مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    النفط يستقر وسط خسائر أسبوعية والذهب والفضة ينتعشان    "ميتا "تسجّل براءة اختراع لمحاكاة المستخدمين بعد وفاتهم    تطوير بطارية تُشحن خلال ثوانٍ وتصمد 12 ألف دورة    شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل)    شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    شاهد.. حسناء الفن السوداني "مونيكا" تشعل مواقع التواصل بجلسة تصوير جديدة    شاهد.. الفنان مأمون سوار الدهب بعد زواجه: (زارتني الملائكة)    اكتشاف مركبات "زائفة" تشعل نوبات الربو    دراسة: القراءة والكتابة تخفِّضان خطر الزهايمر 40%    طلاب شرق دارفور يسيرون قافلة وطنية إلى جنوب كردفان برعاية والي شرق دارفور    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    ترتيبات لإعادة تشغيل مصنع ألبان بركات وإنشاء مزرعة لتربية الماشية    من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء)    صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية    تشغيل مصنع الاوكسجين بمستشفى الدبة المركزي    الشرطة المجتمعية بولاية سنار تدشّن قافلة دعم تكايا رمضان بولاية الخرطوم    سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    المريخ يبارك انتخاب رئيس إتحاد سيكافا وأعضاء اللجنة التنفيذية    مساعد قائد الجيش يكشف عن فساد وزير كبير    إبراهيم شقلاوي يكتب: مسرح ما بعد الحرب لدى يوسف عيدابي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    ارتفاع في اسعار محصول الذرة واستقرار سعر السمسم بالقضارف أمس    إلغاء رحلة قطار إلى الخرطوم..إليكم تفاصيل    انطلاق دورة متخصصة لتطوير الأداء الرقمي برعاية وزير الشباب والرياضة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



وحالتك تحنن ..تبكي الجبال
كورة سودانية نشر في كورة سودانية يوم 14 - 06 - 2015


دق الدلجة
محمد غبد الماجد
"وحالتك تحنن ..تبكي الجبال"
الاقليات دائما بحسوا بالظلم وانهم ضحايا.
الشعور بالدونية ..يجعل صاحب الشعور يعتقد ان العالم دا كلو بحارب فيه.
وانه مستهدف.
ما يفعله اعلام المريخ ..امر طبيعي ..هم طبيعي بشعروا بالاستهداف.
السنة كلها بيشكوا.
جيبوا ليكم عمود اي كاتب في المريخ ..لن تجدوه يخلوا من الهجوم على الحكام.
الناس ديل كتاباتهم اتعكست حتى على لاعبيهم.
مرة يشيلوا الكورة ..(سليمان عبد القادر وزيكو واول مباراة قمة في سوق القش ).
ومرة يضربوا الحكم (واقعة فاروق جبرة وبكري المدينة).
ومرة ما يتموا المباراة…(مباراة سيمبا).
صغار المريخ ..انتقل اليهم هذا الاحساس.
بقوا ما بتموا ليهم مباراة.
ليس امامك إلّا ان تضحك اذا قرأت صحف المريخ وهي تمارس ذلك (النحيب)
والبكي طول الموسم.
ديل سنتهم كلها بيشكوا.
جرسة شديدة.
غلبهم البعملوها.
حالتهم تحنن على قول الشارع ..وتبكي الجبال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس عيسى ود عيسوي العيساوي ..الملاريا طارت ليه في رأسو ..بقى يشوف
زوجتو زي (حكم الراية).
اليوم كلو يفلع فيها.
الذي يتابع كتابات اعلام المريخ هذه الايام…يعتقد ان (المريخ)
ضحية..وان الفريق يتعرض لمذبحة سنوية.
وحرام.
مساكين ليكم.
بالله الحاجات دي كلها عملوها فيكم الهلالاب.
تشعر ان اي مباراة يلعبها المريخ هناك خمس ضربات جزاء تحسب ضد المريخ.
اعلام المريخ يملك كميات لا حصر لها من (التضليل).
يحب دائما ان يضع فريقه في حالة ضعف ..وحالة تستوجب الشفقة والرحمة والحنان.
حالتكم صعبة شديد.
تظن ان فريق المريخ يتعرض لطرد لاعبيه في اي مباراة يلعبها.
رغم اننا كلنا بنشوف بما في ذلك اعلام المريخ ..ان المريخ اكثر
المستفيدين من (اخطاء) التحكيم اذا كانت اخطاء.
لكن المريخاب حبوا حالة الهوان تلك.
عاوزين يعيشوا طول عمرهم يشكوا.
متل الزول القدر ما تلاقيه ..بتلاقيه يشكي.
يشكي ليك من المعيشة البقت غالية ..ومن الاولاد ..والمدارس والمواصلات.
الطقس ما بسلم منو.
هو انسان خلق فقط ليشكي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس نفيسة بنت شاع الاسد ..الدكتور قال ليها تاني ما تقيفي في الباب.
جبت لي الاسد نفسيات.
منعها عديل كدا من وقوف الباب.
المريخ اكثر فريق احتسبت لصالحه ضربات جزاء – رغم ان مقدمة المريخ
تتكون من (اروش) لاعبين في الدوري ..وانغا وعنكبة قبل رحيلهم وبكري
المدينة.
وكهربة بكري المدينة الزايدة في (سد مروي) ما في.
ديل لو ضربوهم شفخانة مفروض ما يحسبوا ليهم ضربة جزاء.
نحن بكري المدينة كان عندنا – نحن عارفنو.
زمان كنا بنقول للحكم لو كتلوه بكري المدينة دا ..ما تحسبوا ليه (ضربة جزاء).
دا زول (الكشافات) بتشكي منو.
كفى ان نمثل على الكلام البنقول فيه دا بخسارة المريخ امام ابنه مريخ
الفاشر في ملعبه في الدوري الاولى للممتاز.
منح المريخ ضربة جزاء اهدرت.
وطرد لاعب من مريخ الفاشر..مع ذلك خرج المريخ مهزوم.
غير هذا ..(الشرطة) طلعوها ليهم من الملعب.
والمباراة اتوقفت ساعة.
تاني عاوزين شنو؟.
تتخيلوا بعد الكلام دا ..الاتحاد والمريخ والشرطة طلعوا (بيان مشترك).
ييان مشترك ..انتوا قايلين نفسكم في جامعة الدول العربية.
نحن (البيانات) دي في السياسة ما بندورها – عاوزين تجيبوها لينا في الرياضة كمان.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس خادمة الله بنت سر النفس ..اتخرجت من كلية الطب وفتحت ليها محل تحويل رصيد.
ما يجده المريخ من الحكام والاتحاد العام لو كان يجده فريق (النسور)
لاصبح بطلا للممتاز.
المريخ وصل حد انه اصبح يحدد قائمة الحكام الذين يديرون له المباراة –
تاني عاوزين اكتر من كدا.
يصرفوا ليكم مرتبات.
يجيبوا ليكم (شوالات) للفيضان.
سماد.
تحددوا الاسماء …وتهاجموا في الحكام بعد دا كلو.
والله قوة عين زي دي من الله خلقنا ما شفناها.
في المباريات الافريقية وصل المريخ لمرحلة المجموعات بعد (كميات) لا
حصر لها من ضربات الجزاء.
نحسبها ليكم.
نديكم نماذج بس.
واحدة حسبوها من (الكلاكلة) مع بكري المدينة.
وواحدة مازال المدير الفني السابق لفريق الترجي التونسي يتحدث عنه بغرابة كبرى.
وبعد دا كلو – تتخيلوا بتكلموا عن (الحكام).
انتوا (الحكام) ديل عاوزنهم يجوكم بي (صباراتهم) عشان يبيعوا ليكم (اسكرين).
يجوكم بي (مظلات).
يعملوا ليكم اكتر من كدا شنو؟.
في مباريات القمة التى جمعت بين الهلال والمريخ في اي مباراة …يحرم
الهلال من هدف.
مرة من العوني.
ومرة من وليم.
ومرة من كومي.
الى عهد (بشه).
بشه جاب ليه قون ..لو الكشافات الاربعة قاطعة ..الحكم مفروض يحسبو.
غير ضربات الجزاء التى لا تحسب للهلال ..وحالات الطرد المستحقة للاعبي المريخ.
مرة علاءالدين يوسف ضرب ليه لاعب (بونية) في الهلال ..في الافلام
الامريكية ما قاعدين نشوفها.
مع كل هذه الاشياء ..اعلام المريخ بتحدث بدون خجل عن (الظلم) الذي
يتعرض له المريخ من الحكام.
يتخيل لي ناس المريخ ديل .قبل المباراة ما تبدأ عاوزين الحكم يحسب ليه
اربع ضربات جزاء.
يدقوا ليكم صيوان ..ويوزعوا ليكم (ضربات جزاء).
وعاوزين من الحكم في التسخينة يطرد تمانية من لاعبي الفريق الذي ينازل المريخ.
وبين الشوطين ..لو المريخ متأخر ..يحسبوا ليه من الاهداف ما يجعلوه
متقدما على الفريق الذي يباريه.
يعملوا ليكم شنو؟.
ديل انتوا في (النفط) عندكم نصيب.
الحكومة ما قصرت معاكم.
استادكم تبنيه ليكم ..واستادنا يبنيه (الكاردينال) براهو.
الحكومة قرش ما عاوزة تدفع.
بعدين في الافتتاح ..الوزير بجي يقص الشريط كتر خيرو ..ما قصر في (القص).
عاوزين شنو اكتر من كدا؟.
السلطة عملت ليكم اي حاجة.
جمال الوالي يقدم استقالتو يجمدوا ليه الاستقالة لمن المريخ يصعد
لمرحلة المجموعات.
عليكم الله من الله خلقكم سمعتوا ليكم بي استقالات بجمودها تلاتة شهور.
دي استقالات وإلّا فراخ؟.
علي كيفو جمال الوالي.
يستقيل ويرجع في الوقت العاوزو – ما في زول بيسألو.
انتوا عارفين لو الهلال كان شغال بي طريقتكم دي ..صلاح ادريس كان الى
الآن بكون رئيس لنادي الهلال.
نحن حاجات زي دي ما عندنا.
القانون عندنا قانون.
اما الاتحاد العام لكورة القدم فهو اضحى (مملوك) بشهادة بحث في جيب
جمال الوالي للمريخ.
اسامة عطا المنان يقوم بما يقوم بيه صديق علي صالح.
ومرات بعمل للمريخ البعملوا مصطفى توفيق.
اسامة عطا المنان ..ما فاضل ليه إلا يشيل ليكم (صبارات) الموية في
مباريات المريخ الرسمية.
الزول دا اصلو ما قصر معاكم.
تطلبوا كرت (اكرا) للاهلي الخرطوم…وتسجلوه في المريخ.
يفتحوا ليكم مكاتب الاتحاد انصاص الليالي قبل فترة التسجيلات عشان
توقعوا مع رمضان عجب ..عشان يلعب مباراة القمة من غير تشتيت.
بكري المدينة يضرب الحكم بونية ويسبه ..يوقفوه (6) مباريات فقط ..وبعد
دا يرفعو منو الايقاف عشان يلعب مباراة الامل.
انتوا عاوزين اكتر من كدا شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس لو الموضوع مشى اكتر من كدا مفروض يطلعوا ليكم (نصيب) من رسوم الكهرباء.
…………..
و
المنتخب ولا هنا.
العشم في مهند الطاهر.
ان شاءالله مهند الطاهر الليلة ما يخزل مازدا ..ويثبت ليه ان اختياره
كان ضربة مهند.
ما ضربة معلم.
عمر بخيت خلينا.
مشكلة المنتخب في حراس المرمي.
المعز بعيد عن الخشابات.
الليلة يحرسها الجمهور بس.
……….
السيدة (ل) الزول وقت يكون ما عندها موضوع بتقول : (اشرب الجبنة – الجبنة بردت).
وقرّض على كدا.

انقر هنا لقراءة الخبر من مصدره.