كانوتيه امام اهلى شندى مقنع وباهر ولكن مشاركته امام الاتحاد تعتبر مجازفه دون شك ..
* كانوتيه يحتاج (لنفس المباريات) وظهوره في لقاء واحد امام النمور لا يبرر مشاركته امام الاتحاد ..
* ولذلك مالك هو الانسب إذا كان متاحا وجاهزا للمشاركه ..
* تاريخيا (الخروف المليان صوف) (لحمتو بتكون بسيطه) ..
* انت بتشوف (الخروف منفوش) بتفتكرو (سمين) والحقيقه انه مجرد صوفو ..
* المظاهر خداعه حتى في الخرفان ..
* ومن الذكاء ان لا تحكم على الخروف من الصوف ..
* الخروف (تجسُو) بيدك وما تشتغل بى صوفو .. والفرق كذلك ..
* حاليا في فرق معانا في الابطال ينطبق عليها ما ينطبق على (الخروف ابو صوف) ..
* وانا ما بفسر وانت ما تقصر ..
* من زمن مهند الطاهر وحتى زمن (ولاء الدين) المريخ يعمل لخطف اللاعبين بالمطار دون جدوى ..
* فشلت محاولات الحناطير في خطف النجم ولاء الدين امس بمطار الخرطوم والسبب ان اهل المريخ ما بتعلمو من الايام ..
* حركات الخطف والرشاقه والهباله دى الناس خلوها زمااااااان ..
* ولاء الدين ما دايركم واهلى مدنى ما دايركم وكوفى زاتو ما دايركم عشان كده خلو الرشاقه والعبط ده ..
* المريخ يريد ان يسجل اللاعبين عن طريق الاغتصاب الاداري ..
* ولاء الدين لاعب الهلال واعلا ما في خيلكم اركبو ..
* هسه عليكم الله إنتو عندكم نفس تطاردو ليكم لاعب ؟؟
* قدامكم مازيمبي المفروض ما تعملو الحركات دى ..
* شخصيا اتوقعت إنو المريخ ما بمشى المطار عشان يطارد ولاء الدين لانو (طيارة مازيمبي واقفه) ..
* الايامات دى قال ليك جمهور الحنطور بقى ما بحب سيرة المطار ..
* مش كانو بيقولو : (شامين ريحه مطار) ؟؟
* هسه طيارة مازيمبي راااااااقده في المطار من امس ولحدى السبت الجاي ..
* وما في حنطور بقدر يتقاطع بشارع المطار ..
* حتى المسافرين العيد بيسافرو بالميناء البري ..
* والله صحى ..
* والعيد فرصة طيبه للهروب من لقاء مازيمبي ..
* جمهور الحنطور كلو داير يسافر الولايات عشان يحضر العيد هناك ..
* وطبعا هم عاملين العيد شماعه ساكت ..
* خايفين من المباراة وعملو العيد سبب ..
* حركاتكم دى تعملوها لزول ما عندو (جيب خلفى) ..
* شوفو ليكم زول حنطور واعملو ليهو الحركات دى ..
* لكن إحنا اولاد تسعه ودافننو سوا ..
* وعلى بالنعمة إحنا عارفين اى حاجة ..
* وعارفين كمان (طيارة الحج) البتقوم سنويا منو البيدفع قروشها والمقابل شنو .؟؟
* عارفين اى حاجة ..
* المهم ..
* في المربع الذهبي .. فريق الإتحاد يخشى كاريكا ، والهلال يخشى بلايلي ، ومازيمبي يخشى المطر ولا شي غير المطر ..
* امام المريخ مازيمبي لا يخاف من شي سوى (مطر السماء) وما عدا ذلك كلو هين ولين ..
* وإذا كان الإتحاد يملك بلايلي فأن الهلال يملك كاريكا ومحمد عبد الرحمن وبشه ..
* نحترم الاتحاد ولا نخاف منه رغم قناعتنا بأن المباراة ستكون صعبه وتحتاج لكثير من التركيز والقوة البدنيه ..
* ونحمدلله الله اولادنا شباب وقلوبهم حاره لا بعرفو منشطات ولا بعرفو منبهات ..
* أظرف حاجة قالوا بعثه مازيمبي جابت معاها (عازفين بتاع ساكس وطرمبات) ..
* والله صحى ..
* جو وجابو معاهم عازفين كمان ..
* يعنى جايين ناس (كتمه سااااكت) ..
* جابو عازفين ساكس وطلمبات وإحنا هنا بنتبرع ليهم بعازف اورغن وعازف عود ..
* ممكن نحجز ليكم (الربع) ..
* الربع ممكن يجيهكم جيه جد ..
* عازف الاورغن مننا ..
* ومحاسن لقيمات برضو مننا ..
* نجيب ليكم محاسن لقيمات ومكارم بشير بالاضافه للربع وبقيه العازفين العندكم ..
* كدبايا ده قالو بقى ما بتحرك مع البعثه إلا الطيارة يكون فيها عازفين ..
* غايتو السنة دى يا متنا من الضحك يا كمان الضحك كتلنا ..
* الزول ده ناوى يرقص على ايقاعات بلدو عشان كده جابو معاهم عازفين ..
* وزول بيجيب معاهو عازفين قطع شك ما برقص رقصه واحده ..
* الله يستر ما يعملوها حفله عديل ..
* بصراحة انا لما قريت الخبر بتاع العازفين ده عرفتو إنو (الخال) مازيمبي ينوى التأهل من ام رمان ..
* الرقيص في استاد الحكومة حلو حلا ما بعدها حلا ..
* والحلو ما بكملش ..
* حلو ب(القاء) ..
* و..و..
* وجيت اهنئيك واصافحك وجيت اقول …(كدبايا حالف يرقص ويرقصنا معاهو)

انقر هنا لقراءة الخبر من مصدره.