في السلك بابكر سلك الجو في كوستي عجب * المهم النقاط وشلناها علها بل عساها ان نكون البداية * نعتبرها بداية برغم ان الآداء غير مقنع * والسبب في الآداء الغير مقنع معروف * اذكر زمان الهلال مشي عسكر في العراق * المرحوم العراق * وفي مباراة إعدادية للهلال بالعراق * الفريق العراقي طق طق ليك ابوالهل زي الباسطة * مدرب الهلال وقتها واثناء جلوسي علي الكنبة جوار إحتياطي الهلال إندهش لآداء العراقيين * جنبوا كان يجلس الكايتن كرار ابوعلي * المدرب قال لكرار شوف بالله الناس ديل بجمل تكتيكية كيف * كرار قال ليهو إنت اديتنا جمل قلنا ليك ابينا …???? * يبقي اولادنا ماتلوموهم الا إذا فقدوا الإصرار والروح واللياقة * لكن من ناحية جمل تكتيكية هم ادوهم جمل تكتيكية وقالوا ابينا * دة سبب الآداء العشوائي * نبارك للاولاد النصر * ونصر ان المريخ في اسوأ حالاته افضل من غيروا في افضل حالاتوا إذا فقد ذلك الغير تحيز التحكيم الفاضح الواضح * يخطئ ولا يظلم * وتحية خااصة لمحمد الرشيد ورمضان عجب وكوفي * نمر جاهز بنفس روح الإصرار نؤدي مباراة الرابطة * ومباراة الرابطة (مشغوووله) تحتاج لشفوت علي المدرجات يملو عين الشمس * مسؤولية شفوت كوستي وربك والوساع والطويلة وتندلتي وماجاورها حتي الجبل بالتضامن من الشفووت والاولتراس والروابظ المتواجدة بالخرطوم ايها الناس يجب ان نمسك بالراية عالية خفاقة * منافس مافي ماتشوفو الزوبعة دي تحكيم نضيف لايخطئ لا يظلم ونمثل البلد دي نحنا واهلي شندي * ياربي كورة ناس روشا في شندي حكمها ابوشنب ولا التمشيطية ولا عبد الباسط * السمعناهو تحت تحت قالوا اولاد المك حكاية نقض الحكم لهدفهم التعادلي الصحيح في الدورة الاولي خلاهم يفكروا في حرق إسماعيل باشا * من حقهم * الظلم ظلمات * وتلاتة نيل شندي بدت تظهر * ايها الناس ان تصاب شباكنا بهدفين فهذه كارثة * برغم انهما خارج الارض ولكنهما داخل الحشا * حقو ناس نمر ديل يشوفوا ليهم جملة تكتيكية للدفاع يمشوا بيها امورهم لمن غرزة يجي المهم إنتصار اعاد بعض الثقة * إهتمام إداري لدرجة إن البعثة يقودها نائب الرئيس بنفسه * إصرار من بعض اللاعبين شفناهوا واضح * ولسة ننتظر دور شفوت المدرجات الكبير ايها الناس الحاصل في موضوع جابسون شنو؟؟ * وإذا مصاب ليه جار النبي قالوا قال جابسون إتعالج وجاهز؟ * وهل إصابته هي نفس إصابة حمودة المنعتوا الكورة عندنا * نفس إصابة الشغيل الطيرتو للهلال! * نفس إصابة كوني بالقلب والخلاهو بلعب لي هسي * نفس إصابة مكسيم مدافعنا الجات في تقرير طبي لي اسي ماعارفين الجابوا منو؟ * ولا المرة دي مصاب جدجد ايها الناس الحاصل في موضوع الشركة الصينية شنو؟ *ماخط هيثرو بتاع جبرة * خط الإثتثمار بتاعنا * الحقل فيهو شنو! !!!! *و …….و. . . .و …… * هو فس ايييييه؟ * والحصل في موضوع غرزة شنو؟ * وبداية الإعداد للموسم الجديد متين؟ ايها الناس! إن تنصروا الله ينصركم * اهااا نجي لي شمارات والي الخرتوم! * كان شفت ياوالينا * الناس إتكلمو فيكم وقالو لينا * قالوا الموية دي غليتكم عديل يا والينا * لا في الماسورة قادرين تدخلوها لينا * لامن احله قادرين تمرقوها لينا سلك كهربا ننساك كيف والكلب راقد في خبوب المطرة ويغني رائعة طارق الامين الموية الموية الموووووية حبيبتي الموية وإلي لقاء .
حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore
