سودارس : نزار وشيبوب (الجمع) بيبدأ من اول يوم في رمضان

محمد عبدالقادر يكتب: شهادة البوشي.. و"فضيحة صمود " السودان.. وفاة لاعب كرة قدم قرارات لجنة المسابقات باتحاد الكرة الدامر من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا السودان.. وزير يشرع في تكوين قوّة عسكرية ضاربة..ماذا هناك؟ شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نزار وشيبوب (الجمع) بيبدأ من اول يوم في رمضان

كورة سودانية نشر في كورة سودانية يوم 05 - 06 - 2016

دق الدلجة
محمد عبد الماجد
نزار وشيبوب (الجمع) بيبدأ من اول يوم في رمضان
# من رأسي :
البطيخة سعرها بتحدد من (حجمها) ما من (حلاوتها).
يمكن دا سبب نص مشاكلنا.
بنعاين للشكل ..ما بنعاين للطعم.
………………
# من كراسي :
أن يطالع أحد هواجسك في كتاب ، تركت عليه بعض آرائك ، أو علّمت على بعض جمله ، كأن يطالع شخصيتك في حقيبة يدك ، أو يتلصص عليك من حيث لا تتوقع . الأشياء الحميمة ، نكتبها ولا نقولها . . فالكتابة اعتراف صامت.
مستغانمي
……………..
امس خسر المنتخب امام المنتخب السيراليوني 0 – 1 ليفقد السودان فرصته بشكل نهائي في التأهل للنهائيات الافريقية.
نزار حامد سجل هدف صحيح ما فيه اي كلام – لكن التحكيم الافريقي اعتاد ان لم تدفع له – حقك ما بحسبو ليك.
التسلل…ضربة الجزاء …الهدف … الكرت الاصفر …الكرت الاحمر ..الكورنر ذاتو كل هذه الاشياء بحددها (الدولار).
تحكيم بعمل بطريقة (الدفع المقدم) – لذلك نحن نقول لا تنتظروا ليكم (بطولات) في ظل هذا التحكيم الفاسد.
راية الحكم تدفع ليها ..براها بتترفع ..لو القون جاء من تسديدة من ضربة مرمى.
البطولات في القارة الافريقية لن تتحقق إلّا اذا كنت جزء من الفساد.
ما تحرقوا لينا دمنا ساكت.
الحكاية بقت كدا بالواضح.
مسخت.
اي نادي او منتخب في القارة الافريقية حقق ليه بطولة ..دفع فيها (رشاوي) للحكام.
لو ما بتدفع ..بتدفع عشان ما يظلموك.
يعني (الدفع) بقى قاعدة في القارة الافريقية.
عشان كدا نحن كل مرة بنطلع ونجي نشكي من (الحكام).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
على العموم لن نتأسف كثيرا على خروج المنتخب وظلم التحكيم للمنتخب السوداني – ليس لقلة الوطنية او لضعفها ، ولكن لأن الدولة والاتحاد ما قدموا حاجة للمنتخب عشان المنتخب يمشي لي قدام.
انتوا عاوزين تنتصروا ساكت كدا.
شغل (الهبتلي) دا انتهى زمان.
هسع بقى في (احترافية).
وبقى في (نظام).
لو كنت زول (هاوي) ساكت …التحكيم ممكن يحرمك من اهداف وانتصارات وبطولات بتستحقها.
الحكم ظلم المنتخب السوداني صحيح – لكن كيف لا يظلم الحكم المنتخب السوداني اذا كانت الحكومة نفسها ظلمت المنتخب.
يعني انتوا عاوزين الحكم الاجنبي يكون ارحم على منتخبكم من اتحادكم.
منتخب مهمل ..وما عندو وجيع – وما في زول شغال بيه – طبيعي جدا يتعرض لهذا الظلم.
يكفي ان مديره الفني محمد عبدالله مازدا.
طبعا في ظلم (حقارة).
هذا الحكم لو كان عارف ان هذا المنتخب عنده ضهر وسمعة كويسة في القارة ما كان بقدر يظلمه.
يظلمنا حكم بهذا الشكل – ولجنة الحكام في الاتحاد الافريقي يشرف عليها مجدي شمس الدين.
لاقتكم حقارة زي دي.
انت يا مجدي شغال شنو؟.
بتجيب لينا حكم …متلح (نزار حامد) من بداية المباراة.
الاتحاد السيراليوني بكون قال ليه راقب لينا الزول دا.
في الشوط الاول عرف خطورتو منحو (كرت اصفر).
في الشوط الثاني نقض ليه هدف صحيح.
نزار تاني يعمل ليكم شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
نخش ليكم على الشغل بتاع (الدكاكين).
الشغل الجد جد.
ما دكاكين الهلال.
رغم ان المريخ خرج من البطولة الافريقية قبل ايام قليلة ..والهلال طلع قبل فترة طويلة ، لكن مع ذلك مستوى لاعبى الهلال في المباراة كان افضل.
نزار حامد قدم مباراة كبيرة – حيث اثبت نزار انه لاعب الوسط الافضل في السودان الآن ، رغم الانتقادات التى توجه له.
ابوعاقلة رغم قلة خبرته قدم مباراة جيدة ايضا ..وهو تحسب له لقطة المباراة الاروع عندما راوغ لاعب المنتخب السيراليوني بطريقة (حساب المثلثات) – اللاعب لغاية ما انتهت المباراة ما عرفناه مشى وين؟.
اختفى من السنتر في ظروف غامضة.
عليكم الله في ظروف غامضة اكتر من قطوعات الكهربة دي.
هذا مع التذكير .. خلل ابوعاقلة الوحيد يتمثل في ان لاعب الفريق الخصم سهل ان يتخلص منه..وقد حدث ذلك في الشوط الاول عندما تخلص اللاعب السيراليوني من ابوعاقلة وواجه المرمى السوداني بعد ذلك.
ابوعاقلة يحتاج الى مراجعات في الحتة دي ممكن يبقى اخطر لاعب في السودان.
بشه …ايضا مارس هوايته في التحرك في المساحات التى يجيد التحرك فيها ..واحدثت مشاركته اضافة كبيرة للمنتخب.
بشه يظل بشه.
ولو شارك في 5 دقائق.
بشه بشه – ما في كلام.
كاريكا لم يجد السند القوي معه في المقدمة إلّا بعد مشاركة صلاح الجزولي ..فقد كان (عنكبة) كأنه بيلعب في ميدان عقرب.
امير كمال (تقيل) – وممكن اي مدرب يبني خطته عليه يحقق انتصار كبير على الفريق الذي يلعب له امير كمال.
رمضان عجب لم احس به إلّا بعد ان غادر الملعب مستبدلا.
هو كان لاعب؟.
فداسي لعب المنتخب السيراليوني عليه ..وشكل ضغط كبير بناحيته ..وقد استطاع ان يسد خانته لولا مشاركته مع امير كمال في الخطأ الذي تسبب في الهدف الذي ولج الشباك السودانية.
لكن مع ذلك يعتبر معاوية فداسي من نجوم المباراة.
علما ان نجم المباراة الاول كان نزار حامد.
لن نقول ان نزار حامد قدم افضل مبارياته في الفترة الاخيرة لأن نزار عنده الكثير ليقدمه.
وهو قادر على تقديم اضعاف ما يقدمه الآن.
نزار حامد بتألقه هذا اتخيلوا ح يكون كيف مع شيبوب يوم 20 يونيو.
يوم 20 يونيو في شنو؟.
انا ما عارف – لكن شايف جماعتنا ديل بتجاروا عشان يأجلوا ليهم المباراة.
قالوا في (رمضان) سادومبا دا لا بتثبت ولا حاجة.
حقيقة سادومبا عاوز ليه زول فاطر.
ناس امير كمال في الفطر ، كورتهم مجهجه..معقولة يبقى عليهم سادومبا وعطش.
ناس المريخ قالوا ممكن يلعبوا في رمضان لو عصروا عليهم – لكن لو لعبوا (سادومبا) ما يلعب.
قالوا سادومبا مفروض يشارك في الدورة الثانية.
طبعا الخوف دا كلو ما من سادومبا.
الخوف دا كلو من (شيبوب) بس جماعتكم ما قادرين يقولوا كدا.
عشان كدا يشيلوا ويرموا فيها في سادومبا.
بخجلوا يقولوا خايفين من (شيبوب).
على العموم – والكلام دا عندي فيه مستندات ..شيبوب مع البعمل فيه نزار حامد دا …الدفاع الايطالي ما بثبتهم.
شيبوب ونزار حامد والشغيل وابوعاقلة.
وبشه تحت المهاجمين.
وكاريكا وسادومبا قدام.
انتوا جنيتوا.
دا وقت يرجع فيه جمال الوالي.
انتوا ما عندكم رأس.
ناس عصام الحاج ونادر مالك الظاهر عليهم عاوزين ينتهوا من (جمال الوالي).
عاوزين يرجعوه للمريخ قبل اسبوعين من مباراة القمة.
والهلال مولع نار.
جمال الوالي لو شاف نزار حامد امس ما برجع ليكم.
خاصة (شيبوب) مخزن في الخرطوم.
شيبوب جاهز.
وح يكون هناك اخطر ثنائي (طول) في العالم بين نزار حامد وشيبوب.
متعة عديل كدا.
بس الله يجيب لينا يوم 20 يونيو.
يوم 20 يونيو ..رمضان بكون اتقسم.
20 يونيو بوافق 15 رمضان.
العيد جاء.
ناس شيبوب قالوا السنة دي عاوزين يعيدوا من منتصف رمضان.
يجيبوا حلاوتهم.
ويشتروا جديدهم.
ويقسموا خبيزهم.
الفرحة عندنا بتبدأ من يوم 15 رمضان.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
…………..
و
مرة اقول شيبوب ونزار وابوعاقلة.
ومرة اقول شيبوب والشغيل وابوعاقلة.
ومرة اقول نزار وبشه وشيبوب.
وتاني ارجع اقول ثلعبونا.
وشيبولا.
والله بقينا نتلخبط.
ما عارفين الصاح شنو؟.
الله يحفظ لينا الهلال ويبعد عننا الاصابات.
يوم 20 يونيو الله ييجبو لينا.
يوم 10 في كادوقلي.
ويوم 15 في شندي.
ويوم 20 في المقبرة.
وعاوزين جمال الوالي يرجع ليكم.
عشان برجع.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
…………..
السيدة (ل) – بفكر اطلع من الحنين (تلج) في السخانة دي.
وقرّط على كدا.

حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.