تغريدة واتساب معاذ ابومؤيد الوزير منتظر حق تقرير المصير والجمهور محتاج محاضرة من لوك ايمال،،،،، مكتوب علينا الانتظار الماعندو صبر ماينشط نت ومايتابع صحف ولاقروبات اصحاب عمليات القسطرة نرجوا الابتعاد خوفا من الجلطات !!! نتمني استضافة لوك ايميل يشرح لينا طريقة الصبر !!! اصلوا التيم مامستفيد من الحصص التدريبة نستفيد من البرود والصبر بمناسبة لوك ايمال ماطول ياناس ولا يكون في بلجيكا العزاء اربعين يوم!!! ولامافي حق تزاكر!!! اصبروا وثابروا!! مكتوب ليكم الصبر عنوان،،، التقرير حيكون مسمار جحا لحين وصول ترتيبنا في الدوري المركز الخامس !! وهو المطلوب اثباته طبعا# بالله يامجتمع المريخ بقت مافارقة للدرجة دي!! اللهم لاعتراض علي حكمك هل المريخ اصبح سلعة للاجهزة الاعلامية!! اصبحنا حديث الساعة وبعد دا كلو اشاعة وراء اشاعة وشتلة وراء شتلة!!! نلاقيها من وين ولامن وين!! المريخ يضيع ونحن مربعين ايادينا ونتفرج في الضياع؟؟؟ التقرير حيطول صدقوني التقرير حيطول عشان نحن عارفين تفاصيل لجنة التسيير اكتر منهم!!! وانتظروا ويجي رمضان وبعدوا العيد ونحن منتظرين !!! بعديها تجي مباريات ونحن منتظرين!!! الوزير يسافر الحج ومحن منتظرين!!! وينتهي الدوري ونحن منتظرين !!! والتقرير دا حيكون مسمار جحا وكلامي دا خليكم مفتكرنوا كويس !! محاضره ايميال مطلوبة للجماهير بشدة !! يحاضرنا ويحاضر اللاعبين !! كلنا محتاجين الصبر التمارين شغالة وعدد الحضور للاعبين اقل من اعضاء لجنة التسيير!! التمرين مامعروف حق الفريق الاول ولا الرديف!!! وعندنا مباريات قريب اهم المباريات واهم النقاط والسنة الجاية حيمثلنا بطل الدوري من غير اي وصيف!!! يعني الاول فقط يعني نكون او لانكون وبطريقتنا وتمارينا دي الشافنا لانكون ماكضب!! وربنا يكضب الشينة مسك الختام حالة ضياع وهرجلة في المريخ السبب معروف والمتسبب معروف والمتضرر معروف والكل يتفرج ولاحياة لمن تنادي!!! ونحن علي القروبات نشتل ونتشاكل ونختلف ونتفرج علي الضياع وقفنا دعمنا وقفنا تشجيعنا والفرجة اصلا صفة من صفاتنا والشتل خلي القروبات مزارع والشكل اصبح بسبب ومن غير سبب والمتسبب مبسوط من وضعنا!! وفرجتنا علي الضياع والوداع كنا مضرب مثل في الحب والتكاتف والانتماء اصبحنا مرتع خصب للشتل وزعزعة الكيان !!! همسة اخيرة لوعندكم رغبة حالنا ينصلح لانكون ضحية للاخبار المفبركة ولانكون ضحية لاعلام اللوبي الازرق اي والله لوبي ازرق محاوطنا من كل اتجاه!!! اي عاجل من غير بيان ممهور او صور ملحقة او تسجيل صوتي تكون شتله ومرات شتلة محسنة!!! مشكلتنا نلدغ من نفس الجحر طيله التسعه شهور الماضية لماذا جماهيرنا تستقل بهذه الصورة لماذا الحرب وعدم الاستقرار موجهه للمريخ بالذات؟؟؟؟ مالسر وراء حالة المريخ الان ؟؟؟ تخدير ولعب علي العقول!!! اصبحنا لعبة في ايدي غيرنا اللوبي الازرق يلعب بنا كيفما يشاء!!! لا نكن معبر لتمرير الاخبار المغلوطة والمشتولة واجندة اللوبي المزروع في القروبات ووسطينا!!! دع الاخبار العاجلة تقف عندك لن تحصل علي جائزة بسبب نقل الشتل ولن تكون الاول في حصرية الاخبار سنكون نحن من ساعدناهم علي مرادهم فقط!!! (نتريس في نقل الاخبار حتي يستقيم العود ويعود الكيان) ( حاليا كلو تخدير في تخدير وشتل في شتل حتي يتم التدمير) اللعب اصبح علي المكشوف ياناس اصحوا وصحصحوا المريخ بيضيع المريخ بيضيع المريخ بيضيع اللهم قد بلغت اللهم فاشهد جماهير واعلام النادي تحملوا امانة المريخ لو مرة واحدة ماذا سنقول للاجيال القادمة وكيف سنعيش مرارة هذا الموسم !!!!!!!! خارج النص نبارك لاهلي جدة السعودي بطولة الملك،،، شاهدنا كل الممكن ومافيش مستحيل تقنية تلفزيونية حضور مشرف كرة قدم داخل الميدان كل شي ممكن تشاهدة اوربيا شاهدناه في دولة عربية،،، ياربي حنحصل كدة بتين ؟؟ حنعيش لحدي مانشوف نقاوة الصورة في التلفزيون!!! ونشاهد وجوه الحضور في المدرجات من غير ضلام !!!! ياربي يحصل كدى شكلها احلام زلوط المقسوم للشعب السوداني !! ياسعادة الوزير قبل التقرير شاهد الدوريات الحولينا امكن تحس!!!! ياحليلنا وحليل ايامنا كل شي مقسوم علينا الصبر ويامستر لوك ايمال ماتنسي المحاضرات!!!! تغريدة مرورية اتصالك مهم لكن حياتك اهم لاتسرع فالموت اسرع الطريق ملك للجميع فلاتفتكر انه ملكك وحدك وتقعد تشتم في خلق الله،،، القيادة فن وزوق وادب طولك بالك لاتنفعل طول بالك من اجل عيالك تزكر دائما ان اسرتك وعيالك في انتظارك هذه اراء التغريدة اقبل منها ماتشاء وارفض منها ماشئت.. التغريدة تنقل نبض المدرج والقروبات وتقف في مسافة واحدة من الاحداث ،،،،، نحاول ان نلفت الانتباه لبعض الاحداث والنقاط بواقعية…….. التغريدة لن تخرج خارج نطاق المجتمع المريخي نهائيا الا ماندر نقد الذات يوصلنا الي الامام والي المنصات باذن الله ،،،،، ====================
