الدب.. حميدتي لعبة الوداعة والمكر    ⛔ قبل أن تحضر الفيديو أريد منك تقرأ هذا الكلام وتفكر فيه    إلي اين نسير    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    إجتماع بسفارة السودان بالمغرب لدعم المنتخب الوطني في بطولة الأمم الإفريقية    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    بعثه الأهلي شندي تغادر إلى مدينة دنقلا    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



وليه تشيل في قلبك والدنيا مليانة أكياس ؟؟
كورة سودانية نشر في كورة سودانية يوم 16 - 02 - 2016


بالعربي الكسيح
محمد الطيب الأمين
وليه تشيل في قلبك والدنيا مليانة أكياس ؟؟
* في محاكم الأحوال الشخصية بالسودان ثبتت (قضية طلاق) سببها (صباع معجون) ..
* رجل طلق زوجته لانها ب(تعصر صباع المعجون من النص) ..
* والله صحي ..
* وشكل (الصباع المعصور من النص) يشبه تماما مريخ هذه الأيام ..
* لو ما شفت (صباع معجون معصور من النص) شوف المريخ ، ولو كمان ما شفت المريخ حاول شوف ليك (صباع معجون معصور من النص) ..
* وأنا ما بفسر وانت ما تقصر ..
* إحترام الرابطة كوستي سيكون هو مدخل الإنتصار ..
* والهلال في بعض الأحيان يقلل من الخصوم فيفشل في الوصول ..
* الرابطة فريق محترم وعلي الهلال ان يحترمه ويجزل العطاء حتي يعود سالما غانما بأذن الله ..
* غياب بشه الكبير خسارة كبيرة ولكن مشاركة بشه الصغير ممكن تكون مكسب أكبر ..
* بعد ذهاب كافالي لن نقبل بمشاركة أقل من ثلاث لاعبين شباب في كل تشكيلة ..
* اي تشكيلة للهلال يجب ان يكون فيها ثلاث او اربعة من النجوم الشباب ..
* وما شاء الله الهلال كلو شباب في شباب ..
* مجلس الهلال هو مجلس شاب ..
* والجهاز الفني بعد إنضمام العشري اصبح كله شباب ..
* والتيم ايضا لابد ان يكون شباب مع وجود عناصر الخبرة التي لا غنى عنها دون شك ..
* فريق بيشارك فيه أبو عاقلة والثعلب ووليد واطهر وبشة الصغير لن يترك البطولة تذهب للمريخ حتي ولو كان (العربون) الأحمر بسبوسة وليس لقيمات ..
* بمناسبة اللقيمات ..
* المفروض لاعبو الأهلي الخرطوم يرتدون (الكمامات) في مباراتهم اليوم أمام المريخ ..
* والله صحي ..
* امام الاهلي فرصة ذهبية لتوصيل رسالة قوية لكل العالم ..
* كل لاعب في الاهلي يجي ب(كماماتو) ..
* علي الأقل (الكمامات) دي ممكن تحميكم من (بونية) بكري المدينة ..
* شخصيا لو كنت بلعب في الاهلي ساشارك اليوم امام المريخ ب(كمامة) واليحصل يحصل ..
* بدل (الشينكارات) تعالوا لابسين (كمامات) ..
* المهم ؟؟
* بسبب (البرمجة) الهلال سيعود من كوستي غدا وسيغادر الأثنين القادم إلي كوستي لمواجهة مريخها ..
* والله دي زي حكاية زول تعمل ليهو مسكول يرجع ليك بمسكول ..
* في ناس كده ..
* الواحد تمسكل ليهو يرجع ليك بمسكول (نفس الحجم) ..
* وعلي فكرة المسكولات ما بتتشابه ..
* في فرق بين مسكول ومسكول ..
* يعني مسكول جاي من بت سمحة ما بيكون زي المسكول الجاي من البت الشينة ..
* والمسكول البيجيك من البت بتاعت (البيع بالاقساط) ما زي المسكول البيجيك من البت الماسكة نتيجة المعاينات ..
* والمسكول البيجيك من الكاردينال ما زي المسكول البيجيك من الأراقوز ..
* هو يعني الكاردينال بمسكل ؟؟
* غايتو جنس غايتو ؟؟
* مرات في حافلة المواصلات أكتر زول نصيح بيكون (مجنون) ..
* أنصح زول مجنون ..
* وفي المريخ أحسن زول (نعسان) ..
* أكتر زول (صاحي) في المريخ (نعسان) ..
* والله صحي ..
* الكاردينال في اخر تصريح قال : (من اجل مصلحة الهلال ممكن كل دقيقة نشيل مدرب) ..
* بالغت عديل .. ده مدرب ولا نغمة يا كردنة ؟؟
* لو ضغطت (نجمة) ما ممكن تشيل في كل دقيقة (نغمة) ..
* المهم في الموضوع إنو طارق العشري يلبس (الكسكتة) قبل ما يباشر مهامه عشان ما يلحق كافالي اللحق امات طه ..
* أنا لو ما شفت العشري لابسه الكسكتة بصراحة قلبي ما برتاح ..
* الكسكتة تعني حصانة ضد الإقالة ..
* مش بيقولوا ليك : (التضعيم ضد الشلل) ؟؟
* نفس الشي .. (الكسكتة ضد الإقالة) ..
* وعلي فكرة هيثم مصطفى زاتو ما لبس الكسكتة ..
* هيثم لو داير يستمر عليه ان يلبس (الكسكتة) باثر رجعي ..
* قام المريخ بتعيين محمد موسى مديرا للكرة ..
* وهذا خطأ كبير ..
* المريخ كان يجيب خالد جوليت او صلاح الضي او محمد حمدان لدائرة الكرة ..
* وذلك لان نجوم المريخ حاليا هم : (بكري المدينة ، عمر بخيت ، المعز محجوب ، عبده جابر ، تراوري وعلاء يوسف) ..
* هذه تشكيلة كانت تلعب للهلال وهي تستحق ان يقودها في دائرة الكرة لاعبا هلاليا وليس لاعبا وصيفابيا ..
* والله العظيم يا جماعة أنا في حاجة لحدي الأن لما اتذكرها بضحك ..
* حتي لو نايم بضحك ..
* قول لي شنو ؟؟
* المريخ لما سافر الكنغو لمقابلة مازيمبي في المربع الذهبي ساق معاهو (10) بودي قاردات و(4) طباخين و(3) فنيين بتوعين فحص هواء المكيف ..
* هسه الكلام ده لو قالوا لزول مجنون بيصدقو ؟؟
* بالذمة في زول عاقل بيصدق إنو الكلام ده حصل من فريق سوداني ؟؟
* ياخي والله هيفاء وهبي لو مشت الكنغو ما بتسوق معاها (10) بودي قاردات ..
* وبعد ده ياريت لو جابو نتيجة ..
* ساماتا خلى ليك الطباخين في حتة والبودي قاردات في حتة ..
* الحاجة دي أنا ما قادر انساها وبفتكر إنها من طرائف ونوادر كرة القدم في العالم ومن بنات أفكار (عزو) الشهير بجمال الوالي ..
* بفتكر كده ..
* واي زول طبعا حر في (إفتكاراتو) ..
* المهم ..
* نرجع ونقول ..
* ساماتا بتاع افريقيا في هذا العام هو شيخ موكورو ..
* موكورو هو ساماتا الجديد ..
* وموكورو ما شاء الله زي (الديليفري) بصلك في محلك وبديك الدايرو وبتخارج ..
* عشان كده إحنا مصرين اصرار كبير علي مباراة السوبر ..
* عايزين نشوف موكورو في اول طلعة خارجية قبل إنطلاقة الابطال ..
* دي امنيتنا .. نشوف موكورو في السعودية ..
* وعليكم الله ما تحرمونا من تحقيق الامنية دي ..
* عليكم الله ..
* أرح معانا السعودية ..
* وبنتنازل ليكم من (نثريتنا) ..
* مش قالوا في حالة السوبر يكون في السعودية هنالك هدية (عُمرة) لكل اللاعبين ؟؟
* طيب جدا ..
* إحنا عندنا لاعبين (غير مسلمين) بنتبرع ليكم بفرصهم في (العُمرة) ..
* علييييكم الله أرح السعودية ..
* بالمناسبة ..
* لو ما مشيتو معانا السعودية بنقابلكم هنا برضو ..
* يعني سيك سيك معلق فيك ..
* خليكم مع (كماماتكم) دي ان شاء الله تضوي ليكم ..
* الكمامات دي ممكن تحجب عنكم ريحة المطار ..
* والله صحي ..
* إنتو ناس بتشمو ريحة المطار عشان كده الكمامات دي ممكن تشوش ليكم الشم ..
* الكمامات دي خلوها لينا إحنا لاننا متضرين من ريحة اللقيمات ..
* أول مرة في حياتي أشوف لي (نافخ كير) بضايق من (ريحة كيرو) ..
* و… و(كيرو وعين الله ترعاكم) ..
* و..و..
* وليه تشيل في قلبك والدنيا مليانة أكياس ؟؟

انقر هنا لقراءة الخبر من مصدره.